تجمع امهات العالمية الامريكية

[Fouz]

مساء الورد عليكم جميعا
ما يشوف شر وليدج كاراميلا و كلام ريمان نفس كلام دكتور بنتي قالي بتشوفين الفرق اذا راحت الروضة لان بفترة الحضانة قاعدة تقوي مناعتها
مروو الله يعينج و هذا الجيل ماشاءالله عليهم ما يشبعون و على بالهم كل شي ايي بسهالة، ان شاءالله تطلع نتايجه و يطيب خاطرج
قطوة ،،، مالج الا تروحين و تسئلين والله يوفق عيالج

 

[mr000]

سلام أمهات اشلونكم شخباركم !كراميلا اشلون ولدج ألحين عاد ديري بالج أنتي حامل لايعديج!! تصدقون صج الياهل بالحضانه وايد يمرض مرت حماي دكتوره تقول أنه الياهل ينعدي من اليهال الثانين فكل شوي لاقط له فيروس من ياهل مريض فكانت تقولي لاتودين الياهل حضانه قبل ال3 سنين لما تقوى مناعته شوي لأنه موزين كل شوي يصير فيه حراره وياخذ مضاد حيوي وايد! الله يحفظ العيال من هالأمراض!! ليالي مادري شخبارها مع البيبي الله يعينها عالسهر والربى!

 

[caramella]

السلام أماهات
مرو قطوة ريمان فوز الشر ما إييكم إنشالله يا رب
والله الدكتور أمس عطاني مضاد حقه بلشت فيه من أمس بس الحين أقيس حرارته 40 ولا راضي احط له كامادات حده عنيد
حطيت له تحميله إنشالله يا رب تنزل حرارته
معنه هالأسبوع ولدي ما داوم بالحضانه شكله من الجو
مرووو كلام مرت حماج عدل و آنا ما دخلت ولدي حضانه إلا لما كمل 3 سنوات ولا تخلصين من العدوى و نقص المناعه
شسوي مرووو إنشالله ما يعديني الأم ما تقدر لي صار شي بولدها كله لازقه فيه
قطوة كلامي نفس كلام البنات لازم تمرينهم تتأكدين أو إذا إنتي محظوظه يردون عليج بالتلفون لأن بدالتهم لج عليها إشوي
و هذا رقمهم1822827
و إنشالله تحصلين اللي تبينه
ريمان يبيلي والله أقول حق دكتورة عن هالفيتامينات جود تقوى مناعته أمس عطاني الفيتامينات العاديه كيدي البطل المتين اللي على نكهة برتقال ما غيره

 

[mr000]

سلام أمهات اشلونكم! واي حبيبي ولدج كراميلا وايد حرارته مرتفعه سلامته بس ان شاءالله يبتدي يبين مفعول المضاد وتنزل شوي الحراره واذا مايخليج تحطين له كمادات كل شوي غسلي ويهه وايده لي الكوع وريوله كلها بماي بارد من الحمام تكرمين مو بارد من الثلاجه خليه جنه يلعب بالماي بعد يستانس( هذي وصفة حماي دكتور) يقول موشرط على الراس بس!مره ودينا ولد أختي الأميري بالليل كان عمره سنتين وحرارته وايد مرتفعه جان يفصخونه ملابسه كلها ويحطه الطبيب بالمغسله عنده بالطوارئ ويفتح عليه الماي واحنا نقوله لا لا يحوشه برد قال آنا أبي جسمه يبرد لأنه من الملابس ولافينه زيدتوا حرارته!! صرت الدكتوره مروو( مواعيد العياده من 10-12 ومن 6-8) هذي عيادة العالميه التخصصيه!!!

 

[Fouz]

شلونكم يا أحلى أمهات،،، شخباركم

سلامة وليدج كاراميلا و الله يعينج، انا اعطي بنتي فيتاميت multiplus والله زين أحس بنتي فرقت عليه ، بس طبقي تعليمات مرو لان السخونة مؤذية و الياهل ادري بهالوقت يكون عسر و ما يبي الماي، و التحاميل وايد زينة بعد و ما تشوفون شر ان شاءالله

 

[ReeMaN]

كاراميلا الف سلامات مايشوف شر وليدج المضاد ياخذ وقت على مايطرد الفايرس من الجسم بس انتى عليج بالتحاميل والكمادات مو على كيفه الحراره ماتغشمر خاصه بسملله عليه وصلت 40 مو اشويه خيريه يا اشيلك واسبحك غصب ياكمادات وخليه يلعب بالماي منها يسانس ومنها تنزل الحراره ولا خلص دهنى قاعه ريله بفيكس ولبسيه الدلاق .....

