تجمع امهات العالمية الامريكية

[sara999]

مشكوره مرو حبيبيتي انتي عطيتيني الاداره في التجمع وي من عنوني من عنوني والله
يا وليكم مني وانا سارا _03BA:

كاراميلا قلبي شفيه وليدج عسى ماشر انا ترى توني اشوف ما دري سامحيني :0bee2e8d89:

بالنسبه لاجازة الصيف سوف نضيف للتجمع اخبار واعلانات موسميه يعني كل وحده تقول وين وشنو بتسوي بالعطله ومثلا اذا بتروح مع قروب... بتسافر انصحولها اي قروب... اي دول هابين فيها هذي زينه هذي شينه هذي جوها جذي والا جذاك واي سفريات حليوين وملتزمين وشغلهم ثقه ..... واذا بتقعدون بالكويت حطو ارقام واسعار حجز المنتزهات والاعلانات والعروض السياحه في دولتنا الحبيبيه ورجاءا ممنوع مشاركة الزلموكات
مرو انت عارفة شنو قصدي
شرايج فيني وانا مديره_03BA:

 

[mr000]

سلام بنات اشلونكم شخباركم! سارا لا خوش شي تمام تصلحين مديره ونص بس ترى آنا موجوده ماراح أسافر يعني براقبكم (خلسه) حلوه خلسه؟ يعني من تحت لي تحت بجيك منو اللي تغيب بدون عذر وهم هذا تقييم لج سارا أخاف تتوسطين حق أحد من وراي!! لا أتغشمر معاج ويع تذكرت التقييم وسوالف الدوام الحمدلله أفتكيت أكره شي مر علي بالدوام أني أحط تقييم حق الموظفات!! المهم نرجع حق أخبار السوق والتشري بعد ألحين بدت العطله حق الصرف والخساير! وانتوا طالعين من الأفنيوز مروا تروفاليو ترى عنده شغلات حلوه حق البيت وأماعين (أواني بالأنجليزي)جنه البيت مافيه أماعين لو بعدهم يمكن100 قلاس و200 صحن غير اللي وصلوا سيلان وأندونيسيا والفلبين بصناديق الخدم سبحان الله مايحلى تطرش الصناديق ألا وآنا مسافره !!!!

 

[mr000]

بالنسبه حق المعلومات عن السفر والسفريات آنا آخر سفرتين تعاملت مع سفريات جامبو عندهم مكتب بشارع فهد السالم و هالسنه فتحوا بالأفنيوز بصراحه حتى لو أسعاره شوي أكثر من غيره مو وايد بس مضمون وماتتفاجأين لما توصلين هناك بأي مشاكل بالنسبه لحجز الفندق أو نوع الغرفه وحتى حجز التذاكر مضمون بس تبيج تدفعين خلال يومين أو 3 من الحجز! آنا عادة أحجز الفندق والت1اكر بس ماقط رحت قروبات!! وبالنسبه حق الدول المقترحه طبعا لندنننننن ماكو كلام واللي تحب أي معلومات أضافيه عنها عن الأماكن والأسواق تاخذني معاها وآنا أدليها ( اللي أوله شرط آخره نور)!!

 

[Fouz]

صباح الخير على أحلى تجمع
ريمان شخبارج حبيبتي و شلونج مع التان عسى ما صبغتي بس؟؟
كاراميلا طمنينا ان شاءالله وليدج تعافى
مروو الله يعينج على البيت ،، الخدم ما منهم أمان كثر ما تشترين ما تلحقين ما تدرين الشي وين يروح،، تروفاليو من الاماكن المفضلة عندي استانس عليه بالظهاري و لاز تشوفين شي مو في بالج و تشترينه، و على فكرة فوطهم زينة مع انها مو غالية انا احب الفوطة اللي ما تطلع وبر على الجسم لما تتنشفين و بالنسبة المواعين فعلا عجيبة
سارونة أسفرت و أنورت، حيا الله المديرة اليديدة، خليني أقولج انا سافرت مرة وحدة مع قروبات و كانت الرحلة منظمة و ملتزمين ،، اسمهم المستقبل بمجمع الدولية و رحنا ألمانيا و النمسا

 

[mr000]

هلا والله فوز اشلونج ! آنا والله كنت رايحه تروفاليو علشان الستاند مال الكب كيك شكله حلو فيه حق 12حبه وأكو حق 24 حبه وهم عندهم القوالب البلاستك اللي ماتحترق بالفرن حق الكب كيك وفي على أشكال حيوانات حق اليهال يستانسون!!

