تجمع اولياء امور مدرسة الخليج الانجليزية في السالمية

[ملكة بيتها]

شلونج الفرسان حبيبتي والله حتى إحنا ولهنا عليج ..والعطله صج حلوه مع إنها غبار بس ما منعت نستانس فيها ويارب يخف الغبار والله أنا أحاتي بنتي يوم الخميس بيكون يوم رياضي عندهم وموفق ولدج إن شاء الله بالمقابله يارب

 

[mr000]

سلام أمهات الخليج اشلونكم.. بقيت أسألكم إذا بسجل بنت ولدي السنه اليايه ان شاءالله وشافوا أنه عمرها على بداية السنه 3سنوات و5 أشهر راح يحطونها كي جي وإلا حضانه؟؟ هي مواليد 26/3/2008

 

[ملكة بيتها]

هلا مروو شلونج أعتقد هم مثل وزاره التربيه يعني القانون لحد 15\ 3 فأعتقد بتكون حضانه بس مروو لا تاخذين على كلامي مو متاكده تبين أسألج باجر وأردلج خبر إن شاء الله

 

[الفرسان الثلاثة]

مروو شلونج الحضانه ياخذون من عمر 3 سنوات و لازم مايكون فيه تكرمين بامبرز بس والله كنت اسمع الامهات يتكلمون عن التيشر اللي ماسكه صف الحضانه وايد يمدحونه و انا اشوفها شكلها وايد حبوبه و متعاونه و اتحب اليهال والحضانه بس فيه صفين والتيشر الثانية مادري عنها و ياخذون اشياء حلوه تقريبا نفس ال كي جي و اتوقع وايد احسن لج من الحضانات اللي في البيوت هذيل الصفين فوقهم وكيله وايد زينه ما اتخليهم و موجودين نفس مكان الكي جي كنت اشوف صفهم و شغلهم حلو كنت بسجل ولدي كان عمره وقتها سنتين و نص ما يقبلونه

 

[الفرسان الثلاثة]

هلا مرو اشلونج بالنسبه حق الحضانه ياخذون من عمر 3 سنوات و لازم الياهل بدون حفاظه و عندهم صفين مكانهم يم ال كي جي نفس المكان و كنت أسمع الامهات يتكلمون عن التيشر انها وايد ممتازة و انا اشوفها صج حبوبه و حنونه مع اليهال و بصراحه وايد احسن من حضانات البيوت اللي ماتدرين شيسوون مع اليهال عكس الحضانات اللي بالمدارس فيه وكيلة فوقهم و وايد حريصه و كنت امر يم صفهم اشوف شغلهم وايد حلو و جنه نفس الكي جي انا كنت بسجل ولدي من السنه اللي طافت بس ما وافقوا لان كان عمره سنتين وجم شهر بس إذا حبيتي تسجلين لازم هاليومين لان الحضانه بس صفين

 

[*الزين*]

السلام عليكم

انا ضيفه معاكم واتمنى اسجل بنتي وياكم بس بغيت استفسر من جم شغله ياليت لو تجاوبوووني عن المدرسه
1. اول شي هل المدرسه اختلاط طول المراحل لان كل واحد يعطيني كلمه السكرتيره تقول لي سادس وعقب فصل وو مالت الاستقبال تقول لي تاسع وبعدين فصل وو لمن رحت لهم تقولي السكرتيره لي 7 !!!! ماادري وين الصج فيه الصراحه تدرون بنت وصعبه شوي عليها طول المراحل خلط

2. شلون طريج المدرسه انا ساكنه بالسره واهيا بعزز السالميه ويم المجمعات واللويه الصبح شلون طريجها؟؟ هل طريجها متعب او انكم تعتمدون على باصاتهم؟؟

3. المدرسه فيها حمام سباحه ؟ وو تمثيل ؟ هل شي تشوفوون زين حق عيالكم ؟


بلييييييييييييز ياليت اتجاوبوني لاني صج محتاره وعجبني ستاهم واني المدرسه ملمومه وزينه بس اتمنى احد من المراحل الكبيره بالمدرسه يرد علي !


