تجمع للي عندهم إجهاضات متكرره

[bambena]

انا اجهضت 3 مرات

كنت عند فوزيه القطان

اول مره طاح بالخامس

الحمال الثاني سوتلي ربط وتحاليل بمبالغ وقدرها !

وعقب الربط طاح البيبي بالرابع !

الحمل الثالث طاح البيبي وانا توني حامل بالبدايه


المهم

مدحولي د محمد صلاح الدين الاشنيهي بطيبه كلينيك الحين اعتقد انه راح السلام

رحتله قتله سالفتي سوالي تحاليل

قالي اولا تحتاجين ربط دبل ربطتين مو وحده

ثانيا فيج اجسام مضاده

سوالي الربط وعطاني بيبي اسبرين وكرتزون

الحمدلله الله تمم حملي الرابع على خير ويبت عبدالله

الحين عبدالله عمره 4 سنوات وان شاءالله بروح اراجع الدكتور عشان الحمال


الله يرزق كل محرومه يارب

 

[bambena]

ونسيت بعد كان يعطيني ابر تثبيت ابره كل يوم وابره يومين بالاسبوع وبعد الخامس قام يعطيني حبوب تثبيت

 

[دمثة]

الله يكون بعونـــــــــــــااااا

 

[@الياسمين@]

انا اجهضت ثلاث مرات
مرتين بالشهر الخامس ومره بالثاني
وكنت اراجع عند ناهده العلي .. وقالتلي لازم تسوين ربط اعنق الرحم وسويته .. بس للاسف هم اجهضت
عاد عقب الاجهاض الثالث رحت الصباح مدحولي دكتور اسمه مايكل متخصص لهالحالات ورحت ووقتها كنت حامل .. عاد عطاني اسبرين وابر الكلاكسين .. وتحاميل سيكلوجيست وابره بالاسبوع مره وحده ما ادري شسمها
والحمد الله تم الحمل على خير ... بس نفسيتي كانت حيل تعبانه وكله افكر بالتجارب اللي مريت فيها

 

[فجرالعيد]

الله يجعل ماأصابكم تخفيف ذنب ورحمه
إختي الياسمين الدكتور مايكل أفريقي أسمر؟
وشنو هالأبر الإسبوعيه ليش كتبها لج مثبت وإلا حق الأجسام المضاده؟؟؟

 

[الريشة]

حبيبتي فجر العيد..... شلونك؟
حبايبياقروا سورة البقرة كل يوم كاملة أو على الأقل كل 3 ايام باستمرار مع العلاج ، و همن اقروا سورة ياسين و عقب ما تخلصون ادعوا... و صلوا على الأقل ركعتين قيام مع الدعاء قبل لا تنامون.
و الصراحة د/ محمد قطب - خبرة و متدين و ان شاءالله يساعدكم.
و لا تبخلون بالصدقة و سووا كافل يتيم و اذا قدرتوا روحوا العمرة و ادعوا من قلب :yaaaaaarb:
و اذا قدرتوا تروحون الحج الحين روحوا همن وايد أحسن و ادعوا.
و شربوا ماي زمزم كل يوم و كلما يخلص اشتروا جديد
و اقروا الرقية الشرعية على زيت زيتون و دهوا بطنكم.
و خلكم واثقين من استجابة ربكم و صفوا نيتكم
و كلما شفتوا بيبي أو وحدة حامل لا يضيق خلقكم بالعكس قولوا:
" ربي لا تذرني فرداً و أنت خير الوارثين" و راح ترتاح نفسيتكم
صدقوني اللي يتوكل على الله
الله ما يخيب ظنه

 

[فجرالعيد]

هلا الريشه الله يسلمج يارب ويجزاك الخير الكثير
وأقرا والله بس تجيني فترات أتكيسل الله يلعن إبليس وأحسه صعبه أكمل البقره والحمدالله علي كل حال والله يرحمنا برحمته

 

[bambena]

اي مايكل اسمر افريقي رفيجتي تراجع عنده

 

[فجرالعيد]

اي مايكل اسمر افريقي رفيجتي تراجع عنده

طيب شنو جنسيته؟
وإهو تخصصه الإجهاض المتكرر؟

 

[@الياسمين@]

الله يجعل ماأصابكم تخفيف ذنب ورحمه
إختي الياسمين الدكتور مايكل أفريقي أسمر؟
وشنو هالأبر الإسبوعيه ليش كتبها لج مثبت وإلا حق الأجسام المضاده؟؟؟

هلا حبيبتي .... اي دكتور مايكل اسمر افريقي
يقولون انه كيني جنسيته امريكيه
وبالنسبه للابر الكلاكسين يوميا حق الاجسام المضاده ... والاسبوعيه (ما اذكر اسمها بالضبط جنه برو مليت )
اهي ابره زيتيه للتثبيت وتريح الرحم من التقلصات بس عطاني اياها من الشهر الرابع لي بداية الثامن وبس

 

[A7la-SmiLe]

انا اجهضت 3 مرات

كنت عند فوزيه القطان

اول مره طاح بالخامس

الحمال الثاني سوتلي ربط وتحاليل بمبالغ وقدرها !

