تجمع للي عندهم إجهاضات متكرره

[فجرالعيد]

وانا بعد معاكم عندي بنتين وصج في حملي فيهم كنت اتعب وانام على ظهري بس عدت الامور على خير عقب ما صار عمر بنتي 2ونص قررت اقط المانع وحملت بس طاح قبل لا اسمع النبض وحملت على طول ما جتني الدوره عقب الاجهاض ونفس الشي قبل لا اسمع النبض اجهضت قلت بريح رحمي وسويت وقتها كل التحاليل الخاصه بالاجهاض وطلعت سليمه وطلع هرمون الحليب مرتفع شوي وقالي اهو السبب يسبب شاكل بانقسام البويضه بس ما اقتنعت حريم وايد ترضع وتحمل ومافيهم الا العافيه وريحت 6 شهور واخذت علاج للهرمون 3 شهور وحملت وعطوني هالمره بيبي اسبرين وسمعت النبض وكل شي كان تمام ورحت مراجعه روتينيه لي وما كنت حاسه باي شي لا عوار ولا نزل علي دم وقالوا البيبي وقف نبضه له 10 ايام ميت في بطني وكانت معاي حراره قبل 10 ايام ما ادري اهي السبب لانها كانت توصل 39 والدكتور كان يعطيني بندول حبتين كل 4 ساعات وامي كانت تزفني تقولي البندول مو زين عاد رحت للدكتوره خالده المجيبيل وشافت لي تدفق الدم شرايين الرحم وقالت عندج تجلطات بالمشيمه واذا حملتي بعطيج ابر هيبارين والبيبي اسبرين مرتين وابر مثبته واتابع لج تدفق الدم واذا ما تحسن احولج الصباح تاخذين عندهم درب وابره وهذا انا ناطره الله يرزقني الحمل ونجرب العلاج وانشاء الله ينفع والسبب بالتجلطات طلع تخثر بالدم يعني تقول دمج لزج مثل العسل فما يضخ الدم للمشيمه عدل والله العالم انها وراثه لان امي فيها نفس المشكله

الله يعوضج أبرك منه
الإبره اللي تقول عنه الدكتوره خالدة ماتدرين شنو أٍسمها ؟
وشرايج ب د.خالده؟
سمعتي من أحد نفس حالتج مجربها وتم حملها أوكيه؟

 

[فجرالعيد]

الله يعوضج أبرك منه وسوي التحاليل اللازمه قبل تفكرين بالحمل

 

[m.a.m154]

الله يعوضج أبرك منه
الإبره اللي تقول عنه الدكتوره خالدة ماتدرين شنو أٍسمها ؟
وشرايج ب د.خالده؟
سمعتي من أحد نفس حالتج مجربها وتم حملها أوكيه؟

الله يعوض الجميع يا رب والابره ما ادري شنو اسمها بس الدكتوره ووايد حبوبه وغشمرجيه وتهتم بمرضاها حيييييييل انا قبل كنت اراجع عند فوزيه القطان عند الدكتوره شيماء بحملي الاخير وتخيلي حاشتني حراره وانا حامل وكانت قويه وكانت العياده مسكره ادز لها مسج استفسر منها شسوي ما ترد علي مطنشتني وكذا مره اذا بكلمها استفسر عن شغله ما ترد علي والحين عند الدكتوره خاده فرق من تكلمين سكرتيرتها ترد عليج على طول حتى الدكتوره كانت الاسبوع اللي فات مسافره وحبيت استفسر منها عن شغله دزيت مسج للسكرتيره باستفساري والله 5 دقايق وترد لي الدكتوره الرد بمسج وانا رحت لها من مدح وحده وشفت اغلب اللي يراجعون عنها حالات اجهاض متكرر ومشاء الله الحين بالسابع والسادس انا متأمله خييييييير وإنشاء الله ربي يرزقني ويرزق جميع المسلمين

 

[فجرالعيد]

الله كريم والله تعبنا من هالدكاتره الله يفرجها ويرزقنا عن قريب

 

[m.a.m154]

والله انج صاجه انا مليت بس شسوي اصبر نفسي مرات احس ان الاجهاض صدفه يعني ماله مشكله محدده لان من قبل حملت وجبت بناتي الثنتين وما صار معاي اجهاضات ما ودي اعقد نفسي واخليها مشكله خاصه ان اجهاضي الاخير صار بعد الحراره اللي حاشتني ابي انسى واشيل التفكير من راسي لان يلعب دور

 

[فجرالعيد]

فعلا النفسيه تلعب دور وإنشالله ماكو إلاالخير لاتحاتين بكره تجيبين درزن عيال ويدوخونج وتدورين حبوب المانع :dddds:

 

[فجرالعيد]

