تجمع اولياء امور مدرسة الخليج الانجليزية في السالمية

[ملكة بيتها]

هلا أختي أثمان بصراحه أنا ما أقدر أفيدج بهذا الموضوع لأن بنتي صغيره وتوها يير 1 وما جربت النظام الأمريكي عشان أقدر أعطيج مقارنه بس إن شاء الله الأمهات اللي عندهم خبره يفيدونج

 

[mr000]

سلام أمهات الخليج.. اشلونكم ..ملكه اشلونج

 

[ملكة بيتها]

هلا مروو أنا الحمد الله بخير شكرا على السؤال ..
سلام أمهات الخليج وينكم زعلانين علينا ما تردون السلام ؟؟؟؟؟ بصراحه بديت أشك إنكم زعلانين

 

[زوزو الحلوه]

سلام عليكم شلونكم؟؟والله ملكه بيتها لا زعلانين ولا شي الله لا يجيب الزعل انشالله ..انا عن نفسي الصراحه وايد لاهيه مع ولدي يا كثر السوالف عندهم بالمدرسه الله يعينا كل يوم بالسوق اييب شغله حق الملابس علشان اسويله واكيد الامهات الباجي لاهين مع عيالهم الله يكون بعونهم انشالله انتوا شمسوين مع عيالكم؟؟؟؟؟؟؟؟؟؟؟؟؟؟؟

 

[ملكة بيتها]

هلا زوزو الحلوه ...حبيبتي عسى الله يبعد الزعل عن قلوب أمهات تجمعنا والله أنا مو عن شي بس تقريبا الأمهات كلهم قطعوا بنفس الوقت قلت يكون في كلمه أو شي مو عاجبهم.... وأنا القصد وربي العالم إني أبي أتطمن عليكم
وبعدين في كذا وليه أمر دخلت التجمع تسأل وإنتي عارفه هالوقت وقت تسجيل وتكون محتاجه تسأل وتعرف معلومات أكثر عن المدرسه وإحنا كلنا جربنا هالشي وتعرفين إن الوقت والحيره اللي تمر فيها كل وليه أمر ... بس لو تدخلون التجمع وتردون على الإستفسارات ..وبس
والله يكون بعون كل الأمهات وأمهات التجمع خصوصا ....

 

[أم عبووووود]

متابعة وياكم :wqedqw:

 

[زوزو الحلوه]

يالله انشالله الامهات مايقصرون على اي وحده تبي استفسار..

 

[ملكة بيتها]

يا هلا أم عبود ..حياج الله حبيبتي
زوزو الحلوه .. أكيد الأمهات ماراح يقصرون مع أي وحده عندها استفسار

 

[dalprincess]

بنات
بصراحه
اي مدرسه احسن ؟
الانجليزيه
وله New English School الي بالجابريه ؟
حدي محتاره
بنتي بدخلها كي جي

 

[ملكة بيتها]

بنات
بصراحه
اي مدرسه احسن ؟
الانجليزيه
وله New English School الي بالجابريه ؟
حدي محتاره
بنتي بدخلها كي جي

dalprincess; حياج الله أختي بالنسبه لسؤالج مو واضح تقصدين أي الإنجليزيه ..وبالنسبه للنيو إنجلش ممتازه
وإذا تقصدين مدرستنا هم مدرستنا ممتازه من تجربتي الشخصيه ..

 

[ملكة بيتها]

سلام أمهات عساكم بخير
كل عام وإنتي بخير وعسى ربي يحفظكم ويحفظ كويتنا من كل مكروه

أمس بنتي ردت من المدرسه مستانسه واليهال أشكالهم تونس وهم لابسين ومبدعين بلبس الشخصيات ..

 

[mr000]

سلام أمهات الخليج اشلونكم مع الإجازه..ملكه اشلونج وين رحتوا اليوم..مارحتوا المسيره؟ آنا بصراحه وخرت عن الزحمه والمسيرات وهم ماسلمت رشوا على سيارتي فوم..هههه..

 

[ملكة بيتها]

هلا مروو ..الحمد الله بخير حبيبتي أنا اليوم شوي تعبانه ما طلعت مكان الصبح وعلى أول العصر لقيتها فرصه أروح مركز سلطان أشيل للبيت وريلي وبنتي راحو المزرعه مع حمولتي ..