 

[ReeMaN]

قوووووووووه امهات شخباركم حبيباتي عساكم بخير ... بصراحه خوش موضو ع عن السفر صج يي بوقته تسلمين سارونا الحلوه ... خلاص نرشحج نائبة المديره مروو

احنا وايد نسافر مع قروبات ايام قبل بس كنا نسوي قروب من اهلنا وخلينا واحد منهم اهو القايد ماشالله صرنا كل سنه نسافر مع نفس القروب مره سويناها سافرنا مع قروب مانعرفهم ونسيت والله شسم السفريات هالحجي من 98 سفرتنا كانت سنغافوره واستراليا بس خلاااااااااص كرهنا السفر مع فروب مانعرفهم لان كانو قروب مسخره كله ترقص بالباص واغاني وتصفق ماراعو ان معانا شياب وملتزمين مع انه مافي شباب كلهم متزوجين بس شقول شخلي بس عقبها توبه من ذي النوبه <--- قالت قصه حياتها

ياخوفي ينحذف موضوعنا خخخخخخخخ

مروو انا احب سوالف تروفاليو اسعارهم معقوله وشغلهم ايونس وهدوء وتمشي على الراحه حتى الكافيه ايونس

 

[ReeMaN]

هلا فوز شخبارج ... ليش تفاولين علي ... شحقه عسى ماانصبغت ؟؟؟ انا ادور السمار دواره وانتى تسبينى؟؟؟؟ لا جذي ماارضى قولي عسى صرتي سوده هههههه

 

[ملكة بيتها]

سلام مامات شحوالكم اليوم ؟
ريمان ...على الأغلب ماكو سفر ...وأكيد لازم سمر كامب أرخصلي وإلا انا بتطلعلي قرون وبفلس
سارا ....خوش نائبه قلنا بتعاونينا طلع شي لخ
مرووو .....لا لازم تباعين أحوالنا ترى مالنا أمان وتروفاليو هي بس مواعين والله إنه عنده شغلات عجيبه من تنظيفات وشغلات للبيت روعه

 

[ملكة بيتها]

مروو ...تباعين = تتابعين

 

[mr000]

هلا والله ريمان اشلونج اليوم الصبح عند المدرسه أشوف اليهال الصغار مالوت الكي جي ينزلون من الباص لابسين بجامات أثر عندهم بجاما داي قلت والله زين تلاقين المدرسات بس تعبوا وخلصت السنه قالوا نسوي بجاما داي خل اليهال يحطون راسهم وينامون بالصف عن الشطانه!! عاد ريلي مدرس بالأبتدائي يقول ياريت أحنا بعد يسوون لنا بجاما داي جان آخذ مخدتي وأنام بالدوام بس تعبنا وأحنا نداوم!!وقبل شوي لما رجع ولدي يقول غريد 8 عندهم هالأسبوع اسبيريت ويك يعني يلبسون على كيفهم حتى لو ملابس تضحك أو هلاقه بس يقول البنات لابسين عادي بنطلونات أو تنانير بس الصبيان بعد نزاقه فيهم ماصدقوا استانسوا عالفكره واحد لابس شورت فوق البنطلون واللي لابس الجوتي تكرمون كل طبجه غير عن الثانيه!! اشعليه خل يستانسون مساكين!!

 

[mr000]

هلا ملكه لا آنا امتابعه بس بعد شوي بنام تالي بطلع جان تبون تزرقون فرصتكم آنا مو موجوده!! أي والله ملكه تروفاليو كل مره أدشه بس بطاله شكو فيه ماأطلع ألا تارسه العربانه!! والله آنا أشوف أن القعده تكلف نفس السفر تقريبا هذا هو طلعات ومطاعم وشاليه وسوق كل ماشفنا هالتنزيلات شرينا وهم لما تسجلين العيال بالنوادي والسمركامب موشويه أسعارهم !! بس آنا علشان توني مسافره بشهر 4 بعد ماكو سفره يمكن بس الأمارات كم يوم بعد ماقررت!!

