تجمع امهات مواليد شهر 7 و 8 لسنة 2010

[AVE.NJ]

كتكوته بالعافيه حليب بالرشاد حطي فيه هيل وزعفران علشان يصير ريحته خنينه
ترا كل عيالنا مراضه
انه فهود يمشي ويحك اذونه توه مخلص المضاد مالي خلق اوديه مره ثانيه
شوفي انه اعطي فهود الصبح سيريلاك حاولت اعطيه اي شي مايبي الا سيريلاك
والضحى نعطيه فواكه وبعدين حليب نعطيه
والغدا مكرونه او عيش
والعصر لازم بنانا مع روب
والمغرب بفك
وبالليل نفس الغدا
وبعدين نعطيه حليب
اخبارج بربيره وينج

 

[AVE.NJ]

بعد قالو لي لازم نطعم طعم التهاب الكبدي ماادري ليش
عاد باجر دور التطعيم
لازم 3 جرعات

 

[برميت]

ايي صح ايفا
بس انا رحت قبل جم شهر مستوصف القادسيه
كانوا منادينا مسوين لنا تحليل علشان يشوفون اذا ابوي عادانا او لا
و قالوا المفروض كل الكويتيين ياخذونه بس كان خالص

والحمدالله النتايج سليمه

 

[كتكوته22]

هلا والله برميت اي والله نفس الحال بس راس وشعرتين �� انا تمل بروحها اذا جافت يهال تحب تعلب معاهم وتاكل بس الحين كلش ما تاكل امي تقولي عادي عشان قاعده تسنن ومسكينه صج لثتها حيل وارمه يعني قبل تقعد من النوم اريقها بعدين الضحى اعطيها فاكهه والغدا معانا والعصر مميه وبليل اعشيها من غدانا وتالي الليل قبل لا تنام اعطيها ممه الحين كلش ولا شي لا ريوق ولا غدا ولا عشا��والله احس يومي يمر كل قلبي منعصر ومقموت من هالبنيه بس علي مميه وحده وما تكملها بعد قبل يومين رحت الصيدليه قلت حق الصيدلي ابي مشهي او معوض فيتامينات عطاني واحد اسمهkiddiبس ما ادري اذا زين ولا لا وما شفت نتيجه يومين وليلحين ما كلت شي �� ايفا اسم الله علي فهود والله استغفر الله صج والله تعب لمن يمرضون وبنتي ما تحب السيرلاك كلش عاد انا قمت احطلها بالمميه قفشه فيضيع مع طعم الحليب وعلي الحليب بالرشاد سويته كامل حليب وهيل وزعفران ورشاد عجيب ويدفي بس حسافه ما كان عندي زنجبيل بس صج يريح وانا علي الدوره الحين بوقته شربته وكل يوم بسويلي��

 

[فلافل وبطاط]

انا خوختي تشافت وردت اتعبت ...
والله تعبت نفسيا مابي اولد وهي مريضه ...

وخدامتي شاكيه حالها عند خدامة عمي تقول مدام زينه
وشيوخه ماتعودت علي حيل للحين .. بس ام المدام اتخرعني
اتصرخ علي واتزفني على اكلها ولبسها وتغييرها وماتعطي
مجال ... ههههههههههههههههههههه والله كلامها صج ...

امي من ولدت هالبنت وعندها انا ماعرف اسويلها شي وشهرين
انا ماجستها بس ارضعها ...
ولليوم ما اسبح بنتي ...
وصج كل ما الخدامه قربت منها وبنتي اتحن يعني ابيج مابي خدامه
امي اتزفها وتطردها ...
وماني عارفه شلون اتصرف ...

