تجمع (( تجربتي مع شفط وشد البطن ))

[Miss.KwT]

مشكووووره حبيبتي شجعتيني والله يبيله :*

 

[Miss.KwT]

بعد بنات بسألكم تتوقعون الفخوذ مو نفس البطن بالولاده مايترهل ماله شغل صح ؟؟

لأن اخاف اسوي فخذي و بعدين يترهل ولا ماله شغل ونفس الشي الزنود هل تترهل مره ثانيه مع كل عمليه ولاده ؟

<< مادري وايد تخربط فهتوو قصدها ؟

 

[كويتية طيبه حنونه]

حياتي شغلها بالنسبة حق الخياط يهبل:ggdw:...انا اخترتها عشان خياطها لمن قارنتة بالي مسوين الشد عند اكثر من دكتور
يعني قارنته مع شغل عادل قطينة و نيشو و دكتور مادري شسمة بالسلام و طيبة كلينك خياطهم حدث و لا حرج:0bee2e8d89:
يعني الشغل يهبل و بما ان عندهم افرع باكثر من دولة فتاكدي انهم ماراح بسوون اي شي..و الحلو فيهم ان الدفع يكون عند كوزموسيرج مو قسم المحاسبة في المستشفى..يعني تضمنين انج راح تدفعين بس السعر الي اتفقتي عليه ماراح يقولونلج دوا زيازه و الا ابرة و الا اي شي ثاني
و اي حبيبتي هذه اهي الكتوره....و صدقيني ترى السالفة كلش ما تخرع...يعني العوار اول جم يوم مقدور عليه بالمسكنات و عقب مكان الشفط راح يكون مخدر فما تحسين بالعوار بس تحسين بشد العضلات مانة و هم يروح بالمسكن الشي الي يتعب بس ان اول 10 ايام تقريبا نومتج بس راح تكون عالظهر و المشية تكونين محدبه فيها شوي و بس..

حمدالله على سلامتك اختي وباقي الأخوات
ودي اسألك كم وزنك كان وطولك !
وانتي سعر عمليتك 3000 مع عملية الفتاك ولا بس الشفط والشد وتوقعين كم سعر العملية شفط وشد البطن ايعني نحت !
وحسيتي الحين بالفرق ان جسمك تغيير ولا للحين مابين .

 

[ام زين العابدين]

انا من اشد المؤيدين لهذ النوع من العمليات والحين قاعده افكر بالعمليات الثانيه بس قلت ااجلها اشوي يعني كل ياهل وراه عمليه لوووووووووووووووووووووووووووووووووول

 

[امووره]

طولي 162 و وزني 75 و الفرق بديت احس فيه من يومين لان المشفوط مو وايد بحدود كيلو و نص من كل جسمي بس امس فرقت علي هدومي...وناسة :ggdw:
والنتايج توها بتبدى تبين للان الدكتورة قالتلي عقب 6 اسابيع و انا توني بالرابع
والسعر كان شامل كل شي حتى الفتاق

 

[معا الى القمه]

بنات حياكم الله جميعا
بنات انا صراحه افكر اسوي شفط هذي المره لخواصري وضهري الى ورى الخصر
يعنى داير مادار الخصر لان هذي المنطقه كبرت بزياده بعد عمليه الشفط والشد للبطن الى سويتها قبل 5اشهر
وبعد بخليهم يشفطون من العانه شوى لانها صارت بارزه مع البنطلون
والى تسال عن الوزن انا وزنى فى التسعينات
وبسالكم بنات انا احس ان عمليه شفط الزنود تالم اكثر وتبطى على بال ما يروح الالم ولا وش رايكم
الى تبي اي سؤال تسال

 

[مارجيريتا]

السلام عليكم، شلونكم. بصراحة انا كنت وايد متشجعه اني اسوي شفط وشد خاصة اني خلاص مافكر اييب اعيال وبطني حدا مترهل بس بنتين اعرفهم مسوين العملية قالوي انهم بعد العملية مايحسون في بطونهم خدورة على طول مع ان وحدة مسويتها قبل 3سنين و الثانية قبل سنتين، وحتى المنطقة الحساسة قالولي اتخدر. هل هذا صحيييييح؟!!!!!!!!!

