تجمع (( تجربتي مع شفط وشد البطن ))

[*ضيفة*]

جزاك الله خير يالضيفه علا صراحتك وعسا الله يكبر حظك ويسخر لك زوجك ويجعلك من اهل الجنه وكل المشتركات وعلا راسهم الشيخه جست مي لانكم تتكلمون بمصداقيه ويبارك لكم في اولادكم,,,,,,,,,,,,,,,,,,,,,,,,,,,,,,,,,,,,,,,يالضيفه انتي عند منو امسويه عمليتك؟؟؟؟؟؟؟؟؟؟؟؟؟

تسلمي اختي على دعوتك ولك بالمثل ان شاء الله
بالنسبة لي انا عملتها بالاردن وللامانة الدكتور عمل عملية لاختي من قبلي وعمليتها روعة شاء الله ماعليها اي كلام وانا ما اقدر ابخس بالدكتور لانه مثل ما قلتلك النتيجة مو مرضية نوعا ما بسبب زيادة وزني ادعيلي الله ينحفني من غير شر

 

[just-me]

الله يعطيكم العافيه يابنات وجزاكم الله خيركلكم عا لمعلومات بس جست مي عفيه انت كم عمرك وكم كان وزنك انا بالاربعينات ووزني 72 وطولي 162 وعفيه يا الضيفه وينك ابي اسالك شد البطن بعد سنه اشلون نتايجه وما تندمتي انك سويتيه امانه؟؟؟؟

السلام عليكم جميعا

اولا اعذروني على الغيبة بس الانفلونزا الله يبعدها عنكم كانت زايرة البيت كله تقريبا

ما خلت واحد فينا ما لصقت فيه :dddds: الحمدلله على كل حال

بالنسبة لأسلتج CSS انا عمري 37 و زني كان 86 ونزلته بسنه (من عزمت على العملية و عرفت

ان المواعيد بالاميري اتطول ولان النتايج افضل اذا سويتي ريجيم قبل العملية ) ماشاء الله

نزلت ليمن 72 تقريبا وطولي نفسج تقريبا 161

بالنسبة لموعدي كان يوم الثلاثا اللي طاف و لمن شاف بطني على جنب وارم قال لي

لا تنامين على الجنب الوارم ( اليمين ) نامي على الشمال و التزمي اكثر بالكورسيه

و بالنسبه للدم اللي طلع من سري قال هذا خارجي و ان شاء الله ماكو الا الخير

و المشي بالممشى قال خلاص من تطوفين الشهر عادي امشي بالممشى

و حط لي موعد بعد 3 شهور اذا الله عطانا عمر و صحة يارب

عموما هالشي عطاني حافز ارد على الرجيم لاني مع القعدة بالبيت و البرد رديت

اكل و اخربط ليمن صار وزني اليوم 73.8 مع اني عقب العملية و مع الترجيع

وانتو بكرامه و صلت 69.9 بس الصراحة على مرض مو صحة ان شاء

الله هالمرة ارجع على صحة يارب

ضيفة مشكورة بعد قلبي على كل حرف كتبتيه موفقه يارب

وماقصرتي على مساعدتج لي بالردود :e3:

ام الزين رفيقه دربي بالقضاء على الكرشه :dddds: بعدعمري

شلونج ولهت عليج ... ماشاء الله موفقة وبدايه طيبه بالريجيم الله يتمم عليج :wqedqw:

و علي يارب

 

[ام زين العابدين]

هلا وغلا انا الحمدالله مع الرجيم لحد الان ماشيه بس ابي اضعف قمت اعض المخده من اليوع بضمير الرجيم

شخباركم يا الشافطات ويا الشادات

 

[ساره.]

السلام ...أول شي عمري 38...وعندي اربعه اسمالله عليهم..وطولي 156 ووزني 59 وكانت مشكلتي ترهل البطن فقط

تفاصيل العملية : السعر:1500 المستشفى:الصفاة الامريكي الدكتور : روجيه خوري

سبب العملية : اخر بطن لي كان توم

هل عمليتج : شفط او شفط و شد ...شد

بالنسبة للسر : شلتيه او لا و ليش....شلته لانه الدكتور يقول يصيير احلى اليديد مكانه اضبط وفعلا هذا اللي احس فيه

مرحلة ما بعد العملية : البربيش : اسبوع - الادوية:مضاد حيوي ومسكن- الكورسيه 6 اسابيع

ملابسج : ماتغيرت ...حياتج:مع زوجي تغيرت حيييييييييل ... تنصحين في العملية او لا : انصح فيها للي جسمها زين بس تعاني من ترهلات او سمنه بجزء معين.. واللمتان انصح يضعفوون اول قبل لا يشدوون لاني شفت بعيني وااايد متان مانفعتهم العمليه
ودمتم