 

[mr000]

ملكه !!! بطاله =بطالع !!! البدليات مالها والي خخخخخخخ

 

[ReeMaN]

مروو الحال من بعضه بهالبدليات خخخخخخ ماكو الا نسجل انا وياج بنادي البدليات هههههههه التسجيل عند سارونا اذا حابه تسجيل معاي

 

[Fouz]

ملوكة شخبارج هالسنة ما أعتقد في سفرة طويلة، احتمال مصر او لبنان اسبوع او 10 أيام حسب التساهيل و اذا ماصارت مالنا الا الشاليهات

هلا فوز شخبارج ... ليش تفاولين علي ... شحقه عسى ماانصبغت ؟؟؟ انا ادور السمار دواره وانتى تسبينى؟؟؟؟ لا جذي ماارضى قولي عسى صرتي سوده هههههه

هلا و غلا ريمان،،، دام تبين السواد لا تحاتين يايج يايج من التنقع بالبحر
و انا معاج بسالفة القروبات، بس ماشاءالله انا تجربتي كانت ممتعة و القروب اللي معانا 90% منهم كانوا أكثر من روعة

أي والله ملكه تروفاليو كل مره أدشه بس بطاله شكو فيه ماأطلع ألا تارسه العربانه!! والله آنا أشوف أن القعده تكلف نفس السفر تقريبا هذا هو طلعات ومطاعم وشاليه وسوق كل ماشفنا هالتنزيلات شرينا وهم لما تسجلين العيال بالنوادي والسمركامب موشويه أسعارهم !! بس آنا علشان توني مسافره بشهر 4 بعد ماكو سفره يمكن بس الأمارات كم يوم بعد ماقررت!!

صاجة مرو انا بعد اروح مو في بالي شي ما أوعى الا العربانة مفولة
وبالنسبة للامارات والله مو هينة أسعارها الا اذا حصلتي عرض زين، الفنادق الزينة أسعارها غالية نفس أسعار تشرتشل اذا مو أغلى، يعني ما أتكلم عن فنادق الجميرا لانهم مبدعين، انتي وين تسكنين عادة؟ والا كل مرة مكان مثل حلاتي

 

[mr000]

فوز آنا ماأروح دبي وايد لأن بصراحه إذا بقعد بفندق ليلته 70 وإلا 80 أفضل أروح لندن بالبراد أحسن وهذا اللي كنت أسويه بس آخر مره رحت دبي قعدت بالسندس ميريديان كان سعره معقول ألحين وصل 80 الليله

 

[Fouz]

فوز آنا ماأروح دبي وايد لأن بصراحه إذا بقعد بفندق ليلته 70 وإلا 80 أفضل أروح لندن بالبراد أحسن وهذا اللي كنت أسويه بس آخر مره رحت دبي قعدت بالسندس ميريديان كان سعره معقول ألحين وصل 80 الليله

هذا كلام أغلب أهلي لان الفنادق شابة نار، تصدقين انا سكنت بميناء السلام الليلة 180 ليش؟؟؟ و الفنادق العادية الغرفة من 80 و طالع، انا سكنت سنة 2003 في سيتي سنتر الغرفة طلعت 37 دينار بس السنة اللي وراها اختي خذته ب66 و 2005 زوجي خذاها ب 85 مستخفين الله يهديهم، السندس ميريديان شقق فندقية والا غرف؟؟

 

[ReeMaN]

اوووووووووووووووووووووولااااه جذي دبي صارت غاليه ؟؟؟؟؟ والله انا منكم نفس مروو اللي بقطه بدبي نفس اللي بقطه باوربا @@

ماتوقعت جذي اسعار فنادق دبي

 

[mr000]

سلام أمهات !فوز السندس ميريديان هذا نظام سويت بس أحجام مختلفه والله كان حلو تقريبا 38 دينار هذا سنة 2003 فيه صاله ومطبخ تحضير وغرفة نوم وحمام! بس قبل 3أو4سنين قالتلي بنت عمتي أنها صارت ب80 وألحين أكيد زادت! والله أروح لندن مثل هالسنه سفره تسوى 10 سفرات من دبي الفندق ب60 دينار والتذكره 160 وكافي هالجو البارد والمناطق الحلوه واحنا بالكويت شبعانين أسوقه ومطاعم يعني لو بروح دبي نفس الشي بس سوق ومطاعم!!

 

[ملكة بيتها]

هاي مامات .... أولا ريمان سجلوني معاكم بدوره البدليات
فوز .... حتى أنا وضحت الرؤيه ماكو سفر وراح أسجل بنتي سمر كامب وبنقزرها بربوع بلادي شاليهات ومجمعات وزيارات
مروو ...صاجه أروح أوربا أحسن من ما أقط على دبي

 

[ReeMaN]

واااي كاراميلا مالها حس .... ها مروو نبلش الخصم معاها والا شنسوي ؟؟؟؟ عشان نبلش التقارير