وعقب الربط طاح البيبي بالرابع !

الحمل الثالث طاح البيبي وانا توني حامل بالبدايه


المهم

مدحولي د محمد صلاح الدين الاشنيهي بطيبه كلينيك الحين اعتقد انه راح السلام

رحتله قتله سالفتي سوالي تحاليل

قالي اولا تحتاجين ربط دبل ربطتين مو وحده

ثانيا فيج اجسام مضاده

سوالي الربط وعطاني بيبي اسبرين وكرتزون

الحمدلله الله تمم حملي الرابع على خير ويبت عبدالله

الحين عبدالله عمره 4 سنوات وان شاءالله بروح اراجع الدكتور عشان الحمال


الله يرزق كل محرومه يارب

ماشاالله تبارك الرحمن ,, عسى الله يخليه ويبلغج فيه ان شاءالله
تنصحيني اراجع عنده ؟ واهو شلون نفسيته ؟
شنو التحاليل اللي لازم اسويهاا ؟
اجهضت مرتين بالشهر الرابع وبالشهر السادس​

 

[فجرالعيد]

يابنات الإجهاض المتكرر ياقمرات شأخباركم وفي أحد بلش بالإبر حقت الأجسام المضاده نبي نتواصل نفيد بعض
يالله تنشطوا :ada:

 

[عزالعوازم]

دكتور محمد صلاح الدين وين عيادته بنات؟؟؟

 

[m.a.m154]

وينكم بنات تجمعنا نايم .................................................................................................................
اشصار معاكم جديد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ayshay]

السلام بنات انا سويت تحاليل للاجسام المضاده نص النتايج طلعت ونص لا؟
بس الغريب ان عندي نقص ببروتين اس؟؟يقولون هذا سبب للتخثر؟؟وماادري شنو العلاج انطر باقي التحاليل وبراجع عند خالده مجيبيل.اللي يعرف اي شي عن بروتينات الدم اس وسي يقولي لو معلومه صغيره الله يجزاكم خير

 

[ayshay]

شفيكم نايمين؟؟

 

[A7la-SmiLe]

انا موجوده
شلونكم حبيباتي وشخباركم ؟

بنات تنصحوني ب ماجده اليتامى ؟!!
منو عالجت عندها ؟​

 

[m.a.m154]

السلام بنات انا سويت تحاليل للاجسام المضاده نص النتايج طلعت ونص لا؟
بس الغريب ان عندي نقص ببروتين اس؟؟يقولون هذا سبب للتخثر؟؟وماادري شنو العلاج انطر باقي التحاليل وبراجع عند خالده مجيبيل.اللي يعرف اي شي عن بروتينات الدم اس وسي يقولي لو معلومه صغيره الله يجزاكم خير

انتي نفسي انا معاي تخثر بالدم والدكتوره خالده قالت لي علاجك ابر مثبته والبيبي اسبرين وابر الهيبارين والحن ناطره احمل انشاء الله وابلش العلاج ورفيجتي نفس المشكله والحين حامل وعطتها الدكتوره جواسبرين مره والهيبارين مره ولما سوت سونار لقت تدفق الدم ما تحسن زادت لها الجرعه خلت الجواسبرين مرتين وابر الهيبارين مرتين والله يتمم له ويتحسن تدفق الدم عندها

 

[ayshay]

الله يجزاج خير...طيب رفيجتج اي شهر الحين وعدت مرحله الخطر ولا لا؟قصدي لما كانت تجهض على كم شهر يعني مثلا الشهر 2 الحين عدت الثاني ولا توها...
نفع معاها العلاج ولا لا طمنيني والله من دريت ماوقفت دموعي هذا رابع اجهاض لي ونفسيه زفت والناس ماترحم

 

[m.a.m154]

الله يجزاج خير...طيب رفيجتج اي شهر الحين وعدت مرحله الخطر ولا لا؟قصدي لما كانت تجهض على كم شهر يعني مثلا الشهر 2 الحين عدت الثاني ولا توها...
نفع معاها العلاج ولا لا طمنيني والله من دريت ماوقفت دموعي هذا رابع اجهاض لي ونفسيه زفت والناس ماترحم

والله يا قلبي اهي ما كانت تعدي الثاني الحين اهي بنص الثالث ادعيلها حدها خايفه عندها مراجعه الاسبوع الجاي وتكون باخر الثالث اذا الله راد يكون باقيلها جم يوم وتدخل الرابع بس اهي خايفه لان في المره الاخيره وقف النبض وكان البيبي ميت له 10 ايام في بطنها واهي ما تدري ما نزل عليها شي ولا حست بعوار ويوم راحت كان المفروض لها 9 اسابيع بس الحمل وقف على سبع اسابيع ونص والمجرب مثلنا يحس بمعاناه الثاني ادعيلها وانشاء الله تكون بشاره خير لنا