تجمع امهات مواليد شهر 7 و 8 لسنة 2010

[AVE.NJ]

برميت انه رفيجتي وزنها يوم العمليه 79
وسوتها لانها قصيره
بس مو عند اي احد عند فهد العنزي بالسيف اهو رئيس وحده بالاميري
لانه عمليتها ضروره ضغطها ماينزل
والحين لما نروح كافيه انه اطلب واكل واهي تطلب وتطالع بس ماتقدر
ترا كل اللي سوو عمليات عندهم اكتئاب
عليج بالعافيه فطاير شويخ ذكرتيني بمراهقتي

 

[برميت]

لو بسويها اكيد يا العنزي او الشرهان
انا مو متينه المتن الي يرضون يسوون لي عمليه
بس يعتبر وزن زايد مو سمنه
طولي ١٥٩ وزني ٧٣
٦٠ رشيقه
وبعرسي كنت ٥٧
كنت ضعيفه حييل ماابي ضعيفه
ابي ملامح حق جسمي
خل اولد و يصير خير
متحلفه فيه لوول

 

[AVE.NJ]

لالا عيل لا تسوين العمليه
انه حسبالي متينه
اشحلاة جسمج بس انتي تبالغين
بس حاولي تسوين كنترول بالحمال
ولا يزيد اكثر من 15كيلو
والله يهون عليج هالايام

 

[عاشقة لندن]

السلام عليكم

شخباركم؟

ايفا

الله يحييج ياقلبي

شخبارج؟وشخبار فهودي ؟

برميت

الف الف مبرووك الحمل الله يتمم عليج ان شاءالله

 

[برميت]

لا ايفا مو اشحلاته ..وايد شحم متعلق فيني ... ملامح السمنه بدت ..ظهري و اليرارات بظهري و كرشي الي اينن و الي ورى شي لا صار و لا استوى ..و زنود و اجتوف ..احلا ما في الموضوع ويهي

والله ناسيه الحمل ..بس افكر شنو بسوي و شنو بخلي


عشووقه الله يبارك فيج ...شفتي اشلون انا اسمع الكلام ..بس قلتيلي حملي ..حملت لوووول ..جنج تدرين
الله يسهل ان شاءالله

امبيه مشتهيه مجبوس دياي مع سلطه و اكل بيدي نم نم نم

 

[ايمانو حلوة]

ايفا
عسى الله يطرح فيه البركة وبلغج فيه وتشوفين عياله ياااارب

برميييت
اووولدي حبي وذيك الساعة لكل حادث حديث حماة اختي سوت شفط وعقبها ريجيم صارت جنها جسمي وعندها 3 عيال وااااايد فرق عن اول

 

[•Brown•Sugar•]

هههههههههه اخ يا المتن مأرق الكل
انا بعد فكرت اسوي شفط
وحده نعرفها سوت شفط وبعدها ليزر يذوب الشحم وينسق شكل الجسم
وتعالي شوفي جسمهاا
بس يبيله ميزانيه

 

[فلافل وبطاط]

يا حلووو الموضوع انا وصلت ال ٧٠ وناويه
اضعف وريلي يقولي لا اتفكرين تنفسي عدل
وغذي نفسج ورضعي واتركي عنج سوالف الرجيم
بو ٣ او ٤ شهور بعدها انبلش مشي وريجيم ورياضه ...

منسق لي الجدول ... بس الحمدلله جسمي زين طولي ١٦١
وهالجم كيلو مع الحمل ما اثرو وايد بس الخوف من الاشياء
اللي راح اتطيح بعد الولاده ....

برميت خوختي طلع التهاب الاذن بعد

ايڤا ربي يحفظه ويطرح فيه البركه ويبلغج فيه .. ووكلي امرج
اذا اراد شي يقول كن فيكون ...

