تجمع مَوآليِدْ ديسمبّر 2011

[قطيف]

هلا و غلا بناااات و تسلموا لي يالغاليااات جمعة مباركة و مبارك عليكم الشهر و الله يبلغكم و يبلغنا صيامه و قيامه اقرأ سوالفكم و حسيت بحلاوة الشهر الكريم والله حلاته بالجمعات و الزوارات , بس انا تووي راجعة من أهلي و ما بنزل إلا نهاية الشهر يعني ماقبالي إلا ريلي و ولدي نسيت أقولكم رحنا مكة 8 آيام استناسنا حييييل الله يكتبها للجميع يارب و بعد العيد مقررين نروح المدينة نفس الوقت الي رحنا فيه العام الماضي بنات بسألكم , ولدي سنن و خلص بس امس متأذي من الإسهال و يحط إيده على اذونه يعني نفس حركته لما سنن , لا يكون بيطلعون له أسنان جديدة !!! متى الأسنان الثانية تطلع و يتأذى الياهل منها بعد لو لأ و الله انقرفت من هالتسنين >

 

[قطيف]

بنات حطوا لي اسمائكم في الانستغرام , التواصل أسرع ..

 

[نـعـومـه]

مباااااااارك عليكم الشهر وكل عام وانتو بخير يا احلى تجمع

ثاني رمضان مع بعض ماشاءالله وان شاءالله دايماا نتواصل

 

[Lulu_Perla]

مبارك عليكم الشهر حبيباتي

هالسنة رمضان مادري شلون صاير ماله طعم
امس لبست دراعتي مع ان الكل قالي حلوة حسيت روحي فيل قاعد قطيتها و رديت على ميني دراعه و ليقن اللي تفطرت فيهم


احلى شي دعاية صالون سعيدة برينسيس
من صجهم ولا يتغشمرون على هالمكياج البايخ..؟!
لوووووووووووووووووووول

 

[عنـــآق ..!]

علينا وعليكم يتباررررررك 


بالضبط بريق رمضان هذا كلش ماله طعم
ما ادري ليش


اخباري اول يوم رمضااان كنت كاااااشخه
من قلب الصدمههههه نزلت ولا حريم حمواني
قسم بالله بدل قديمه غريبههههههه
كل رمضان يكشخووون هالمره منصدمه منهم
الكل مره وحده و كنت مطنقره ما وداني السوق اخذ
لبنتي بانده ولا صندل تكرمووون فـ اضطريت
اني الببسها قديم اشوه ركبو مع بدلتهاااا




اهم شي حسيت نفسي امس جني عروووسهه
ههههههههههههههههههههههه




عطوووني حافز اكشخ اكثر اليوووم هههههههههه




بنات نبي فناتك لولو حطي لنا اطباق بارده
اذا تعرفييين

 

[!الجادل الصعب!]

عبادي مصخن ولحد الحين م كشخت عدل
اللهم امس رحت اسلم بعباتي جديده من الخبر غيره لا
حمواتي تحت وجمعه نزلت بدراعه عمليه شوي وغثني عبادي يحن صعدت
ياربي يشفيه

 

[قمورة الكويت]

السلام عليكم

مبارك عليكم الشهر يا حبايبي وكل عام وانتوا بخير
لو انها متاخره



صايره اقرا ومالي خلق اكتب خخخ



عنوق نفسي
كشخت وتحسفت اول يوم هههه انا ماعندي احد اكشخله استحيت على وجهي قاعده ع الفطور وكاشخه وجدامي شباب فشله






لاهيه بالقرقيعان
بسوي اوردر لفهود مسباح وبزمات على اسمه وسم العايله ويمكن اسوي قلم
كل ما يعجبني قرقيعان احس حجمه كبير اتخيل شكلي داشه ع الناس ومعاي قش ودي شي نعوم صغير وذرب مادري شلون

 

[قمورة الكويت]

كنت احاتي الدوره تنزل هالشهر لاني خربطت بالحبوب حيييييل هالمره والحمدلله نزلت وارتحت كنت شايله هم
نزلت اول يوم رمضان الساعه ٦ ونص ههههههه انقهرت استغفر الله قاعده بالمطبخ واكرف تعبت

 

[عنـــآق ..!]

-






جوجوووو ..


افااااا الله يشافييييه و يخليه لج
هذا وقتهم تسنين  .



قموووره . .
هههههههههههههه حدي اشتطيت عالكشخه
شوفي هالقرقيعان عجبني مجكنم و ذرب . .

