سلام أمهات الخليج! أنتوا هالأسبوعين عندكم امتحانات صح حق الأبتدائي! انزين عادي الياهل ينهد بدون تدريس بالبيت يعني كافي المدرسه تراجع لهم بالصف؟؟آنا أسأل بس لأن أعرف وحده عيالها 3 عنكم بغريد 1و2و4 وكل سنه ماشاءالله تروح الحج بهالفتره وتهدهم ماكو أحد يدرسهم حتى هالسنه بتروح من باجر ماشاءالله عليها بالعافيه الله يتقبل منها بس والله زين اذا طريقة مدرستكم مايحتاج الواحد يجابل الياهل وتقول عيالها متفوقين!وآنا آخر مره حاجه قبل 24 سنه ههههه على قولة ولدي مودينكم على بعارين!كله على سبة المدارس وماأقدر أهدهم!!
السلام عليكم شلونكم بنات شخباركم ... انشغلت الايام اللي فاتت و زين خلص السبوع و يانا الويك اند عشان نرتاح شوي من الدوامات
انا تجربتي مع الخليج سنتين الحين ولدي في الريسبشن بالنسبة لتوصيل المعلومه الحمدلله ولدي يحفظ من التيشر ماشاء الله عليه مستولى التدريس زين و متقدم بس ما ادري عن المراحل الثانية يمكن مو مقياس عشان ماعنهم مواد وايد يا ريت البنات يفيدونا بالنسبة ل year 1 -2 o 3
وطبعا يعتمد بعد على الطالب نفسه اتوقع لو تحطين ولدج او بنتج في اي مدرسة لازم متابعة من البيت و المدرسة و طبعا في يهال ماشاء الله عليهم اذكياء و يلقطون بسرعة اتلاقين يركز بالكلاس و يستوعب و يحفظ و ما يحتاج مراجعة و في يهال لازم اتراجعين لهم و في الله يعينهم بالمدرسة و البيت و دروس خصصية و ما يمشي الحال طبعا في فروق فردية و كل واحد يسوي اللي عليه لا يكلف الله نفسا الا وسعها كله على رب العالمين الله يوفق عيالكم يارب
بغيت اسألكم سؤال الحين لو ولدي كمل بنظام بريطاني و بعدين غيرت الى نظام امريكي راح ينزلونه سنه؟؟؟ هالشي في أي مرحلة يسير ولا بس في المراحل الكبيرة؟؟؟ فيدوني
