تجمع مواليدديسمبر2011ومواليديناير2012

[توحه1]

عسول انا بالانتظار لسماع الاخبار الطيبه

 

[منـــاي]

قوه اشلون تجمعنا الحلو احس العموم مشغول بتجهيزات العييد

 

[توحه1]

اي بربيره مابقه الا كم يوم ويخلص الشهر الفضيل والاغلب على الرتووش الاخيره يدور

 

[عسووولــــة]

هلا توحة حبيبتي

تصدقين امس نزل مني ماي شفاف وفية ابيض اخترعت والله من الخرعة جلست اضحك جاتني حاله هستيرية

المهم حبيبتي رحت على طول مع الطبيبة وقالت عنق الرحم ما بين نزل منة ماي احتمال عندج التهاب متجمع وبسبب ظغط بيبي

نزل فهمتي اشلون وقالت بعد تاخذ عينة من الافرازات وقالت عندج التهاب كثير <<

وعطتني تحاميل وكريم وبعد اخذو مني عينة دم عشان الفحص وقالت اذا زاد التهاب نضطر نزل الجنين واذا نزل معاج ماي للمرة الثانية

على طول تجي معاي الله يستر وان شاءالله خير يارحمن بس بروح مع دكتورة ثانية عشان اتاكد على صحة بيبي وبعد صح تذكرت قالت مبين البيبي كلش

زين وماي الجنين كويسة مافي نقص بس للاطمئنان بروح مع دكتورة ثانية

 

[Le chat]

عسوله من صجها هالدكتوره؟ انا بجنوي كله ينزل مني ماي محد قالي التهاب ولا قالولي ننزل البيبي وهالحمله نفس الشي منو دكتورتج؟ روحي عند احداني تاكدي

 

[Le chat]

والاحسن تروحين الحكومه انا ماقمت اضمن الخاص

 

[توحه1]

عسول انا افرازات وماي عادي
بس اذا في حكه وريحه هذا موعادي روحي دكتوره ثانيه افضل

 

[al505a]

شخباركم

ام حموزي ماعليج شران شاء الله مافي شي.


الحمدلله على سلامتكم لي لي
فرحت بردتج
الحمدلله ربا العالمين
شخبار جنونة الحين


توحة شلونج الله يرزقج بالبنية اللي تتمنينها ويرزقني

بوبو شخبارج

حنونة شخبارج عساج بخير

بنت شخباج

 

[منـــاي]

اهلا بالطش والرش اهلا فطوووووووووووووووم

انا متضايقه صديقتي في مصيبه ادعولها الله يفرجها عسى دعائكم يكون مستجاب والله ما عرفت اصلي بخشوع من سمعت بمصيبتها

عموما انتو اشلووونكم و شخباركم خنسولف نفضفض نفرفش احس التجمع كلمن لاهي عنه

 

[منـــاي]

بنات الي حملوا الف مبروك

منو ودها تحمل وشنو ودكم تيبووون ؟ اعترفوا

 

[عسووولــــة]

لي لي ان شاءالله اليوم بروح اتاكد اكثر <<< فرحتيني والله وان شاءالله خير وبعد خالتي قالت نفس كلامج

توحة اي عندي حكة شوي بس هي كتبت من الصيدلية واخذتها

هلا هلا خوخة شخبارج حبيبتي

مناي :yaaaaaarb:الله يفرج كربتها يارب ،، اللهم اجرها في مصيبتها وواخلف لها خيرا منها اللهم اميييييييييين

 

[Le chat]

الله يسلمج خوخه الحمدلله زينه يايزلها جو الكويت
بوبو الله يآجرها بمصيبتها ويخلفها خيرا منها .. انا بخاطري بنوته ورا العيد اسوي سونار واتاكد والي ايي من الله حياه الله
عسوله ماعليج شر ان شاء الله بس دام في حكه يمكن التهاب بسيط لا تستعملين الغسول وايد مره او مرتين بالاسبوع كافي ترا هذا الي يسبب الالتهابات

 

[توحه1]

شخباركم مشكورين على الدعوهانا ويويواتي بخير
صحه وسلام بفضل الله سبحانه
واتمنى احمل بس لمن يكمل يويوي سنه باذن الله واتمنى انجب بنت بفضل الله ودعاكم ان شااء الله
واليوم شريت بدله ذربه عمليه حق ثاني يوم العيد من بارمود

