%% تجمع حق اللي ولادتهم بأكتوبر ونوفمبر %% حياكم

[katko_ota]

وعليكم السلام شلونج حبيب قلبي

 

[حبيب قلبي]

هلا كتكوته لى الحين ماولدتى

 

[katko_ota]

لا لي الحين تاريخ 27/10 ادش شهري
بس الله يسلمج دخلت المستشفى برمضان كان حايشني عوار وولاده مبكره بس الحمد الله الله ستر
بشري عنج حبيبتي

 

[حبيب قلبي]

تمام انا دشيت شهرى من 10 ايام وناطرة الولاده

 

[Om^7aMaNi]

بنات شلونكم ؟
انا موعدي 23/10 و ليلحين ماكو شي !!
بس يمكن من يومين حسيت بعوار نفس عوار العادة وايد بسيط ..
تروالكم اطول اسبوع فووق هالموعد؟؟
المفروض تكون في بوادر من الحين ؟؟ مادري شسالفة لان هذا بجري

 

[حور الجنان]

ام حمني انتي سيم سيم انا قاعده انطر نغزه والا عوار ومافي شي


يالله الله يبلغنا العوار ههههههههههههههههههههههه الله يسهلها ويسرها يااارب

 

[Om^7aMaNi]

امييييين الله يسهل علينا
انا خايفة يخلصوون مرضياتي و انا ليلحين ما ولدت و اولد بالدوام !!

 

[Brounzi_girlly]

مسا الخير بنات شلونكم أمس كانت عندي مراجعة والدكتورةطمنتني على البيبي وقالت لازم أمشي وإن شاء الله الإسبوع الياي بتفحصني وآنا حدي متصرقعة الله يسهل علينا جميعا

 

[الزمن ماله أمان]

بنات بسألكم سؤال انا توني راده من مراجعتي وانا بالاسبوع 38 واحس بطلوق وسويت تخطيط طلع طلق خفيف بس الرحم مفتوح 1 سم ولما سويت سونار قالت لي ان الراس للحين ما دخل الحوض شنو اسوي عشان ينزل بالحوض تكفون اللي عندها خبره بالهشي تفيدني مع اني امشي دايم ومكثرة الجماع وشربت خروع بس مافي فايده ارجوكم ساعدوني

 

[حبيب قلبي]

السلام في احد

 

[l!ke A roSe]

وعليكم السلام حبيب قلبي

ام حمني

العواااار يجي مرة وحده بنفس اليوم ببجري ماكنت احس بولاشي لاعوار ولاظهر ولاشي ولاشي

العوار جا بيوم واحد بالتدريج


الزمن ماله امان

انا سمعت انه الجنين يننزل بالحوض حزة الولادة
واذا على 1سم في بعضهم يكونون مفتوحين 2سم من واهم بالثامن ويكون طلق خفيف

انا سمعت عن تمرين يخلي الجنين ينزل بالحوض والله انا لي يومين اسويه وحسيت انه نازل حيل حيل يعني تخيلي امشي وحاطه ايدي تحت جنه بيطلع شي واقول للدكتورة والله احس انه بيطلع جذي وانا مدري عنه قالت لااا بتدرين ماراح يطلع بدون عوار

التمرين اهو تكونين ساندة ايدينج على الطاولة وارجولج شوي امبعدتهم وتقعدين وتوقفين وتكررين اكثر من مرة
انا اذا سويته احس الضغط كله على ركبي بس ارتاح شوي عالاقل يريح ظهري هالتمرين
لان ظهري حيييل شااااد وودي اثني عمري وافرده بس مش قادرة


يالله الله يسهل علينا ان شاء الله

 

[l!ke A roSe]

برونز
اي خليها تفحصج يمكن الله يسهل عليج

انا خليتها تفحصني اول مادخلت التاسع بس
وسويت سونار والحمدلله كل شي اوكي

وماراجعت ليومج مالي خلق اروح كل اسبوع مراجعه

 

