تجمع مواليدديسمبر2011ومواليديناير2012

[توحه1]

واي الله يعينج صج اذا تنطرين واخر لحظه واااي
المهم عيدكم مبارك وتقبل الله طاعتكم

 

[Le chat]

عيدكم مباااارك حبايب قلبي والله يعوده علينا وعليكم بالصحه والعافيه

 

[miss_Ba6oOo6a]

كل عام وانتم بخيير
عيدكم مبارك جمييعااا

 

[Le chat]

عيدكم مبااااارك خالاتي الحلوين

 

[توحه1]

ماشالله تبارك الرحمن ملاك تهبل ربي يشفيها ويعافيها باسمه الشافي

 

[توحه1]

الحين اجهز حق اليوم الثاني بيت ابوي امس عنداهل ريلي من الظهرلي صلاة المغرب بعدين بيت جدي من بعدالصلاة لي العشى
واليوم الثاني بيت ابوي نتغدى وبعدالصلاة نودي العيال النطاطيات والالعاب الي بالبراحه ونعشيهم طبعا طلعه جماعيه اليهال والامهات والعيال من عمر ١٢ سنه ولي يويو اصغر بيبي ونرجع بيوتنا الساعه ١٠ وبجذي يخلص اليوم الثاني على خير انا وحده عن نفسي عيالي مايحبون مسرحيات بس يموتون بالسينما

 

[توحه1]

اليوم الثالث وخلص طلعه عائليه انا والاب واليويوات
رحنا الافنيوز وتمشينا بعدها رحنا الالعاب وديت اليويوات وبعدها صارت الساعه جريب الاربع رحنا جليز وتغدينا وبعدها رحنا البحر تمشينا وبعدين رحنا طالعنا فلم بعدمارجعنا يويو الصغير واكلنا ناجز وعصير وبرد وفطاير وبعديوم ملئ بالمتعه رجعنا البيت مستوييين والحمدالله ريحنا


نسيت اقولكم فطمت يويو الصغير من الماصه من ليلة العيد والحمدالله فتكينه من شي اسمه مصاصه
وباجر اول يوم دواااام

 

[توحه1]

صباح النشاط صباح الي مداومين من بعدالعيد مباشره اليوم باذن الله ببدي مشوار المشي والمشي صحه عندي ٤ عروس بشهر٩ ولازم يكون الجسم مشدود مومهم ضعيفه المهم ملمووووم (( استسلمت للامرالواقع والمتن)))

 

[توحه1]

شكلي بظل اكلم نفسي وااايد

شخباركم شعلومكم
باذن الله من السبوع الياااي ابدي اشري ملابس المدرسه حق الشبيبه الي عندي الله يحفظهم ويخليهم ويرزقني برهم
ووبعد الجنط والقرطاسيه يبيلهم والله يعينا على التدريس

 

[Le chat]

هههههههههههههه توحه انتي قطيتي المصاصه وانا توني ابدي اعطيها مصاصه ماابيها تنسه المص بما انها ماترضع وهم تدريب لها عل وعسا تقوا عضله بلاعيمها
اليوم بروح اسوي سونار انا تقريبا بالخامس بين مرض جنوي يااارب صحه البيبي زينه ادعولي بنات وهم بعد بروح اسال الدكتوره عادي اعتمر على ريولي لانه باجر باذن الله رايحين مكه

 

[منـــاي]

ليلي جنونه تهبل اسمالله عليها عروس ذكرتيني ببنتي باول عيد لبستها لبس حيل مقارب لنفنوفها

بغيت اسالج ذهبها من وين ماخذته الي مكتوب اسمها عليه ماشاءالله ذوووق

 

[Le chat]

هذا الوحيد الي اكسسوار مطلي من وحده بالمنتدى نكها بيونسيه وعندج بحوش السالميه في محلات هم يسوولج نفس الطريقه واذا تبينه ذهب في الي قالت عنهم توحه بالمباركيه يفصلولج الشكل الي تبينه

 

[توحه1]

طالبتج يام جاسم((لي لي))
ابي دعاء خاص لي وحق يوواتي ال4 باسمي توحه
تروحين وترجعين بالسلامه وربي يحفظ جنونه واخوها من كل شر وان شاء الله مافيه اي مرض ولاحلمل اي مرض كامل ولاكامل الاوجههه سبحانه وطمنينا عليج وعلى جسوم

 

[Le chat]

ان شاء الله حياااااااتي تستاهلين بعد لفه كامله حقج مقج

 

[توحه1]

:* :* تسلمين يالغاليه

 

[al505a]

شخباركم
عيدكم مبارك

وحشتوني


لي لي لاتنسينا من الدعاء
ماشاء الله جنونة تهبل
الله يخليها
ويرزقج بالولد المعافى


توحة حبيت عيدكم الله يخليكم لبعض

احنا يوم وخلاص اهل ريلي ماعندهم يمعه عيد


بوبو شلونج

 

[ام دندوونه]

عيدكم مبارك بنات وشلونكم وشلون عيالكم عسي الله يحفظهم يارب. ... ماشاء الله لي لي عسي الله يشفي جنونه ويفرحج يارب فيها وفي البيبي الجاي .. شلونج توحه ان شاء الله بخير وشلون يويوواتج.. حتي أنا ملتهيه باغراض المدرسه والله محد له خلق الله يعين.. مناي وخوخه وكل البنات عيدكم مبارك

 

[توحه1]

ايامكم سعيده حبايبي خوخه وام دندووونه
خوخوه انتي ابتكري الطلعات وزوري اهل ريلج بالعيد ولوساعه عشان يكتسبون عيالج العادات ويعرفون التوجيب ولوساعه
انا بعدلاهيه بتجهيزالمدارس واحتمال كبير ادخل يويو الصغير حضانه لان خدامتي ماتبرد جبدي بمجابل يويو وخالتي كبرت ٥٦ عمرها وامي مره عوده ٦٣ مومال مجابل

 

[al505a]

اي توحةوديتهم بليل لهم وتنا لازم امراجداتة وغيرة
صح ثاني العيد رحت لخالاتي

بس ودي لو اهل ريلي يسون لنا عدى العبد ثاني لوثالث

 

[توحه1]

اها صج احلا شي بالعيد الزواره ولمت الاهل وماشالله البيت متروس ناس طالعه وناس داخله