تجمع امهات مواليد شهر 7 و 8 لسنة 2010

[AVE.NJ]

عاد ولدي كلش مو شيطان موحركي كلش
يقعد يمي ويتنح خصوصا جدام الناس
يشوف اليهال يضحك لهم بس مايروح صوبهم كلش
ماادري شسويله
يبي ابوه حيل
وبعدين انه
بس ناس غرب مايبيهم
مايرضا يشيلونه ولا يقربون يما
بس من بعيد يبوسهم ويغازلهم
ويسالونه وين عينك وخشمك اسم الله عليه بالعربي والانجليزي يعرف
بس مايتحرك كلش
من جذيه ليه الحين مامشي
كسول

 

[فلافل وبطاط]

واااي مو صج شنو هالاخبار والاكشنات

برميت سلامتهم ومايشوفون شر الظاهر نزله معويه

ايمانو وايڤا خطاكم السوء ،، وربي يبعد عنهم الشر
والله مافينا نتحمل هالاكشن ...

ربي يحفظهم ويهدي سرهم ويبعد عنهم الشر عيالنا ...

شيوخه حركيه واتحوس واتلقط واتجرب وتستكشف ...
والابوو قلبه بارد كله عنده خليها .. عشان اتعرف وعشان
تتعلم وانا قلبي يحرقني وياكلني عليها ...

خاايفه أولد ويهيتها اتييني يا مفلوعه يا مشمخه يا طايحه
يا مطقوقه عندي احساس هذا اللي بصير

 

[اللهم الجنة]

ياااحلات تجمعنا والله بس حسافه وايد مو قاعدين يشاركون

 

[برميت]

صباح الاكشنات

ايفا و ايمانو سلامه قلوبكم الي اختبصت لوول

والله يوم الخميس عقب ليله العذاب و الترجيع ... رديت من الدوام الا كوكا اسهال
قلت خل اعتمد على روحي و اعطيها حليب التركيبه و محلول .. و اعطيها ماي و نشا و بطاط و عيش و ماي العيش و جزر و موز ..بس للاسف مافاد لي يوم اليمعه الاسهال موراضي يوقف

دكتورها مو موجود يوم اليمعه العياده مصكره ..لاول مره اروح الاميري ..و ريلي مو راضي يخاف يلعبون فيها و انا مابيدي حيله بنتي انشفت ..مابقى الا عيون و شعر راسها انسحتت مره وحده

دخلوها و سوولها تحليل و حطولها دربين لانه فيها جفاف و قالت انها نزله معويه و لازم تاخذ وقتها

الحمدالله خف بس للحين ..والله كريم

 

[AVE.NJ]

انه نفسج برميت
فهود اسهال ماي وتعبت
رحت حق محمد سعيد قالو لي ماكو حجز بعد يومين الساعه 11 بالليل اشدعوه
مردي حق رويال حياة
والا يقولون لي ماكو حجز بعد
جني بروح الاميري بس ريلي كلش مايرضا حكومه بس بحاول فيه
وحبيبي قامو يسمونه بلاع البيزه

 

[برميت]

ايفاا اذا قصدج خالد السعيد ترى مو مواعيد بس تدقين قبلها تسالين اذا موجود او لا
و زحمه او لا

ايفا اخذي حق ولدج حليب التركيبه و محلول اذا تبين اعطيج رقم صيدليه توصله لج للبيت
و عطيه ماي العيش و عيش و بطاط و جزر و موز
قطعي كل شي فيه دهن
عطيه بسكوت تاك او اي بسكوت مالح
عوضيه مااااي و عصير تفاح
شوفي عيونه اذا بجى و مافيه دموع ترى احتمال جفاف
و روحي الاميري انا بصراحه ارتحت له و مانطت ساعه مثل نطرتي حق خالد السعيد
مع اني رايحه الطوارئ
والله ذاك اليوم الاسره فل مافي مكان حق اليهال
بس بلييز ودي فهود لانه طول الاسهال مو زين

 

[AVE.NJ]

