&&>>تجمع لاولياء امور طلبه مدارس المستقبل <<&&

[Um Hasan]

لي الحين ... تونا أول السنة ..

 

[أشرقت]

صاجة تونا بأول السنة
بس العلوم والرياصيات أحس يبيلة من الحين
وأنا سمعت الأفضل تجيبين مدرسة من المدرسة نفسها أحسن تكون فاهمة طريقة التدريس
بس صعبة اشلون بنلقي

 

[Um Hasan]

مادري ...صراحة المناهج وايد دسمة ... الله يعينا

 

[الرشيد]

يعطيج العافية بالنسبة حق مدارس المستقبل انا اعيالي في مدارس المستقبل بنات وأولاد، لكن ،،،،،،،،،،،،،،
الله خلق وفرق بين ادارة المدرستين في السلام
مدرسة الفضل من العباس روووووووعة وهذا يرجع الفضل كله حق ناظرة المدرسة أبلة ( أحلام الجاسم ) يعطيها العافية مليون مرة .
لكن مدرسة أسماء بنت يزيد الأنصارية بنات الله يسامح ناظرتها ماعندها غير الزف والصراخ والنزر على أولياء الأمور الله يعين مدرساتها ويعينا معاهم .

 

[شباصة وردية]

هلا ام حسن
عيالي 2-3 و 4-4
وعيالج اللة يخليهم لج اي صف

مرحبا أشرقت
ولدج مع ولدي 2/3
عند ابلة غدير

 

[لوكريسيا]

السلام عليكم

شلونكم بنات و شخباركم مع المدارس ؟؟؟؟؟؟؟

يوم الأحد غيبت ولدي و امس داوم .. مسكين حاطينه ورى و يقوللي وايد ارفع ايدي و الابلة ما تقومني و اللي يمي ما يرفعون ايدهم لازم اتلحلح و اروحلهم اعدل مكانه اخاف يصير طبانة و كسلان لما يقعد ورى

و بالنسبة لجنطة الأكل أنوع فيها ... يعني مثلا اليوممطارة الماي و توست + جبن و صمونة ككاو مع حليب ككاو و بطاط و عطيته ربع .. لأن ان عطيته اكثر يشتري فيهم خرابيط

 

[اليكس]

يعطيج العافية بالنسبة حق مدارس المستقبل انا اعيالي في مدارس المستقبل بنات وأولاد، لكن ،،،،،،،،،،،،،،
الله خلق وفرق بين ادارة المدرستين في السلام
مدرسة الفضل من العباس روووووووعة وهذا يرجع الفضل كله حق ناظرة المدرسة أبلة ( أحلام الجاسم ) يعطيها العافية مليون مرة .
لكن مدرسة أسماء بنت يزيد الأنصارية بنات الله يسامح ناظرتها ماعندها غير الزف والصراخ والنزر على أولياء الأمور الله يعين مدرساتها ويعينا معاهم .

اي والله انج صاجه من ناحية مدرسة البنات صحيح من كثر ما كانت تصارخ ناظرتها خافت بنتي من المدرسه من اول يوم دوامات
الله يهداها عاد اول يوم اليهال محتاجين الابتسامه التشجيعيه والكلام الطيب

 

[أشرقت]

مرحبا أشرقت
ولدج مع ولدي 2/3
عند ابلة غدير

هلا ابلة شباصة وردية
ولدي عند ابلة غدير سألت عنها يقولون زينة
وابلة العربي مادري عن تدريسها بس يقولون عصبية

 

[أم حمودي]

انقذوني بنات
ولدي بمدرسة شيخان الفارسي بصف الرابع الإبتدائي 4/1
باجر عنده املاء انجليزي ومضيع الورقة
بلييييز اللي عندها الكلمات تعطيني اياها
أنا أذكر بس كلمتي bear و smile
تكفون ضروري ضروري

 

[@ الرسامة @]

