تجمع للمعالجات في مستشفى الصباح قسم اطفال الانابيب

[++The DuchesS++]

حمامه

عندي التبويض ضعيف وهرمون حليب
وتكيس بسيط

 

[++The DuchesS++]

حمامه

امين اجمعين انشاء الله حبيبتي

 

[++The DuchesS++]

حمامه

بعد عمري والله تسلمين كل ذوق
انشاء الله يرزقنا عاجلا غير اجلا يااارب

 

[الغــ مرت ــالي]

يحلاتكم حمامه وغفران

شلونكم شخباركم

بنات ذكرتوني انا سويت الاشعه في الصباح

بس تصدقون السسترات الي يسونها جنهم مالوت الاعدام مو سسترات يخرعون


بس الحمدالله سويتوها بالخاص لان الصباح شفتهم الحريم الي قبلي كانو يصرخون وانا من الخرعه ابجي

 

[++The DuchesS++]

هااا بنات ماكو اخبار ؟
انا ناطره الدوره عشان اروح اسوي تلقيح
الشهر الياي والله كريم

 

[الغــ مرت ــالي]

موفقه حبيبتي غفران

وانشالله تطميننا بالاخبار الحلوه يارب

ويرزق كل محرومه

بنات مااوصيكم الاستغفار ودعاء(ربي لاتذرني فرداً وانت خير الوارثين)

والاستمرار على قراءة البقره 40 يوم

انشالله اذا الله قدرنا ان نقراها وايد زينه

وسوره مريم بعد

 

[++The DuchesS++]

ان شاء الله انا معاكم اول باول

 

[أغصان]

ان شاءالله قريب اكون معاكم بهالتجمع وان شاءالله احمل قبل لا انضم معاكم ^__*
الله يرزقكم ان شاءالله

بنات شنو منظار لفحص الانابيب ؟ شلون طريقتها ؟ هل هي عن طريق البطن ولا تحت :X
اقدر اتحمل الألم ولا لا ؟

 

[++The DuchesS++]

اغصان

الله يرزقج ان شاء الله حبوبه
ومنظار الانابيب ما ادري اذا اهو نفسه اشعه الصبغه
ولا لأ ؟؟؟؟
ان شاء البنات يفيدونج

 

[أغصان]

هلا حبيبتي غفران
اي نعم هي نفسها أشعة الصبغه

 

[++The DuchesS++]

اغصان
حبيبتي الاشعه ما تعور وايد يعني شوي
والاشعه ما تطول اكثر من 5 الى 10 دقايق
ووايد بسيطه لا تحطين ببالج انها معقده
وما تحتاج بنج بس فيه دليعات وايد ما يتحملوون خخخخخ
يفتحون عنق الرحم وضغطون السائل داخل الرحم وبالاشعه يشفون الانابيب مسدوده ولا لأ
ووضع الرحم وبس
وان شاء الله سهالات
انا سويتها بالهادي ووايد كنت مرتاحه هناك من المعامله وكل شي وسعرها 60 دينار

 

[أغصان]

الله يجزااااج كل خييييييير ياغفران
وانا ان شاءالله بسويها بالعدان والله يعدي هاليوم على خييير
والله احاتي من اللحين الله يعين
ومشكوووره مره ثانيه ياقلبي

 

[أغصان]

هلا حبيبتي حمامه
لااااا توني ماسويته موعدي للمراجعه الجايه بتاريخ 6 \ 1
اكيد اذا جيتهم بيعطوني موعد للأشعه

 

[++The DuchesS++]

وينكم بنات ما كو اخبار ؟؟

 

[اضوى]

السلام عليكم اختي اغصان ....................

اتكلي علي الله وسوي الاشعه اهي تعور انا حيل عورتني بس عشر دقايق وتنتهي لاتحاتين اهي فيج فيج وعليج بالدعاء لان مو مهم العوار المهم النتيجه...............ز

 

[فرحه عمر]

مرحبا بنات دعواتي للكل بالذريه الصالحه
حبيت اسئل اذا احد سوى حقن مجهري بالصباح ,,, شلون طريقتهم عندي موعد شهر 12؟؟؟
ياريت تقولون لي بالتفصيل الممل هههههههه و يوم العمليه تاخذون غيار معاكم؟؟؟

تصدقون فتحت ملفي 2003 ومن حسن حظي لما اتصلو علي كنت بسافر بعدها بكم يوم يعني لو دقوا و ما رديت كان راح على الموعد

 

[++The DuchesS++]

هلا وغلا فيج فرحه عمر
انا ما عندي فكره عن الحقن المجهري
وان شاء الله البنات يفيدونج
وان شاء الله خير

 

[++The DuchesS++]

انا يوم الخميس رحت الصباح على اساس
هالشهر اسوي تلقيج
بس المشكله ايام التبويض والسونار تصادف العيد السعيد
وتاجل الموضوع للدووره اليايه
واكييد هالشي خيره
الله كريم

 

[ام فوفو]

غفران

مل تاخيره فيها خيره وعساه خير يارب
وان شاء الله الشهر الياي نباركلج ويكونون توم يارب

 

[$غــ(ز)ــل$]

الله يرزقكم الذريه الصالحه عاجلا غير آجل


بنات اذا بفتح ملف بالصباح شلون

يعني اول شي لازم اروح المستوصف واخذ تحويل على العدان بعدين تحويل للصباح ولا شلون؟؟

وبنات اانا حالة زوجي صعبه (ماعنده حيوانات منويه)ماينفع معاه الا تلقيح مجهري اذا تعالج

هل راح يصير موعدنا متأخر؟؟


ومشكووورين