تجمع مواليدديسمبر2011ومواليديناير2012

[توحه1]

ان شاء الله القادم افضل

 

[توحه1]

صباح الخير

 

[توحه1]

وينكم يالقاطعين

 

[al505a]

بيه
اا قلت طافتني سوالف
شخباركم ك

توحة وين لي لي ماتغيب هلكثر

لي لي وينج

توحة شلونج

طرشيلي فطور

 

[توحه1]

الحمدالله انا بخير خوخه
فطوري كان مكبوس لحم وشوربة خضار وشوية مقالي كبب وسمبوسه وسلطة
فتوش وسلطة جرجير
ولبن وهرده وتمر
اما مع الشاي بعد ساعه من الفطور نفرش سفرة الحلو جلي وكريم كرمل والقيمات وقطايف ودلة الشاي وسلامتج وتعيشين
اما السحور كان بخاطري طلياني بس سويت نقانق وبطاط شبس وطبق ثاني بيض مخلوط وجبن وزيتونات وبس والحين بشرب ماي وانام

 

[al505a]

بلعافيه توحة
الله يعودج يارب ويعودنا
ويخلي عيالنا

 

[Le chat]

اهلين خوخه انا كاني بس انشغلت جنوي ردوها المستشفى وامس طلعوها شخبارج انتي
شكلكم لاهين بالقرقيعان وحوسه العيد الله يعينكم

 

[توحه1]

الله يعافيج من كل شر خوخه
لي لي شصار عليها ولي متى
انا الحين لاهيه اخذلقطات حق اليهال كلهم قبل شهر تقريبا اخذت بس حق يويو الصغير واليوم باذ ن الله كلهام بصورهم ودي اخذ ٣ لقطات جماعيه ولقطتين عائليه ولقطه لكل يويو تقريبا ٩ لقطات كافي لان باخذ لقطتين بعدين حق العيد وبس وبعدها بشهرين بصور ان شاء الله
وعلى القرقيعان لمن الحين ماشريت مادري ليش فاچه مالي خلق حوسه وعندي فكرتين ولي الحين مومستقره على راي بس اخلص التصوير نشوف ومابقى شي دورة هالجمعه القرقيعان

 

[Le chat]

ماصار توحه بس جذي روتين يراقبونها ماعليها الا العافيه
والله زين تسوين ياحلو الصور ذكرى انا ان شاء الله لي رديت ضروري اصور بكرشتي واصور جنوي
يلا توحه حسدنااج تلحلحي مابقا شي عالقرقيعان ان شاء الله يطلع احلى قرقيعان سويتيه

 

[حنان المحبه]

السلام عليكم
شخباركم ؟؟؟
هلا خوختنااا
شلونج وشخبارچ ؟؟؟ انا الحمدلله تمام … بس حايسه مع عيالي مراضى وحساسيه هبت بعيونهم كلهم جنهم ناقعين بحمام سباحه واستعملنا علاج ٤ ايام ومافادهم وعقب عطونا تحويل للعيون وغير العلاج والحمدلله احسن بواجد من غير السخونه مع بعض يطيحون وتشوفيني احط كمادات لواحد واروح اسوي سحوري وارجع اغيرها واحط لثاني كمادات تلعوزت وياهم وكسروا خاطري مافيهم حيل والخين الحمدلله طيبين وبخير بكمل عالمضاد والقطرات للعين
توحه
شخبارج واخبار الحلوين وياج ؟؟؟
خوش فطور تسلم ايدينج
لي لي
شخبارچ حبيبتي وشنو سويتي ماراجعتي للحمال عندهم … وشنو قالوا لجنوي الحين ؟؟؟؟
عسى الله ييسر امورچ ويكتب لچ كل مافيه خير لچ ولجنوي وابوها
صج بنات حجزت من وحده تسوي نفيش اليوم ان شاءالله مسويه نون لولدي اصور واوريكم ان شاءالله توحه طلعلنا اسنان اللي تحت حلاتها تهبل صغاااااار

 

[توحه1]

كلوووووش نونو طلع حق رفيجنا سنون نون نون واخيرا الحلو طلع اسنون كلوووووش والفال حق القعده والحباي

 

[Le chat]

حلااااته اللذيذ بوضرووس الف مبروك حبي
لا ماراجعت بس سويت السونار الي اول شي وبس ماراح اسوي شي ثاني وجنوي تماام بس الحين ماتنام الا ومركبتلها مال الاكسجين لانه اكسجينها ينزل لي نامت ماادري ليش
امبي بنااات انا غبيه اليوم يايه بسوي سحور وله احس بدفا صوب الجوله اهي كهربا المهم حطيت ايدي وله الجوله مفتوحه واااي اصابيعي احترقو ويلدي تكرمش طار قلبي الحين حاطه معجون وخايفه اشيله واشوف شصار بايدي احس تخرع

 

[توحه1]

خطاج السو لي لي
حطي كريم ميبو وايد زين اواي كريم بالسمسم
مومنج الله يكون بعونج مدوده

 

[Le chat]

عطاني مال الصيدليه جل ماادري شنو المهم الحين وايد احسن الحمدلله

 

[توحه1]

الف الحمدالله على كل حال الله يكافينا نار جهنم ويكتبنا من سكان الجنه الاهي امين اجمعين باذن الله

 

[Le chat]

اي والله صدقتي اللهم امين يااارب

 

[توحه1]

صباح الخير ياهلي وناسي

 

[حنان المحبه]

صباح الأ شطه ياأشطه.....
توحه ولي لي ياحياتي تسلمون … سويتله حفله صغيييييره واستانسوا عيال اخواني وخواتي ويانا وغنوله ((( نون نون طلع لجراح سنون )))) ياحلوهم مستانسين
لي لي
خطاچ الشر ياعمري شفت صورت اصابعچ اسم الله عليچ … ديري بالچ على نفسچ عسى الله يحفظچ
توحه
هاه خلصتي قرقيعان ولا لسى
توحه ولدي ليما الحين على بطنه يقحص بس اذاني عالفطور يسحب السفره مالت الاكل

 

[توحه1]

سلم قلبه جراح ربي يحرسه لج
عادي ترى موشرط يحبي الياهل عادي يزحف وبعد فتره تشوفينه يرفع نفسه ودايركت يوقف الحبو موشي اساسي
انا يويو مايحبي لي الحين داش التجنيد فقط زحف اسم الله عليه
شلونكم مع الاستغرام منو المميزات فيه حطوالنا نكاتهم خل نشوف اختي لي الحين تقوم وتقعد وتمدح بافنانيتو
وهاذي مالت علاج الشعر بالجرجير
وbakerist
Caketimekw
Wafaa135
Mshaelartist
وانتوا منوا ؟؟؟؟؟

 

[Le chat]

حلات سنونه والله عيل صار سنجوب فديته
اخيييه شفتي شلون تكرمشو اناملي الذهبيه الحمدلله الي راح العوار امبي اول يووم يذبح العوار الي نايمه وحاطه ايدي بماي وثلج ماقدرت اطلعهم يلا الحمدلله عالسلامه
تصدقون بنات النساة ليما الحين مجلبه فيني وبزووود خخخخخخخخ ريلي قام يسميني سحليه من كثر ماافاقق من اللوعه مجرم