تجمع للي عندهم إجهاضات متكرره

[ayshay]

شفيكم كل وحده تقول اللي عندها عن اللي اجهاضات اللي حصلتلها

 

[دمثة]

لا مو حامل ... فال خير على

 

[نواار]

مساء الخير .. انا أجهضت مرتين , أول مرة كان حمل خارج الرحم , والمرة الثانية حمل عادي بس توقف النبض في الشهر الثالث , ونزل النونو بعد ما تركت المثبتات , لأن الحمل المرة الأولى و الثانية كان طفل أنابيب ,,, قالوا لي الأطباء إن تكيس المبايض إللي عندي ممكن يكون سبب الإجهاض ,,,, الله يعوضني خير من اإللي فقدتهم ,,
ويرزقنا أجمعين بذرية طيبة .

 

[فجرالعيد]

هلا بنات مسا الورد,,,,,,,,,,,,,شأخباركم ؟
اليوم رحت ل د.خالده ومثل ماقلتلكم قالت لي آخذ الإبرة قبل الحمل ولما أحمل وقبل هذا كله تبي تسويلي منظار علي الرحم وتاخذ عينه وتفحصها وبعد أعيد كل التحاليل السابقه والله يابنات محتاره بس ماعاد عندي حل غير هالأبر شكلي بتوكل علي الله وباخذها والله يكتب الخيره مع إنها ماأقنعتني أحس شي جديد وبجربونه الله المستعان

 

[ام تركي2008]

السلام عليكم
انا اجهضت 5 مرات والحمدلله وكلهم بعلاج الرابع كمل 3 اشهر والخامس كمل الربع الاشهر وكل تحاليلى سليمه( الحمدللله) وبعد الاجهاض الاخير راجعت د خالده وكتبتلى على ابر اخذهم بصباح بدرب لمدة 5 ايام وكنت اخذ معاهم اعلاج للحمل ابر وسويت تلقيح وماحملت وسويت كتابى للعلاج بالخارج ودزيت الفاكس وانطر الحين
وذكرتلى وحده ان فى مره بالجهراء اسمها ام بندر تعالج الى عندها اجهاض ورحتاها اليوم المغرب وعطتنى اعشاب وتحاميل نوعيين وقالت المفروض تستمرين عليهم من 3 الى 4 اشهر

للعلم والله ان المره ماتصيرلى ولا اعرفها بس بقيت اقولكم علشان الله يرزقنى لانى ان شاء الله ابروح اتعالج ودى احمل ويثبت حملى يارب
تكفون ادعولى ولى تبى رقم المره ادزلى على الخاص

 

[فجرالعيد]

الله يعوصج أبرك منهم إنشالله ومايضيع عند الله شي
وبالنسبه للمره اللي تعالج أنا مارتحت للحريم أحس حالات الإجهاض موتخصصهم يعالجون إذا الرحم مايل أوصاد أوضعف بس مايندري يمكن هالمره الله يطرح فيها البركه جربي وقولي لنا النتايج الله لايخسر تعبج ويرزقنا جميعا بالذريه الصالحه المعافاة

 

[A7la-SmiLe]

خوااتي هالابر اللي تعطيهم الدكتورة خالدة حق شنو بالضبط وشنو الحالات اللي تعطيهم هالعلاج ؟ يعني اجسام مضادة او تجلط او شنو بالضبط ​

 

[m.a.m154]

على حسب الحاله تعطيج الابر وكل وحده علاجها غير عن الثانيه كل وحده وحالتها

 

[ايمانو حلوة]

إنشالله يااااااااااارب يعوضنا خييييييييييير
إيمانو ياقمر كم صار لك من آخر إجهاض؟

تقريبا بصيرلي سنة لان خلال هالفترة قذف خارجي بس صارلي اكثر من 6 شهووور طبيعي ومايصير حمل ومت من الكلوميد والابر وماكو نتيجة والحين صارلي 4 شهور موقفة اي علاج ومافي نتيييييجة


تعبت

 

[ايمانو حلوة]

شفيكم كل وحده تقول اللي عندها عن اللي اجهاضات اللي حصلتلها

هذا تجمع للمجهضات حبوبة يا اي شي

 

[فجرالعيد]

خوااتي هالابر اللي تعطيهم الدكتورة خالدة حق شنو بالضبط وشنو الحالات اللي تعطيهم هالعلاج ؟ يعني اجسام مضادة او تجلط او شنو بالضبط ​

إذا قصدج الإبر اللي تنوخذ بالوريد واللي نتكلم عنها يعطونها المره اللي عندها إجهاصات منكرره ومالقوا سبب طبي للإجهاض والدكتوره خالده ترجع السبب إن فيه أجسام مضاده بس ماتبين بالتحليل وقليل من الدكاتره اللي يعترف بهالعلاج علي الرغم إن في أوروبا مستخدم بس علي نطاق ضيق:gr4uu:

 

[A7la-SmiLe]

ليش قليل من الدكاتره اللي يعترفون بهالعلاج ؟ يعني حاجتنا عندهم بعد الله !!