 

[Miss.KwT]

يعطيج العافيه جست مي على الموضوع

في وحده منكم سووت عمليه شد عند دكتوره ممتازه ؟؟

لأن انا ضعيفه وفيني ترهل بالفخوذ و الزنود .. بس البط ترهل خفيف مايبين قلت ما ابي اسويه

الحين لما اتزوج واييب عيال واخلص مره وحده

بس ابي تفيدوني بإسم دكتوره شاطره

مشكورين وياعله بميزان حسناتكم

 

[قطوتي]

الحمد لله على سلامتكم

يعطيكم العافيه على ذكر تجاربكم

الفال لنا : (

 

[ساره.]

يعطيج العافيه جست مي على الموضوع

في وحده منكم سووت عمليه شد عند دكتوره ممتازه ؟؟

لأن انا ضعيفه وفيني ترهل بالفخوذ و الزنود .. بس البط ترهل خفيف مايبين قلت ما ابي اسويه

الحين لما اتزوج واييب عيال واخلص مره وحده

بس ابي تفيدوني بإسم دكتوره شاطره

مشكورين وياعله بميزان حسناتكم

دكتوري زيين ... بس ما اعرف دكتوره مره

 

[امووره]

مساء الورد كويتيات رشيقات
باركولي صارلي 3 اسبيع تقريبا من العملية.. يعني انضميت حق تجمعكم رسمي
بالنسبة لعمليتي كانت شد و شفط للبطن و شفط للفخوذ سويتها برويال حياة عند الدكتورة جي و كلفتني 3000 شاكل كل شي بالضافة ل 4 جلسات مساج لمفاوي و 4 جلسات lpg و4 جلسات عند دكتورة التغذية
سبب العملية كان قتاق بالسر و ترهل بعضلات البطن...و قلت مدام مبنجة كامل خل اسوي الي بخاطري
و طبعا سوتلي سر يديد...البربيش شلت الاول 3 يوم و الثاني 5 يوم
الادوية مضاد و مسكن و حبوب تحرك الدوره الدموية عشان تسرع بروحة البقع ملوت الشفط و الكورسيه لمدة 6 اسابيع
وبالنسبة حق حياتي و ملابسي بما اني توني مسويتها فما تغير علي شي و لا اقدر امدحها او اذمها....
و عندي سؤال حق الي سبقوني بالعملية
التفخة الي صوب المعده طبيعية و الا دكتورتي شغلها مو عدل؟...مع اني وايد سالت عنها قبل لا اروح

 

[Miss.KwT]

دكتوري زيين ... بس ما اعرف دكتوره مره

ماشاءالله عليج الله يتمم عليج مشكوره على ردج فديتج
بس انا افضل دكتوره احسن .

 

[Miss.KwT]

مساء الورد كويتيات رشيقات
باركولي صارلي 3 اسبيع تقريبا من العملية.. يعني انضميت حق تجمعكم رسمي
بالنسبة لعمليتي كانت شد و شفط للبطن و شفط للفخوذ سويتها برويال حياة عند الدكتورة جي و كلفتني 3000 شاكل كل شي بالضافة ل 4 جلسات مساج لمفاوي و 4 جلسات lpg و4 جلسات عند دكتورة التغذية
سبب العملية كان قتاق بالسر و ترهل بعضلات البطن...و قلت مدام مبنجة كامل خل اسوي الي بخاطري
و طبعا سوتلي سر يديد...البربيش شلت الاول 3 يوم و الثاني 5 يوم
الادوية مضاد و مسكن و حبوب تحرك الدوره الدموية عشان تسرع بروحة البقع ملوت الشفط و الكورسيه لمدة 6 اسابيع
وبالنسبة حق حياتي و ملابسي بما اني توني مسويتها فما تغير علي شي و لا اقدر امدحها او اذمها....
و عندي سؤال حق الي سبقوني بالعملية
التفخة الي صوب المعده طبيعية و الا دكتورتي شغلها مو عدل؟...مع اني وايد سالت عنها قبل لا اروح

ماشاءالله الله يتمم عليج حبيتبي ومبرووك
بسإلج جم سؤال ماعليج امر

انتي شفطتي لأن كانت عندج سمنه ؟؟ ولا حتى الضعيفه لازم تشفط ؟

انا ماعندي سمنه بس ابي اسوي شد حق الفخوذ (من داخل عندي ترهل فيهم )و الزنود ( من تحت الاباط
لي تحت مترهل) تنصحيني بدكتورتج وتتوقعين جم يكلفني ؟

