&&>>تجمع لاولياء امور طلبه مدارس المستقبل <<&&

[المتالقه دائما]

السلام عليكم حبيباتي اشلونكم شخباركم

فقدتكم والله

تحياتي

 

[ryoonah]

صباح الخير جميييييييييييييييييييييييييييييييييييييييييييييييييييييييعا

 

[Um Hasan]

شلونكم بناااات
شمسوين ويا عيالكم بالمدرسة ؟؟؟ انا ولدي قاعدين يعطونهم امتحانات مستوى من الوزارة ...كل يوم مادة !!!
وأسبوع الياي انشالله ولدي الثاني راح يداوم ...

 

[لوكريسيا]

السلااااااااااااااااااااااااام عليكم


شلونكم و شنو اخر اخباركم مع المدارس و تجهيزات المدارس ؟

 

[لوكريسيا]

أم حسن ... الحين امتحانات ؟؟؟؟؟؟؟؟؟؟؟؟

 

[Um Hasan]

شلونج لوكريسيا لا حبيبتي امتحان مستوى عادي ما يبي حتى تدرسينه ... انا بروحي ما كنت ادري يا ولدي من المدرسة جان يقول اليوم امتحنا امتحان رياضيات من الوزارة وباجر عربي ؟؟؟ بس بعد ما قال عن المواد الثانية ...

 

[@ الرسامة @]

السلااااااااااااااااااااام عليكم


اشلونكم بنات


وييييييييييييه


من زمان عنكم والله

اتصدقون حدي دايخة عبالي دوام اولى 28
طلع الاحد 18 --------------------- لاااااااااااااااااااااااا


تفاجاة والله

المهم اليوم طلعت من دوامي ورحت ركض لي مدرسة ولدي وخذيت طلباتهم كلها علشان استعد لدوام ولدي

الله يعينا على لوية هالمدارس

 

[المتالقه دائما]

السلام عليكم حبيباتي اشلونكم شخباركم

فقدتكم والله

تحياتي

اشدعوه مافقدتوني

 

[( روعه )]

السلام عليكم بنات ....اشلونكم..... انا ولدي بعد انشالله اولى ابتدائي بمدرسه من مدارس المستقبل ... و اهو بجري فخايفه من التجربه اليديده ... و ما اعرف شي عن نظام هالمدارس و طلباتهم ..

و شلون على سالفة ان مافي حقيبه مدرسيه .... خايفه من هالفكره شلون اقدر اتابعه و ادرسه اذا الكتب مو عندي

ياليت تعطوني فكره عن الطلبات ....
و مشكورين ...

 

[Um Hasan]

المتألقة ... احنا بعد فاقدين

شجرة الورد... لا تحاتين .. راح يكون في دفتر متابعة بينج وبين المدرسات اي ملاحظة المدرسة تكتبها وانتي نفس الشي .. وراح يعطونه جدول بالأيام والمواد اللي ييبها بهاليوم ..
واهم شي تشترين الملفات الملونة لأنه كل مادة لها ملف لون ... وسلامتج انشالله تشوفين ولدج من المتفوقين

 

[ryoonah]

منو دقوا عليها مدرسه اسماء بنت يزيد باجر شنو فيه مافهمت

 

[( روعه )]

المتألقة ... احنا بعد فاقدين

شجرة الورد... لا تحاتين .. راح يكون في دفتر متابعة بينج وبين المدرسات اي ملاحظة المدرسة تكتبها وانتي نفس الشي .. وراح يعطونه جدول بالأيام والمواد اللي ييبها بهاليوم ..
واهم شي تشترين الملفات الملونة لأنه كل مادة لها ملف لون ... وسلامتج انشالله تشوفين ولدج من المتفوقين

ام حسن يا بعد عمري الله يطمن قلبج مثل ما طمنتيني .. و الله يسهل الأمور ... و يوفق عيالنا انشالله ...و يكافينا وياكم شر الأمراض

 

[( روعه )]

بغيت أسأل اللي تعرف عن طلبات مدرسة عبدالكريم السعيد اولى ابتدائي يا ليت تفيدني ..... غير ملف ملون لكل ماده بعد شنو ...ودي أشتري من الحين قبل زحمة اول يوم دوامات ... أنا عندي ورقة الملابس ...بس بالنسبه للأشياء الثانيه ما أدري

 

[شباصة وردية]

