تجمع مراجعات مستشفى رويال حياة

[يتيمة جابر العز]

سونارها اوكي

وأنصحج فيها وبقوووه

انا استغرب من الناس الي يقولون ذابحه بنت شلون تروحين لها ولا مايمدحونها !!

عاد زوجي يقولي كلام الحريم فاضي لو مايمدحونها ليش الناس طق عصي عليها وزززززززحمه من قلب > أفحمني زوجي بالرد

 

[زبــــــــدة]

بنااات وين عيادة دكتورة ليلى اشكناني ؟؟ بلييز براجعها اليوم

 

[sara 777]

اليوم كنت بمراجعه عند الدكتورة خالدة وطبعا وااايد تطولون علما تدشون بس انا مرتاحة لها تخيلوا وصلت المستشفى قبل تسع ونص وما دخلت الا 11 .35
المهم كانوا في بنات قاعدبن يمي وسولفت معاهم وحدة والدة عندها تقول مريييحة بالولادة وخياطها حلو
انا احتمال مقررين لي قيصرية هالمرة فمو فارق معاي الخياط بس احاتي المستشفى ناس يقولون شكل وفشخرة عالفاضي طبيا مو ذاك الزود شرايكم بنات

 

[يتيمة جابر العز]

سارا بصراحه تسوى نطرتها انا ماعندي مانع انطرها يختي دكتوره بضمير

وماعليج من الحريم كلامهم لا يودي ولايجيب الولاده سهالات وربج كريم

 

[ديزاينر الكويت]

يتيمه
انا من كثر ما يمدحونها بروح لها لان بجر و خايفه
و اللي خلاني استانس لانها كويتيه مو هنديه كل عاده
و بعدين حجي الحريم وايد ماتدرين منو تصدقين و منو تجذبين
بس ودي أروح لها بجربها


زبده
والله مادري بس دقي عليها
بشري ماكو حمل مني مناك

 

[ديزاينر الكويت]

ساره
بالعكس المستشفي وايد زين
عنايه و السسترات فوق راسج و يضبطونج بمساج

 

[زبــــــــدة]

ديزاينر

امبله حامل لوول عشان جذي بروحلها وﻻ بعد قاعده افكر وين بولد من الحين لوووول

الله يتمم علينا كلنا ونولد بالسلامه

 

[ديزاينر الكويت]

حياتي ألف مبروك
ليلي وايد يمدحونها
بس عباله عيادتها بمكان و إذا لتولد بمكان ثاني ماحبيت الفككره
بروح حق خالده انشالله

 

[ريــــوووف]

مرحبا بنات

شرايكم بالدكتوره نداء خضر ...؟؟
اختي والده عندها وتمدحها ..

 

[يتيمة جابر العز]

ريوف انا ماعرف نداء روحي لخالده وانتي مغمضة

ديزاينر
مبرووووك حملج
نفسي ماحب الهنديات كلش
وانصحج تروحين لها ياحلو كلامها عسل
اخذتي موعد من زهره ؟

 

[noufb]

اي والله الدكتوره خالده تفتح النفسسس ودي كل اسبووع امرها

 

[sara 777]

يتيمة اراء الناس والفيدباك يفيد خصوصا رايهم بالمستشفيات والخدمات بالعكس حلو ان الواحد يجمع اراء ويكون وجهة نظر
الدكتورة خالدة ذكية وشااطرة خاصة لحالات الحمل كامنة الخطورة واذا فيه مشاكل بالاجنة لا سمح الله تكتشفها بس شوي قوية في التعامل وخشنة المهم عندي انها فااااهمة هذا اهم شي وشخصية الانسان حسب مزاجه وحالته النفسية والكل معذور

الدكتورة نداء تاخذ 3 او اربع حالات بنفس الوقت ينادونج وتستانسين عبالج دورج اخر شي تنلطعين بعيادتها ما يبقى حالة ما تسمعين شفيها وشتبي وشحقة ياية وحتى يكون زوج المريضة معاها داخل العيادة والدكتورة تكلمهم باشياء خاصة وانتي قاعدة عند مكتب السكرتيرة بره وتسمعين كل شي وتالي تطلع وتسلم عليج وتروح غرفة السونار وتسمعينها شتقول حق المريضة ونبض بيبيها ونقاشاتهم وشنو فيها بنية والا ولد ما تطلعين من عيادتها الا انتي عارفة كل حالة الحريم اللي كانوا بالانتظار معاج !!!

الخلاصة انا ماحب جذي احب الطبيبة انتباهها مو مشتت وتكون معاي وتسمعني وتعطيني وقتي مو تبي تخلصني علشان تاخذ غيري وتجمع اكبر عدد مرضى اما بالنسبة لخياطها انا ما جربته بس جم وحدة تقول ابد مو زين

 

[زبــــــــدة]

ديزاينر

حياتتي الله يبارك فيج

اممم تهقين؟؟

فكرت بخالده بس يقولون دوامها لي 3 العصر بس وانا ماقدر لان قريب راح اداوم

 

[white**angel]

زبده حبيبتيييي حيل فرحتلج وناسه بيني وبينج شهرين الله يتمم عليج يارب وتفرحين في
انا بعد براجع عند ليلى اشكناني انشالله عيادتها عالبحر قبال نادي اليخوت

 

[يتيمة جابر العز]

سارا

بالضبط صاجه بكل كلمه قلتيها خصوصا خالده

ربي يسهل ولادتنا

 

[noufb]

خالده ؤقولون شوي دفشه بالحجي بي والله دمها خفييف انا حبيتها


ليلة اشكناني هااااااديه اذا ماتكلمتي ماتتحجى وماتركز وايد. عالتحاليل عشان جذي انا غيرتها ولادتها وخياطها كانو زينين

 

[ديزاينر الكويت]

يتيمه
الله يبارك بعمرج قلبي
لا ماعرف شلون نطامهم
لازم موعد ؟؟ تلفون ولا اروح ؟؟
اخاف اروح اخاف اطحس جم ساعه مالي خللق نطررره

 

[يتيمة جابر العز]

اول شي دقي على رويال ويسوون لج فتح ملف بالفون
25360000
وبعدها يعطونج رقم زهره سكرتيرة خالده وعطيها رقم الملف واتفقي معاها على الموعد وتوكلي على الله

 

[ديزاينر الكويت]

اهااا
جذي نظامهم
وااي حياتي زين قلتيلي
كنت برووح بس جذي وايد اريح يحليلهم
اول ٤ انشالله بروح لاني وايد كثرت سونارات و علي يقولون لي شنو فيني لانها مصخت خخخخ

 

[يتيمة جابر العز]

بس أنصحج أخذي موعد من الحين لان دائم زحمه وتستقبلج بعد شهر