واي وزني والحمد الله نزل حبتين ووصلت ٨١ كلللوش واالفال حق ٦٦
وبعد شنو ودي بجنطه ماركه بس ماتتعدى ١٠٠ دينار شنو تنصحوني ووين القاها ابي همتكم
ناطرتكم اوكي
وابي شي توه نازل احب الحجم الوسط
ماحب الكروس
ودي بسوده عندي بني محروق
وعندي وحده درجات البيج بالوردي الوسخ
وعندي حمره
وعندي رمادي
وعندي بيج السكري العسلي
وعندي كحلي
بس موملوت هالسنه اقدم وحده صالها ٤ سنوات واجددوحده صالها ٦ شهور شريتها

 

[q8ya حتى النخاع]

مادري من وين ابلش
اول شي ولهت عليكم كلكم
وداشه مخصوص حق بوبو لو شات عشان اباركلها بالرده لديره
انا هم كنت مسافره عند اهلي و صارلي اسبوع من ييت
سبحان الله من نتزوج ماترتاحين غير في بيتج لو شنو
بس بنات ما قلكم شعور اهلي بس شافو ولدي اول مره
اول حفيد طايرين فيه سما خلا مكان شكبره عليهم مناك خذيت اجازه امومه
يغسلون يوكلون ينومون ههههه
عسوله طمنينا عنج باجر و دكتوره الله يهداها ليش احسها دفشه
شكو تصدمج وتفاول الله لا يقول
توحه حبيبتي مبارك عليج و علي كللل لبنات و بالنسبه للجناط ماعندي خلفيه علي مواصفتج
*الله يرزقج بالبنت لي تتمنينها بحق هالايام الفضيله علي فكره انا هم لحين حدي مشتهيه بنيه
الله يكتبلنا ياها

 

[توحه1]

هلا نخنوعه زين سويتي غيرتي جو ورتحتي وكسرتي روتين والحين بعدمااخذتي راحه واستجمااام رجعتي بحيوه ونشاط
ومشكوره وكثري من هالدعاء ولاتنسوووني بالدعاء ابي٤ بنات باذن الله كاملين مكملين مافيهم اي مرض

 

[Le chat]

حبيبتي كويتيه الحمدلله على سلامتج
توحه شوفي مايكل كورس و دي كي ان واي كوچ كارولينا هريرا وماادري هذيل الي ببالي روحي الافنيوز في وايد ماركات ورخاص
انا واخيرا خلصت كل شغل العيد بس باقي ذهب جنوي ماادري من وين اخذلها مااعرف بالذهب ومحلاته واسعاره وامس ماتبي تطلع بالعشر الاوااخر عذبتني

 

[توحه1]

مشكوره لي لي خلصتي تاج جنوي

 

[Le chat]

اي سويته الحمدلله بس لي الحين ماشريت الذهب واي ماكو وقت من شي لي شي من اللويه نزلت كيلوين

 

[توحه1]

ديري بالج على نفسج لي لي
انا اليوم رتبت جنطة يويواااتي لان وضعنا نطلع من ١١الظهر مانرجع الا ١٢ بليل
جهزت الدشاديش ودشاديش المغلمه للغداء وبدله للعصر وبجامه للنوم وصدريتين حق يويو الصغير و٤ مميات و١٠ بامبرز احتياط وكريم وعطر وبودره ومشط وجواتي البدل ودلاغات و٤ مميات وعلبة حليب وباجر احط المطاره باذن الله
وجهزت بدلتي ومني دراعه للغدى وبخرتها وعطرتهم وباجراكوي الشيله وسلامتكم جهزومن الحين اي وحطيت العيادي بالجنطه عشان مااددوده باجر وبعدشوي بشحن الكامرات

 

[Le chat]

وااااي توحه لوويه الله يعينج لا احنا نطلع من عقب صلاه العيد ونرد البيت عقب الغدا وبس يخلص العيد ههههههههههههههه واذا لنا خلق نطلع بالليل
حرتني هذي الي طالبه منها الچف الي على اسم جنى قالتلي اسبوع ويخلصون بعدين قالتلي اليمعه اييبهم تخيلو لي الحين مايابتهم لو كان العيد اليوم شكتت راح اسوي واااي صج فقعت مرارتي عاد ان مايت اليوم الساعه ١٠ بروح اشتريلها چف لي اخر لحظه يطلعولي شغلات كلش ماكو راحه