تجمع اولياء امور مدرسة الخليج الانجليزية في السالمية

[mr000]

السلام أمهات الخليج اشلونكم.. ملكه والله خوش عطله عليكم بالعافيه..احنا بس من 2/4 لي 10/4..حتى هونت عن السفر هالسنه قلت راح أضطر مثل العام أغيبه يومين قبل لأن المده قصيره وتفاجأت العام طلع عنده امتحانات بيوم السفره اللي كنت بغيبه فيه ووديته يمتحن قبل لانروح المطار ..باونتي حبيبتي ان شاءالله ينقبل ولدج.. وبدامهم يمدحون التكامل وتابعه حق نفس الشركه وواثقين من مستواها عيل ليش مايقبلونه.. كا يقبلون يهال يايين من روضات الحكومه.. الله يهديهم ويسخرهم لج ويقبلونه ان شاءالله

 

[ملكة بيتها]

هلا باونتي ..وسعي صدرج حبيبتي طالما ولدج يبي يحول من التكامل وهم نفس الشركه ترى قبوله عندهم شبه مؤكد لأن هم لازم يقولون لج هالكلام أنا يوم كنت بسجل بنتي عندهم العام نفس الكلام إنقالي ولا رحت دفعت رسوم الإنجليزيه بنات وعقب دقوا علي وكان امتحان بنتي بشهر 6 بعد وقبلوها والله إن رسوم الإنجليزيه بنات راحت علي وسجلتها بالخليج بس إنت قالتج نحول فلوس التسجيل فلا تحاتين سجليه بالتكامل ولا تيأسين من الخليج ظلج رايحه راده عليهم ...

مروو ..إي والله الإجازه حلوه بس ماراح أسافر يمكن نروح الشاليه الأسبوع الياي ..وإنتو ليش هالعساره امتحان يوم اللي بتبدي الإجازه واي صج يعني ماكو غياب وصح أنا بنتي يوم الخميس اللي طاف كان عندهم يوم مفتوح بس كان عندهم سبلنغ تيست ما طوفوه ..

 

[زوزو الحلوه]

باونتي لا يضيق خلقج انشاالله يقبلونه لانه اعتقد لللحين ما خلصوا من المقابلات والله المستعان

 

[ملكة بيتها]

سلام أمهات شلونكم
الفرسان ..زوزو الحلوه ..باونتي ..شخباركم حبايبي

 

[زوزو الحلوه]

شلونكم شخباركم امهات شلون العطله معاكم؟ وشلون عيالكم عسى مو ملوعين جبودكم وما تبون تيي المدرسه بسرعه؟؟
لااااا انشالله مرتاحين وعيالكم مستانسين ؟؟
:friends:

 

[ملكة بيتها]

سلااااااام أمهات
العطله نايس وقاعده تمر بسرعه ...
الفرسان ..وينج غاطه يحقلج إجازه يلا استانسوا فيها ..

 

[mr000]

سلام أمهات الخليج اشلونكم شخباركم!

 

[ملكة بيتها]

هلا مروو ..شلونج يالغاليه وشلون ولدج بالمدرسه يلا بدت إجازتكم عطله سعيده عليكم وخلاص هونتي عن السفر بصراحه ما يمدي السفر لأن الإجازه قصيره وإذا بعد بترجعون وامتحانات ما تسوى السفره ..

 

[الفرسان الثلاثة]

هلا أمهات ملكه شلونج مشكوره عالسؤال والله مرتاحين من التوصيل الصبح بس أذيه لي رجعنا البيت ماكو راحه حوسه معاهم ويبون يطلعون طاقتهم لانهم قاعدين في البيت عالعموم الاسبوع مر بسرعه
مرو .. زوزو الحلوة شخباركم

 

[زوزو الحلوه]

هلا حبيبتي الفرسان الثلاثه شلونج؟ ليش ما خذيتي اجازه مع عيالج على الاقل ترتاحين وياهم ..والله انا خذيت اجازه مع ولدي على الاقل اخلص اشغالي ولا حوسه الصبح واذيه وزحمه الظهر..

 

[الفرسان الثلاثة]

الحمدلله انا بخير بصراحة ما قدرت اخذ اجازة لان الظروف ما تسمح لان عندنا نقص بالدوام شسوي خيرها بغيرها و أهون على نفسي و اقول ان روحت الدوام اريح من عوار الراس في البيت معاهم

 

[mr000]

السلام اشلونكم أمهات شخباركم مشكورين عالسؤال الحمدلله ارتحنا من قعدة الصبح والتوصيل ومن أمس ولدي قعد خلص الهومووركات والبروجكت عنده قصه لازم يلخصها بأسلوبه ويسويها مجله بس باقي نطبعها اليوم علشان يرتاح كم يوم وتالي يدرس حق الامتحانات آخر 3 أيام

 

[mr000]

الفرسان ألحين استقريتي عالمدرسه خلاص بتخلينهم بالخليج وإلا بعدج تدورين مدارس؟ والله إذا مرتاحه منها لاتطلعينه وإن شاءالله تتسهل الأمور

 

[باونتى]

أمهات الخليج شلونكم .. ذاك اليوم وبالصدفه عرفت مدرسة معاى بالمدرسة عيالها الاثنين بمدرسة الخليج وتمدح بالمدرسة وااايد وقالت ان راح يقبلونه ولدج ولا تحاتين .. يارب يقبلووونه :eh_s(16):​

 

[mr000]

إن شاءالله يقبلونه لاتحاتين باونتي..

 

[حلم الطفولة]

السلام عليكم ... مبروكين على القبول مقدما ان شالله ..

 

[mr000]

السلام اشلونكم أمهات الخليج.. ملكه ..باونتي .. زوزو..الفرسان ..شخباركم بعد في أمهات فاقدتهم من زمان..يمكن لاهين بالعطله...إحنا ابتدت عطلتنا شريتلي مخده xxl حق هالأسبوع خل نرتاح من قعدة الصبح والتوصيل..

 

[ملكة بيتها]

شلزنكم أمهات

حلم الطفوله ...شلونج حبيبتي وعساج عالقوه ياقلبي نور تجمعنا وترى نبيج دايم تطلين علينا
باونتي ..إن شاء الله ينقبل ولدج باونتي لا تحاتين
مروو ...زين سويتي ونوم العوافي إن شاء الله ..أنا صارلي يومين مستنفره على الشقه وهلكت الخدامه تنظيف وصراخ خخخخ بصراحه ..وباجر رايحين الشاليه

 

[mr000]

ملكه ان شاءالله تستانسون بالشاليه ..آنا والله مومن النوع اللي يحب النوم.. بس اسم الله عليج بنت ولدي مريضه مسكينه وأدري إني ماراح أطلع هالكم يوم بالنهار راح أقعد أجابلها لي ترجع أمها من الدوام.. وإلا آنا أموت على طلعة الصبح مبجر حتى لو ولدي معطل أمشي شويه بالممشى وأروح مركز سلطان ولازم:nbptr:بستاربكس..

 

[ملكة بيتها]

صاجه مروو طلعه الصبح لها نكهه ثانيه وأنا من يوم كنت بنت ما أحب أروح السوق إلا الصبح ومن تظلم الدنيا ما أحب أطلع مكان بس يا مطعم لعشا ولا لزواره أو سينما ( نادرا يحدني وقت الفلم ) ...