شنو الفحوصات اللازمة للاجسام المضادة ؟ تحليل دم يبين عادي؟ والا لازم فحوصات ثانية ؟

يــــــــــــارب بهاليوم الجمعة ترزقني وترزق كـــــل محرومة بالذرية الصالحه عاجلا غير اجلا يارب ..
جمعة مباركة​

 

[m.a.m154]

اهي تحاليل دم ووايد وتاخذ اسبوعين وتطلع النتيجه وانا طلعت تحاليلي سليمه بس بالسونار طلع عندي تجلطات بشرايين الرحم الدم ما يضخ للمشيمه فتصير فيها جلطه ويتوقف عملها فيوقف النبض وانا اعتقد ان هالمشكله من حملي الاخير في بنتي لان قبل ما كان عندي هالشي واللي صار اني لما دخلت الشهر الثامن انتفخت وحده من رجولي بشكل مو طبيعي صارت الدبل يمكن اربع مرات بس رجل وحده لو احط اصبعي يغطس برجلي ما يبين وسويت تحليل زلال وطلع مافي زلال قلت للدكتور يسوي لها سونار قال ماله داعي الظاهر كانت جلطه وسببت لي تخثر بالدم لان المفروض كان يعطيني بيبي اسبرين بس للاسف ما اهتم وقال ان الامر عادي والله ستر على رجلي تخثر بالدم ولا شي ثاني واللي زاد هالتخثر اني اخذت مانع لمده سنتين متواصله واللي فيه تخثر الدم ما يصير يستخدم حبوب المانع

 

[A7la-SmiLe]

اهااا .. شنو علاج هالتجلط بس بيبي اسبرين والا ابر هيبارين ؟​

 

[فجرالعيد]

اهي تحاليل دم ووايد وتاخذ اسبوعين وتطلع النتيجه وانا طلعت تحاليلي سليمه بس بالسونار طلع عندي تجلطات بشرايين الرحم الدم ما يضخ للمشيمه فتصير فيها جلطه ويتوقف عملها فيوقف النبض وانا اعتقد ان هالمشكله من حملي الاخير في بنتي لان قبل ما كان عندي هالشي واللي صار اني لما دخلت الشهر الثامن انتفخت وحده من رجولي بشكل مو طبيعي صارت الدبل يمكن اربع مرات بس رجل وحده لو احط اصبعي يغطس برجلي ما يبين وسويت تحليل زلال وطلع مافي زلال قلت للدكتور يسوي لها سونار قال ماله داعي الظاهر كانت جلطه وسببت لي تخثر بالدم لان المفروض كان يعطيني بيبي اسبرين بس للاسف ما اهتم وقال ان الامر عادي والله ستر على رجلي تخثر بالدم ولا شي ثاني واللي زاد هالتخثر اني اخذت مانع لمده سنتين متواصله واللي فيه تخثر الدم ما يصير يستخدم حبوب المانع

حسبي الله عليه هالدكتور هنيه فالكويت الواحد مايامن علي روحه الوحده لازم تكون فطينه وتتأكد إن الدكتور اللي تراجع شاطر وعنده خبره

 

[فجرالعيد]

اهااا .. شنو علاج هالتجلط بس بيبي اسبرين والا ابر هيبارين ؟​

عشان مايصير تجلط البيبي إسبرين والهيبارين

 

[ayshay]

ربي لاتذرني فردا وانت خير الوارثين
الله يرزقنا يارب

 

[فجرالعيد]

((((إن مع العسر يسرا إن مع العسر يسرا))))

 

[فجرالعيد]

السلام عليكم قروب الإجهاض المتكرر وووووووووووووينكم ؟؟؟
إشصار عليكم خلونا نتبادل الخبرات في شي جديد سويتوه ؟ في أحد بلش وأخذ الأبر اللي بالوريد؟
أنا عن نفسي جديدي إني بسوي منظار علي الرحم عند الدكتوره خالده بس أنطر الدوره وبعيد كل التحاليل من الأول

 

[m.a.m154]

هلا حبيبتي اشلونج ؟؟؟؟؟؟؟ما سألتي الدكتوره شنو اهم هالابر اللي بالوريد لان الابر اللي كنت اقصدهم اهم الهيبارين ويكونون تحت الجلد نفس ابر السكري بس اللي بالوريد ما جبت لي الدكتوره طاريهم......................................................................................