تجمع امهات مواليد شهر 7 و 8 لسنة 2010

[برميت]

ايفا قبل لا تسوين العمليه سوي سيرج بالنت
لاني فكرت فيها و سويت سيرج عنها بالنت
محد مدحها

 

[•Brown•Sugar•]

ايفا جم زونج قالولي مايسوون حق وزني هالسوالف امي تقولي حطي حلقه ع شان تقدرين تشيلينها لما توصلين للوزن اللي تبينه

 

[•Brown•Sugar•]

مادري يسوون ولا لا
انا فكرت بالشفط لانه ينحت الجسم يخصر ويرسم
ادا ضعفت يمكن ماتروح التضاريس

 

[•Brown•Sugar•]

امبيه بدليات شكككككثرر قاعده اكتب مـنُ بلاك بيري سامحوني لوول

 

[طيبة83]

بنات ديروبالكم من الشفط

وحده نعرفها سوت شفط وشفطوا جزء من القولون بالغلط وهي الحين في العناية المركزة

المهم

بغيت اسالكم عن التسنين

بنتي لثتها منتفخه فوق وتحت واسنانها تبين من تحت اللثه وواحد منهم شق يبين

بس ماعرف شعطيها للالم؟؟؟؟؟؟

ابوها ما يرضى بندول مقزرينها على الجل والعضاضة

عادي نعطيها شي بارد ولا مب زين؟

اي

ومتى يروح الالم لما يطلع الضرس كله ولا شلون؟

 

[برميت]

هلا طيوبه .. عطيها جزره بارده تعضعضها

و عطيها بندول اذا استعسرت و سخنت علشان يهديها

والله اذكر رفيجتي بدويه تسوي خلطه و تفركها بحنوج الياهل علشان تساعده على التسنين بس انا ماسويتها

المسأله يبيلها صبر
قزريها على الجل و الجزر البارد
بس ديري بالج لا تسقط بلاعيمها لانه الجو بارد

والله يعينج

 

[AVE.NJ]

انه وزني 64 الصبح قبل لا اكل بس بعد مااكل 65
ومع البر والبلعه اكيد يوصل 66 بس ليه الحين
انه مشكلتي ماكو زند ولا ارداف كلش البس من تحت ميديم
بس انه كرشه بعد الولادة ومن قبل عندي صدر كبير الحين ويع ويع
ماادري شسوي
كارهه اللبس والله
تخيلي البس ترننج لارج ويلوع الجبد على ومن تحت ميديم وحلو على والجم تخيلو كبير لانه ماكو زند
مو حلو على الحزام والخصر يلوع الجبد
جسمي مو متناسق كلش
بس تعقدت من صدري وابي اسويه بس ريلي مو راضي
وابي البالونه علشان تلوع جبدي من الاكل
وايد اكل من غير سنع
واليمعات بتخليني انفجر

 

[AVE.NJ]

طيبه حياج الله
لا تحاتين ترا فتره وتعدي
انه ماكنت اعطي ولدي ولا شي بس كان يعض اصابيعه يعور القلب
بس خل يشق واحد اهيا ترتاح

 

[فلافل وبطاط]

صاااااامده وفديت كل اللي اسألوا عني

شكلي باكل شهري ...

شيوختي تعبانه انفلونزا وتعبااانه ذابحها
البلغم وتختنق بالليل وابوها منرفزني مايرضا
اعطيها ادويه ...

 

[فلافل وبطاط]

من صجكم شفط وشد وبالون على هالاوزان !!!!!
حرام عليكم عيل اللي امتان شقولون ....

انا طولي 161 ومع الحمل للحين واصله 71 ونص
يااااربي حبطتوني لان عندي امل اضعف بريجيم
ورياضه وارد لياقتي ...

):

انا خو الصدر ماكو احمل واولد صغير نفس ماهو
والحجيه ماشي حالها بس الكرشه يبيلها شغل ...

 

[طيبة83]

مشكورين بنات

جوفوا هل موضوع في بنات كاتبين نصايح لشد الصدر

http://www.q8yat.com/t913243.html

 

[برميت]

فلافل ..حبطتيني لانج ماولدتي ..ماابي اخذ كل شهري نفس شيوخ ولدت بالعاشر

خلاص انا ماراح اتكلم عن الجسم لانه جسمي قاعد ينهار
خل اولد بالسلامه و يصير خير

بنات خل اقولكم اخر ابداعات كوكو ...الكلبه قاعده تركب جمل من اول امس ...تقول فجورااا نامت ..ماما يالله قومي ..ماما يالله قوو .. و تفتن بعد على اختي عند امي ...امي قاعده تناديها علشان تقوم و تلبس و كوكو تشوفها نايمه و تصرخ تنادي امي تقولها فجورا نايم .. واي اسم الله عليها ..انا بالدوام و كل اشوي يا داق ابوي و لا امي و لا اختي ..يقولون لي سوالفها
ميتين عليها
انا ان شاءالله ناويه اسافر براس السنه بروح العمره و كنت احاتيها بس الحمدالله تطمنت ..حيييل متعلقه بامي و ابوي