انه فهود خلص 6 علب
ودوا الاسهال يشربه مثل العصير ماكو فايده
والبودر اذوبه يشربه بس ماكو فايده
انه رحت الدكتور يقولي انتي مشكله بس في ميزه ولدج ياكل علشان جذيه مافيه جفاف
بس سووله تحليل دم يمااااا اشسوه حق الابره هز الجابريه كلها
وتحليل الخروج رديت اذا سواها بوديها لهم
وانه السعيد مارحت له ريلي مرتاح حق عبدالله شمساه والا اهو ترا الاسبوع اللي طاف اجازه وناطره يقول وايد شاطر
وانه اللي تعبانه
وقالي ماله علاقه التسنين بالاسهال
وقالي انتي لما طلع لج ضرس العقل صار فيج اسهال قلت له انه اتحمل وبس اهو ياهل
وناطرين النتيجه

 

[برميت]

وااي الله يعينج

اكيد ماله شغل التسنين بالاسهال ..بالتسنين يمكن يسهل مره وحده بس ..بس مو جذي صارله اسبوع مسكين

الله يكون بعونج
كوكا الحمدالله وقف الاسهال وردت تاكل تعوض الي خسرته

و الف الف الف الحمدالله وزنها صار 9 كيلو ..الف الحمدالله

 

[AVE.NJ]

هاي بنات وينكم

 

[AVE.NJ]

بيات شتوي؟

 

[برميت]

لووووووووووووووووول اي والله ايفاا
كلش خاموش مالهم حس

 

[عاشقة لندن]

السلام عليكم

شخباركم؟

برميت

فديت اللي يسمعون الكلام

شلونج حبيبتي وشلون كوكو ؟

ايفا

ان شاءالله انتي اللي بعد برميت الله يرزقج بأخو للفهودي

ايمانووو

شلون رهوفه الحلوه؟

فلافل اولدت ولا بعدها ؟

 

[AVE.NJ]

اهلا اهلا بنات
هلا عشوقه وانشالله الله يسمع منج

 

[برميت]

اهلين عشوقه ..كوكو بخير ..بس ياربي ماادري ليش كل يوم تقول بليل تبجي لا تبيني و لا تبي ابوها ..ماتسكت الا بالمساحل و لما احط لها بارني تشوفه لما تنام ؟؟!!

والله يسمع منج و نسمع خبر حمل ايفا ياارب
ماندري عن فلافل بس شكلها سوتها لانه صارلها يومين غاطه

 

[•Brown•Sugar•]

بنات :/
انا نويت اسوي شفط
وزني 73
مو مضايقني الوزن
بس التضاريس مخربه جسمي وكرشه الولاده لوعه
يبيلي شد حق البطن وشويه شفط من زنودي وفخوذي وظهري
واصير توب
انا مو خايفه من الشفط ... خايفه من الشد يمااا راح يصير قص ولزق
رفعوا معنوياتي وآزروني لاتخرعوني

 

[ايمانو حلوة]

اهلين بناتووو كيفكوووون

عشووووق
حياتي رهوووفة بخييير النتفة اللذيذة
انتي شلوون بنوووتج؟؟

براون
ييبي كل عيالج وقفلي سالفة الحمال وسوي شفط وشد الحين لا مانصح بصراحة

 

[•Brown•Sugar•]

برميت انا مو مفكرة بالعيال كلش ولا ريلي الا بغد 4 سنين او اكثر

 

[برميت]

براون انا مع ايمانو

ممكن تسوين شفط ليزر يشد الجسم اشوي
بس الشد حرام خلصي كل حملاتج و عقبها سويه لانه راح يرد
العمليه تعور حرام تخترب
و فيه احتمال تحملين بالغلط مثل حلاتي
علشان جذي شوفي بديل ثاني لين ربج يحلها

بس الشفط اشجع و بقوه روحي استشيري الدكاتره ابخص
و شوفي المجربين

 

[AVE.NJ]

براون 73 حلوين لا تتهورين
كلنا ودنا بهالضعف بس صعب صعب الرجيم
انه اعرف وحده شالت كرشتها بمستشفى koc
امبيه ماتقدر تنام الا جنها ربيانه وماتقدر تجندس مع انه مسوي لها رئيس القسم تقول
ياحلاة العافيه
بس اذا دكتورج زين وواثقه فيه الله يوفقج

 

[AVE.NJ]

انه بغيت اسوي البالون لانه ماكو كنترول بالاكل كلش ومااقدر اوقف
والحين البر وماادراك مالبر
ورضا اخيرا اسوي البالون بس انه قلت له بالمره صدري جان يهون
والحين جاري لمساحل علشان يوافق على البالون