تجمع مراجعات مستشفى رويال حياة

[Aloe Vera]

انا جربت ولادة الطوارئ كانت الدكتورة لبنانية وايد زينة و دكاترة الطوارئ الحلو كلهم حريم
و هذا اللي خلاني اراجع عند دكتورة منى لانها لبنانية يعجبوني بالتعامل

 

[يتيمة جابر العز]

نوووف
جزاج الله خير حبيبتي تدرين عاد أنا دائماً جافسه روحي ودائم ادنق بكثرة اشوه انج نبهتيني


الكريستال
بس الطوارئ ماتدرين عن خبرتهم هي صج أن الولاده تساهيل من ربج لكن ماتدرين هم يعرفون حالتج شي مني مناك!! أنا ما افكر اغامر عند احد إلا دكتورتي وان شاءالله ما انحط بها لموقف

 

[يتيمة جابر العز]

الوي فيرا

حلوو شي زين أن الطوارئ تلاقين مره لان أنا استحرم الي يولدني دكتور لان أنا دافعه وطالبه خاص عشان الحريم أروح عند دكتور حرام بنات إلا هالشي لانفرطون فيه عشان الله يبارك لكم بذريتكم

 

[Aloe Vera]

انا ولدت قبل لا دكتورتي توصل و الحمدلله كانت دكتورة الطاورئ وايد زينه
و بعدها و صلت دكتورتي و سوت الخياط و التنظيفات

 

[الكريستال]

يتيمة جابر العز
التساهيل من الله
ببنتي دخلوني الولادة قالو منو دكتورج قلت لهم اي احد موجود خل ايي
قالو فلان فلان فلان فلان موجودين
قلت لهم اسرع واحد
ولا اتيي لي نجلاء الزعفراني شحلاتها حتى الحين مراجعاتي عندها

 

[يتيمة جابر العز]

ماشاءالله شي طيب أن الطوارئ زينه ولادتهم هذا ياكدلي على جودة المستشفى أنها تختار أجود خبرات الدكاترة

الله يولدنا على خير وييسر أمورنا أن شاءالله

 

[الكريستال]

دكاترتهم الولادة ١٠
٧ منهم الكل يمدحهم و٣ مامرو علي

 

[ffanr]

الو فيرا انا دكتورتي من برا لبعد لايكون اللي بالي اللي ماتي الا على الخياط

 

[Aloe Vera]

دكتورتي اول ولادة كانت من بره بس يات لمن كنت ٥ سانتي و جابلتني لين ولدت
ثاني مرة رحت المستشفى موصله ٨ سانتي فا طبيعي الدكتورة ماتلحق لان ولدت علطول عشان جذي بس خيطت و نظفت

كل دكتورة لها نظامها

 

[ffanr]

اهاات الله يسهل عليج هالمره

 

[Aloe Vera]

آمين يا رب و يسهل عالجميع

 

[L I N D T]

بالنسبه للي يذمون خياط د نداء !

ما جربتوا خياطها .. =)

لا الم ولا شكل .. كلهم 100٪ تبارك الله ..

 

[Aloe Vera]

انا ماجربت ولادة د. نداء
بس اعرف وحدة والدة عندها بدون خياط يعني بدون شق و خياط
و وحدة ثانية والدة عند واحد من دكاترة رويال هم بدون شق و خياط

و انا ودي اجرب هالطريقة ان شاء الله و دكتورتي موافقة و مسويتها من قبل

 

[besko0o0otah]

مرحبا بنات

انا اراجع عند دكتوره رايا قزويني شرايكم فيها ؟

 

[يتيمة جابر العز]

مراحب ماسمعت بهالدكتوره كلش

 

[.:lady bug :.]

بنـْْ♡ـْْات شلون الاسعار

 

[besko0o0otah]

يتيمه هي كانت في مستشفى الولاده قبل و الحين صارت برويال هذا اللي اعرفه و قبل ما اراجع عندها سمعت عنها انها زينه مررررره ..


بس قلت انتوا كلكم في نفس المستشفى ما يمنع من السؤال بعد قبل الولاده .. هي من ناحية المراجعات جدا مريحه و هاديه
بس ابي اعرف شلونها بالتوليد و الخياطه

 

[يتيمة جابر العز]

حلووو حلووو

اذا محد رد عليج وعرف عنها شي
انتي اذا كنتي بالمراجعة اسألي الي يراجعون عندها يفيدونا اسألي الحريم مني مناك ويمكن تستفيدون

 

[besko0o0otah]

شكله مالي الا هالسالفه اني اسال اللي يراجعون وانا هناك

 

[Aloe Vera]

مكتب دكتورة ريا قزويني جدام مكتب دكتورتي اللي اهي منى ابو طعام


انا دكتورتي سألت عنها وايد محد مجربها حتى وقت المراجعات مافي احد ناطر بالدور يعني ادخل علطووووول و اهي مريحة و بشوشة

سويت عليها بحث بالقوقل و طلعت مشتغلة بالسعودية و البحرين و الكل يمدحها

مو شرط الدكتورة اللي مو مشهورة تكون مو زينة


سوي عليها سيرج بالنت