 

[برميت]

كتكوته ..ترى موزين تعطين بنتي مشهيات و فيتامينات ..واايد سمعت دكاتره ما ينصحون فيهم
انا عطاني حليب بس مكمل غذائي ..حتى قالي سويه على محلبيه و لا برد و لا حتى لو تشربه عادي ..بس الظاهر وايد حالي علشان جذي كوكا كلش مااشربت الا لقمه وحده .و قطته
صبري عليها يمكن تسنين ..عطيها تعضعض جزره بارده و لا خيار و ملح و ليمون ..كوكا تموت فيه ..عطيها شي بارد علشان يخفف الالم


فلافل ..يعجبني صمودج لوووول
يالله تلحلحي و اولدي ..خل نفرح فيج و تعالي لا تقاطعينا ..بشرينا و طلي علينا
وسافه امج بالضبط نفس سالفه بنت خالتي ..4 خدامات راحوا منها بسبه امها ..مشاءالله عصبيه و شديده و ان حصل لها تطق تطق ..ما تتحمل غبائهم ..و هم بنت خالتي الله يهداها تبي الخدامه حق كل شي ..قلت لها خليها بس حق بنتج او حق التنظيف ..و اذا دخلتي هذا مع هذا لا تتوقعين نتيجه ترضيج لازم في اخطاء ..

 

[AVE.NJ]

فلافل تحملي هالخدامه انتي ماصدقتي تييج وحده
انه طريقتي ماكلم الخدم كلش
والفلبينيه طلبت مني تبي تروح الكنيسه بالكرسمس وافقت على طول وبعدين
يوم الاحد يتني الصبح جان تقولي ماتبي تروح
انه قلت اكيد متهاوشه مع الثانيه
جان تقولي انه ماابي اروح علشان ماابي اصرف فلوس قلت يت منها
عاد انه امي اشكثر زفتني تقولي لا تخلينها تروح وخواتي همن مارضو وحنه على قالو لي اهيا راح تخرب خدمنا
وبالاخير يت منها
الظاهر خدم اهل ريلي قايلين لها في مصاريف
انه قلت بقطها الكنيسه وروح الصالحيه مع فهود بس يت منها
انه طلعت بالزينه واهيا ماراحت ههههه
من حنة خواتي وامي

 

[AVE.NJ]

كتكوته انه اختي تعطي عيالها مشهي او فيتامين طول ماتعطيهم ياكلون بس توقفه ماياكلون
عاد كله تقولي فهود يونس بالاكل
عاد انه مالي خلق اوكل عطيني البس اسبح بس مااحب اوكل
وانه عندي شاي العصر شي اساسي
وهالايام هابة بفحم وشاي
اهو اول مايشوف الدوة يقول هاها ها يعني hot
بس يتنح مايرضا يتحرك لانه يبي شاي كاكاو كيك وبسكوت وكل ادوات الخراب
ومايبي الا لما نشيل الدوة
وكل يوم يخرب على هل الشاي مايخلينى استمتع
وياويلهم الخدم اذا يو خذو يما شيسوي

 

[برميت]

بنات انا ان شاءالله اليوم مسافره رايحه العمره

راح ادعيلكم كلكم و ماراح انسى احد ان شاءالله

استودعكم الله الذي لا تضيع ودائعه

 

[AVE.NJ]

برميت عمرة مقبوله انشالله
مقدما

 

[AVE.NJ]

بنات كل عام اونتو بخير انشالله
تفاءلوا

 

[كتكوته22]

كل عام وانتو بالف خير ويعلها سنه سعيده علي الاكل وتتحق كل امانيكم امين رب العالمين. ايفا وانتي بصحه وسلامه ان شالله تصدقين الكل قالي اذا وقفتي الفيتامين راح يقل اكلها اكثر واكثر يعني بالمختصر خلني علي مينوني لا ييني اين منه��فوقفت المشهي والحمدلله في تحسن شوي الظاهر من التسنين الي هد حيلها حبيبتي عاد تصدقين انا احب اوكل اليهال مو بس بنتي احب ايمع اليهال واقعدهم والقمهم جني مره عوده��وعلي طاري الدوه بنوتي نفس فهود توقف من بعيد تقول حا حا يعني حار او دودو اسم الله عليهم اكبرو وياخذون قلوبنا اكثر برميت الله يردج بالسلامه ويتقبل منج يارب الكل قالي وقفي المشهي مو زين وسمعت الكلام��وعطيتها جزره تعضعضها استانست بس انا اخاف تقرم وتقص ان شالله الفتره هذه تعدي على خير لان صج اصعب فتره بالنسبه لي

