تجمع مَوآليِدْ ديسمبّر 2011

[نـعـومـه]

صباتاتح الخير


شكشوكه

صج عرفت شسالفتج

ان شاءالله مشكلتج نحلت

 

[q8helwa]

شلونكم بنات الله يذكركم بالخير تذكرت التجمع


بسالكم بنات

انا بنتي حيييييل حيييييل

ضعيفه عظامها طالعه

ورحت الطبيب شفت وزنها 7 كيلو

وتوها كملت سبع شهور

بس ضعفها مو طبيعي
والله اوكلها بطاط مهروس وبفك وعيش مع لبن

ابيها تمتن شلون بنات

هاذي اول طفله لي

 

[نـعـومـه]

كويت حلوه

انا بنتي لما طعمتها تطعيم 6 شهور وزنها 6

يمكن الحين 6 ونص صارت وصج ضعيفه بس سشوي اوكلها هذا زولها !

انتي شوفي شلونها مع الحليب تشرب وايد يعني تشرب كميه ؟ تخلص رضعتها دايما ؟

بنتي مودايما تخلص رضعتها وحدها 4 ارقام يمكن عشان جذي ضعيفه

 

[نـعـومـه]

وصج يعتمد شوفي جم يبتيها !؟

 

[q8helwa]

الحمدالله اغلب المرات تخلص الحليب

وتاكل زين ونادر ماتزوع عزكم الله


ومرات نادر ماتشرب الحليب يعني اسويه
جذي عالفاضي


ولما يبتها كان وزنها 3 كيلو

 

[نـعـومـه]

الحمدالله اغلب المرات تخلص الحليب

وتاكل زين ونادر ماتزوع عزكم الله


ومرات نادر ماتشرب الحليب يعني اسويه
جذي عالفاضي


ولما يبتها كان وزنها 3 كيلو

ممممممم معناته زولها جذي موقابله للمتن انتي عطيها شغلات مفيده وان شاءالله تتعافى

 

[q8helwa]

مثل شنو بالضبط

 

[نـعـومـه]

مثل شنو بالضبط

عطيها سيريلاك مره باليوم الصبح العصر بليل كيفج بس شوفي في يهال سببلهم امساك او حساسيه وفي يهال عادي

خضروات جزر بطاط كوسا قرع شوفان عالغدا احسن شي

وفواكه موز او تفاح

كله مره باليوم وفي وصفات وايد بعد مفيده بس هذا اللي اذكره

 

[مواصله]

انا جييييييييت :d

قووه شلووونكم شخبااااركم حدددي ولهاااانه عليكم

احووووبكم

حالتي صعبه من دونكم صج فقدتكم ..مابقى برنامج ماركبته ابي افتح المنتدى

بس هالعقد مادري شسالفتهم

المهم خلاص حطيت برنامج وضبط معاي وان شاءالله بتشوفوني مرابطه هنا كل يوم

بس خل انوم حميييد بو ضرس وارجع اقرى اللي فاتني

صح نسيت ..مبارك عليكم الشهر

 

[مواصله]

كتبت رد شطوله وفي الاخير انقطع الاتصال

المهم شخباركم كللللكم وشلون الكتاكيت ،فلافل شلونج مع الحمل ان شاء الله تمام

ماقدرت اقرى الصفحات كلهم اكثر من 50 صفحه شيخلصهم



انا الشهر اللي فات مثل الكابوس مر علي

حمد جاله فايروس قوي بصدره لدرجة انه نقص عنده الاكسجين ويالله يتنفس

وكحته تقطع القلب حتى صياح مايقدر يصيح ..جربنا اكثر من كورس علاج ماستفاد شي

وحتى البخار مافاده كل يوم بالاسعاف والا بالمستوصف

اخر شيئ قالت الاستشاريه بتعطيه علاج مكثف بالبخار كورتيزون مع الفولنتلين والمضادات

يالله خف

الحمدلله توه قبل اسبوع صار احسن والحين صاير دلووع الخايس

تعلم ع الدلال والدلع وكل شي يبيه والا بيعضنا بربع الضرس اللي طالع له ههههههههه

ولا حبى بعده و طلع له حس صار يخربط بالكلام ويبي يتحكم بكل شي

 

[Lulu_Perla]

قوة شلونكم..؟؟؟؟؟؟؟؟؟

شكشوووك
الله يسهل امورج


مواصلة
ولكم بااااااااااااااااااك يا هلا و غلا
شخبارج عساج بخير..؟؟!

 

[نـعـومـه]

مواصله

هلا هلا هلا نورتي

زييبييين اشوه صج فقدناج

حبيبي حمود تعب حيل الحمدالله علئ سلامته

 

[q8helwa]

مشكورة نعومة ماقصرتي

 

[!الجادل الصعب!]

مواصله
هلا ي قلبي حياج الله فقدناج

م يشوف شر حمودي نفس هالحاله بالضبط صارت لي مع سعود وكان عمره ٤ شهور
والحمدلله ربج كريم



كويت
جربي عطيها رضعة حلبه مره وجده باليوم تقوي عظمها وتمتنها شوي

 

[مواصله]

الله يحييكم ويسلمكم

قولولي شمسوين خلصتو حق القرقيعان والعيد

انا القرقيعان ماسويت شيء والعيد اشتريت كم شغله ياحلاة تجهيز الاولاد سهل بسرعه تلاقين

اما البنات الله يحفظهم احس اصعب خصوصا عمر بناتي

 

[نـعـومـه]

مواصله
ا القرقيعان استلمته بس باقي احط الحلاو فيه واغلفه بسولفان لانه قرقيعاني شغل ايد اخاف تتفجج اغراضه

ونفنوف بنتي خلص بس يبيله تضبيط

انا بدلتي جاهزه

العيد قبل يومين رحت اخذت بدله من معرض بس يبيلها تضبيط وبلبس ذهبي وباقي جوتي وشيله

بنتي للحين ماشريتلها للعيد

يعني يبيلي شغل اروح اشتري حلاو واغلف وغير العيد ماشريت لبنتي ومصور بصورلها بلبس القرقيعان وبروح صالون احف وهالخرابيط
حووووسه حدي
ا

 

[قمورة الكويت]

السلام عليكم


مواصله
ياهلا والله
شلووونج صج فقدناج لج وحشه
مايشوف شر حبيبي حمودي سلامته






شك شك
الله يعدي امورج على خير ياااارب

 

[قمورة الكويت]

نعومه
من وين خذيتي قرقيعان


انا خلصت للعيد لي ولفهود امس رحت المباركيه وفصلت له عند محلات الفضه بزمه ومسباح حيييييل ارخص من الحريم روحو شوفوهم ونفس الشغل وشريت له عقال وغتره وبشت
والحين يبيلي بدله كشخه له بعد مادري من وين اخذله مليت من مذركير وسنتر

وماشريت له لبس للقرقيعان بعد مافي شي حلو

 

[قمورة الكويت]

لقيت قرقيعان عند وحده يهبل غريب على شكل حلاو ماكنتوش بس اللي مرددني عليه الحجم هههههه كبير حيل

 

[قمورة الكويت]

عنوق
حلو هالقرقيعان شكراااا
ذرب حيل