 

[ام زين العابدين]

والله انا مسويه حق البطن شد وشفط وقالي الدكتور ما راح تحسين فتره بالجلد وصج الحين تنمل خفيف بس المنطقه الحساسه طبيعيه الاحساس عادي

 

[al3zeza143]

السلام عليكم بنات والله انا فريت كل المشاركات المكتوبه وحبيت اضيف لكم مشاركتي وتجربتي مع العمليات
اول شئ بقولكم جم صار لي الحين انا باليوم السادس عمليتي كانت يوم الاربعاء 13-1-2010 اللي سويته بالضبط شفط وشد
شفطت ظهري وبطني وفخوذي طبعا هذا مع شد البطن وفوق هذا كله رفعت صدري حطيت حشوة تلافع الصدر طبعا جسمي ترهل وايد بعد اخر ولادتي انا الحمد لله عندى 3 والحمد لله كبار يعنى اصغر واحد فيهم عمره 12 سنة انا ماترهل جسمي من الولادة بالعكس كل ماحمل واولد يرد جسمي احلا من الاول بس اللى خلا جسمي يطيح جذيه سويت عملية المرارة بمستشفى مبارك سنة 99 وهذا اللى خرب بطني كلش انا مو متينه طولي 150 ووزني 65 متني كله بكرشتي لا انسى شئ ماقلته لكم بعد انا مسوية بعد تضييج حق تحت .
العملية كلها كلفتني مع المستشفى والادوية والكرسيه وغير الادوية اللى خذيتها بعد ماطلعت من العملية تقريبا 3600 دينار الدكتور التجميل اسمه اشرف عبدالقادر اللى عيادته في بوشهري كلينك وعملية التضييج عند دكتور اسمه اشرف الجمل اللى بمركز الزهير الطبي طبعا العمليات كانت بنفس مركز الزهير .
بس اللى لايوريكم الالم اللى حسيت فيه طبعا اول يوم وثاني يوم مانان الا بمخدر ويوم صحيت اشوى خلونى امشي واول ما مشيت تكرمون رجعت كل اللى في بطني وقالي الدكتور هذا عادي لانه هذا المخدر واحسن انج رجعتيه قعدت بالمستشفي تقريبا 3 ايام اهو المفروض تطلعين من ثانى يوم بس انا قعدت على حسابي يوم زياده قلت احسن على الاقل لما يخف العوار وولما اقدر امسي اشوى ويكون الممرضات على راسي يساعدوني باللي ابيه بس والله اذيتهم كل اشوي اطق الجرس تكرمون يابروح الحمام والا ابي امشي والا ابي اكل بس جذيه قاعده بفلوسي عوار العملية والله مو حاسه فيه بس عوار الشفط اهو اللى ذبحني وخصوصا ظهري ماكنت اقدر انام على ظهري فترة طويله لانى احسه يبنقص نصين من العوار وكنت وايد اتالم لكن الحين الحمد لله احسن وايد خف العوار المهم طلعت يوم الجمعه من المستشفى وكل يوم يمر يكون احسن من اللى قبله العاور يخف اكثر طبعا الدكتور عطانى ادوية وايد مضادات حيوية وحبوب ثانية مادري حق شنو غير حبوب الحديد
امس كانت عندى مراجعه عنده علشان يشيل البرابيش اللي حاطهم ويشيل اللزقات اللى على الجروح طبعا الخيوط للحين ماشالهم موعدى يوم الاربعا يشيلهم بس والله يوم شفت شكل بطنى اشلون مشدود وايد استانست حتى صدري صج للحين بطني متفوخ بس الفرق واضح بس اللي ضيق خلقي وايد شكل جرح بطني يوم شفته لاعت جيدي وشافه بعد ريلي كرهني ماقام يكلمني يقولي لو انج مو مسويتها احسن ولا لوعت الجبد هذه كرهتج من شفت بطنج جذيه ضاق خلقي ومانى عارفه شنو اسوي ومادري متى يختفي كل هذا عاد اللى عندي ماعنده صبر ابد يبي كل شي بسرعه جنه سحر وحتى لو فهمته واقنعته يتملل وده يصير الشي بسرعه .
المهم انا كلمت الدكتور وقلته على توحيد اللون وابي الجرح يختفي ويصير نفس لون الجلد ولا يبن قلت له انا سمعت عن الليزر قالي لا تتحجين عن شئ الحين الا بعد شهر بس راح اعطيج حبوب حاليا تساعد على توحيد اللون والله رحت شريتها اهى غالية اشوى ب 38 دينار وطعمها حامض وقالي من اليوم ابدي سوي مساج حق الانتفاخات هذه علشان تروح بسرعه وبعد ماطمن عليج وعلى شكل بطنج وصدرج نبدي بالشغلات الثانية منها النضاره واي شئ ثاني انتي تبينه قلت له اوكي وانا عاد بروح عنده الاربعا واقولكم على اخر التطورات والله تبي تستفسر عن شئ انا حاضر

