تجمع اولياء امور مدرسة الخليج الانجليزية في السالمية

[عزيزتى]

السلام امهات الخليج اشلونكم
وحشني تجمعكم
الزين == حبيبتي بالنسبة للتمثيل موجود اعتقد من7وهي مادة دراما وايد حلوة وتنمي اللغة عندهم والتعبير
والسباحة لاتحاتين يفصلونهم لان حصص البنات غير عن الاولاد
ومبروك التسجيل

 

[mr000]

أي صاجه ملكه آنا أذكر صديقتي لما كانت بنتها بالثانويه بالخليج.. كانت تقول أنهم يدفعون فلوس حق الامتحانات جنه 50 مادري حق كل ماده وإلا حق كل الإمتحانات..والله مو متأكده...

 

[الفرسان الثلاثة]

هلا مرو شلونج الدفع الله يعيننا عليه بس كله يهوون إذا شفنا عيالنا مستفيدين عسى الله لا يضيع تعبنا يارب و نفرح بعيالنا متخرجين وهما بصحة و عافية

 

[ملكة بيتها]

هلا وغلا بعزيزتي ولو إنج صاحبه المكان وإحنا ضيوفج ...نورتي التجمع وإحنا اشتقنالج حياتي
مروو ..إي هذا احنا بندفع دام عيالنا مستفيدين
الفرسان آمين الله لايضيع تعبنا وربي يفرحنا فيهم وهم ماخذين أعلى الشهادات

 

[الفرسان الثلاثة]

توني قريت بالمنتدى كاتبه وحدة من الخوات ان من السنة اليايه بيبدون يجربون يدرسون الرياضيات والعلوم بالانجليزي .. طبعا خووووووووووووووش خبر حدي استانست وهالقرار اشوفه صح 100 % لان لو تشوفون الدراسة بالجامعة بالنسبة حق المواد العلمية كلها بالانجليزي واحنا كنا ناخذ وقت على ما انترجم وهم لي يينا نحل مسائل بمخنا نفكر بالعربي فليش ما يخلون من البداية الدراسة بالانجليزي وايد أفضل و عشان نخلي عيالنا بالمدارس الخاصة الحلوة و ما انحاتيهم
انتوا اشرايكم بهالقرار؟؟

 

[eng-khadkhad]

بنات شلونكم ياريت تفيدوني باسعار المدرسة وانا ابي مدرسة صعبة حييييييييييل ابي بنتي تكون قوية بكل شي انتوا شرايكم ؟ هل تعتقدون ان هالمدرسة مناسبة والا في اقوى منها ؟ وانتوا شلونكم مع المدرسة ان شاءالله مرتاحين نفسيا منها ؟ وجم طالب بالصف انا ما احب المدارس الي تكود يهال بالكلاسات

مشكووووووووووووورين ياريت تردون علي لان نفسيتي تعبانة من هالموضوع

 

[ملكة بيتها]

الفرسان ..بصراحه شي زين إنهم يدرسون الإنجليزي لمادتي العلوم والرياضيات لأن برايي الحين الدراسه العلميه معتمده على اللغه الإنجليزيه مثل الطب والهندسه والعلوم وهذي المواد تدرس بالجامعات كلها بلغه إنجليزيه ..إن شاء الله يتطبق هالقرار صح

 

[ملكة بيتها]

بنات شلونكم ياريت تفيدوني باسعار المدرسة وانا ابي مدرسة صعبة حييييييييييل ابي بنتي تكون قوية بكل شي انتوا شرايكم ؟ هل تعتقدون ان هالمدرسة مناسبة والا في اقوى منها ؟ وانتوا شلونكم مع المدرسة ان شاءالله مرتاحين نفسيا منها ؟ وجم طالب بالصف انا ما احب المدارس الي تكود يهال بالكلاسات

مشكووووووووووووورين ياريت تردون علي لان نفسيتي تعبانة من هالموضوع

هلا أختي الأسعار موجوده عندج يمكن بالصفحه السابقه راح تلاقينه ، بالنسبه لنظام الدراسه هي نظام بريطاني ولو تاخذين فكره من ردود الأمهات في هالتجمع راح تتكون عندج فكره عن طريقه التدريس ، وطالما إحنا مخلين عيالنا فيها طبعا راح تكون المدرسه عاجبتنا ومرتاحين منها وجم طالب ؟ بصف بنتي 25 طالب
وحياج الله وإن شاء الله تتوفقين بمدرسه قويه لبنتج...

 

[الفرسان الثلاثة]

السلام عليكم أمهات اشلونكم اليوم الاثنين ان شاء الله مقابلة ولدي بالخليج بيروح الكي جي عسى الله يكتب لنا اللي فيه الخير و يسهل علينا كلنا يارب دعواتكم بالتوفيق عاد كنت أكلمه يعني أبي أهيأه أقوله برروح مدرسة أخوك يقولي لأ مابي أروح أبي أروح البيت ( قصده بيت يده ) الله يستر من إن شاء الله ما يبجي علي

 

[زوزو الحلوه]

سلااااام .:68_asmilies-com:شلونكم امهات شخباركم .الله يوفق عيالنا انشالله ويسهل عليهم انشالله.والعطله الحلوه يايه علشان نريح وياهم شوي ولا شرايكم؟؟؟؟؟؟؟؟
:wqedqw:

 

[الفرسان الثلاثة]