انا بالمرض ماادلع لو شنو خاصه الحراره غصبن عليك اسبحك لو يصرخ المهم تنزل الحراره ... بسملله عليكم لان احنا عندنا حالات ياتهم سخونه قويه و صارو مايسمعون او مايشوفون معروف الحراره تاخذ شي معاها عشان جذي تلقونى متعقده من الحراره وايد اخاف منها

 

[ReeMaN]

انا طلبتهم بالانترنت من بوتس بس بوتسنا هنى ماعنده الا الي طعمه مر ايلوع الجبد .... ومره طلبو لى من امريكا نفس الطعم بس يايين بجياس نفس ملوت جياس كاتشب المطاعم ولدي يموت عليه مره بالمره وايد زين الفيتامينات حق اليهال ....

 

[mr000]

سلام أمهات اشلونكم! كراميلا اشلون ولدج طمنينا عليه! أمهات دورتوا حق عيالكم نادي للصيف؟ أنتوا علشان عيالكم صغار يمكن مومشكله لو ظلوا بالبيت هم بعد الجو حار عليهم وممكن تشغلينهم بأي شي بس حق الكبارلازم يشتركون بشي عن الملل وهم يستفيدون !آنا حصلت حق ولدي نادي تشامبينز اليديد الشهر 150 دينار يروح 3أيام بالأسبوع مدة 4 ساعات !وعندهم السمر كامب ممكن يشترك أسبوع ب90 أو أسبوعين ب150 أو شهر ب200 ويروح يوميا وهذا مو بس رياضه فيه رحلات وتعليم!أن شاءالله بروح لما يخلص ولدي الأمتحانات أوديه يشوف النادي!

 

[lyale]

مرووو حبيبتي شلونج انتي وصاجه انا لاهيه مع البيبي والسهر وصح كلامج عدل اليهال اذا غسلتي ايده للي للكوع وريله بعد وويهه و الله بتنزل حرارته ولو تلاحظين هذا نفس الوضوء والله دينا في وايد اشياء حلوه
وابشركم قبلوو عيالي بالامريكيه ثنائية اللغه بس هم قلبي مو مطمن ابي العالميه بس اظاهر هالسنه مالهم نصيب

 

[mr000]

هلا والله ليالي اشلونج واشلون البيبي الله يعينج ويعطيج الصحه والعافيه! والله آنا أشوف بنت أختي صارلها 3 أشهر والده وليلحين تعبانه من السهر مع البييي وكلش ماتقدر تهدها وتطلع حتى حق شي ضروري تقول عسره وايد!!زين مبروك قبول عيالج ولاتحاتين ان شاء الله تطلع المدرسه زينه وتتطمنين عليهم!! باقي البنات الفاتنات وينكم شخباركم! كراميلا اشلون ولدج؟

 

[ReeMaN]

هلا والله مروو شخبارج .. شخباركم بنات شلونج ليالي مع النونو عسى مو عسر الف مبروك القبول ياقلبي والحمدلله انهم بمدرسه وحده وانشالله المدرسه اتكون خيره عليج وعلى عيالج .... وعالسنه اليايه نقليهم عندنا بالعالميه وانشالله يمتحنون ويكوون الاكنست شي عجيب وينقبلون فيها ....

مروو انا الى الحين مااستقريت على رايي مادري وين اوديه كل مكان اخاف اشركه فيه اطلع فيه مليون عذروب شكلي بالاخير بقعده بالبيت بسوي نادي بالبيت يغسل وينظفالببيت و الملابس معاي

 

[mr000]

أهلين ريمان! شوفي مدرسة الكويت الأنجليزيه بسلوى أذا ياخذون اللي بعمره أو المدرسه البريطانيه بسلوى بس أحسن روحي شوفيهم لما يبتدون أول يوم قبل لاتسجلينه وتدفعين علشان تتطمنين شوفي أنشطتهم داخل الصفوف ومدرساتهم! وأذا بتخلينه بالبيت بعد هم التنظيف والغسال نوع من الactivities!خخخخخخ!

 

[ملكة بيتها]

شلونكم مامات حبايبي ..... كراميلا ما يشوف شر وليدج ......ليال الله يعين عالسهر .....ريمان ترى إذا خليتيه بالبيت ياهو بيتعود على قعده البيت وراح يأذيج ببدايه السنه أحسن سجليه بنادي لو شنو بس نصيحه لا تخلينه بالبيبت

 

[lyale]

مروو وريمان وملكه وباقي المامان العسل شلونكم وشلون التجمع والله اني سمعت خبر حلوووووو من العالميه انشاء الله بس اتاكد منه بقوله لكم
ومامات الي سئلوو عن ولدي لا والله مو عسر بس نومته طول النهار ويسهر بليل معاي محتاج وقت علي ما تتعدل نومته
والله يبارك فيكم كلكم