وهالايام هابه باغنيه حلا ... اول شي تقول i..l..o...v..e تقول معاها بس طبعا احرف غلط ..و اغنيي لها بنتي الحبوبه ..تقولي انا و تأشر على روحها ..و لما اقولها ماتبي تنام ...تقولي مابي مابي و تحرك ايدها نفس حلا ..وااي صايره كاسكو اتينن

ربي يخليها لي و يحفظها ....ماشبعت منها علشان اييب عليها ..استغفر الله ياربي ..

 

[•Brown•Sugar•]

الرجيم ماينفع صح تضعفين بس تبقى المطبات والكسرات ماتروح
خلاص بسوي برايكم اسوي شفط بدون شد وابدي رجيم ومشي ساعه يوميا
والله لا اصك على هيفاء وهبي لوول « تشجع نفسها
نطروني اصدمكم بعد جم شهر بالصور

 

[•Brown•Sugar•]

برميت بنتج عياره اسم ?لـّاـْہ عليها
وان شاءالله تييبين لها اخو ولا اخت يملون عليج الذنياا
لبش زعلانه المفروض تفرحين بدال كوكو وحده بيصيرون كوكوتين
?لـّاـْہ يخليهم لج يارب

 

[برميت]

بروان اول ما تحمست اني اضعف و توني ببلش جك بوم حامل
حدي تحبطت
والله اشوف المشاهير ..عقب الولاده ب 4 اسابيع ردت مزلقانه ..و احنا ممنوع تتحركين و ممنوع الرجيم و جسمج بروحه يرد بعد 6 اشهر ..جذابين
صارلي سنه مع رجيم و رياضه ولا تزحزح من مكانه .. ينزل كيلوين و يردون :"(

لااازم و ضروري شفط و رياضه ..و الشد عقب مااخلص التفريخ

 

[برميت]

براون كان خاطري اشبع منها و من حلركاتها بعدين احمل
للحين القلب كله لها

حتى ابوها نفس الشعور ..كل ما اييب له طاري البيبي ..يقولي كوكو غير ..بشيشها على الي ابطنج
اقوله الي ابطني يايبته من السكه صح ..كل يوم هذي نجرتنا
والله كاسر خاطري الي في بطني محد معطيه ويه
و حتى اختي عندها بيبي 6 اشهر و الحين حامل معاي
يعني بيضيعون بالطوشه

 

[فلافل وبطاط]

وااااي برميت لا اتذكريني بهالسالفه

والله اذكره بحملي بشيوخه لازق فبطني
وحملي الثاني كلش ماكو بين فتره وفتره زين
اذا حط ايده شوي ...

اييييييه دام شيوخه عندك الكل بالكل وهي مابعدها
ثاني وهي شيختهم وليش اللقااافه واتخرب الاتفاق
!!!!

انا نفسج والله ماشبعت وكل ماكبرت اتشوق لسوالفها

واغنية حلا ذابحتني فيها تقعد عالفراش اقولها نامي
تقولي مابي مابي نفس حلا ... واتقولي ابي اغنيه
يعني حطيها لي ...

واتحب اغنية حلا مع اسيل اللي مركبينها عالمخوفاتي
ههههههه هي شايفه الفلم قبل واتحبه تندمج لما اشغله
فحبت الاغنيه معاه ...

وماخذه قلب ابوي ... ورا الغدا يقعد اشوي واتلبسه دلاغه
وقحفيته واتأشر عالحديقه تقوله مني ... يعني يالله خل نطلع

وامي اتدرس اخوي وهي تحفظ معاه (أ أُ إ) و (١٢٣) اتهبل لما تقولهم
وابوها يقولها اي رقم وصلنا حاافظه بس ( سته) واتشد عالتاء ....

 

[فلافل وبطاط]

واااي باقيلي يوم على حسبة الدوره
الدوره ٢٧ والسونار ٢٩ وانا للحين ماحس بشي...

انا بشيوخه اخر موعد ١-٧ وولدت ٥-٧

 

[برميت]

ياربي يحفظ شيوخاتنا

فلافل انا حسبه الدوره و حسبه السونار وااااااااااايد فرق
حسبه الدوره 15/7 اولد
و حسبه السونار 25 /7 اولد

يمه بطني عورني
خلاص ماابي اولد

 

[فلافل وبطاط]

١٠ ايام برميت الظاهر مو لاقطه الحمل امبجر ... عشان جذي ...

الله يهون ويسهل ياااارب ....