تجمع للمعالجات في مستشفى الصباح قسم اطفال الانابيب

[++The DuchesS++]

السلاام عليكم
اشلونج غفران وقمر ضااوي وكل البنااااات
انا زوجي راح الصباااح لان ابو رفيجتي دكتور جراااحه ودز زوجي على دكتور يقول واايد زين
بس يوم شاااف التحاليل قاله منو الدكتور الغبي من اول تحليل يقولك طفل انابيب حتى استغرب الدكتور ان بس تحليل واااحد قاله سوي هرمونات لان زوجي فيه نقص هرمونات وسوه تحليل اليوم بعد اسبوع تطلع النتيجه...
ادعولي انشالله خير

هلا وغلا انمي
زين انه زوجج راح
والله يكتب اللي فيه الخير
وبشرينا ومافي الا كل خير انشاء الله

 

[++The DuchesS++]

كنكونه

هلا وغلا فيج حبوبه منوره التجمع

 

[++The DuchesS++]

غفران اشلونك يا عمري ان شاء الله بخير

توكلي على رب العالمين والله ما يخسر تعبك ويرزقك بالذرية الصالحة

طمنينا شنو يصيير معاك

الله وياك

انا بخير الله يسلمج
انتي اشلونج ؟؟
انشاء الله بتوكل على رب العالمين
وراح اطمنكم اول بأول
بش خنشوف بالموعد شنو راح يقولونلي

 

[قمر ضاوي33]

انمي 23

ان شاء الله ما تحتاجين الأنابيب وتحملين بالتلقيح الصناعي يا رب ولا ان شاء الله طبيعي ما في شي بعيد عن رب العالمين


بنات الله يكتب لكم الي فيه الخير


ويعوض صبركم وتعبكم خير يا رب العالمين

ويروقكم بالذرية السليمة المعافاة



غفران انتظر اخبارك ، وما نسيتك انتي والبنات بالدعاء بظهر الغيب

والله اني ذكرتك اليوم بصلاة الفجر ما ادري يتي على بالي ودعيتلك بان الله يرزقك وجميع من يبي الذرية بالقريب العاجل

 

[kankona]

هلا فيج غفران حبيبتي منور باهلا

 

[إنمي23]

مشكورة اختي قمر ضااوي
اجمعين انشالله يرزقج ويرزقنا
ويرزق كل محروم

 

[++The DuchesS++]

اليوم رحت موعد الهيستوري
وطبعا اسألتني الدكتوره عن كلشي تقريبا
عند الدوره وانتظامها وجم مره سويت تلقيح والاسئله المعتاده
وحتى ريلي بعد
وقالت اسوي تحليل ثاني يوم الدوره عشان يمكن فيني تكيس
وعطت حق ريلي موعد للسائل المنوي
وقالت اشوف تحليل ثاني يوم الدوره وبعدها راح نشوف متى يسوون لي تلقيح

 

[++The DuchesS++]

اي صح شافت الاشعه مالتي
وقالت اشعتج ممتازه وما قالت اسوي اشعه يديده
الحمدلله لاني كنت متوقعه تقولي اسوي اشعه يديده

 

[الغــ مرت ــالي]

السلام عليكم شلونكم بنوتات

مشتاقتلكم من زمان ماشفتكم

انشغلت فتره ماقدرت اتابع اخباركم عدل

المهم هالشهر انا تركت مستشفى الصباح وراجعت عيادة الدكتوره معصومة مخصيد والله انها تينن وتهبل وتريح القلب

وقالتلي ان الصباح غلطانين معاي بالعلاج سولي تضخم بالمبايض تصدقون

بس الله يسامحهم هاذي اطبه الحكومه بعد شنسوي

بس انتو استمرو ماتدرون يرزق من يشاء بغير حساب

والله كريم

وادعولي وبقول لكم انشالله شنو صار معاي

 

[++The DuchesS++]

انا باجر عندي موعد حق ريلي
واي شي راح اقولكم

مرت الغالي
اشلوونج حبوبه ؟؟
انشاء الله يكتب لج الحمال على ايدها يااارب

 

[الغــ مرت ــالي]

هلا والله غفران انا تمام

مشكوره حبيبتي انشالله يارب نسمع عنج انتي بعد الاخبار الطيبه

 

[++The DuchesS++]

بنات حبيباتي اشلوونكم ؟
اليوم رحت موعدي حق السونار والتحليل
وطلع فيني تكيس بس الدكتوره قالت بسيط
بعد اسبوع تطلع النتيجه وقالت تيين عشان اعطيج علاج حق التكيس
بالاول بعدين اذا تبين تلقيح نسوي لج
والله يكتب اللي فيه الخير

 

[++The DuchesS++]

غفران انتظر اخبارك ، وما نسيتك انتي والبنات بالدعاء بظهر الغيب

والله اني ذكرتك اليوم بصلاة الفجر ما ادري يتي على بالي ودعيتلك بان الله يرزقك وجميع من يبي الذرية بالقريب العاجل

قمر ضاوي
بعد عمري سوري توني انتبه على ردج
حبيبتي والله ماقصرتي
هذا من طيب اصلج
والله يرزقنا انشاء الله عاجلا غير اجلا

 

[++The DuchesS++]

هلا حمامه

اشعه الصبغه سهالات انشاء الله
والله يرزقج انشاء الله
والله اعرف وحده عز المعرفه ريلها سوا تحليل
طلع الحيوانات المنويه عتده صفرررر
وبعدها بفتره واهم ياأسين وكانوا بيسوون اوراقهم عشان يتعالجون
برا وتأخرت عليها الدوره وحللت ولا حااااامل حتى زوجها انصدم ماصدق
ولمن رجع سوا التحليل طلعت حيواناته المنويه عال العال
لاتياسين من رحمه ربج ادعي والله يرزقج انشاء الله

 

[الغــ مرت ــالي]

صاجه غفران انا جم مره يسوون حق زوجي تحليل يطلع موزيين

لمن انروح حق متخصصين يقولون مافيه شي

ترى مو كل مكان يضبطون التحليل دار الشفا خرطي تحليل المني مالهم



شلونكم بنات شخباركم

 

[++The DuchesS++]

نسيت ما قلتكم
امس رحت الصباح ومالقيت دكتورتي
ورحت لدكتوره كويتيه عشان تشوف تحليل التكيس اللي سويته
واسلوبها وايد ينرفز وطريقه كلامها
ما فهمت منها ولاشي على بوو مستعيله المدام
حسستني باحباط على الفاضي
صج الدكتور بشطارته واسلوبه مع المرضى
واهم شي النفسيه بس للاسف هذي شي ثاني

 

[leza_q8]

الله يرزق الجميع الذريه الصالحه

ويارب يآجركم كل خير ولا يضيع

بس حبيت ادعي لكم ان الله يرزق لكم بالذريه الصالحه

 

[++The DuchesS++]

مشكووره ليزا على الدعاء
والله يرزقنا انشاء الله جميعا


حمامه
توكلي على الله
والله يوفقج انشاء الله

 

[++The DuchesS++]

حمامه

الحمدلله حبوبه
شفتي اشلون اهي سهله ومايبيلها شي
وين سويتيها؟

 

[++The DuchesS++]

حمامه

انا سويتها بالهادي وهم ب60 بدون بنج
وصج انها تعور شوي بس ما تحتاج بنج
والله لا يضيع تعب انشاء الله