مشكووووووووووورين عل هالتجمع الحلو والمفيد

 

[mr000]

السلام أمهات الخليج .. ملكه اشلونج شخبارج.. طمنونا على يومكم الراضي عسى ماتكنسل بسبة الجو..مشكورين أمهات عالردود .. وان شاءالله أمر المدرسه الأسبوع الياي وأسأل أتأكد.. بعد أمس شفت 3 أمهات من أهلنا مسجلين بناتهم بالخليج بالكي جي..ماشاءالله المدرسه نصها من العايله.. يلا أحسن علشان بنيتنا تتشجع.. بس هم أكبر منها بسنتين..

 

[*الزين*]

up up


بليز ردوو علي

 

[الفرسان الثلاثة]

هلا بأختي الزين حياج الله معانا حبيت افيدج باللي أعرفه بالنسبه للطريج فهو وايد معقول انا ساكنه بجنوب السرة و أنزل من شارع دمشق على الدائري الخامس و بعدين أدخل السالمية من دوار الجوازات والحمدلله سهالات انتي بس طلعي من البيت قبل الساعة 7 ومافي مشكله ان شاء الله وأنا شايفة الطريج وايد زين اذا بتقارنينه مع حولي والمجمعات الصبح ماتكون فاتحة وإذا وصلتي مبجر مافي زحمة عند المدرسة يمكن الزحمة تبدي من 7:15 تقريبا
وبالنسبة حق حمام السباحة موجود و حلو و التمثيل ما ادري إذا فيه او لا لان ولدي بالريسبشن و لين الحين ما مثل مادري إذا فيه تمثيل بالبرايمري أو لأ ..وموفقه ان شاء الله اختي والله يكتب لج اللي فيه الخير وإذا حابة اتسجلين لا تتأخرين لانهم باديين التسجيل من زمان و عليهم ضغط

 

[ملكة بيتها]

سلام أمهات الخليج شلونكم
مروو ..اليوم الرياضي الحمد الله تم بحمد الله وهو كان مبجر الصبح ابتدوا 8ونص فكان الغبار متعلق والجو ماكان مزعج وعلى 9 ونص خلصوا وأعتقد إنهم إختصروه على جذي لأن بدا الغبار يزيد بسكان وايد حلو ومنظم واليهال كانوا مستانسين الحمد الله

الزين ..حياج الله معانا بالتجمع بالنسبه لطريق المدرسه زوجي هو اللي يوصل بنتي على كلامه يقول الطريق سلس مافيه زحمه لأنه مثل ما قالت الفرسان المجمعات تكون مسكره الصبح وهم بفيدج بنقطه ثانيه لأنها مافي مدارس حولها وايد ما عدا خليفه وما أعتقد بتكون زحمه الصبح
وبالنسبه لحمام السباحه والله أنا استانست إن يكون في تعليم سباحه بالمدرسه لأني سنتين أشرك بنتي بأنديه تجاريه من غير ذكر أسماء على بو تتعلم سباحه ولا تعلمت شي كله مخلين اليهال يبلعبون بالحوض ولا فيه تعليم وهالسنه شركت بنتي بالساتورداي كلب تعليم سباحه شوفي هي بس 8 حصص تعلمت أشياء وايد في السباحه يعني أنا أشوفه إيجابيه مو سلبيه
بالنسبه للتمثيل ما عندي فكره عنه بس يتراوالي الرويات تنمي اللغه عند الطفل والذوق طبعا ..يعني بنتي أخذت نشيده ولما عطوني أحفظها وبحثت عنها لقيتها من الثقافه الإنجليزيه وهي قصه مشهوره عندهم يعني مو نشيد وخلاص لأ مهتمين بالثقافه وهذا طبعا إيجابي

 

[*الزين*]