 

[mr000]

صج .. عاد آنا هم رحت مركز سلطان اليوم بس العاده أروح اللي بالسالميه واليوم رحت اليديد اللي فاتحينه بالجابريه خفت تحوشني زحمة المسيره بالسالميه.. لا وشنو أول مره بحياتي أفوز بشي ..وآنا قاعده أحاسب طلع رقم الكاشير اللي آنا عنده بالدولاب مادري شسمه اللي يفرونه.. وفزت بكوبونات شراء مجانا ..هههه عاد قبل يومين آنا شاريه من السالميه ب35 دينار ماطلع رقمي...

 

[ملكة بيتها]

إي أنا كنت اللي بالسالميه عاد ووناسه أنا ما كنت أدري عن سالفه إن يوقف الدولاب على رقم الكاشير وأنا أتفرفر وأتشرى سمعتهم عاد عقب ما خلصت وريت عطوني البروشور هههه عاد كنت دافعه 90 على الراهي ..والله وناسه لما نفوز حتى لو شي بوطقه يونسنا ما ادري ليش

سلاااااام أمهات الخليج

 

[mr000]

أهلين ملكه شخبارج..أي والله حلو تفوزين بشي..سويلج بطاقة مركز سلطان والله تنفع آنا لأني مو مساهمه بأي جمعيه فجمعيتي مركز سلطان يوميا الصبح أروح لما أوصل ولدي المدرسه فكل بين فتره يطلعلي كوبونات شراء مجانا..لأن ماشاءالله مشترواتنا موشويه ويوميا عاد حسبيها..اشلونكم مع الغبار اليوم آنا طلعت الظهر تفاجأت بالغبار كان وايد...!! ماعندكم امتحانات لما يداومون العيال؟ آنا ولدي عنده امتحانات وحضرته هاليومين مقابل البلي ستيشن بس ساكته عنه لي باجر بس وبشيلها لي عطلة الأيستر.!! ملكه ودي أعرف اشلون نظام الدرجات عندكم بالأبتدائي يعني نفس المتوسط وإلا تنحسب درجات الكويزات والاملاءات الأسبوعيه والشفوي والوسائل والبروجكتات ؟وإلا ماعندكم جذي مثلنا؟

 

[ملكة بيتها]

أنا عندي بطاقتهم وأنا نفسج مروو مو مساهمه بالجمعيات ومركز سلطان هو جمعيتي وجبرتي وكل شي مو خبرج أنا وريلي وبنتي فتشريي كله من مركز سلطان
أنا حساسيه من الغبار والله لا يراويج شصاير فيني منها وبالنسبه للإمتحانات والكويزات ما عندنا
والله مروو إحنا بالريبورتس ما كو درجات بس عندهم a >>>b >>>c واللي فهمته هذا تصنيف لحد صف 3 بس بعدين شلون ما أدري ياريت من الأمهات الباجي يشرحون الطريقه

 

[باونتى]

امهات الخليج شلونكم .. بغيت أسألكم متى راح تبتدى المقابلات للريسبشن ؟؟ شهر 3 ولا 4 ؟؟؟

 

[ملكة بيتها]

باونتي حياج الله معانا بالتجمع وإن شاء الله البنات يردون على استفسارج ...بالنسبه لي ما عندي فكره

 

[الفرسان الثلاثة]

السلام عليكم شلونكم بنات شخباركم مروو و ملكة بيتها شخباركم ولهت عليكم وايد عساكم بخير و مرتاحين و اشلون عيالكم الله يحفظهم سامحوني طولت الغيبة انشغلت شوي وياتنا هالعطله الحلوة الحمدلله استانسنا فيها وباجر رجعتنا حق المدرسة الله يعيننا على قومة الصبح وإن شاء الله يوقف الغبار لأن صج يمرض
الاخت باونتي بالنسبة حق المقابلات عندي مقابلة حق ولدي بروح ال KG في 22 أو 20-3 ومادري عن مقابلات الريسبشن متى
والاخت dalprincess مدرسة النيوانجلش من زمان بادي تسجيلهم و اعتقد ما يستقبلون أحد الحين جربي بس اتوقع خلصوا تقديم الطلبات