تجمع امهات العالمية الامريكية

[ReeMaN]

السلالالالالالالالام لالالالا مروو الله يخليج بس هالمره السموحه انشالله ماكررها الا بان منكم .... الله يسملكم هاليومين ارد من الدوام ووناخذ ولدي ونطلع نتغدى برا ... واليوم اخذناه ورحنا البحر لان من دخل علينا الصيف زادت الاكزيما اللي اللي فيه من جذي وديناه يسبح بماي البحر علاااااااج للاكزيما ......وبس نرجع البيت يادوب يسبح ويتعشى ويناام ... الا انا مافينى حيييييييييل حق شي بالمره ... صج ضحكت على عيال توقيت امريكا هههههه ...


الف سلامات كارميلا مايشوف شر وليدج عور قلبي المسكين طمنينا عليه اشلونه الحين ؟؟؟
شخبارج مامات انشالله راح اشركه بالنادي بحاول بس اذا ماستقريت على شي يريحنى بخليه بالبيت
ها ليالي بشري انشالله قبلو عيالج بالعالميه

 

[ReeMaN]

هلا والله فوز شخبارج حبيبتى <-- وناسه زفووها على الخصم يومين خخخخخخخ

اى ياوخيتي دريت الدوام ثاني اسبوع من الرمضان الله يصبرنا على الحر والفزعه من فير الله وننطرهم ونسكت فيهم بالروضه يالهوييييي

مروو الصراحه مو شي يمدوون ساعات الحصص خاصه بالرمضان تعب عليهم هالطلبه مساكين صيام وحر ... ماتوقع راح يراعون من هالناحيه ويخفضون من الحصص لو بس بالرمضان :eh_s(14): اللهم بلغنا رمضان :ggdw:

 

[sara999]

ولهت عليكم والله

 

[mr000]

سارا!!!! أنتي وينج طول هالمده؟ وين هالغيبه عسى مو زعلانه قوليلي بس من مزعلج وآنا أعلمج فيهم! عاد آنا هالأيام متوليتهم خصم وزف! شخبارج عساج بخير واشلون ولدج!! انتي بعد لاطبيه ولاخصم أنتي قدمي أوراقج من يديد حق التجمع وانشوف بعد اذا نردج والا لأ!! لا أتغشمر معاج لي ماشالج التجمع انحطج بعيونا بس لاتقاطعين بعد!! كراميلا طمنينا على ولدج!! ليالي شخبارج اشلون الصغير بدت السهره عندكم والا بعد؟ ريمان آنا كان معاي أكزيما أول بأيدي مانفع معاي ماي البحر واشكثر تعالجت عند عيادات جلديه والله طولت معاي يالله راحت الحمدلله بس الأكزيما عند الصغار تروح ان شاءالله بسرعه بنتي كان فيها لما كانت صغيره وراح عنها عالجتها عند المشاري أذكر قالي استعملي لها كل منتجات سيباميد من الشامبو لي صابون الجسم لي الكريم المرطب حق جسمها بعد الحمام!

 

[lyale]

وايييي مامات مرووو كرميلا فوز وريمان وساره شلونكم وقول وين بتحطون عيالكم بالصيف اي نادي
مروووو اش الخبر سر بس ادعي الله يحقق لي مرادي

 

[ملكة بيتها]

شلونكم مامات .... كراميلا إقري على وليدج حبيبي يتراوالي الحين عصقل من المرض الله يقومه بالسلامه
ليال ....شلونج وشلون الصغنون أنا مفكره أدخل بنتي الحياه ناديهم الصيفي شبه شامل ماعدا إنه مافيه سباحه وهي عاد تحن على نادي للسباحه

 

[lyale]

ملكه انا بخير والصغنون بخير الحياة والله يشوق برنامجهم بس حسافه مافي سباحه وعندج وعندي خير اليهال يبون يطفون نار وحرارة الجو بالسباحه
كراميلا سامحيني ما سئلت عن ولدج والله ما يمدي اكتب كلمه الا الصغير بجي بس انشاء الله يقوم بصحه وعافيه وما يشوف شر

 

[mr000]

سلام أمهات اشلونكم شخباركم! الجو حااااار متى يعطلون العيال ونقعد بالبيت تحت رحمة الله والتكييف والله شكلي متردده حتى عن تسجيل ولدي بالنادي بسبة هالطلعه بالشمس حتى لو بسجله العصر لازم أطلع من ال4ونص أوديه شكلي راح أسجله بس شهر 7 مو شهرين!

