تجمع (( تجربتي مع شفط وشد البطن ))

[امووره]

مساء الورد رشيقات
سؤالي حق الي سوت العملية طبعا كلكم صار عندكم انتفاخ صوب المعده صح؟ وانا وحدة منكم بس انا الي لاحظته ان تفخة المعدة صوب واحد يعني جهة اليسار بس؟؟؟؟ صارلكم جذي؟؟؟ مع العلم ان لي شهر و اسبوع من العملية

 

[ام زين العابدين]

عيل تدرينن انا شلون انا صوبين وبالنص مشدود صار جنه صدر في بطني تفختين

 

[كويتية طيبه حنونه]

يالله متى يبين تتفخ المعدة وما سألتي ادكتور او الدكتورة تور شنو اسبابه الي عندها فكرة تقول عشان نستفيد وخصوصا وانا توني صارلي 4 ايام. و انشالله اذار حت لها يوم الثلاثا بسألها باجر بدق عليها واقولكم .

 

[امووره]

لا ما سالتها بس عندي موعد نهاية الاسبوع بشوف شالسالفة:eh_s(14):
و لي صار عندي خبر بقولكم

 

[معا الى القمه]

اختى فار ستار نعم انا كان جسمى رغم البطن وقليل من الترهل كان تقسيمته حلوه ومتناسق رغم كبره
لكن بعد الشفط احس منطقه الخصر صارت اعرض من اول وفوق المعده يعنى داير مايدو على الخصر
وفخوذي بعد كبرت بس------بس------انا لانه زاد وزنى بعد الشفط يعنى الى وزنها اساسا مهوب مضبوط يطلع وينزل وتميل للسمنه العمليه ماتصلح لانها بتعبي مكان ثاني من الجسم

 

[wasan84]

السلام عليكم بنات اشلونكم
انا سويت عمليتي عند دكتور عبدالناصر شفط للزنود والفخوذ والبطن شد عضلات وشفط وشد وشفط لشحوم الظهر وانا سويتها بتاريخ 19-1-2010 الجروح اثرهم بسيط بالنسبه اني توني انا ما ادري بنات ابي اسألكم عن داير مدار الحلمه اللون القامج مسويلي اياه حيل اصغير ويقول حجم 18 سنه انا كان اللون الغامج عندي كبير والين ألحين ماخف المتن إلأي بالظهر والدكتور يقول تو الناس وان هذا كله راح يفش بس شكل البطن عجيييييييييييب حدي مستانسه منه انا ترى ماكنت متينه وايد طولى 154 وزني 74 بس المتن كله بطني جني حامل بالثامن وكان عندي فتاق
والزنزد والفخوذ شوي فيهم متن اما الظهر حدث ولا حرج انا إلي خلاني اسويها مع اني حيييييييييييييييل جبانه اولا الشكل الخايش بعدين ان شكلي صار الكبر من شكل زوجي جني انا الريال والحين انا اصغر وناسه وسلامتكم

 

[al3zeza143]

السلام عليكم بنات
صج شكل بطنى صار احسن بس الخطوط زادت والسواد زاد اكثر من اول وصدري مرات ينتفخ واحس انه بينفجر ومرات لا يكون عادى يفش وجسمي صاير وايد ناشف وايد يتقشر وخصوصا صوب جرح البطن وانتي نازله مع الفخوذ وطبعا التفخ اللى فوق السره وتحتها للحين موجود سالت الدكتور يقولي تو الناس انتى للحين ماصار لج شهر حتى على الاقل يبيلج 3 شهور الى 6 شهور يبن النتيجه عدل انا الحين صار 17 يوم بس خايقه من السواد الكورسيه مسبب لس سواد بين الفخوذ مو طبيعي جنه حاطه فحم مع العلم انا حنطاوية وعلى فكره انا مستمرة بجلسات المساج يقولي يخفف التورم اللى بجسمج كله وعطاني بعد جل استعمله مرتين باليوم يقولي يخفف العوار جسمج لانه ظهري وبطني احسه للحين متخدر ومكان الشفط بظهري اى احد يلمسه يعور ابي اسالكم يابنات فيى احد جرب الليزر لتفتيح الاماكن الداكنه بالجسم الله يخليكم ساعدوني انا جذيه ومو طايقني اشلون لو شاف السواد بعد الله يستر .