[Om^7aMaNi]

بعد عمري الله يسهل علينا يالغالية
انا موعدي الخميس بس هونت مابي اولد لان حمولتي عندهم عرس وحدة قريبة فمحد فاضي و خواتي بعد معزومين على عرووس محد فاضيلي و انا قاعدة اشتغل على بحث لازم اقدمه خلال اسبوعين و انا ما سويت شي
بس والله اللي متعبني ان بطني يتيبس حييييل و انا نايمة يتعبني حيل مو قادرة انام
عادي سالفة تيبس البطن هذي ؟؟ ريلي يقولي لازم تسإلين الطبيبة !!

 

[l!ke A roSe]

يتيبس بطنج تحسين مثل التشنج صاير تصيرلي وانا نايمة اكثر
واحيانا يتيبس وتحسين بشي يلف ببطنج وظهرج

انا سألتها قالت عاادي
ولافوق هذا الحين وانا نايمة الجنين يتحرك بس تحت وانا نايمة احس بحركته نازله نازله وجنه بيطلع حتى افز اطالع بعمري لان حركته كانه طلع شي

يالله والله تعب النطرة اتعب اكثر


ام حمني ليش ماتروحين العرس يمكن البيبي يحس بالازعاج ويغير رايه ويطلع بسرعه
اذكر وحده اعرفها راحت عرس يقربلها وكاشخه وحتى كانت واقفه وترقص خفيف والله بليلتها راحت ولادة بمكياجها والتسريحه ههههههه

 

[أناقوقش]

الزمن ماله أمان

عادي حبيبتي انا صرت 9 سانتي والراس مانزل بالحوض
وشفطوا البيبي

عادي لا تخافين الله يسهل عليج إن شاءالله وينزل قبل لا تولدين

وعلى فكره انا سويت الرياضه اللي قالت عنها اختنا بس ماكو فايده

مع اني ماكنت ادري ان الراس بعده مانزل بالحوض

 

[Om^7aMaNi]

اييي زيين طمنتيني
لا انا احس جنة اييد البيبي اتحرك تحت بس ما احس ان بيطلع
ههههههههه
ايي اعرف وحدة جذي بنت خال ريلي حضرت عرس حماتي و كانت موصلة الاخت شربت خروع و يت العرس طلعت منه ولدت
والله الكل يقولي تعالي وانا انشالله اذا لي مزاج بروووح انشالله

 

[Um Ritaj]

انا للحين صامدة ما ولدت

ماني مستعجلة

 

[الراجيه مغفرته]

شلونكم بنات من زمان عنكم وانا للحين صامده معاكم

 

[Brounzi_girlly]

الله يهون علينا خلاص استويت حدي

 

[أم عبد الله]

صبحكم الله بالخير

أنا كنت أبي اولد بس أحلين هونت خلاص أبي أكمل شهري وزود لان شغالتي اليوم الصبح قالتلي انها تبي تسافر يوم الجمعه عندها ظرف طارئ في الفلبين وتبي تروح اسبوعين وترجع إهيه صار لها عندي 3 سنوات وكانت مقررة تروح شهر 3 وإهيه من قالتلي وأنا الدنيا لفت فيني والأفكار ياربي يا حبيبي الأولاد والبنت منو يوديهم المدرسة والبرامج الرياضية إللي امشركتهم فيها على اساس وقت الولادة يكونون مشغولين ياربي والدوام ومنو إييب ومنو يرجع البيت والبيت دورين منو يكوي منو يغسل من ينظف ومنو ومنو ومنو واي احس بحص اسمنت من تحت علشان لا يطلع النونو ألحين ياربي ادعولي يابنات الشغالة الثانية توصل هاليومين لاني من شهر رمضان طالبة ولحد ألحين ببجيي آآآآآآآآآآهههههههههههههههههههههههههههههه