 

[كتكوته22]

قوه بنات شلونكم برميت الف مبروك والله يتمم عليج بالسلامه براون اسم الله علي بنوتج الله يحفظها انا تحمست اشتري شراب الكالسيوم بس ريلي ما خلاني قالي لازم اندخلها علي دكتور اول وناويه اوديها هالاسبوع ان شالله

 

[AVE.NJ]

صباح الخير
بنات اليوم قاعده مبجر لانه فهود اخيرا نومته بفراشه
وقعد مبجر
وقعد يحن يبي بره
جان يخرب نومتي قلت اليوم خميس
خل اروح اسوي كيكة الكاكاو وكيكة رد فالفيت
وحده حق اهلي اليوم تدرون زواره والثانيه حق البر
تدرون احناا
انام ليه السبت بالبر

 

[AVE.NJ]

مشكورين بنات
والله احبكم كلكم
ترا انه الحمدالله
راضيه بنصيبي

 

[برميت]

ايفا و احنا بعد نحبج ..و ندعيلج و ربي يكتب الخير لج وين ما كان

كتكوته الله يبارك فيج يا قلبي ..ايي صاج ريلج احسن استشيري الطبيب

فلافل ...لا تصدقين الوعود الكاذبه ..ريلي جذي قالي ..والحين طنش فيني و ان بجيت على جسمي يقولي مو مهم الجسم

ماتشوف شر خوختج ..اشفيهم عيالنا كلهم التهاب

براون و ايمانو .. الشفط و الشد حق الكرش 1800 .. و ليبرو ليزر ..الي ينسق الجسم و يشده اشوي ..اي مكان بالجسم 500 ..افكر اسوي حق يرارات الي بظهري ..و فخوذي و متوت ..بس قبلها بشتري جهاز رياضه و اشتغل فيه ..اساعد جسمي على الشد ..و اوفر اشوي ... مو شرط كلهم اسويهم مع بعض ..كل جم شهر اسوي وحده
و اذا خلصت من جسمي بتفرغ حق ويهي .. بس عمليه شد البطن افكر اخليها عقب البيبي الثالث علشان اقفل ..و ما تخترب العمليه

والله كريم

 

[برميت]

بنات امس بليل ريلي و كوكا بدعوا فيني

ريلي من رد من الدوام و راسه يعوره و ما تغدا و لا كلا شي بس يون من العوار ..
انا كنت عند امي طول اليوم و معاي كوكا ..و انا حايشتني نشله و بلاعيمي احتقان ..و كوكا التهاب اذونها و نشله و جيوب

المهم صار الليل و رحت حق ريلي ..الا متلحف و ينفض و ماادري اشفيه ..قلت له ادق على خالتي علشان توديك الطبيب ..ما يبي ..انزين اشرب شوربه اكل بيض ..مايبي ..حده مستعسر
حطيت كوكا و نومتها ..و قاعده على حيلي بالفراش انطر ريلي ينام علشان انام ..شفته نام .. جان اغفي و انام ..و لا اسمع شيوخ تشاهق ..و اطل عليها بفراشها ..الا بعد قلبي مرجعه و اهي نايمه و شعرها و هدومها كلها وصخه ..و عيونها حمر اختنقت و اهي ترجع لانها منسدحه و ترجع
خذيتها و قاعده اغسلها و البسها .. مااشوف الا ريلي يركض و يروح الحمام و يرجع >>> ادري لوعت جبودكم بس ماادري اشفيهم علي
انا الحامل مو انتوا ..والله
مانمت الا الساعه 6 و نص و الحين انا بالدوام
واشوف مقعدي من الجنه ..ياارب
حامل و مريضه و ريلي مريض و مستعسر و بنتي مريضه ..و سهرانه و اكدح بالدوام ..
يارب انك تأجرني

 

[•Brown•Sugar•]

بعد عمري برميت ربي يشافي بنتج وزوجج
والله يعينج ويسهل لج كله اجررر
وماصارت الجنه تحت اقدام الامهات عبث

 

[•Brown•Sugar•]

وبرميت ع سالفه الشفط والشد يماااي ..
شفط ممكن اسوي بس شــــــــــد لااااااا
يقصوون ويخيطووون لالالا يعني جراحــه !! يعني عمليه !!
واسترجع ذكرياتي مالت القيصريه