منو دقوا عليها مدرسه اسماء بنت يزيد باجر شنو فيه مافهمت

مرحبا حبوبة
انا بنتي بتروح اولى بنفس المدرسة بس ما دقو علي !!!
واللي عندها فكرة طلبات ثانية ابتدائي لمدرسة شيخان الفارسي تفيدني جزاها الله الف خير

 

[المتالقه دائما]

منو دقوا عليها مدرسه اسماء بنت يزيد باجر شنو فيه مافهمت

هلا اختي اشلونج شخبارج واشلون بنتج الحين ان شاء الله بصحه وعافيه

كان امس اجتماع اولياء امور الطالبات

وماكانوا متصلين علي الله يعافي وحده من اهلنا اتصلت علي وقالت لي على الاجتماع لان بنتها مع بنتي بالمدرسه

ماكوا موضوع وعادي وبس ورؤساء الاقسام يهبلون سمحين واشرحوا المناهج

طبعا منهج سنه اولى اللغه العربيه تغير صار على شكل قصه ويستخلصون الاحرف والكلمات وتوابعه

والانجليزي سنه ثانيه اشرحوا المنهج

انتي بنتج اي سنه ؟؟؟ الله يحفظها

تحياتي

 

[المتالقه دائما]

المتألقة ... احنا بعد فاقدين

شجرة الورد... لا تحاتين .. راح يكون في دفتر متابعة بينج وبين المدرسات اي ملاحظة المدرسة تكتبها وانتي نفس الشي .. وراح يعطونه جدول بالأيام والمواد اللي ييبها بهاليوم ..
واهم شي تشترين الملفات الملونة لأنه كل مادة لها ملف لون ... وسلامتج انشالله تشوفين ولدج من المتفوقين

هلا بالزين كله :eh_s(6):

شخبارج اشلونكم مع لوية المدارس

 

[عاشقه القران]

ما كو أحد عياله ب ابن سينا هم هذي من المدارس المستقبل بس بالدعية بمحافظة العاصمة اي استفسار انا احاضر

 

[@ الرسامة @]

اللي سالت عن مدرسة عبدالكريم السعيد
اللي عرفته ان ماعندهم ملفات ملونة
زهبي جنطة ولدج انا خذيت المقسمة اللي تنمسك بالايد من مكاتب حولي
وخذيت دفاتر 40 ورقة وانجليزي 4 اسطر والادوات المكتبية كلها
ورحت المدرسة خذيت شعار المستقبل
والكرفتة الكحلية من بهاسين
وخذيت له جنطة اكل مع مطارة ماي
وخذيت منهج اولى مال العلوم والرياضيات والانجليزي والعربي من المكتبة

وبس
هاذا اللي اعرفه الصراحة
والله يعينا
باجر اول يوم دوام حق اولى وايد احاتيه الصراحة

 

[Um Hasan]

شلونكم بنات شخباركم ..
المتألقة دايما ... والله حايسين مع المدرسة ولدي برابعة وبدا الجد ... :eh_s(2):

شباصة وردية ... المدرسة يبون 5 دفاتر 40 ورقة حق العربي .. و2 دفتر 40 ورقة حق الرياضيات والعلوم
ودفترين انجليزي 4 أسطر .. 40 ورقة
6 ملفات ملونة + قص ولزق والوان خشبية ..... و مقص و بالطو حق العلوم
دوائر مسطحة و مكعبات تعليمية حق الرياضيات + السبورة الصقة وقلم لوحة ...
بعد شنو ؟؟
اي 3 صور شخصية للطالب + قصة يحبها ويكتب اسمه عليها ... هذا اللي اتذكره
و سوري على التأخير .. صارلي جم يوم مو شابكة

 

[@ الرسامة @]

انزين اول يوم حق اولى ياخذون ملفهم (( جنطتهم ))


انا زهبتها حق ولدي وحطيت فيها مقلمة
وحطيت له جنطة للاكل ومطارة ماي


انزين جم احطله فلوس ؟؟ بغيت احط ربع بس حسيت انه شوية حطيت نص دينار مع الاكل اللي بالجنطة

حطيت على جناطه اسمه وصفه
وحطيت على بلوزته بعد كارنيه باسمه علشان ينحفظ اسمه بسرعة


وبعد ؟؟؟؟؟؟



الدفاتر متى اوديهم ؟؟؟ ياخذونهم والا لاء ؟؟؟
احط له بالجنطة دفتر يمكن يخلونه يكتب شي فيه ؟؟؟؟








امبي احس اني وايد قاعدة اسال