السلام عليكم شلونكم بنات و شخباركم مبروك عليكم الاجازة مقدما هالأسبوع كان عندنا في المدرسة ال international week وباجر كل كلاس راح يمثل دولة ويلبسون الزي الخاص فيه وولدي بسير مكسيكي ياحلوه
ملكة شلونج وشلون كان يومكم مع الحفلة ؟شخبار بنتج عسى استانستوا بشري

 

[ملكة بيتها]

شلونكم أمهات
زوزو الحلوه ........الفرسان الثلاثه ..هالإجازه أنا مستانسه وناطرتها أكثر من بنتي
الفرسان ..اليوم الحفله كانت تونس وماشاء الله اليهال شحلاتهم باللبس ..وبنتي استانست
وباجر بعد بيلبسون على كيفهم يقدرون لبس الزي اللي اليوم لبسوه أو لبس شعبي وكل طفل يودي معاه أكله من بلد معين أنا بنتي بيودون أكل أمريكي وبنتي قايله حق التيشر إنها بتودي بيتزا شكوا ما أدري بس والله أريح لي خخخ

 

[ملكة بيتها]

السلام عليكم
الفرسان ...شلونج حبيبتي وشلون وليدج المكسيكي أكيد كان زوغه ربي يحفظه ..
اليوم بنتي مستانسه حدها

 

[الفرسان الثلاثة]

و عليكم السلام حبيبتي ملكة يا هلا و غلا الحمدلله ان استانستوا عليكم بالعافية و ان شاء الله دوم بالأفراح والفال حق تخرجهم متفوقين والله يبلغج فيها عروسه
الحمدلله اليوم رجع المكسيكي مستانس بالحفله وايد و صج كان شكله يونس حيبيبي و كانوا يبون صمون هوت دوق ودينا لهم و رحت معاه شوي في البداية صورت له جم صورة واليوم الجو بشكل عام حلو وان شاء الله الاجازة الياية اتكون أحلى

 

[ملكة بيتها]

الفرسان الله يخليه لج ويبلغج فيه متخرج إن شاء الله وزين سويتي صورتيه أول الصبح أنا رحت آخر الدوام وكنت أبي أصورها مع ربعها بس طلع كلهم ماخذينهم أهاليهم مبجر وكانت بس هي مع جم واحد بالصف ..وصج اليوم كان اليهال شكلهم يونس
وإن شاء الله الإجازه تكون إجازه مريحه وسعيده للكل ..

 

[*الزين*]

يحليلكم وناسه والله ناشطات المدرسه حدي متشوقه متى تبدي بنتي وياكم لااااااحقه عل الشقى ههههههههه

بس سؤال احد عنده فكره عن الملف الصحي شلون طريقته ووين اروح عشان اكمل الاجراءات شنو صحه مدرسية؟

 

[ملكة بيتها]

هلا بالزين والله نشاطات المدرسه متنوعه وبصراحه تلاقين الطلاب مستانسين ومتفاعلين معاها وهذا يجدد نشاطهم للدراسه ..بالنسبه للملف الصحي أعتقد تروحين الصحه المدرسيه أنا ناسيه التفاصيل إن شاء الله البنات يجاوبون على سؤالج

 

[mr000]

اشلونكم أمهات الخليج..يلا مابقى شي عالعطله وناسه :eh_s(9)::eh_s(9)::eh_s(9)::eh_s(9):

 

[ملكة بيتها]

هلا مروو ..شلونج حبيبتي إحنا ترى معطلين بدت عطلتنا من 25 \3 إلى 11\4 إنتو الأسبوع الياي عندكم عطله لي متى بتكون ؟

 

[باونتى]

بنات شلونكم .. بنات حدى ضاااايق خلقى وفينى بجيه :eh_s(16): يوم الخميس خذيت عرضى وقلت بروح مدرسة الخليج بسألهم شسالفه ليش ما دقوا وحددوا موعد المقابلة حق ولدى ورحت ونطرت ونطرت غاده اللى بشئون الطلبه بس كانت مو موجوده ودخلونى على وحده غرفتها تصير يم غرفة المحاسبه يعنى اول ما تدشون تصير الغرفة على اليسار .. المهم سألتها قلت لها متى مقابلتكم انا ما ابى اتوهق لان مدرسة ولدى آخر يوم لاعادة القيد يوم الاحد اللى اهو باجر ردت على سجلى ولدج بمدرسته لان احتمال ما نقبله !!!! قلت وليش ما تقبلونه ؟؟؟؟ قالت احنا مرحلة الريسبشن صعبة ويمكن ما ينجح بالمقابلة وقالت اهو بأى مدرسة ؟؟ قلت لها اهو بالتكامل وقامت تمدح بالتكامل واحنا تبع شركة وحده اللى اهيا التعليم الاهلى .. قلت لها حبيبتى انا مو يايه عشان تمدحين لى بمدرسة التكامل انا بسأل عن المقابله .. بصراحه كلامها ما ريحنى ولا طمنى كلش وآخر شى قالت انا انصحج تسجلين ولدج بمدرسته واذا احنا قبلناه المبلغ اللى دفعتى فى التكامل يحولونه لنا .. بنات واللى يعافيكم طمنووونى فى احتمال ان ولدى ما يقبلونه ؟؟؟؟؟؟؟ حدى مكتئبه وضايق خلقى : (​