بسوي ان شاءالله شفط بس وبعدين تنسيق الجسم بالليزر (مفعول الشد)
بطيبه كلينك شفط كامل تقريبا ب 1000 بس
بروووووووووووووح

 

[ايمانو حلوة]

برميت
الف سلامة على ابوكم وشيووخة الف لاباس حياتي
الظاهر ابوكم متسمم دام صخوونة وترجيييع اكيد تسمم من مطعم ؟؟ يمكن
وشلوونهم الحين ؟؟




خنقووووووولكم اشصار فيني امس
يماااااااااااااااااااااااااااااااااا بغيت اموووووووووووووووووووت الا شوي والله موقف مانساه طوول عمري

تخيلوا كنت بالمطبخ اجهز العشا وحطيت حق رهوفة بارني عشان تفكني من حنتها وانا اطبخ قلت خنطل عليها اطمن ولا الصالة هدوووووووووووووء وماكو احححححححد انا حطيتها عالغنفة وانا مغطيتها بشرشف عساسا ماتوصخ
تخيلوا وقفت بمكاني تيبست ادورها ماكو احد عيوني بس اللي تتحرك تدور ومغووورقة حطيت ابالي هالبهثواني انها طاحت عالارض واغمى عليها اة احد خطفها ولا فجاة لقيتها متلحفة بالشرشف كللللها مو مبينة وتسويلي تياااا
انا هني لمن شفتها قمت ابجي وركضت لها المها وابوسها واشمشمها وااااااااي وصوتي راااااح ماقدرت اتكلم
هالموقف مانساه طوول عمري

عسي الله يحفظ عيالنا من كل شر اللهم امين

 

[AVE.NJ]

يحليلها بنتج تحب الاكشن
بس احنا مو قدها
الله يحفظها

 

[AVE.NJ]

انه صار لي مو قف يوم الخميس ااااااه
وانه راده من بيت اهلي الزواره بالسياره فهود اسم الله عليه يحن ماادري اشفيه
والا يبي الخرده اللي بالسياره
عطيته خمطه خل يسكت وقام يلعب بين الخدامتين
جان اقوله عند الاشاره فهودي عطني ....جان يقوم يبلع وحده عاد انه قمت اصرخ اذا صج بلعها والا طاحت من صرختي
وابطل حلجه ماكو شي بس يبجي
وبعدين عادي رحت البر وعادي
ونام وخليته بالخيمه مع خدامته
وانه بالخيمه مالت الحريم والا اسمع صراخ ياهل
جان اركض والا فهود يفرفر ويبجي حيل
جان اقول حق ابوه الحين ا رد
والا بالطريج جان اقوله صدقني بالع فلوس لانه ولدي مايقعد جذيه يبجي
والا اقرب شي العدان وكانت الساعه 1 ونص بالليل والا اشوه خفيف مو وايد
واسوي له اشعه والا ماكو شي
جان ارتاح
صج خرعني
وابوه طول الطريج يضحك ولدي ولد فلوس كرشته فيها فلوس جان نضحك على روحنا
صج صج نشف دمي
بس الحمدالله رب العالمين

 

[ايمانو حلوة]

ايفا
حدددددددددددددده انا مو قد هالسوالف سوالف التخرع ابد لاتقربين صوووبي انهااار بسرعة لوووو
اسمه الله عليه فهووود مالووومج والله انا لو مكانج كنت مت بمكاني يمااا بالسيارة رهف تسوي هالحركة تحط ايدها بمكان الخردة وتخمط عاد انا بجت مابجت ماخلي الخردة بيدها

 

[•Brown•Sugar•]

ايمانو اتخيل شكلج وانتي واقفه بالصاله تدورينهاا @@
مره ثانيه خليها مكان تقدرين تشوفينها فيه حتى لو بغرفه ثانيه

وايفا موقفج حده خايس خطاكم السوو

عيالنا قاموا يكبرون ويسوون فيننا دقات ومقالب