تجمع مواليدديسمبر2011ومواليديناير2012

[توحه1]

صاجه بربيره
وانا طبيعتي شينه اذا لقيت شي وعجبني وقسته واوكي اخليه وافر السوقه كلها واقارن واذا ماحصلة غيره اردله
وانا اموووت بالتفصيل غرامي واحب ادخل خامات وهالشغل بس ودي اشوف السوق وبعدها اروح افصل مادري ليش هالسنه فيني برووود وكسل مع ان العام حامل وكنت بالشهر الرابع او الخامس بس والله انشط واسرع من جذي
القرقيعان يوم القرقيعان قررت وسويته والحمدالله عجب الكل واهم شي انا هههه
الفال لبدلة العيد كل سنه مااكمل نصف الشهر الاكل شي جاهز اوباقي الاكسسوارات اما هالسنه كسل ورباده

 

[LaBella]

توحه حبيبتي روحي الافينيوز فيه محلات شكثر حق الرشيقات لول طبي وتخيري

شوفي بعد محل اسمه دورثي عنده سوالف حلوه ... وشوفي جست كفالي عنده اشياء وسيعه وذربه

انا حق العيد غالبا اخذ من الثريا واذا عندي وقت طويل طلبت من النت بس على قولتكم هـ رمضان كلش مالنا خلق مادري كسل استغفر الله

واحتمال كبير اسافر بالعيد واحاتي وليدي مادري شلون بعابل فيه بالسفر ؟؟ :\

 

[عسووولــــة]

بربيرة الله يخليلج عيالج ان شاءالله وتفرحي فيهم

توحة حبيبتي ماكو وقت باقي اسبوع ع العيد

انا حمدالله خلصت تقريبا كل شيء بس باقي لي شوز وبيجامات لانة بعد العيد اريد افاجىء زوجي برحلة الي دبي مع بعض شهر عسل يديد
وبعد ولدي ما شريت له ملابس العيد ان شاءالله خلال هالايام احاول اخلص كل شيء

 

[عسووولــــة]

موزة شخبارج حبيبتي

 

[LaBella]

عسوله هلالالالالا والله بخير حبيبتي وانتي شلونج عالبركه الحمال ربي يتمم عليج
واي انا متشوقه احمل بس ناويه انطر لما احج هالسنه ان شاءالله وودي اجابل شيخ الشباب شويه


مناي شلونج حلاته حسين الله يحفظه ويبلغج فيه

 

[عسووولــــة]

ويييييييييية موووزة انتي تحاتي ولدج وانا احاتي حمالي كيف اريد اسافر بس الله ودي اغير جو تعبت نفسيتنا

 

[عسووولــــة]

الله يبارك في حياتج حبيبتي

ان شاءالله الله يرزقج بالحمل الشافي المعافي حبيبتي <<لا تنسينا بالدعاء

 

[LaBella]

عسوله لا تحاتين ان شاءالله السفر مافيه شي خطر عالحامل بس اهم شي اهتمي بعمرج ولا تراكضين و تشيلين اشيا ثقيله وربي ييسر امورج ...


ليش ما تخلين شهرج العسل بعد ولادتج جنه اونس عشان تاخذين راحتج اكثر

 

[عسووولــــة]

ولادتي السنة اليديدة وانا ودي اطلع الحين ان شاءالله بعد الولادة هم اخطط حق طلعة ثانية باذن الله

 

[عسووولــــة]

تعرفي اشلون الحامل نفسيتها عشان شذية ودي اغير

 

[توحه1]

الله يكون بعونكم انا ودي اقط الحبوب بس متردده وايد
ودي انطر لمن يكمل سنه وبعدين اقطهم وودي الحين انا باجر لازم ابلع الحبوب ها شقولتكم اهد ولا لا ويويو عمره 8 شهور الحين انطرلمن يكمل سنه ولا شرايكم

 

[LaBella]

توحه لا نطري وياي نكمل السنه عالاقل

والله انتي شوفي اللي يريحج ويريح جسمج وربي يسهل عليج ان شاءالله ويكتب لج الي فيه الخير



عسوله عيل روحي استمتعي حبيبتي ولا تحاتين شي وكلي امرج لله

 

[توحه1]

واح انطر باذن الله اكمل سنه خل يكبر وعقب ترد الفيتامينات والبروتينات بجسمي عشان اقدر اتحمل اليويو الجديد

تدرون من الحين محتاره شنو بسمي ولدي القادم هههه
ياسين ويوسف ياسر ويونس الياي ولد شنواسميه لوووول ((انت حملي بالاول ذاك الساع سمييه))
اسميه اسميه
لوبنت بخاطري ياسمين او سديم بس ولد اسمه محيرني حيرتكم
مو

 

[Le chat]

توحه يعقوب حلو بس ان شاء الله الياي بنوته

 

[Le chat]

موجز الانباء .. جنوي ركبولها بربيش مؤقت بخشمها حق الحليب ولازم نفتحلها فتحه ببطنها حق التغذيه لانه لما ترضع الحليب يروح بمجرى التنفس وينزل عالرئه وووووبس ماكو شي ثاني احتمال نرد الكويت لانه ماكو ثاني يقدرون يسوونه لها

 

[منـــاي]

لي جات الله يردكم بالسلامه و يقوم جنوي بالسلامه يارب

توحه انتو عايلة السينات كله حرف السين انا من رايي نطري مو عشان شي

بس عشان تعطين البيبي حقه من وقت وجهد واهتمام ولا يصير الموضوع لويه وعفسه وتالي تتحسفين

 

[توحه1]

بربيره انا بين الاول والثاني سنه وشوي
وبين الثاني والثالث سنتين ونص
وبين الثالث والرابع ٦ سنوات
وحاطه ببالي يكمل سنه يويوي وبعدها افكر اقط الحبوب وانا على يويوي قطيت الحبوب وبعدسنه حملت مادري نفسيا ولا من المتن ولا من التفكير

لي لي ترجعين بالسلامه والله يكون بعون جنونه ويشافيها ربي بحق هاليالي الفضيله ويشفي كل مريض بعايلة تجمعنا

 

[توحه1]

دورولي. اسامي تبداء بحرف ((ي))
والاسم فيه حرف (( س))

 

[Le chat]

هههههههههههه توحه طلباتج تعجيزيه شرايج تكسرين القاعده وتسمينه شي بعيييييد مافي لا ياء ولا سين

 

[Le chat]

عندج يسلم - يسر - يسوع خخخخخخخخ مادري حلال نسمي يسوع اهو من اسماء سيدنا عيسى