 

[ملكة بيتها]

صاجه مروو الجو الله المستعان حده نار واليهال ملوو من المدرسه ...بس أنا ما عندي إلا وحده اليوم ماراحت المدرسه إذبحتني حنه ليش بروحها سوت كل شي لعبت ولونت وشافت كارتون بس طقت جبدها من قعده البيت وتحن يلا قومي نروح بيت ماما عوده هناك تلعب مع عيال أختي والله كاسره خاطري من الملل وقفت بدريشه الصاله وقت صلاة الظهر تطل على المسجد تشوف المصلين والناس حدها زهقانه....خخخ

 

[Fouz]

السلااااااااااااااام عليكم يا عسل
مروو والله عندي عذر طارئ الله يسلمج انا نايمة عند أمي لان ما عندها أحد بحكم سفر أخوي و مرته فهناك ما عندي نت فعلى حسب الفراغة بالدوام ادش ،، بس شفتي شلون ان حظي شزينه اللي دخل وليدج
ريماااااااااااااااااااااااااااان عن الشماتة ترى أكتب فيج تقرير و أحوله على المديرة الطيبة اللي كانت بتخصم علي بس أشوة هونت
باجي الامهات حبيت أسلم و اتمنى انكم طيبين خصوصا مع شوية الدفا اللي ياينا أستغفر الله لواهيييييييييييييييييب
سارونة عاش من شافج و ان شاءالله ما تقاطعينا
كاراميلا شلون وليدج بشرينا

 

[caramella]

السلام أمهات
حبيباتي كلكم خير و بركه تحاتون ولدي الله يبعد عنكم شرور الفلونزا والفيروسات
شي شي اللي شافه ولدي والله يعور القلب آنا على إتصال مع دكتورة لازم الصبح الساعه 8 و الساعه 8 بالليل أعطي الدكتور تفاصيل اليوم كله يعطيه العافيه هالدكتور والله خوش دكتور إسمه ياسر القحف بإنترناشيونال كلينيك مخلص بعمله
والله ياخذ ولدي ألحين نوعين من المضاد يالله نزلت حرارته
الحين الحمدلله ماكو حراره هذا أهم شي لأن الحراره تخرع مثل ما قلتي ريمان
أسبحه باليوم 4 لي 5 مرات ولا تنزل هالحراره
الحين اللي ظل الإسهال إشوي صاجه مرووو يمكن من المضادات
إي والله ملكه وزنه نازل حده عصقووووول
بس أمس إخترعت عليه نام مده طويله
عاد لما دقيت عالدكتور أقوله ولدي ينام أكثر من قبل قال خليه ينام اللي مثله جنه طالع من حرب هذا من كثر التعب
الله لا يوريكم بعزيز إنشالله
أفا عليج ليالي كله واحد إسمالله عليه هالنونو الله يحفظه لج من كل شر
سارا ولهنا على سويلفاتج عسى ما شر قاطعتنا من زمان
ريمان حبيبتي ما يشوف شر وليدج يا عمري الإكزيما تذبح الكبير فما بالج الصغير يا حبيبي إنشالله تخف عليه يا رب
حبيبتي فوز تسأل عنج العافيه الحمدلله إشوي أحسن من قبل

 

[mr000]

ملكه صاجه اليهال يملون والله آنا أشوف بنت ولدي اللي توها سنه وشهر ماتدري شتسوي طول النهار تتعبث بكل شي و تبجي تبي انطلعها بره والجو حار ومره اشغل لها الدي في دي ونحط لها بارني بالتلفزيون ومره احط لها شغلات يهال باللاب توب والصاله متروسه ألعاب اللي يخطر على بالج ماأصدق متى ترجع أمها من الدوام !والله أمس تقولي بنت أخوي أن حضانة أفنان بدوا ياخذون من عمر سنه ونص يعني عالأقل عالسنتين ندخلها حضانه! شوفي آنا عندي بنت أخوي علشان أمها وأبوها يشتغلون بقطاع خاص دوامهم لي العصر وماعندهم أجازه طويله فمن كان عمرها سنتين دخلوها حضانه وحتى بالصيف يسجلونها بالسمر كامب مال مدرستها الكويت الانجليزيه وتروح وترجع بالباص!!