 

[نـعـومـه]

صباح الخير


انتو نفسي انا اول يوم كاشخه واخر شي نصهم مايو
عالفطور

حمواتي متفطرين بين اهل زوجهم ومرت حماي مويايه بيون عقب الفطور وانا تفطرت قعدت ساعه ونص وعقبها رحت شقتي اغير ملابس بنتي وعلى حظي فصلت دايخه وصراااخ وانا متنرفزه بروح بيت يدي يالله هدت وصلت بيت يدي ساعه 11 هههههه اخذت راحتي وبنتي اخترعت من الاوادم بجي بجي ماكو فايده كله اطلعها وصبح بيت حماتي يعني تشوف بشر وهم تخاف

 

[نـعـومـه]

الجادل
فديته مايشوف شر من التسنين


بريق

يقلدون الشرقيه خةههههههه



عناق قموره
اتخيل شكلكم ههههههههه كاشخين وناس عادي ماحب هالموقف

 

[نـعـومـه]

على طاري القرقيعان باركولي حصلت اللي ابيه ههههه

اليهال اخذتلهمم بسيط اما الكبار شوي شغل مجسم وفيه من تراث الكويت والله يعين عالشيل والنقل من السياره لي زالبيت اللي بنقرقع فيه ٣ بيوت تعب

 

[Lulu_Perla]

واي عيل شقول انا مسوية صناديق دزة شثقلهم
مادري شلون بقدمهم
كنت بسوي عربانة خشب تفصال احط القرقيعان داخلهم
بس بعدين قلت خل يولووووووووون بصفه بطاولة و اخلي ريلي يوديلهم او الخدامة توزع و انا اوزع الصواني بس
و الله يعين

 

[Lulu_Perla]

بنات متحبطة
ابي ريجيم سنع يضعفني

اول يوم ماكليت شي الا السلطة و الشوربة و انتفخخخخخت حسيت جني ماكلة بعير
امس كليت سلطة و هريسة نجبت لي قفشة وحدة بس و كليت جم حبة كبة يمكن 5 حبات وزنت الصبح زايد وزني

شسوي بروحي تعبت من الريجيم

 

[نـعـومـه]

ههههههههههه حلوووه الله يعدي القرقيعان على خير بس

بغيت اسألج انتي جنه شريتيلهم حلويات طقه سمسميه فواكه مجففه جذي ؟


بناااات وين احصل هالسوالف !؟ ابي اعطي حريم الكبار طقه سمسميه مكسرات جذي مابي حلاو عادي اعطيهم

 

[!الجادل الصعب!]

بريق
ا تلتزمين بنظام معين او تشتركين بدايت سنتر عشان يبين معاج الضعف
نعومه
مادري والله وين هالسوالف

اي حبيبي
تعبان من التسنين

 

[عنـــآق ..!]

محسودين محسودين محسودين 
وينكم حيل نمتوووو ..
بنات غسلت تكرمون من الدوره الجمعه ..
و اموري تمام الحمدلله توني قعدت
ولا نازله مره ثانيييه تكرمووووووون 
ليش اول مره جذي . .

 

[نـعـومـه]

صباح الخير


عناق صح لسانج محسودين شنو هذا يمر يومين ثلاث صفحه ماتغير

اكتب رد اغيب 6 ولا 7 ساعات محد داش !!!!

ردو مثل قبل

شكشوكه مومبينه كلش ؟!؟

دلول بعد ؟!؟

فلافل يمكن شهر مادشت !!!

مواصله ان شاءالله يفتحون المنتدى عندهم

باجي البنات بعد ماقامو يطلون مثل قبل

ممممم اتوقع عادي هرمونات انا صار فيني جذي بس اذا حسيتي شي زاد عن حده راجعي طبيب

 

[!الجادل الصعب!]

قووة بنات

اعدروني من بدا رمضان وانا مومترقعه عيالي مصاخين
اليوم سعود بعد تعب علي والله يشفيهم ي رب




عناق عادي يمكن م نظفتي تمام ونزلت مع الحركه

 

[shak!shoka]

شلونكم بنات



مبارك عليكم الشهر



نعومه ما تفقدين غالي يا قلبي



انا لاااااهيه حدييي



و امر بظروف خايسه حيل



ادعولي الله يسهل اموري
والله تعبانه





انشالله ادش ع رواقه واسولف معاكم عدل