تجمع مواليدديسمبر2011ومواليديناير2012

[Le chat]

توحه بنت اخوي جذي كانت كله تزحف لانه اول فرحتنا فمن ايد لي ايد بس من قلتلهم حطوها عالارض لاتشيلونها اسبوعين جان تحبي لاتشيلون الياهل وايد
افنان تينن وبعد عندها رفيجتها الحين اطلعلج اسمها تسوي اشياء سهله وهم في وحده تسوي بوب كيك هم خل اروح اييب اسمها واشوفلج منو التوب عندي

 

[Le chat]

هذيل الي اكثر شي عجبوني

@alshaya @onemorebite_q8 @daleeelelmukhtasar @fnatig @sunshine_bling @art2art_ @adaraq8*

 

[عسووولــــة]

شخباركم امهات

مبروووووك حنون عقبال سنون الي فوق بس واااايد يتعب

لي لي ماتشوفي شر ان شاءالله حبيبتي

توحة شخبارج وكيف يويو رفيج عيالنا

خوخة شخبارج حبيبتي

 

[توحه1]

الحمدالله انا ويويواتي بخير نحمده ونشكر فضله على كل نعمه

 

[توحه1]

قرقيعان وقرقيعان بيت قصير في رميضان. عادت عليكم صيام كل سنه وكل عام
سلم جنوي يالله ربي يشفيها ان شاالله
سلم جراح خله لامه يالله
وهمن حمود وعباس وحسين وعلي الزين
سلم حمزه فرحة امه
سلم يويو ربي يحرسه من كل عين
وكل عيالنا ان شاء الله

 

[miss_Ba6oOo6a]

اهلا بنات
سوري علا القطاعه حياتي صارت انسقرام لوووووووول

تحصلون كل اخباري وشغلي هناك miss_ba6ooo6a
بس وضحولي منو كتبو النك بالمنتدى الي معاي علا طوول ام جنون
وجم وحده من بنات دوانيه شنو الهبة
بنتي كملت 6 شهوور كل شي اوكلها عندها تطعيم يخلص القرقيعان واطعمها انشالله صايرة تقعد بس نسندها
احطها بالدرايه بس ليلحينها قزمه لووول وطبعا علا هاللويه ماكو اسنان ليلحين
ضيفوني بنات لان ما قمت اشبك وايد

 

[عسووولــــة]

السلام عليكم امهات

شخباركم ؟؟؟؟

اشتقتلكم حييييييييييييييييل

 

[توحه1]

حبيبتي احنا بخير ياعسوله شخبارج

 

[LaBella]

صباح الخير والنوير

سلامتج ام جنوي شلونج وشلون الحلوه ربي يحفظها ؟؟

توحه واي حلاته يويو الله يخليه لج شوقتيني عالتصوير

حنان المحبه عالبررررررركه التسنن تبارك الرحمن
الفال لنا يااااااااااارب وليدي فقير من الرابع واهو يعاني مع هالضروس وللحين مو راضين يطلعون داش الثامن الحين :\

عسوله شلووونج حبيبتي


مس بطووطه ههه صاجه الانستغرام ماخذ وقت الكل



هذيله اللي احب اتابعهم بالانستا :

ilsul6ana , meblogging ,decor_tips , fanateeek

 

[توحه1]

هلابموزه ولدج فيه نقص كالسيو روحيً چيكي عليه
يافوخه تسكر ولا لا


انا يويوي قام شويه يحبي شوي ويكمل زحف الله يحفظه

 

[LaBella]

توحه لا تخرعيني :"(
لا للحين ماتسكر انا اخاف اجيسه بس اتوقع صاير صغيير

 

[منـــاي]

لكم وحشه حلات سوالفكم تفتح النفس الله يحفظكم و يحفظ الكتاكيت الي بدوا يسننون

 

[عسووولــــة]

توحة :الحمدالله حبيبتي

اقولج انا الحين بالاسبوع 15 احسن اسبوع اروح اشيك ع بيبي متى ؟؟؟


هلا والله بموووزة شخبارج بعد عمري ؟؟

لي لي شخبارج حبوبة انتي وينج عسى المانع خير حبيت اتطم عليج شبخار جنونة وبيبي << الله يعطيكم الصحة والعافية وتردون بسلامة اميييييين يارب

بربيرة اشلونج حبيبتي واشلون يهال ؟؟

خوخة وحنون وبنت وباقي البنات وينكم؟؟؟

 

[توحه1]

عسوله روحي وبلغينا بنت ولا ولد
هلا بربيره اخبارج
واخبار فطومه وبربيرج

 

[منـــاي]

اهلا عسوله وتحتوه

توحه لازم نعطيج نجمه للانضباط لووول بصراحه ملتزمه بالحضور و حضورج عسل :*

انا تمام وامورها كلها عالي العال حسينوتي طلعله ضرسين واخته تحبه لطالما ما ابوسه ولا اشيله جدامها

واممم شنو بعد لي باك ...

 

[منـــاي]

اي وخلصت شغل العيد وافتكيت بس باجي تكرمون جوتي قطوتي

ودي احطلكم صورة ولدي بس مو شابكه من ايفوني وعفسه , بنات جم وحده فلتها وحملت

عسوله روحي الحين يبين انشاءالله بس روحي عند دكتور شاطر يمدحون اشرف بالسلام او دزي حق توحه سونار البيبي

واهي تقولج جنسه لوووووول ولو انها غلطت بحسينوتي وتوقعت انها بنوته وااااي ايااااااااااام تيييننن والله احلى ايام حياتي

 

[توحه1]

صاجه بربيره والله احلا ايامي وعدة بسرعه

 

[توحه1]

انا خلصة
هدوم اليويوات وكل اغراض اما بالنسبه لي فماشريت شي وووزني 83 واقف والسوق موزود للرشيقات الي مثلي وماحب بالعيد البس شلاح احب البس لبس كشخه ورزه كاني عروس بس الجسم عذاب
رحت سوق شرق والمهلب خلصتهم وين تنصحون اروح للي نفس جسمي قصيره ومدربحه كاني خيشة بطاط عجبوني كم قطعه بالمهلب ومقاسهم اكبر شي 44 وانا مقاس 46 و48
اكسين لارج
رقم 4 او 5
ها وشنو اللون خل القا لبس عشان امشي مع الموضه والاوان الهبه لووووول

 

[توحه1]

ناطرتكم حبايبي وعن جد والي عندها فكره تبلغني

 

[منـــاي]

تحتوحه ظعفي شوراج لووول والله اتوقع احلى شي تروحين تفصلين بس تاخرتي حيل اف عاد فرة السوق تكسر الظهر