حبيباتي شلونكم أول شي عساكم بخير ....
الحمدلله على كل حال أول مافتحنا ملف في القسم أطفال الأنابيب سووا لزوجي تحليل الحمدلله على كل حال صفر ((قال سبحانه يخلق مايشاء )) ويجعل من يشاء عقيما بمعنى الأيه وسولي تحاليل كثيره والحمدلله مافيني شي
وقعدت سنتين أنطر موعدنا عند الدكتور على مايجي وسنتين قعدت أدرس أضيع وقت وأستفيد بدال ما أفكر وأحس السنوات طالت وصار معاي هرمون الحليب قلت يمكن من الدراسه بس للأسف استمر معاي للحين أخذ دواء .. المهم والحمدلله خلصت الدراسه منيه وبدت المواعيد منيه ..وبديت تحاليل...
وأشعة الصبغه.... تعذبت عندهم وماعرفت الدكتوره تظبطها معاي (متدربه أول مره تسويها ).. قلت خلاص ماراح أسويها قالوالي لازم تسوينها بس المره الثانيه سويتها في مستشفى الفروانيه عند دكتوره ماني ذاكره اسمها بس صراحه بلسم الله يجزاها خير ماحسيت إلا بألم بسيط ومن مره وحده قالتلي خلاص خلصت قومي ... ماطوولت الحمدلله ونزل معاي دم بسيط ...
وبدوا معاي تحاليل ثاني يوم الدوره وسونار وحوسه طويله ماني ذاكره المهم العام بدوا معاي بكورس الأبر عشان العمليه وجهزونا للعمليه ودخلت غرفة العمليات واسحبوا البويضات وقالوا بعد ثلاث أيام نعطيج النتيجه تلقحوا ولا لأ ملاحظه نسيت أقولكم تحليل زوجي ماكان بالطريقه العاديه طريقة السحب بالأبره يعني عمليه من داخل وأخذوا العينه وجمدوها فلما جاء وقت التلقيح مالقوا ولا حيوان منوي مع العلم أنهم لقوا وقت العمليه بس الظاهر لما جمدها ماتوا الحمدلله على كل حال أتصلت فيني الدكتوره طيبه وقالتلي مالقينا ولا حيوان منوي الحمدلله على كل حال الرازق الله سبحانه والحمدلله ...
ضاق خلقي على أني مؤمنه بقضاء الله وقدره .... هذا الكلام بشهر أبريل العمليه أول مره أسويها
عطوني موعد ثاني للعمليه بعد عيد الفطر أبدي معاهم كورس الأبر بس غيروا الطريقه ألي هم استخدموها معاي أوفر للأبر وللوقت عطوني جرعات كبيره من البودره من أول شي وأنا مستغربه ليش سووا معاي جذيه المهم قلت هم أدرى بشغلهم جرعات كلمالها تزود مافي استجابه البويضات واجد بس المشكله أول استجابة معاها البويضات بس بعدين ماكو استجابه ضاق خلق الدكتوره ليش مافي استجابه للبويضات ماتكبر ليش وكل مالهم يزيدون الجرعه وأنا حاسه بإحباط ياربي كن معيني صكت فيني الدنيا ماخلصت من سالفت الحيوانات المنويه بالعمليه الأولى وألحين طلعتلي البويضات آآآآآآآآآآآآه ...........لله الأمر من قبل ومن بعد سبحانه وتعالى أعلم بعبيده ...... الحمدلله نطلب الخيره من الله سبحانه....
يوم شافتني الدكتوره قالت ماكو فايده خلاص البويضات ماكبرت راح نوقف بس بويضه وحده ألي كبرت ماراح نغامر ابويضه وحده ولا راح نغامر بزوجج ونسويله عمليه وأخرتها ماتضبط معانا العمليه مره ثانيه ......نأجلها أحسن ...... هذا الكلام بشهر 11 قدر الله وماشاء فعل....ربي لا تذرني فردا وأنت خير الوارثين .....
عاد عندي موعد الدوره الجايه بشهر 2 والعمليه في أبريل والله كريم حبيباتي
آآآآآآآآآآآآآآآآآآآآسفه على الإطاله وهذا كل ماعندي.... وألحين زوجي من العام بشهر خمسه معطينه أبر وللحين يستخدمها أحس فيه زهق منها الله كريم قال سبحانه ((( إن مع العسر يسرى إن مع العسر يسرى )))
حبيبتي والله
الله يرزقج ان شاء الله ولا يضيع تعبج حبوبه
كل تاخيره وراها خيره صدقيني
وان شاء الله يعوض صبرج ان شاء الله
وان شاء الله الابر اللي ياخذها ريلج تجيب نتيجه يااااارب
وتنجح عمليتج حبيبتي
والله معاج ويوفقج يااااااااااااارب
ويرزقنا وياج ان شاء الله
