تجمع امهات مواليد شهر 7 و 8 لسنة 2010

[•Brown•Sugar•]

ساره منزل مبارك ان شاءالله
والله يعينج ع حوسه التنقل والحضانه وتعليم الخدامه

 

[فلافل وبطاط]

وحشتووووووووووووووني

هدا هدا فهودي اسمله عليه بدا يمشي بدا ..
كلللللللللووووووووووووش الف الف مبروك ربي حافظه بكل خطوه يخطيها يارب ...
والجوتي موجود بسنتر بوينت .. روحي اخذيله ..

برميت عمره مقبوله ياقلبي ...

خل اقولكم سالفتي انا موعدي كان 25 -12 وطوفت واخر موعد ولاده 29 - 12 وطوفت
على امل اييني الطلق واروح ادش الولاده ...

لي 2-1 قلت حق امي وديني الطبيب بروح اراجع .. وبس شاف ويهي الدكتور جان يقولي
ماولدتي .....؟؟؟؟؟
وعلى طول سواا اوراقي وقالي دخول ... وانا مو متهيأه واترجاه ينطر مو راضي ليم انهرت
بجي واصريت بصمني عالاوراق وقالي تطلعين على مسئوليتج .. واسمعه يقول حق امي بالليل
ييبيها ...
ورديت البيت واروح الراشد اسوي سونار وقالولي لي الصبح لازم دخول ...انا رايحه على امل يقولون
في مجال تنطرين عالولاده ...

رديت وبس ابجي وريلي وعمامي وامي يهدوني ويقنعوني .. تسبحت واستشورت شعري ونمت وقعدت الصبح
ورحت مع ريلي وامي مستشفى الفروانيه .. واشتغلت التلفونات توصيات ودكتور رايح ودكتور راد .. ودخلوني
الولاده من الساعه 10 لي 8 بالليل وانا مو حاسه بطلق .. سوو توسعه والجهاز امبين فيني طلق بس الرحم معاند

طبعا 6 ونص المغرب معطيني تحميله طلق صناعي

الدكاتره لما شافوا ماكو استجابه عطوني مهله لي ال 12 فقالوا بنطلعج الجناح مع اهلج تقعدين لين انقرر نعطيج
تحميله ثانيه ولا سيزريان ..

وانا بس طلعت شفت ويه امي وخواتي وخالتي واشتغل علي طلق مو صج ومابي اذكر اللي صار عندنا حوامل ...
ردوني غرفة الولاده وهم يركضون لان فتح الرحم 8 ونص ولحق لا تلحق ... وولدت 3-1 بتاريخ ميلاد عمها المرحوم
والكل كانو مايبون هاليوم يبون 4-1 مع ابوها ... بس حكمة رب العالمين ...

والحمدلله على كل حال وصلت شهد ... نتفه عنووونه وكسوله ...

وبدت الغيره مع شيوخه حدها متأزمه ...

 

[برميت]

وااااااااااااااااااااااااااي فلافل الف الف الف مبرووك و الحمدالله على سلامتج
مابغت تطلع ..تتغلا مع الويه

يا حلوها و يا حلو امها والله

الحمدالله ربي سهل عليج ..وياارب يسهل علي ياارب

وااي بعد قلبي شيوخه الله يكون بعونها

والله خرعتينا عليج وايد طولتي علينا .. لا تعيدينها كل فتره و الثانيه طمنينا

 

[AVE.NJ]

حمدالله على سلامتج فلافل
ومبروك هالشهد
مابغت تطلع
الله يعينج على النفاس والحنةوالسهر

 

[كتكوته22]

السلام عليكم شلونكم يا حلوين ايفا الف مبروك علي مشي فهود الله يحفظه بكل خطوه يمشيها فلافل حبيبتي الحمدلله علي السلامه وعسى الله يحفظها ويجعلها من الذريه الصالحه والله يعينج علي الغيره?براون عادي ليش تحاتين بنتج بالعكس كبرت واها راح تستانس بالحضانه اكثر بس نطري عليها اسبوع وجوفي وعلي الاكل لا تحاتين تتعود ان شالله انا بنتي جذي تذبحني لمن القمها معركه تصير بس لمن تشوف يهال قاعدين وياكلون تحب تروح تقعد معاهم وتقلدهم وتاكل يعني يتدلعون علينا ساره هلا وغلا منزل مبارك حبيبتي وصح اامن تدخلين عيالج حضانه والله في حضانات يهتمون بالياهل اكثر من عيالهم انا بوجهة نظري آآمن مليون مره من الخدم الله يحفظهم صج قلب الام يحاتي

 

[sara_77]

فلافل الحمدالله على سلامتج والحمدالله ولدتى طبيعى

 

[ايمانو حلوة]

ساره منزل مبارك ان شاءالله
فلالفل اللللللف الحمدلله علسلامة حياتي وتتربى بعزكم

 

[برميت]

سااارونه منزل مبارك ..