ياهووووووووووووووووووووووووووووووووووووه :eh_s(9):نبي تجاربكم أفيدوووووووووووونا وندعيلكم

 

[ayshay]

توني اليوم راجعت عند خالدة وتحاول تقنعني ان سبب الاجهاضات هي الاجسام مضادة مع العلم اني حللت ماعندي اجسام؟وتقول ساعات اهي ماتبين؟؟وتقول اذا حملتي تعالي نعطيج درب من الصباح عشان الاجسام المضاده...........
سؤال بنات احد خذا هذا الدوا وما نفع معاه؟؟؟؟لاني سالتها قلت في احد خذا الدوا ولا نفع معاه تقول لا؟؟ما صدقتها؟؟ما ادري ليش
اللي عنده معلومه يساعدنا

 

[دمثة]

انا رحت المستوصف بتحولني الصبااح قالت وبمشي هناااك وامري لله

 

[ايمانو حلوة]

انا اجهضت 4 مرات بدون سبب طبي والحين بحمل ومايصير حمل وهم ماكو سبب

الله كرييييييييم

وعسى ربي اعوض علينا انشاء الله

 

[فجرالعيد]

توني اليوم راجعت عند خالدة وتحاول تقنعني ان سبب الاجهاضات هي الاجسام مضادة مع العلم اني حللت ماعندي اجسام؟وتقول ساعات اهي ماتبين؟؟وتقول اذا حملتي تعالي نعطيج درب من الصباح عشان الاجسام المضاده...........
سؤال بنات احد خذا هذا الدوا وما نفع معاه؟؟؟؟لاني سالتها قلت في احد خذا الدوا ولا نفع معاه تقول لا؟؟ما صدقتها؟؟ما ادري ليش
اللي عنده معلومه يساعدنا

هلا حبيبتي أنا بعد ماخذه موعد عندها بعد بكره أبشيك علي الرحم لأني أجهضت من شهر ونص وبالمره بعرض عليها مشكلتي وشكثريمدحونها ومتوقعه بتقولي نفس الكلام وهاذي الإبره من فتره أسمع فيها ومتردده وقاعده أبحث عنها فاللي مجربتها تفيدنا الله يجزاها الجنه ويرزقها من خيث لاتحتسب

 

[فجرالعيد]

انا رحت المستوصف بتحولني الصبااح قالت وبمشي هناااك وامري لله

إنتي حامل دمثه ألحين ؟
الله ييسر أمورك ويتمم لك وإنشالله خير إستخيري وتوكلي علي الله وماخاب من إستخار
عموما ماقدامنا إلا رحمة رب العالمين ثم هالإبره وأنا شخصيا أعرف وحده فالسعوديه خذتها بتوصيه من ألمانيا وجابت بنوته الله يخليها لها
ووحده شفتها في مستشفي العدان داشه عشان تاخذ الإبره وكانت في الشهر السادس تراجع عند د.خالده وتاخذ الأبر في العدان ولما سألتها عن الإبره هل حست بمضاعفات قالت في البدايه حسيت بحراره وصار معاي حساسيه في جسمي ولما تعودت عليها خفت وتاخذ الإبره كل إسبوعين حسب إرشادات الدكتوره خالده والبنت تقول كانت دائما تسوي تحليل الإجسام المضاده ويطلع سليم

 

[فجرالعيد]

انا اجهضت 4 مرات بدون سبب طبي والحين بحمل ومايصير حمل وهم ماكو سبب

الله كرييييييييم

وعسى ربي اعوض علينا انشاء الله

إنشالله يااااااااااارب يعوضنا خييييييييييير
إيمانو ياقمر كم صار لك من آخر إجهاض؟

 

[ayshay]

ربي لا تذرني فردا وانت خير الوارثين.................الله يرزقنا كلنا

 

[فجرالعيد]

آميييييييييييييييييييييييييييييييييييييييييييييييييييييييييييييييييييييييييييييييييييييييين:yaaaaaarb:

 

[رماديه]

الله يرزق كل وحده اجهضت ويعوضها بالحمل السليم الثابت.

 

[عزالعوازم]

بناااااااااات جربتو تقرون البقره كامله لما موعد الولاده

والله يبنااااااااااات الحلال اختي اجهضت 3 مرات ومافي سبب معين ويوم احملت قرة سورة البقرة كامله يوميا لما موعد الولاده كا الحمدالله ولدها يركض الحين

 

[ayshay]

جزاج الله خير...........؟وعسالله يرزقنا

 

[فجرالعيد]

الله يبارك لها فيه يااااااااارب ويجزاج خييييير

 

[ayshay]

بنات احد خذا الابره اللي تقول عنها دكتوره خالدة اللي بالوريد ومانفعت معاها..........والقراءة احسن تكون شيخ يقرا عليك او انتي تقرين على نفسج