تجمع امهات العالمية الامريكية

[caramella]

السلام أمهات
الحمدلله على كل حال ولدي إشوي صار أحسن بفضل الله ثم فضل دعواتكم
بس طبعا لازم أكمل عالمضادات لمدة 10 أيام
صاجه ليالي إلوع جبدي على ما يشرب المضاد بالطول بالعرض لازم يشربهم عشان لا يرد ينتكس على
إي والله ريمان ما بقى شي ما شريته من أنواع العصير و اللبن طحت له على شي إستانس عليه عصير على شخصيات الفريج أم خماس والربع
إستانس عليه إشوي
والله هاليهال يكسرون الخاطر آنا ولدي كله يجابل الدريشه آنا أبي العب بره
بس واهي أي بره موت حر ما أخليه يطلع
تعالي شوفيه يوم الخميس اليمعه بالزوارة كله يهايل بالحوش من حرة الحكره اللي إييني ميت من الحر

 

[mr000]

سلام أمهات !سارا سلامته وليدج مايشوف شر!كراميلا غدا الشر إن شاء الله بعد تشوفينه أحسن! ليالي الله يعينج عالسهر نامي على نومته بالنهار! فوز وريمان وملكه اشلونكم

 

[ReeMaN]

هلا سارونا اى قدمي من يد ويديد بلا واسطات ولا شي بس نبي صورتين شخصيه وصوره من البطاقه المدنيه والجنسيه والجواز والكفيل منو اللي كافلج ؟؟ هههههههههههه لا اتغشمر حياتي حياج معانا اصلا انتى طماشه مسويه جو بالتجمع ايام ابيض واسود بعدين اختفيتي وطبعا مقدرين ظروفج ....

وناسه مروو عطتنا اجازه نلعب على كيفنا

كاراميلا شخبارج حبيبتى ؟؟ الحمدلله على سلامه وليدج الغالي وانشالله يبيله جم يوم اترد صحته بس انتى عليج بالمقويات والفيتامينات والعصاير وطبعا الماء ثم الماء ثم الماااااء

 

[mr000]

سلام أمهات أشلونكم وناسج جددنا اشتراك الانترنت! ريمان ماكو لعب يلا عاد دشوا كلكم لا وتشيشهم بعد!! اليوم ولدي شرى اليير بوك ب15 دينار بس علشان حاطين صورته مومشكله نحتفظ فيه للذكرى يحليلهم يهال الكي جي والابتدائي وفي صور الأنشطه والأيام المفتوحه وصور المدرسين والستاف مال كل مرحله! وهم استلم الكتاب اللي حق الأجازه أشوه طلع كتاب واحد فيه أكثر من ماده مو كتب وألا جان حرب معاه علشان يحل فيهم! ليالي شخبارج بدى زام الليل عندج؟يالله ميخالف عيل أشلون الجنه تحت أقدام الأمهات يعني لازم تطلع عيونا من السهر والربى يالله ندش الجنه بروح مجابل الريل طول عمرنا كافي!! حكمتك يارب! اللهم لااعتراض!

 

[ملكة بيتها]

شلونكم مامات فردا فردا شخباركم ...عاد أنا قلت فرصه بغيب طلع لا لازم إذا غبت لازم عذر فخفت بصراحه ما عندي نائب ولا عندي كفيل خخخخ ( إقامتي منتهيه ) ما أمون إلا على حارس العماره اللي أنا ساكنه فيها
كارميلا ...الحمد الله على السلامه إن شاء الله يغدي شره
سارا ....شلونج حبيبتي وسلامته وليدج
ريمان ...أنا ناويه أدخل بنتي نادي صيفي بس الأغلب يبدون تقريبا نص شهر 6

 

[mr000]

ملكه ترى آنا هني بعدي مانمت شنو ناويه اتغيبين وبعدين معاكم عيزت وآنا أراكض وراكم ترى بحط لكم توقيع حضور وانصراف مايصير جذي تعودنا عليكم ونشتاق لكم بس اللي عندها عذر مقبول ميخالف بس ورقه من ولي أمرها عالأقل!

 

[mr000]

جني زفيتها مسكينه ماسوت عليها الكلمه قالت بغيب مااشفيني صايره عصبيه هالأيام مادري من الحر والا من الكبر! ميخالف تحملوني!

 

[sara999]

مرو يحافظ شدعوه !!!!! بس المفروظ ترظين ارد لان الكل موافق على رجعتي !!!!
<<<<<وااااي مديرتها بالتجمع نحيييييسه
اقول مديره مرووو قولي لا اله الا الله وبداوم وانتي غايبه وانتي حاضره كيفي p:
شكرة لكل من تحمد لوليدي سلوم بالسلامه والحمدالله على العافيه
سليمان من قعدته بالبيت صار مطيرجي ويبيع كناري الحمدالله ماضيع وقت

 

[mr000]

سارا قلنالج ميخالف ردي خلاص اشفيج معصبه خلاص مانبي واسطه! أقولج شي بدامج رديتي اشرايج تمسكين مكاني بطلع أجازه وانتي خلي عينج عليهم!!