 

[mr000]

هلا كراميلا زين طمنتينا على ولدج وان شاءالله شوي شوي يصير أحسن وترد صحته ويرد ياكل شوي يحتاج فترة نقاهه! خلاص فوز امسامحينج راح نحسبه غياب بعذر لظروف أسريه!! ريمان صايره بحريه بس ديري بالج من الشمس لازم السن بروتكشن حقج وحق ولدج لازم سمعتي!! الله يكافينا ويكافيكم شر الأمراض قبل كم يوم شفت بالأنترنت بمجلة بيبول أن بروك شيلدز طالع بويهها بقعه مسرطنه من كثر ماتتشمس علشان يصير لونها برونزي( عين ماصلت عالنبي حسدوها الناس على جمالها)فألحين قامت تخاف حتى على بناتها وماتطلعهم بالشمس ألا حاطتلهم كريم حمايه!! وترى فيه بالصيدليات أنواع حق الأطفال!

 

[ReeMaN]

وه امهاتنا شخباركم حبيباتي ...

هلا والله سارونا المزيونه عاش من شاف نكج يالغاليه وين عن تجمعنا ؟؟

مروو شخبارج حبيبتي؟؟ انا كنت استخدم كل منتجات سيبا ميد بس ياربي مافيه ريحه بالمره اسبحه ولا جنى مسبحته مافيه ريحة نظافه استمريت عليه فتره بعدين قطعت عنه قمت اسبحه بأي شامبو بس الصابون يكون طبي والكريم طبي نفس الفازلين بس نوع خاص مال الجلديه اشوي ماشي معاه بس والله الحين احسن من قبل كل ماكبر خف اللي فيه

كاراميلا حبيبتى مايشوف شر وليدج وميخالف الاسهال ولا الحراره والاسهال زين يطرد الفايرس من جسمه بس هالله هالله بالسوائل والماي
ملكة مامات عيل دام بنتج نوعها اتمل من قعده البيت حرام دخليها نادي لو من الخمس العصر تستانس وتغير جو خو مابقى شي على الرمضان مو مال تفترين فيها خل تستانس قبل لاتبدي المدرسه واهى مو مستانسه بشي

 

[ReeMaN]

هلا فوووز ههههه لا ماراح اتشمت يالغاليه خلاص دام عشان ست الحبايب عذرج معاج ولا عليج خصومات ...

مروو خرعتينى والله انشالله راح اخذ حمايه من الشمس بعد ماتدرين ياوخيتي انا اموووت على شي اسمه شي وادور السواد دواره مع انى سوده بس هم ابي بعد خخخخخخخخخخخ ومن كثر مااحب البرونز ولدي قمت احط له تان واقطه بالشمس مسكين اجرمت فيه ههههههههههه بس لالالالالالالالالالالالالا راح احط له انشالله حمايه ... وصاجه محسوده بروك من جمالها ولونها اللي اينن

 

[ReeMaN]

وينكم حبيباتي ؟؟؟

 

[ReeMaN]

تصبحون على خير امهات العالميه :0bee2e8d89:

 

[lyale]

خخخخخ انا ريمان الحين صبحي توقيت امريكا مع حضرة جنابه طول اليوم نوم وبليل يشتغل علي واغ ويييغ هالبيبي فا اقولكم صباح الخير مامات
كراميلا واااااي قلبي عورني علي ولدج برووحهم اليهال قصب ياخذون المضاد هالمره اثنين الله يعينج ويارب يشافيه لج ويطمن قلبج عليه
وبخصوص النوادي الي بالمدارس العالميه ما عندهم سمر كامب واذا لا شنو اقوي مدرسه فيها نادي صيفي

 

[sara999]

شكرا شكرا لكل من سأل عني وشكرا لكم يا احلى تجمع
وليدي يا مرو تعبه العقنقز تخيلو توه يقشر ... الحمدالله على كل حال والحين اشوه

ويا حلاتكم ويا حلات سوالفكم بس ترى انا حدي مضيعه ومادري شنو تسولفون فيه
مرو بقدم من جديد تردوني؟؟؟ لان بصراحه ما عندي طبيات كلش ملش

 

[mr000]

سلام بنات اشلونكم عذروني ترى ماعندي انترنت الاشتراك مخلص وعلما العيال يردونه طبعا موهامهم لأنه كل واحد فيهم عنده الأيغو وآنا بالبيت قلعتي وعليه أكسر الخاطر رحت شريتلي كرت انترنت بودينارين جنه أيام قبل!! ألحين فرصتكم غيبوا على كيفكم آنا موموجوده وايد أجيك عليكم!! لا لا سارا روحي ييبيلج واسطه لأن طولتي وايد وموأقل من نائب موأي أحد