 

[ايمانو حلوة]

كل عام وانتوا بخير بناتووووو

 

[برميت]

صباح الخير بنات
اشلونكم و شخباركم

وااي روحتي للعمره كسرت كل عظمه صاحيه فيني
صج صج تعبت
عوار ظهري مو صج
جنه واحد يدق ربابه على ظهري بسجين
لعوزت ريلي
الطواف كان سهل الحمدالله يمكن لاني كنت ولهانه على الكعبه
بس بالسعي مت مت مت ..بس شوطين و قعدت بكرسي
بس الحمدالله يارب يتقبلها مني ..مع ان كل مره تكون عمرتي غير كل صلاه اطوف و احب ..بس هالمره حتى صلاتي بالفندق

ان شاءالله ربي يعوضني بعمره بعد الولاده و ياارب احج يااارب يااارب يكتبلي حجه

 

[AVE.NJ]

ايمانو الف الف مبروك
والله انه توني ادري
ليش ماقلتي لنا نصوت لج
تستاهلين كل خير

 

[AVE.NJ]

قللللوش
اخيرا
اخيرا
اخيرا
بنات فهود قام يمشي
من صج قام يمشي
مو مصدقه
وقاعد يحرك ايده جنه بيطير ويقول طول مايمشي حمامه يعني قاعد يطير مو يمشي
مستانس حيل
واي بنات من الوناسه ماادري شسوي بعمري
اهلي مايبون نون مايحبون الوصاخه واللويه
يبون عزيمه
عطوني افكار حق النون
لانه هذا نون الفهد الكويتي الامريكي
اهل ريلي بسوي نون بس ماادري شسوي بنفسي

 

[AVE.NJ]

بنات ابي افكار حق النون بسوي حق فهود
حق اهل ريلي بس اهلي مايبون

 

[برميت]

ايمانو مبرووك الوسام .. والله ماشفته الا لما قالت ايفا ..عيوني بقمه راسي الحمدالله و الشكر

ايفاا الف الف الف الف مبرووك ..هذا ما يبيله نون هذا يبيله ذباايح تسطرينهم يم بعض
الف مبرووووك ...بعد قلبي ذكرني باغنيه
I believe I can fly
I believe I can touch the sky
I think about it every night and day
Spread my wings and fly away
I believe I can soar
I see me running through that open door
I believe I can fly

لوووول اذا سمعتيها راح تبجين لووول
لايقه عليه بعد قلبي

 

[AVE.NJ]

ويه برميت اشدعوه مابجيت
هالايام معلمته احضني حضنة الموت
يحضني حييييل ويطبطب على ظهري
ومايهدني يعلق
ويقول ماما انا
وبابا انا
ومتعلم اذا اكل شي مايبطل حلجه كلش
وانه اقوله قول اه مايبطله
واذا انه اكلت شي يقولي اه يعين بطلي حلجج
مايعتق احد
هالايام صحته ردت مره ثانيه عقب الاسهال ذيك الايام رد
واسم الله عليه شهيته مفتوحه حيل
وكله يبي ياكل ابوه يقول بسه
اقوله خله هذا اثر رجعي

 

[AVE.NJ]

يابعد عمري برميت الله يخليلج شيوختج وتشوفينها احسن الناس
ويهون عليج نساتج وحمالج وتغمضين وتفتحين عينج تلقين ياهل بحضنج
اللهم امين