%% تجمع حق اللي ولادتهم بأكتوبر ونوفمبر %% حياكم

[Brounzi_girlly]

مسا الخير بنات شلونكم شخباركم؟

 

[أم منصـ 85 ـور]

هاي بنات شلونكم

ياربي متى أولد تعبت لا قومه نفس الناس لاقعده نفس الناس لا تنفس نفس الناس وفوق هذا انفلونزا يارب سهل

مبروك ليزا واناقوقش .. والفال للباجي

 

[غـــ روحــsaraــي ــلآآ]

السلام عليكم
شلونكم بنات؟
الف مبروك للي ولدوا والله يهون على الباقي ويقومهم بالسلامه
بنات انا بالاسبوع 36 و6 ايام وكنت ناويه اشرب خروع بس رحت للدكتوره قالت لي ان فيني التهاب وعطتني مضاد حيوي قالت لان الالتهاب
هذا يأثر على البيبي وقت الولاده بصراحه ضيقت خلقي الحين احاتي الولاده ومتى اولد واحاتي الالتهاب في احد منكم صار له نفس الشيء؟

 

[Brounzi_girlly]

هانت ام منصور حبيبتي مايطلع الا بوقته إن شاء الله
مع التحية..............

 

[Brounzi_girlly]

حبيبتي غلا ماتشوفين شر

 

[Om^7aMaNi]

ايي غلا انا نفسج
الحين هذا اخر اسبوع لي بس هم فيني التهابات بسبب فطريات و عطتني علاج و خايفة ولد لان قالت لي ان يأثر عالبيبي بس الحمدالله مع العلاج جني قاعدة احس بتحسن
انتي شنو العلاج اللي معطينيج ياه؟

 

[Brounzi_girlly]

ماعليج إلا العافية أم حمني الله يقومنا جميعا بالسلامة

 

[Om^7aMaNi]

امييييين
مشكورة يالغالية

 

[عروسة]

الف مبرووووووووووووك للي وولدو والله يبارك لهم فيهم ويستر عليهم


وعقبال الكروشات الباقيات وعقبالي <<<<داشه تبارك

 

[ام ميدوو]

:aha:مرحبا حبيباتي شلونكم نشالله بخير

اولا الف الحمدالله على سلامة كل اللي ولدوا والفال للباجي
ثاني شئ الله يسهل لي ولكل وحده ولادتها قريبه
بنات انا موعدي الولاده 22 اكتوبر وما احس بولا شئ يعني لا طلوق ولا غيره نفس حملتي فولدي الي طافت كانت اول تجربه لي والحين هذي ثاني حمله ولا احس بطلوق
يعني فولدي فجأه ضحكت جان احس شئ انبط عندي ونزل ماي عقب حسيت بطلووق حاره حيل ورحت المستشفى على طوول طبعا حدي مخترعه ولا اعرف شنو السالفه تميت اطلق طلق طبيعي من الساعه 11ونص الى الساعه 5 الفجر عقبه ولدت يعني كل شئ طبيعي بس طوووول شهري التاسع مافي طلوووق بس فيوم واحد تشتغل عدل

بس والله المره هذي حيييييييييييييييييييل خايفه والاحلام فالييل اذتني وما ادري شنو راح يصير الله يستر ويسهل

اتمنى للكل الصحه والعافيه لها ولمولودها ويسعدني اني شاركت معاكم
وادري طولتها :dddds:

 

[ام الجــوري]

مرحبا بنات........ الله يهون عليج ام ميدو اتكلي على الله هذا انا حدي خايفه وانطر خلصت شهري من يومين بس ماكو شي طلوق تروح وترجع بس مو متقاربه

 

[حبيب قلبي]

اب اب اب

 

[نور الكويت$$]

هاااي بنات OM JOOD فطوم سابقا ولدت بنووته اليوم المغرب
كانت تحاتي الصبح ياا حياتي..