وينكم بنات اشفيكم جذي

 

[ايمانو حلوة]

الظاهر البرد ماثر لووول

رهوفة صايرة شيتوووووووونة بس تخبص بالبيت ماكو شي سلم من ايدها ماشالله عليها التلفووون غرامهاا تحطه وتقول الوو وتسووولف مادري شتقوول الكلبة

طبعا الاكل ماتحبه وايد مع اني انوع لها بس اهي جذي تبط جبدي اكلها قليييييييييييييل بس ساعات تصير حننننننننننننة والله ودي ارقع راسها بالطوووف لوووول والله اقعد ابجي مادري شسوي ربي يصلحها وتمووووووووووووت على بارني وترقص معاه وتقلد ههههههه بس اقولها احطلج بارني ترووح قبلي تنطرني احطه لها فشوي مريحني هالبارني المحشش على قولة ريلي

شخبار اكشنات عيالكم

 

[زين ودلال]

السلام عليكم


انا الله يعيني على بنتي اهي تحب اليهال تمووووووووت فيهم بس ياويلي اذا قربت عند احد ماترضى تين

موقاعده احاتي الا غيرتها اسم الله عليهااااااااا

 

[فلافل وبطاط]

الله يبارك فيكم جميعا ..

ساره منزل مبارك ..

برميت الله يسهل عليج يارب ..

قاعده اعاني والله الغيره ذابحه شيوخه ...

 

[ايمانو حلوة]

الغيرة مشكلة
الله يسهل علي اللي حامل واللي ولدت الله يعينها عالتربية والسهر والتعب

 

[•Brown•Sugar•]

ايفا
مبرووك مشي فهودان :*

فلافل
مبروك مايبتي احلى شهوده ومن اسمها عسووله ربي يخليها ويحفظها


ايمانو
ههههه حبيت شعور القهر اللي فيج لما بنتج ماتاكل ودج ترقعين راسها بالطوف :×
مثلي بالضبط ومرات صج ما امسك نفسي واطقها بس مو حيل :× تكسرر خاطري

 

[ريم البوادي]

قوه شخباركم


برميت شخبارج حدج قديمه

من زمان مو داخله هالقسم من بعد الاربعين

الحين ولدي عمره سنه و5 شهور وسمله عليه مغامر وعبثي مخوفني حيل

شخبار ام زاكي غاطه فاقدتها

 

[برميت]

هلا قوه بنات

اهلين ريم حدج غاااطه لوول

فلافل والله الغيره ما تبشر بخير .. هالايام ما ترضى ابوها يلب مع اي ياهل ..و لا ترضى خدامتها تلعب معاه ..طبعا انا حاشمتها و ما العب مع يهال و لا اشيلهم لاني مالي خلقهم استغفر الله ..ماادري شنو بييني الله يستر

ايمانو ..واايد بنتي الكلبه التيسه صايره حقيره تشوق ..يوم الخميس كنت معزومه و بطلع و لبست جوتي يديد كعب عالي و يلمع ...يت و اركعت تحتي و تمسح عليه ..ماما الله جوتي ماما الله جوتي
واااي اشعرفها اشفهمها .. تحب هالسوالف جواتي هدوم مكياج

شريت لها تسريحه معاها كرسي و مكياج و استشوار و مشط و لفافات .. يا حلوها انا اتمكيج و اهي تجابل روحها و تقول الله كوكا الله كوكا

مال فنقر .. والله كاسره خاطري ما شبعت منها علشان احمل عليها
امس ريلي يقولي بالاربعين ابيها تنام عندي ..بطلع معاها و بقز وياها ..
امس قاعد يلعب معاها ..جان ترفس خشمه و صب دم ...اهو ياني يركض مخترع من الدم و قعدت معاه بالحمام اغسله و انضفه و اهي ترررررركض ورانا بابا دودو بابا دودو ...اقولها منو سوا دودو حق بابا ..تقول كوكا لووول تعترف بعد
جان تروح له و تلمه تقوله بابا حبيبي

ياااااحلوووها كبرت صار مره ..و تتطرش ..و تفهم اسم الله عليها

 

[AVE.NJ]

هههه برميت الله يخليها انشالله
انه فهود معلمته الكلينكس يقطه بالزباله الحمد الله يقطه بس ساعات ياخذ اشياء من الزباله على حسب
ويشوفني اوقف على الميزان كله يوقف عليه عشتو يبي يشوف وزنه
بنات منو تعرف واحد ايي البيت مال السيديات
ابي مال حلا ترك بابا نزل معاشه
فهود يحبها وينني حيل
اللي تعرف عفيه حطولي رقمه

 

[برميت]

اعرف واحد بس ما ايي على سيدي واحد
و يمكن ما عنده هالسوالف
بس افلام
هذا رقمه
97639524
و هذا ثاني
97594702

 

[ام زاكي]

هلا فيكم بنات من زمان مادشيت شخبارك شمسويين

الف مبرووووووك ايفاا مشي فهود يارب تشوفينه ماشي على منصة عرسه يارب

مبرووووك فلافل والحمد لله على سلامتج والله يعينج على الشقى الحين بس بعدين بينبسطون اذا كبرو ويصيرون ربع

ريم هلا والله شخبارج عيوني شمسويه انا غاطه اختبارات وعفيسه الله المعين بس

 

[جواهر روعة]

سلاممممم ...ادري ما تعرفوني يمكن بس برموته تذكرني

الحمدلله على سلامة اي وحدة ولدت و مبروك للي ولدها/بنتها مشى / مشت

برموته ضحكتني سالفه الجوتي ... واي اليهال يونسون على هالعمر ....انا بنتي تمسك الكريم و تمسح على ريولها و اذا احد اخذ اغراضي تركض و تصراخ عليه تقول هذا حق ماما ههه

 

[AVE.NJ]

يابعد عمري برميت ماقصرتي
بس ماعنده اللي ابيه