تجمع مراجعات مستشفى رويال حياة

[ffanr]

مشكوره
بس ترا مو واضح ممكن تصورينها مرة ثانيه

 

[روعة خيال]

ffnar

راح احاول اصورها بس ارد من الجامعه

 

[يتيمة جابر العز]

ياسمين تنقع للاستقبال انا بشوف الغرف لان ناويه اسوي استقبال والله ييسر ويسهل ولادتنا

 

[noufb]

بنات اذا بغز ابر حديد ماتدرون جم

 

[" ريوف "]

العام الليلي كانت ٥٥٠ من غير سعر الدكتوره


هالسنه ٧٠٠ مع الدكتوره وإلا سعرها بروحها ؟

 

[روعة خيال]

ريوف

هذي سعرها مع الدكتوره من داخل المستشفى

اذا برا تدفعين 450 و حساب الدكتوره غير

 

[noufb]

يصير اولد بغرفه عاديه واخذ غرفة ياسمين حق يوم واحد؟

 

[سمو النفس]

روعه الخيال فيه فرق بالسعر اذا الدكتوره من عندهم او من برا وكم يطلع الفرق ،،؟

 

[^^ANA^^]

بنات

انا ساءله عن الليلي


طلعت ب 450 وانا دكتورتي من برا

يعني التووتال راح يطلع 450+حساب الدكتورة يعني لو دكتورتج تولدج طبيعي ب350 راح يصير حسابج 800


اتمنى فهمتوني



،

 

[يتيمة جابر العز]

نوف ودي اسوي نفسج


عاد دقيت عليهم عطوني رقم خاص نقال حق استقبال

بسالهم باجر ان شاءالله

 

[noufb]

يتيمه عفيه اذا سالتي قوليلي ماعليج امر


بنات موعدي يوم الاحد مع الدكتوره خالده ايهو احسن وقت اروح اهيا نه من ٩ الصبح لي ٣ العصر مالي خلق زحمه

 

[يتيمة جابر العز]

نوف


اي فديتج العصر بدق عليهم


نصيحه روحي لخالده ساعه ١ الظهر تلقين قلبج ٥ او ٤ وتطلعين بسرعه
لاتفكرين تروحين مبجر لان احيانا يكون عندها ولادات الصبح وتنطرين ساعتين عادي
وبعدين اساسا هي تبلش عيادتها ساعه ١١ مؤ ٩

 

[روعة خيال]

نوف


اي فديتج العصر بدق عليهم


نصيحه روحي لخالده ساعه 1 الظهر تلقين قلبج 5 او 4 وتطلعين بسرعه
لاتفكرين تروحين مبجر لان احيانا يكون عندها ولادات الصبح وتنطرين ساعتين عادي
وبعدين اساسا هي تبلش عيادتها ساعه 11 مؤ 9

لا حياتي انا دشيت عليها 9:45 بالضبط و كنت ثاني وحده

 

[يتيمة جابر العز]

زين والله يمكن حظج حلو

انا كذا مره أجيها مبجر ويصدف عندها ولاده ولا عمليه ولا تاخر


اجل انا حظي خيا س > فيس يبجي

 

[يتيمة جابر العز]

سالت عن حجز الغرف

قالولي مايصير تحجزين ليلي مثلا يومين ويوم ياسمين ؟

قالوا اذا بتحجزين استقبال قاعه الجاردينيا بكج ٨٠٠
والجوري ٦٠٠ مع موالح وحلو وقهوه وصبابات



اذا بتاخذين القاعه خليه يوم واحد واريح لج اول يوم ارتاحي بروحج
بالنسبه للقاعه اهم شي تكون فاظيه وقت الي تبينها وماتكون محجوزه
عشان لا تتوهقين هيا الفكره حلوه
وبالنسبه للتكاليف تقدرين تحسبينها تقريبيا

غرفه ليلي اذا دكتورتج من نفس المستشفى ٨٠٠
وضيفي عليه سعر قاعه الجوري ٦٠٠
او الجاردينيا ٨٠٠

وحسبي حسابج فوقهم شوي لازم وانتي طالعه تدفعين زياده شوي

وعليج الحسبه



عجبتني الفكرة وجاري التطبيق ابي الجوري لان تقولي قاعه الجاردينيا كبيره ومع عصاىر اما الجوري بدون عصاير


وهذا استقبال وحده عجبني


http://www.q8yat.com/t1102091.html

 

[ديزاينر الكويت]

اووووفر اوووووفر

ماكوو عروض

شي مني مناك

كافي والدين عندهم ماكو قاعه مجانا خخخخ

 

[يتيمة جابر العز]

مممم يتيمة بسالج انا بولد ان شااإءلله برويال حياةة

اذا ماعليج كلافة ممكن تعطيني اسعار الولادة هناك

ووو لما احجز غرفة للولاده مثلن الجوري اهيا اللي اولد فيها ؟؟


واشلون ما فهمت فكره اولد ليلي ب 800 وزيد عليهم 600 للغرفة !!

بيصير التوتل 1400

ليش يعني مو الولادة مع الغرفة السعرر ؟؟

انزين واذا ولاده مع غرفة بـ 1400 بس هذا السعر ولا يزززيد بعد مع ادوية واشيااء

اي وعلى فكره انا دكتورتي من برا المستشفى بيزيد ولا نفس السعر ولا بيقل !!

أسعار الولاده تلقينها بصفحه الي قبلها ٢٣٤ حاطتها العضوه روعه خيال

الجوري وغاردينا هذول قاعات استقبال مؤ غرف ولاده يعني تقعدين فيها ١٢ ساعه بس يوم واحد

يعني مثلا انا أقولج اولدي باليلي سعره اقل غرف ولاده ب ٨٠٠ تقعدين فيها يومين واليوم الثالث سوي استقبالج
بقاعه غاردينيا او الجوري

وبخصوص دكتورتج من برا على حسب راح تأخذ منج طبيعي ٣٥٠ وعمليه ٥٠٠

انا أنصحج ان تكون دكتورتج نفس المستشفى افضل شي يعني عند خالده المجيبيل او نجلاء الزعفراني او الخ

 

[Talyan Rose]

اووف ليش غلو سعر القاعات
انا اخذت الجاردينيا ب700 والجوري كانت ب500

حبايبي سوو نفسي بصراحه والحمدلله ارتحت وايد
ولدت بالسلامة واخذت غرفه ليلي يومين والثالث حجزت قاعه الجاردينيا سويت فيها استتقبالي وبنفس الليله رديت البيت
واايد اريح
وانا كانت غرفه الليلي ب700 والجاردينيا ب700 معع زياده التحاليل والادويه طلع علي 1600 وشوي
وسلامتكم

 

[noufb]

اي صح كلامج انا فكرت جذي او حتى يمكن اخذ الستاندرز يطلع علي ارخص

 

[يتيمة جابر العز]

تالين روز
بسوي نفسج بإذن الله


نوف
شنو الستاتدرز ما فهمت