وشلون شغل الدكتوره لأني افضل اني اسويها عند دكتوره وشلون وضعجعقب ماصحيتي من البنج ؟

اسفه على اسئلتي بس ابي اسأل وايد و استفيد منكم
الله يوفقج ويعطيج اللي في بالج

 

[ام زين العابدين]

ها بنات
نصييييييييييييييحه من مجرب لا تسوين عمليه شد ولا شفط قبل لا توصلين الوزن الي انتي تبين او اكثر شي اكثر ب 5 كيلوا لانه حراااااااااااااام حرام على الفاضي ضعفي وبعدين عدلي عشان النتيجه صج تطلع عدل مو تسوين وبعدين تضعفين يطلع يبيلج بعد بمنطقه ثانيه لا من اولها اختصري كل شي


والي تسال عن المعده عاااااااادي وطبيعي لانه انا وسواسيه ما بقى احد ما سالته عنها وقالولي عاديه

 

[just-me]

صباح الخير على الكل

شلونكم بنات

الحمدلله على سلامتج أمووره ماشاء الله تبارك الرحمن الله يتمم عليج على خير

عموما الورم طبيعي بس اذا كان ملمسه مثل الجيلي الياببس او الاسفنج لا تحاتين

اقري ردودي من 6 شهور الى سنه يالله يصير شكله طبيعي و بالنسبة للفخزذ ياليتج

شادتهم بالمره انا بعد ما شفطتهم قمت امتن و اضعف ليمن ترهلو

و عندي سؤال شفطتي الخواصر اللي اهمه Love handeles ؟؟




انا ما شفطتهم و اهمه اللي وارمين الحين و مخربين شكل اللبس وحاسه من اكل شي زود

اسمن صوبهم ---->الشفط صار ادمان

كلامج عدل مليون بالامية ام زين العابدين لازم تضعف الوحده قبل العملية

عموما الحمدلله على سلامتج مره ثانية اموره و زهبي ميزانية حق الملابس الصيفية ههههههه

 

[امووره]

مس كويت حياتي انا ماشفطت لان عندي سمنة.. بس عشان ارتب جسمي
والدكتورة تهبل و انا اكثر شي خلاني اصر اني اسوي العملية عندها مكان الجرح حيل مرتب و ما يبين و اهي مسويتها حق مديرة كوزموسيرج بالكويت و تقدرين تروحنلها و تراويج الشغل..
و بالنسبة لصحتى بعد البنج الحمدالله الاوضاع كانت اوكي و يحطونلج جهاز المورفين اول ما تحسين انج بديتي تتعورين تضغطينة و ترى العمليه صج متعبة شوي بس تعبها مو مثل باجي العمليات...يعين الريكفري مالها سريع
و بالنسبة حق السعر لازم يشوفونج و يحددونلج السعر بس ترى شغلهم مكاسر يعني ينزنولنج وايد

و جست مي انا مابغيت اشفط المنطقة ه\ة لان خصري كان حلو و خفت تخترب رسمتة بس اهي قالتلي لازم اشفطهم عشان لاينتفخون بعد الشد
والله يسلم كل الي تحمدلي بالسلامه...

 

[Miss.KwT]

مس كويت حياتي انا ماشفطت لان عندي سمنة.. بس عشان ارتب جسمي
والدكتورة تهبل و انا اكثر شي خلاني اصر اني اسوي العملية عندها مكان الجرح حيل مرتب و ما يبين و اهي مسويتها حق مديرة كوزموسيرج بالكويت و تقدرين تروحنلها و تراويج الشغل..
و بالنسبة لصحتى بعد البنج الحمدالله الاوضاع كانت اوكي و يحطونلج جهاز المورفين اول ما تحسين انج بديتي تتعورين تضغطينة و ترى العمليه صج متعبة شوي بس تعبها مو مثل باجي العمليات...يعين الريكفري مالها سريع
و بالنسبة حق السعر لازم يشوفونج و يحددونلج السعر بس ترى شغلهم مكاسر يعني ينزنولنج وايد

و جست مي انا مابغيت اشفط المنطقة ه\ة لان خصري كان حلو و خفت تخترب رسمتة بس اهي قالتلي لازم اشفطهم عشان لاينتفخون بعد الشد
والله يسلم كل الي تحمدلي بالسلامه...

حبيبتي وايد ارتحت حق كلامج ماشاءالله عليج ان شاء الله جسمج يصير احلى واحلى

وين اروح لها توريني الشغل ؟؟

تعرفين احد عنها مسوي شد وفاد معاها ؟؟

وماعليج امر وين مكانهم بالضبط عشان اروح اسأل ..