 

[حبيب قلبي]

حمدالله على سلامتها مابغت الفال لنا يارب

 

[أناقوقش]

مشكوريييييييين ياكروشااااات

الله يبارك فيكم


والفال لكم ويرزقكم ربي ولاده سهله يارب


الحين فضيت وبكتب لكم تفاصيل ولادتي

اول شي انا يوم السبت كان ينزل علي شي فما كنت ادري هل اهي افرازات ولا ماي بس كنت اتوقع ماي ولكن دكتوري قالي لا يمكن افرازات
اذا زادت تعالي العياده
اهي مازادت بس استمرت اليوم كله وماكنت احس بولا الم
بالليل قبل لا انام صار السائل مايل للوردي فقلت اكيد دم بس احس بألم بروح المستشفى
حطيت المنبه للدوام قعدت قبل المنبه بــ 5 دقايق ولا الم في بطني رحت الحمام تكرمون ولا هالمره دم صجي
ههههههه

ياااااااافرحتي يعني ماكو دوااام واروح واندعس بفراشي ولا يقولي زوجي شفيج قلتله مابي اروح وبس وخليته ينام عشان يشبع نوم

المهم ماقدرت انام قمت احوووس بالشقه اغسل واسنع فاااضيه مووو ؟؟
لان الالم كان ايني كل خمس دقايق ويروح لمدة 4 ساعات على الساعه 10 رحت المستشفى
ولا يفحصوني بالقصب طبع ماقدروا علي بس قالوا تقريباً 1سم
وسولي تخطيط ولا الطلق منتضم كل 7 او 8 دقايق
قالوا روحي البيت وبعدين ردي طبعاً اهم عطوا دكتوري خبر واهو كان معاي اول بأول لاني دقيت عليه قبل لا اروح المستشفى

لما طلعت قالي تعالي العصر العياده خليني اشوفج

انا رحت البيت تغديت عيش وملوخيه ونمت لا ولا حاطه منبه عشان اروح للدكتور ولا شي رااااااااهيه قعدت على اذان المغرب وقعدت زوجي
رحنا العياده ولا يقولي 3 او 4 سانتي
وقالي ان الدكتور اللي فحصني دق عليه وقال الله يعينك عليها هذه خوافه شلون راح تولدهاااااا لوووووووووول
وقالي يلا
روحي المستشفى شوفوا انا الراهيه شنو قلتله لا دكتور بروح البيت اخذ اغراضي وبعدين اروح المستشفى ولا يقولي يابنتي دي ولاده ما تتأخريييييييش
ولا زوجي يطالعني اي اغراض؟؟؟ اهلج ايبون كل شي قلتله لا لا بروح البيت

ترا انا بس جذي بروح البيت عشان مابي انحبس بالمستشفى ههههههههه على فكره ترا هذه اول حمله لي يعني غشيمه بس وايد قالولي لا تستعيلين وتروحين المستشفى شوي شوي

عاد انا رحت البيت من 7 ونص ليه 10 بعدين طلعنا للمستشفى افحصوني ولا 6 او 7 سانتي ودخلوني ولاده
وعطوني الحقنه المعروفه ههههههههه
و ركبوا الدرب
وياني الدكتور وبدا الكفااااااااااح الطلق لما الحين ايي ويروح ليييييييين الساعه 12 زاااااااااد وصار مستمر وزادوا البنج والكمام وراس البيبي مانزل بالحوض يعني صعب اولد وتعبت تعبت تعبت لين قال الدكتور نص ساعه اذا ماولدت بنزلها عمليات وانا اقوله دكتور لا تقول عمليه قول استغفرالله
صج ان انا فاااااااضيه الناس خبه وانا ماعندي سالفه حدي مبنجه واتهاوش بعد


لين الحمدلله حسيت ان في شي ينزل ولا بنتي حبيبتي
ولدت الساعه 1 وثلث باليل يعني الطلق من 6 و ثلث الصبح ليييييييين الساعه 1 وثلث بالليل
بس ماشفتها عطيتهااا نوووومه لمدة ساااااااعتين لما صحيت ودوني الغرفه وشفت امي واختي
ويابولي بنتي الله يخليها لي يااااااارب ويجعلها من الذريه الصالحه امين يارب العالمين

والفال لكم الله يسهل عليكم يارب

 

[حبيب قلبي]

حمدالله على سلامتج بس ماشاء الله اعصابج قويه

 

[l!ke A roSe]

الحمدلله على سلااااااامة اللي ولدووو والفال لنا ان شاء الله


بنات صج الدارسين مثل ماقالو يفصل المشيمة عاد انا لي يومين اشربه
وانا خاااايفه ماحب اشرب شي بس من التعب والملل قلت اشرب كلهم شربووو من اول التاسع
وقفت على انا باقيلي اسبوع واخلص التاسع

 

[حبيب قلبي]

والله ماادرى اذا صح ولا غلط بس وايد اشربوا والحمدالله ماصار هاشي

 

[l!ke A roSe]

حسافه وايد بنات اختفو من التجمع ان شاء الله خير

يالله ان شاء الله نجتمع بتجمع النفاس ونستفيد مع بعض

 

[حبيب قلبي]

صباح الخير