 

[lyale]

امممممم مرووو ممنوعه من الاجازات لازم واسطه
وخلوني اسلم قبل لا اعصب محد ياخذ اجازه الا انا امومه عندي

 

[mr000]

سلام أمهات اشلونكم شخباركم! اشلون ليالي يعني كلش ولا يوم واحد أجازه؟ بنات ترى باجر فيه تنزيلات 50% في فيلا مودا!! ريمان وينج بعد لاتقولين لي رايحه البحر اليوم آنا ماره الساعه 5 ونص العصر المايه رايحه!!والا رايحه الشاليه؟ عسى بس مانسيتي الكريم!!

 

[ملكة بيتها]

السلام مامات مروو لا أنا راح أواظب لا ما أغيب وترى أنا مو موافقه على إجازتج ....ما كو عذر
وفيلا مودا لي متى تنزيلاتهم ؟؟

 

[lyale]

هلا والله مرووو ولا نص يوم مسموح لج بعد ما جمعتي المامات مره ثانيه بتاخذين اجازه لا لا والف لا ماكو اجازه خخخ
ريمان وينج يالغاليه ما نسمع حسج بشرينا عنج

 

[mr000]

سلام أشلونكم أمهات! ملكه والله مادري التنزيلات لي متى!

 

[ReeMaN]

السلالالالالالالالالام خواتي حبيباتي ... وسلام خاص حق عزيزتنا مروو عساها ترضى علي ..مبروك الاشتراك اليديد حياتي صح كلامج كنت بالشاليه وهالمره جربنا منتجع الجون رووووووووووعه بصراحه وناسه لاتطوفكم الوناسه هناك وشريت كريمات بعد مو كريم واحد حمايه من الشمس كريم وبخاخ رشيتله فوق بعض ترست ويهه صار جنى كاسبر وطب بالبحر


مروو شوقتيني باليير بوك يصير نشتري الكتاب والا بس حق اللي مسجلين عيال العالميه يعنى اللي مصورينهم ؟؟

شلونج ليالي مع النونو ترا انتى اللى الحين معلقتنى ابي اسمع اخبار حلوه عن العالميه
ملكة مامات شخبارج حبيبتى انا والله الى الحين ماادري مره اقول بسجله نادي مره نقول بنسافر مره بنقضي الصيف بالشاليه... يعنى ماندري شنسوي بعمرنا

 

[ReeMaN]

شخباركم فوز وكاراميلا... بشرينا شلون وليدج هالايام؟

 

[mr000]

سلام اشلونكم أمهات! هلا والله ريمان اشلونج أتوقع عادي تشترين الكتاب بس حرام تشترينه ب15 دينار نطري ان شاءالله سنه اليايه يحطون صورة ولدج فيه واشتري واحد! عليكم بالعافية روحة الشاليه أهم شي أنكم استانستوا وولدج استانس! تصدقين آنا أحب الشاليه بالشتا أكثر لما نروح شاليه أختي وناسه نتيمع عند الدوه ونشوي كستن وذره وشاي الفحم عجيب يسهرج 48 ساعه من كثر ماهو مركز بس العيب الوحيد أنه مانسكر حلجنا من الضحى لي باليل طول الوقت بلع مع اليمعه والسوالف والبرد أيوع بعد! ليالي شخبارج تروالي كل ليله تغنين حق البيبي (يامسهرني)! فوز وكراميلا وملكه وسارا شخباركم عساكم بخير

 

[ملكة بيتها]

شلونكم مامات ريمان الحال من بعضه لحد الحين ما كو قرار بالنسبه للصيف وعليكم بالعافيه روحه الشاليه عسى إستانستوا ....
مروو ....هلا يا عمري أنا بخير عساج بخير ...تدرين أحلى شهر حق الشاليه هو من نص 4 إلى آخره اللي الجو يونس إحنا كل سنه نحجز بالهوقت اللي صج وناسه يعني اليهال يقدرون يسبحون بالبحروالجو حلو للتمشي حتى بالنهار ...جربوا هالوقت على ضمانتي

 

[ReeMaN]

هلا والله مروو وي تونى اشوف ال 15 دينار والله حسبت 5 دنانير صج يبيلي البس نظاره <-- ماجنى نظارتها جنى قاعه بطل بيبسي خخخخخ لا انشالله ننطر للسنه القادمه انشاء الله ليش لآ

وبالنسبه للاكل يامررو والله اللي اشوفه صيف وشتاء نبلع بلع مو طبيعي خاصه بالشاليه او بالبر او حتى بالسفر وزياده بالشتا بلع مو طبيييييييييعي يالهوييييييي من شاي حليب كستن مووش معدس حب مكسرات بنك ترمس حلو معجناااااااات يالهوي يالهوييييييييييييي خخخخ

 

[ReeMaN]

هلا مامات بيتها شخبارج صاجه الجو حلو بشهر اربعه بس مو مال سباحه بعده الجو بارد ماصار حر مثل الحين ... انا سبحت باخر شهر اربعه الجو اشوي حار بالنهار بس الماي بااااااااااارد ماقدرنا نسبح فيه حتى اللي يعاند ويبي يسبح من يدش البحر يهون من البرد ...

شراح تسوين بالعيال دام مااستقريتى عى رايي الى الحين؟؟