 

[Glamour_85]

سلااام يا رشيقاات المستقبل
استسفسار حق كل وحده سوت عند الدكتور عبدالناصر خلاف
بالنسبه لشد وكبير الصدر و لشد وشفط البطن والظهر والزنود والفخذ وتنسيق الخلفيه
شلون على الاثار ووين تكون انا مابي يصير اثر بجسمي
يعني سؤالي الاثر جم بالاميه يبين وهل يسويه بمكان مخفي
وينفع البس ملابس سهره مكشوفه البطن والظهر
او قصير او شي يعني يبين في اثر والناس بيلاحظون ولا لا
واهم شي زوجي ابي يحس اني طبيعيه بدون تشوهات قص ولزق
وانا سمعت عن الدكتور ان يسوي شق بسيط حق الشد والشفط ويسويه بمكان مخفي
تكفون يا بنات فيدونه بتجاربكم اللي جربت عند هالدكتور وجم تكلف العمليه مع المستشفى والادويه والمشدات
وفي شغله ثانيه انا لمن دقيت على العياده قالولي ان قام يوسه عملياته بالسلام يعني ابي اسعار السلام
واسفه على الاطاله

 

[ام زين العابدين]

والله الكويت طلع فيها وايد شافطات وشادات لووووووووووووووووووووووووووووووول

 

[Tosta M7mSha]

بنات اشلونكم؟ حمدلله على سلامتكم جميعا يللي سويتو العمليات وماشاءالله صج شجاعاااات
تكفون عندي سؤال مادري اسئله ساعدوني فيها:
انا جسمي وايد حلو ورشيقه ومتناسق الحمدلله لما تزوجت ريلي قالي جسمج سمبتيك لا تضعفين ولا تمتنين قلنا اوكي لان انا طبيعتي اصلا ما امتني ممكن اضعف مع التعب بس ارد اثبت على وزني المثالي المهم انا رياضية وعلى طول تمارين معده من صغري عاد حملت وما بين علي ولين ولدت بطني صغيير ورد جسمي بسرعه ماشاءالله وانا بالاربعين رد مثل قبل الحمال بس في بطين اصغير اشويه والحين حملت بتوم وباقي شهرين على ولادتي بس ماشاءالله الي يشوف بطني يحسب واحد بس مو مال توم وجسمي مثل ماهو ضعيف بس حييييل قاعده احاتي ان ولادتي قيصريه هالمره وان يصير عندي كرشه

انا احب كلشي طبيعي ماحب العمليات واخاااف حدي بس اذا مارد جسمي مثل اول شسوي
عادي بس يسوونلي شد بطن؟ او في شي بدون عمليه يشد البطن وبذوب الدهون؟ والجرح اشلووون كبير وايد ولا عادي مثل القيصريه؟

ايتكم بس ريحوني الله يريحكم انا فيني هوس بجسمي وفوبيا الكرشه والمتن

 

[Tosta M7mSha]

والله الكويت طلع فيها وايد شافطات وشادات لووووووووووووووووووووووووووووووول

حبوبه سؤال متى سويتي العمليه عقب الولاده؟ الي فهمته من مشاركاتج ان بعد الاربعين على طول؟ كنتي والده طبيعي ولا قيصريه؟
سورب على اللقافه بس حددددددي مشغول بالي بهالعمليه

 

[Miss.KwT]

up up up up up

 

[far_star]

كيفكم ياصبايا

انا محتارة بعمري بخصوص هالعملية .. مرات أعزم واقول خلاص توكلت على الله .. وبعدها بكم يوم أهون واقتنع إني ماني بذاك السوء