 

[معا الى القمه]

اختى العزيزه عمري انتى السواد بيروح مع الوقت وحاولى ماحد يشوفك الحين
انا زيك اسودت المناطق الى انشفطت وكانت جدا بشعه بس الحمدلله الحين فتحت وصارت نفس لون الجسم وحتى انشدت كثير عن اول لانه بعد ماراح الانتفاخ حسيت بترهل وخفت الصراحه لانه منظره مو حلوا ابدا
بس الحين ولله الحمد احسن بكثير
الله يتمم علينا جميعا ويكافينا شر ذ العمليات

 

[كشموووشه]

شيشوني اكثرررررر
موفقين بعملياتكم يارب والله يتمم عليكم

 

[دنيا من الوله]

بنات لما تنشد البطن شلون شكل الخطوط فيها تخف ولا لا

 

[معا الى القمه]

لا ياكموشه ياعمري تراها الشغله مو سهله زي ماتقرينها هنا وانا ماانصح اي احد يسويها غير الى محتاج
اختى ياحياة البي شوفى انا عنى شال نصفهم
لانى ماكان عندي ترهل كثير والسره حقتى ماشالها زى بعض البنات الى يشيل السره ويسوى لها سره صناعيه يعنى الى كان فوق وجنب السره من الخطوط لازال موجود بس الى كان تحت السره وفوق العانه هذا راح مع القطعه الى قصها وهو كان الاكثر يعنى ماصفا البطن مره باقي فيه شوى
طبعا هذا يختلف من شخص لشخص ومن طبيب لطبيب

 

[دنيا من الوله]

خوش موضوع الله يوفقكم

 

[نونه111]

حبيباتي انا لي كرشه من ولاده ناويه اسوي شفط بس اشوفكم تقولون شد وشفط وش الفرق ط

فس سؤال لما اشفط ياثر على حمال بعدين ولا لا ؟؟

ثاني شي انا داخله بنك اختي بس ودي استفسر منكم اكثر عن الشفط وتنصحوني فيه ولا لا

 

[Glamour_85]

الفشط يعني بس يشفطون لدهون اللي بالمنطقه
الشد والشفط يعني يشفطون الدهون من المنطقه ويشدون الجلد المترهل

 

[ام زين العابدين]

اشلونكم يا حلوات
انا لازت مستمتعه من غير كرشه

لووووووووووووووووووووووول

باي باي يا كرشه والحمدالله

 

[معا الى القمه]

اهلا بنات
شوفى اختى نونه الشفط يكون بفتحات صغيره نصف سانتى يمكن 3 فى البطن كله
اما الشد بيكون خط طويل على عرض البطن يقصون الزايد من الجلد ويخيطون مره ثانيه
طبعا الشفط بروحه اسهل كثير من الشد لان مافيه قص للجلد ولا خياطه
اذا عندك كرش فيها شحم نعم انصحك والدكتور قال لى ان فيه حريم الى الكرش عندهم مو كبير مايسوون شد بس شفط والجلد بروحها تنشد مع الوقت زي الحمل
من ناحيه الحمل مااعتقد فيه اي مشكله لانك بس بتسحبين الشحم من البطن

اختى ام زين العابدين كانك مره قلتى ان فيه ادمان للعمليات
انتى كم سويتى وهل تراودك الفكره زيي انك تعيدينها فى مكان ثاني انا عندي رغبه رغم كل التعب الى شفته بس خايفه
اذا تحبين تكررين التجربه وين توجهك هذي المره

 

[توتا5]

السلام عليكم بنات شلونكم
الحمد لله اليوم الثالث على عمليتي الثانيه واليوم وايد احسن وتحرك شبه طبيعي
اكيد تذكروني انا كنت شايله بطني وقبل يومين شفط الظهر والاجناب وكل شي ناط

 

[توتا5]

معا الي القمه اهو موادمان بس بعد العمليه اولى راح اتشوفين في اخطاء بالجسم لازم تتعدل
عشان جذي تتطرين للعمليه الثانيه

 

[معا الى القمه]

اختى توته الحمدلله على السلامه والله انا افكر بعد اسوى نفس الى سويتيه
الظهر والاجناب وكل شي ناط وش شعورك الحين وهل بين فرق فى نحت الخصر او لسه كل شي منفوخ
وكم شفطو من لتر لان ظهري الله العلم يبيله وايت
استنا تجربتك
شكرا لردك على وهذا دليل على طيب اصلك

 

[توتا5]

حبيبتي معا الي القمه
انتي الاطيب
اليوم الثالث لي بعد العمليه بس الفرق واضح يعني اول عمليه كان جسمي عادي مجرد اني شلت بطني يعني الي مايدري مالاحظ اني مسويه عمليه بس الحين لا شي واضح عدل انا حابسه نفسي بالشاليه صارلي 3 ايام عشان اقول اني مسويه رجيم هاها