السلام عليكم امهات الخليج مشكووورين واايد على ردودكم طمنتوني بس بسالكم عن سالفه الاختلاط محد جاوبني وشلون تاسيسهم هل قوي ؟؟ يطلع من الريسبشن شلون يكون مستواه بالانقلش هل مستواه اللغه ممتازه انا الحين ماخذه الابليكشين والله يكتب الي فيه خيررر اذيتكم معاي بس ميخالف تدرون اول مره اجرب مدارس خاصه واتمنى انكم ماتبخلون علي بخبراتتتكم بالخليج ومشكورييين

 

[*الزين*]

up upppppppppppppp

 

[أم عبووووود]

يا هلا أم عبود ..حياج الله حبيبتي
زوزو الحلوه .. أكيد الأمهات ماراح يقصرون مع أي وحده عندها استفسار

هلا فيج ياقلبي

وحياج الرحمن

 

[زوزو الحلوه]

هلا فيج اختي زين حياج الله معانا ..تأسيس المدرسه وايد حلو وقوي ومن الرسيبشن قوي ووروعه وعلى الاختلاط من الكي جي لي اي مرحله مادري بس انا الي اشوفه لانه ولدي بyear 1 انه الابتدائي كله بس الي اكبر مادري بس اهي عموما الي اشوفه اختلاط وانشالله يفيدونج الامهات..حياج الله

 

[زوزو الحلوه]

حياج الله اخت الزين..تأسيس المدرسه قوي من الرسبشين يطلعون الياهل متأسس عدل وعلى الاختلاط مااقدر افيدج وايد بس انا على الي اشوفه لانه ولدي year 1 انه اختلاط الابتدائي كله ..بس اكبر مادري وجنه اختلاط كله المراحل اختلاط ..انشالله الامهات يفيدونج..ليش ما تتأكدين من اداره المدرسه او الاستقبال انشالله مايقصرون.

 

[زوزو الحلوه]

حياج الله اخت الزين..تأسيس المدرسه قوي من الرسبشين يطلعون الياهل متأسس عدل وعلى الاختلاط مااقدر افيدج وايد بس انا على الي اشوفه لانه ولدي year 1 انه اختلاط الابتدائي كله ..بس اكبر مادري وجنه اختلاط كله المراحل اختلاط ..انشالله الامهات يفيدونج..ليش ما تتأكدين من اداره المدرسه او الاستقبال انشالله مايقصرون.

 

[زوزو الحلوه]

حياج الله اخت الزين..تأسيس المدرسه قوي من الرسبشين يطلعون الياهل متأسس عدل وعلى الاختلاط مااقدر افيدج وايد بس انا على الي اشوفه لانه ولدي year 1 انه اختلاط الابتدائي كله ..بس اكبر مادري وجنه اختلاط كله المراحل اختلاط ..انشالله الامهات يفيدونج..ليش ما تتأكدين من اداره المدرسه او الاستقبال انشالله مايقصرون.

 

[*الزين*]

مشكووورة زوزو الحلوه ماقصصصصصصصرتي على ردج

سجلت بنتي فيها واتمنى تكون بالمستوى الي القوي الي اتمنااه وااااااي حدي خايفه

وعلى الاختلاط توهم بادين بالخطه هالسنه بدو فيها من y9 والسنه اليايه من y6 اشوه ان شاءالله اتم فيها على طووول

 

[الفرسان الثلاثة]

أختي الزين من ناحية الطريج لا تحاتيت انا اليوم وصلت 7:15 عند المدرسة و هم بعد ماكو زحمة يعني الطريج ياخذ ربع ساعة أو أقل بعد انا من الاشياء اللي اتخليني اكمل بالمدرسة اهوا طريجها ان وايد زين بالنسبة حق باقي المدارس اللي بسلوى .. حولي .. الجابرية وإذل تبين سوي على يوم بروفه و روحي الصبح عشان ترتاحين

 

[ملكة بيتها]

سلام أمهات شلونكم
الزين .... مبروك تسجيل بنتج وإن شاء الله المدرسه تكون مثل ما تتمنين وحياج الله معانا بالتجمع