أنا بأول الأربعين ومن غير شر مالي نيه أحمل الله يبارك لي ولكم في ذريتنا

جسمي رويان ولي خصر لاباس فيه.. بس لي بطن متهدل شوي خصوصاً إذا انا ماني شافطته وتاركته براحته

سبب ترددي إن ثلاث من المقربات لي مسويات العملية ويقولون لي تراها متعبة

وغاااالباً لو تمتن الوحده يروح الوزن في الظهر والكتوف وأنا خايفه أصلح شيء بجسمي وأخرب شي

مازلت مترددة لليوم لكني لو عزمت راح يكون وقت العملية المناسب لي في فبراير

بالتوفيق للجميع وادعوا لي تكفون بالخيرة​

 

[Miss.KwT]

بنات انا ان شاء الله باجر بروح عياده الدكتوره شيرين ابو الفتوح شرايكم فيها
بروح استشاره احس ارتحت لها
اللي تعرف مواعيدهم متى اقدر اروح -- واذا بروح ادفع وادش حق الاستشاره على طول و لا شلون ؟

 

[معا الى القمه]

نصيحه لكل الاخوات
الى ماهي بحاجه للعمليه لا تسويها لانها متعبه جدا
غير الاثر لما يقص البطن طبعا القص اهون من الكرش المتهدل بس الى ماعندها ترهل ماانصحها ابدا
انا ماتندمت على العمليه لان شكلى الحين احسن بس لا يعنى انى اشجع كل وحده عليها انا كنت فعلا محتاجه
ومع هذا الحين ضهري الشحم صار فيه اكثر من اول لانى شفطت البطن
اي سؤال انا حاضر
الاخت الى تسال عن الشد انا سمعت ان ان فيه جهاز ليزر يشد الترهل البسيط وحتى يذوب بعض الدهون
يمكن هذا يكفيك

 

[far_star]

انا ماتندمت على العمليه لان شكلى الحين احسن بس لا يعنى انى اشجع كل وحده عليها انا كنت فعلا محتاجه
ومع هذا الحين ضهري الشحم صار فيه اكثر من اول لانى شفطت البطن

عزيزتي معا الى القمه.. هل معنى كلامك أن تشكيلة جسمك تغيرت وصار الشحم يروح للظهر وهو من أول كان يتوزع بأماكن ثانية

سألتك عن هالشيء بالتحديد لأنه أكثر شيء مرددني بالعملية

أخاف أشيل بطني وتتغير تشكيلة جسمي لو زاد وزني ويروح الشحم للظهر أو الكتوف لأنه لو يروح تحت أهون

 

[Tosta M7mSha]

نصيحه لكل الاخوات
الى ماهي بحاجه للعمليه لا تسويها لانها متعبه جدا
غير الاثر لما يقص البطن طبعا القص اهون من الكرش المتهدل بس الى ماعندها ترهل ماانصحها ابدا
انا ماتندمت على العمليه لان شكلى الحين احسن بس لا يعنى انى اشجع كل وحده عليها انا كنت فعلا محتاجه
ومع هذا الحين ضهري الشحم صار فيه اكثر من اول لانى شفطت البطن
اي سؤال انا حاضر
الاخت الى تسال عن الشد انا سمعت ان ان فيه جهاز ليزر يشد الترهل البسيط وحتى يذوب بعض الدهون
يمكن هذا يكفيك

مشكووره حبوبه عالرد وان شاءالله ينفع ماعي جهاز الشد عقب الولاده

 

[ام زين العابدين]

حبوبه سؤال متى سويتي العمليه عقب الولاده؟ الي فهمته من مشاركاتج ان بعد الاربعين على طول؟ كنتي والده طبيعي ولا قيصريه؟
سورب على اللقافه بس حددددددي مشغول بالي بهالعمليه

هلا قلبي
طبعا اي سويت العمليه بشهر 11 وانا كانت ولادتي شهر 7 يعني بعد 4 اشهر والحمدالله الولاده طبيعيه وعلى فكره انا كنت راح اسويها قبل يعني تقريبا بعد شهرين من ولادتي وكان عادي الدكتور قالي ما في مشاكل بس انا كنت مشغوله سويتها بعد
وعادي انا نفسج ضليت شهر احوس واتدور في بالي وادور دكتور يعني سويت العمليه وكل شي وانا افكر وحايسه