واذا بروح اول مره فتح الملف وغيره جم يكلفني اول مره عشان تشوفني ..

مشكوره بعد عمري الله يوفقج ويفتحها بويهج ماتقصرين

 

[امووره]

حبوبه مكانهم برويال حياة الدور الرابع و فتح الملف مع الكشف اذا ماني غلطانة ب30 مو متاكدة لاني حاسبتهم مع سعر العملية...
روحي قوليلهم في وحدة عندكم اهي مشرفة المركز بس ما اتذكر اسمها..قوليلهم ابي اكلمها و لي شفتيها قوليلها ابي اشوف شغل الدكتورة..و الدكتورة راح تكون موجوده في الكويت تاريخ 16 و 17 الشهر..اهي اتي الكويت مرة او مرتين بالشهر حسب عملياتها..و ماتعتبر دكتورة زايرة لانها تشتغل بكوزمو سيرج بس لانها تفتر عالافرع لان عندهم 4 افرع بالامارات و 2 بامريكا..و تقدرين تدخلين سايتهم و تشوفينها...و انشالله موفقة:ggdw:

 

[funny]

بس بسال صج الوحده اذا سوت العملية تقدر تحمل مرة ثانية؟

 

[ساره.]

بس بسال صج الوحده اذا سوت العملية تقدر تحمل مرة ثانية؟

شوفي..الدكاتره ماينصحون..بس اعرف وحده حملت عقب سنتين من العمليه وعادي..بس تقول اخترب كل الشغل ورجعت كرشت..والسترج مارك طلعوا اكثر من اول

 

[Miss.KwT]

حبوبه مكانهم برويال حياة الدور الرابع و فتح الملف مع الكشف اذا ماني غلطانة ب30 مو متاكدة لاني حاسبتهم مع سعر العملية...
روحي قوليلهم في وحدة عندكم اهي مشرفة المركز بس ما اتذكر اسمها..قوليلهم ابي اكلمها و لي شفتيها قوليلها ابي اشوف شغل الدكتورة..و الدكتورة راح تكون موجوده في الكويت تاريخ 16 و 17 الشهر..اهي اتي الكويت مرة او مرتين بالشهر حسب عملياتها..و ماتعتبر دكتورة زايرة لانها تشتغل بكوزمو سيرج بس لانها تفتر عالافرع لان عندهم 4 افرع بالامارات و 2 بامريكا..و تقدرين تدخلين سايتهم و تشوفينها...و انشالله موفقة:ggdw:

حياااااتي و الله ماقصرتي معاي بالردود
مشكوره وموفقه حبيبتي بدخل الموقع واشوف

انا احاتي مكان الخياط احس شكله يخررررررع مادري ليش
بس لازم اروح اسأل و اشوف ابي اتغير وارتاح من الرعب اللي بجسمي :0bee2e8d89:

 

[Miss.KwT]

امووره -- هذي الدكتوره قريت عنها و انا اقرا خايفه مادري ليش

د. جي فاندهولت

أخصائية جراحة تجميل من السويد
حائزة على شهادة البورد الأوروبي في جراحة التجميل
تدربت في الولايات المتحدة
١٥ سنة خبرة
الخبرات الخاصة:
جراحة تجميل الثدي
شد البطن
شفط الدهون

 

[امووره]

حياتي شغلها بالنسبة حق الخياط يهبل:ggdw:...انا اخترتها عشان خياطها لمن قارنتة بالي مسوين الشد عند اكثر من دكتور
يعني قارنته مع شغل عادل قطينة و نيشو و دكتور مادري شسمة بالسلام و طيبة كلينك خياطهم حدث و لا حرج:0bee2e8d89:
يعني الشغل يهبل و بما ان عندهم افرع باكثر من دولة فتاكدي انهم ماراح بسوون اي شي..و الحلو فيهم ان الدفع يكون عند كوزموسيرج مو قسم المحاسبة في المستشفى..يعني تضمنين انج راح تدفعين بس السعر الي اتفقتي عليه ماراح يقولونلج دوا زيازه و الا ابرة و الا اي شي ثاني
و اي حبيبتي هذه اهي الكتوره....و صدقيني ترى السالفة كلش ما تخرع...يعني العوار اول جم يوم مقدور عليه بالمسكنات و عقب مكان الشفط راح يكون مخدر فما تحسين بالعوار بس تحسين بشد العضلات مكانة و هم يروح بالمسكن الشي الي يتعب بس ان اول 10 ايام تقريبا نومتج بس راح تكون عالظهر و المشية تكونين محدبه فيها شوي و بس..