 

[mr000]

سلام أمهات اشلونكم شخباركم ليالي اشلون النونو ترى عادي جذي كل البيبيات بال40 ينامون بالنهار ويسهرون بالليل ماشين على توقيت أمريكا!! بنت ولدي لما ردت أمها من ال40 كنت أستلمها طول النهار علشان أمها تنام بس حرام كانت تنام عندي بالنهار! شنو الخبر الحلو شوقتينا عطينا تلميح أو بس أول حرف عالأقل يلا ناطرينج!!باقي الأمهات الحسناوات وينهم؟

 

[caramella]

السلام أمهات شلونكم
تسلمون ما قصرتوا على السؤال عن ولدي
للأسف ولدي لي الحين تعبان
وأمس تكرمون بدا معاه إسهال
واليوم ترجيع غير الحراره والنشله والكحه
يا ربي تخفف عليه تعب يكسر الخاطر
والله ما ينام لا ليل ولا نهار بس يحن


مبرووووك قبول عيالج ليالي و إنشالله الله يكتب لهم الخير في هالمدرسه وإنشالله يا ربي ينولج اللي في بالج
والله يساعدج عالسهر صراحه نومة الليل ما تتعوض بس بعد شتسوين نامي وياه بالنهار
ضحكتيني مرووو على توقيت أمريكا
آنا ما أحب النوادي بسبة ودي و يبي و إلتزام بالتوقيت
كافي طول السنه نهايل بالحر بعد بالصيف ما يسوى
بالصيف غالبا ما أطلع قبل صلاة المغرب لأن موووووت حر و راسج إصكج من الحر
آنا يمكن ولدي ليش صغير ما يدري شالطبخه بس لي كبر شكله بيجبرني أدخله نوادي صيفيه

 

[mr000]

وي كراميلا ضيقتي خلقي على ولدج مسكين ردي راجعي فيه الطبيب شوفي شنو سالفة الترجيع والأسهال تصدقين آنا ولدي العام صار فيه اسهال لأن أخذ مضاد حيوي مرتين ورا بعض!!ليالي ان شاءالله الخبر الحلو أن عيالج انقبلوا بالعالميه بعد:ggdw: لأنه ماسمعت عندهم أخبار حلوه بالنسبه للدوام بالعكس طرشولنا ورقه أنه من السنه اليايه راح يطولون مدة الحصص قريب الساعه وثلث بس ماراح ياخذون كل المواد يوميا ماعدا العربي والدين يوميا تقريبا يشبه نظام التكامل يعني الأجتماعيات والعلوم والرياضيات يوم وترك هذا تقريبا حسب اللي فهمته من الورقه بس بالتكامل كانت الحصه أقصر شوي وولدي يقول انمل وندوخ من طول الحصه بعد هذيله بيسوونها أطول:0bee2e8d89: بس أعتقد هالشي حق المتوسط والثانوي بس مومتأكده!

 

[mr000]

ريمان سجلنا عليج غياب بدون عذر لأن كملتي 24 ساعه مامريتي التجمع! عسى ماشر طمنينا بس!! ومعاج طبيه لو سمحتي أو ورقه من ولي الأمر!!! جنه أيام المدارس خخخخخخ

 

[Fouz]

السلام عليكم ا أحلى تجمع
شخباركم كلكم
ايوااااااااا مرو اهي اللي ماسكة الكشف بس عاد زرقي لنا شوية
ريمان شخبارج حبيبتي
كاراميلا الله ييعنج يالغالية شوفي الدكتور احسن اخاف تطول معاه الاعراض مسكينو ان شاءالله تطمنينا عليه
ملوكة شخبارج حبيبتي
ليلاي الله يعينج على السهر و ان شاءالله تبشرينا بالخبر الحلو جريب


الا بسألكم من صجهم الدوام شهر 8 واااااااااااااااااااااااااااااااااااي عز رمضان و انا ما عندي دوام و تعالي فزعة من الصبح؟؟ تدرون الساعة جم يبدون و متى يخلصون برمضان؟؟

 

[mr000]

فووووووز أنتي أصلا عليج خصم يومين لأنه آخر مره داشه التجمع 31/5 بس سبحان الله توني كنت بكتبلج ورجع ولدي من المدرسه ورحت حق الغدا فالله فكج دشيتي قبل لاتكملين يومين! الله يسلمج الدوام بشهر8 مع رمضان وهالسنه والله كان دوامهم طويل ماأذكر بالضبط يمكن من ال8ونص لي2 أو 2 ألاربع هذا بالنسبه حق ولدي بالمتوسط أكيد عيالكم دوامهم أقصر بس والله مسكين العام تعب حر وصيام ودوام طويل