&&>>تجمع لاولياء امور طلبه مدارس المستقبل <<&&

[لوكريسيا]

الرسامة .. شريت حق حمني من محل بضاعته فرنسية توه فاتح بالافنيوز .. و شايفة تي شيرت مع قميص من guess باخذهم و بشوفله بنطلون .. و يسافي عنده جم بدلة بس كلهم جمومهم طويلة .. شفتله بدله في اكاجو بالافنيوز كنزو تصير بلسوت شورت مع تيشيرتها و كاب .. و بشوفله بعد في أوركسترا يمكن احصله

البيداء .. و الله احترنا .. بس غالبا انا مع التاجيل لما يوصل المصل

حلم الطفولة .. هلا و غلا الشور شورك يا يبه و الراي رايك يا يبه .. اللي تشوفينه

 

[حلم الطفولة]

تسلمين لوكريسيا ,, المنتدى منتدانا جميعا وآنا وانتو واحد , والشور شوركم يالغاليه :* :*

 

[البيداء_77]

السلام عليكم شلونكم يا بنات التجمع ؟؟


حلم الطفولة شلونج من طول الغيبات


على راحتج حبيبتي

 

[لوكريسيا]

صباح الخيييييييييييييييييييييييييييييييييير

و أخيييييييييييييييرا امس رحت شريت ملابس المدرسة حق جسومي .. حصلتله من ماركس سبنسر و خذيتله بنطلونين و 3 قمصان نص جم و 3 تي شيرتات حق البدنية و 3 قمصان جم طويل حق الشتا .. ساعات ما احصل مقاسه و فرصة امس لقيت و خذيتله و و بعد دلاغات ربطة منهم و ربطة من سيتي سنتر .. باقيلي تكرمون الجوتي و شورت البدنية و اغراض المكتبة .. و حمني ما خذيتله و لا شي ليلحين

 

[البيداء_77]

لوكريسيا عليه بالعافية جسومي حبيبي


بس انا كلش مو متشجعة خايفة والله


الله يحفظهم يا رب

 

[حلم الطفولة]

هلا البيداء الغاليه ,, آنا بخير لله الحمد , بشري عنج ؟؟؟

 

[أم حمودي]

أنا وايد خايفة على ولدي
بتخلون اعيالكم يداومون ؟

 

[البيداء_77]

هلا البيداء الغاليه ,, آنا بخير لله الحمد , بشري عنج ؟؟؟

والله بخير عساج بخير بس حدي مالي خلق دوااااااام


تعودنا على الرباده

 

[البيداء_77]

ام حمودي الله يستر بستره يا رب ويحفظهم


عندي احساس 99 بالمية انه راح ياجلون الدوامات

 

[@ الرسامة @]

hالسلام عليكم



اشلونكم بنات

يقولون اجلو الدراسة لي 18 -10 حق الابتدائي

 

[لوكريسيا]

البيداء .. الله يعافيج .. محد متشجع بس مجبر اخاك لا بطل

الرسامة .. متى قالوا ؟؟؟؟ ما سمعنا .. جان زين و الله

 

[البيداء_77]

صاجه الرسامة قالوا انه الحكومة لها نية تاجيل بس بتعلن عنه حده حده علشان الناس تشتري البضايع مالت التجار الفقاره وعليه عليهم ما يعيشون الا على ظهورنا​

:eh_s(14):

 

[البيداء_77]

شلونكم بنات غطيتوا



حبيت اسلم عليكم واشوف اخباركم:

 

[لوكريسيا]

صباح الخير

بنات صح كلامكم أجلوا الدراسة لي 18 /10 بس امس طلع خبر عاجل بالوطن من منظمة الصحة العالمية تطالب الدول الموبوءة بتاجيل الدراسة أو إغلاق المدارس

 

[لوكريسيا]

ماشاءالله رمضان هالسنة مشى وايد بسرعة لاحظتوا؟؟؟؟؟

 

[لوكريسيا]

up

up

up

 

[البيداء_77]

صاجة لوكريسيا بسرعه مر رمضان الله يعيده علينا اعوام عديده ومديده


وعيدكم مبارك مقدما

 

[لوكريسيا]

أيامج سعيدة .. و تقبل الله طاعتكم

 

[Um Hasan]

عيدكــــم مبــــارك ... وعســــاكم من عـــــواده

 

[لوكريسيا]

منا و منج صالح الأعمال