لوكريسيا


اشلونج حبيبتي
ما يشوف شر ولدج




اليوم ولدي من اول ما قعدته من النوم يقولي بلاعيمي تعورني قلت اكيد يتعييير علي
المهم لبسته ووديته المدرسة

بس رد واهو تعبان صدره يعوره وقام يرجع
الصراحة خفت وديته المستوصف قالي احتقان وعطاني ادوية وقالي يريح بالبيت يومين


شسوي الحين

والمنهج ؟؟؟ اخاف يعطونهم واجبات او امتحان
وانا ما ابي يطوفه شي


انزين اغيبه مو لازم ابلغ المدرسة واخذ طبية ؟؟؟
لما اخذ طبية لازم اروح المستوصف مع ولدي ؟؟؟ والا بس ابلغ الادارة ؟؟؟

منو تقولي ؟؟؟

وبعدين اليوم اسال ولدي اقوله جم واحد بصفك يقولي 44 ؟؟؟؟ من صجه ؟؟؟؟ مستحيل اصلا !!!!!!!!

 

[أم حمودي]

حبيبتي الرسامه
مايشوف شر وليدج
روحي الصبح الإدارة بالمدرسة قسم شؤون الطلبة وقولي لهم أبي طبية لولدي عطيهم اسمه وصفه
وبعدين تروحين مع ولدج المستوصف يكتبون لج فيها الراحة ولاتنسين تختمين ختم المستوصف عند الكاتبات
وعلى طول وديها للمدرسة علشان يبغلون المدرسات بالعذر الطبي اللي عنده

 

[شباصة وردية]

هلا ابلة شباصة وردية
ولدي عند ابلة غدير سألت عنها يقولون زينة
وابلة العربي مادري عن تدريسها بس يقولون عصبية

هلا حبوبة
ابلة غدير كانت مدرسة ولدي باولى بعد وايد حليوه وزينة بس باجي المدرسات والله ولدي ما ما قال شي عنهم
الله يستر

 

[سارونه AM]

الرسامه
مايشوف شر ولدج
ترى مايحتاج تاخذينه معاج عشان الطبيه لانه الكمبيوتر مبين انه راجع واخذ علاج
والله يحفظ اعيالنا من كل شر

 

[@ الرسامة @]

تسلمين سارونة وام حمودي يارب يحفظ عيالكم ويبعد عنهم المرض

 

[أشرقت]

الرسامة مايشوف شر ولدج انشاللة
ياحياتي واللة يكسرون الخاطر أيام المدارس

 

[Um Hasan]

الرسامة ... مايشوف ولدج شر انشالله ..

 

[@ الرسامة @]

لشر ما ييكم حبايبي

اليوم من الصبح ترجيع مسكين رحت خذيتله طبية ورحت المستوصف الله لا يراويكم كله طلبة صغار وكبار
زحمةةةةةةةةةةةةة ضاق خلقي وطلعت قلت مو الا طبية الحين ارد لهم العصر احسن لي




منو ولدها بعبدالكريم السعيد سنة اولى ؟؟؟

 

[Um Hasan]

أشرقت ... شمسوية ويا ولدج مع واجب الرياضيات ؟؟؟ صراحة صعب انا مو فاهمة شلون هو راح يفهم ؟؟؟
وكان عندهم املاء انجليزي .. وما كنت ادري

 

[لوكريسيا]

مساء الخير

الرسامة .. مايشوف شر البطل

واي انا ولدي مايتكلم .. مايقول شنو طالبين منه بالصدفة لما اسأله يقوللي .. و لي اليوم مايعرف اسامي أبلاته .. اقوله يما انت صرت بثالثة يعني كبير لازم انت تقوللي طلبوا مني كذا و كذا مو انا أشير الطلبات .. بس حسيت هالأسبوع مر بسرعة

 

[Um Hasan]

لوكريسيا انا ولدي برابعة ولي الحين ما يعرف اسامي ابلاته وعلى قولتج كل شي ادري عنه بالصدفه ... الله يعينا والله يوفقهم يا رب