تجمع امهات العالمية الامريكية

[caramella]

هلا والله حلومه سوري ما رديت عليج مساع
حيالله من زارنا يا قلبي
مممممممممممممم ريمان عيل هالمره بتصيديني بسرعه نفس المره اللي فاتت إلا إذا انتي تتأخرين آنا آخذ ولدي بسرعه و انحاش
بس بدون ملابس لا ياوخيتي ما يبقى سترتش مارك ما يبقى سليولايت لا الله يخليج بدون نظارة اللي اللي تبين الشكل بدون ملابس هذي فضيحة الدنيا و الدين
وين البرونزيه ليش شلتي صورتها احبهااااااااااااااااااااااااااااااااااااااااااااااااا لأن حسره علي التان وحتى لو بسويه عناد يصير مو حلو إهما ما ادري شلون يسوونه إينن عليهم

 

[bella bambina]

صباح الخير أمهات
اي والله آنا أعتبر اليوم سهرانه دلول نامت ساعه العصر ومو راضيه تنام ولا العاده 9 أو 10 بالكثير شخري :ch12:
ريمان ما يشوف شر ولدج وبعدين شنو هالصوره اليديده يبا مابي الحلاوه بس ما له داعي تهاجرين كندا وبطلي تستخدمين نظارتج العجيبه بالملابس وما أقدر أغطي الكتل واللي يعافيج خليها على جنب
مرو الصبح ما يفتحون الا الباب الرئيسي وباب الباصات آنا أوصل مبجر و أقعد أقرا الجريده وبعدين أنزل اليهال وتشتغل العفسه الا يطلع من الباب واللي يطلع من الدبه واذا كنت معصبه أحذف جناطهم وراهم

 

[mr000]

السلام اشلونكم شخباركم..ريمان توني أنتبه ..مايشوف شر ولدج ..اشلونه ألحين..هلا والله فوز..عاد تصدقين اليوم شهادة الميلاد كانت بجنطتي وآنا رايحه حق الوالد مرينا عند المستوصف قبل لايسكر بالليل بس عيزانه أنزل أقول حق بنتي إنتي نزلي سألي تقولي والله تعبانه ماشيه وايد بالجامعه ..جان أدق سلف وأمشي ماسألنا..يعني شوفي العيز شيسوي ..أشوف أسال الأسبوع الياي...بس والله جنها ماتحتاج توها مطعمينها الحصبه..

 

[mr000]

هلا والله بيلا ..آنا العام كنت أوديه من باب الباصات بس هالسنه كله من الباب اللي جدام..أكيد انتوا جدامي بس ماأعرفكم..هالمره بمسك وحده وحده وبسألها إنتي منو ..بس أخاف احصل زفه..بيقولون هذي اشفيها!! عاد المفروض الاثنين والثلاثا مانتأخر الصبح ان شاءالله ماتقعد بنت ولدي مبجر وتتعلق فينا وتعطلنا..لانه عند أمتحان الsat اليوم وزعوا عليهم أوراق راح يكون من ال8 لي 11 فالأحسن يكون موجود قبل ال7 ونص..والله آنا ودي بعد اغير اللوك مالي بس مادري شنو أسوي ..كلها عبايه وشيله..ماكو إلا أغير نظارتي

 

[Fouz]

السلام عليكم أمهات
ماشاءالله شحلاته التجمع اليوم عامر عساه دوم
مرو يا كرهنا كله عيزانين تدرن يبيلنا نشحن طاقتنا بسفرة شرايج؟؟ يبيله لندن اسبوعين و نرد نيو لوك من بره و من داخل شقلتي؟؟
عاد انا و بيلا تصيدينا بسرعة بس المشكلة اذا متحجبة و عباية هي صعبة لان أغلب الامهات متحجبات
ان شاءالله تروحين الاحد و يقولولج ما تحتاجون تطعمونها

كاراميلا واله انا اروح مبجر بس مو وايد، يعني قبل طلعتهم بخمس دقايق اوقف بالمواقف و انزل من السيارة اذا فتحوا الباب لاني ما احب المزاحم على السلم ،، فعلى ما أوصل الباب الا الاهالي اغلبهم داخلين

ريمااان نظارتج مو شي و خصوصا توني والدة لاااااااااااااااااااااااااااااااااااااا ثم لاااا راح اخترع ملابس مضادة لنظارات ريمان يامعودة مو وقته الفضايح

بيلا صاجة اليهال مو شي ينامون العصر حتى لو نتفة

 

[mr000]

فوز آنا أشكثر حنيت عالسفر بالأيستر ولي ذاك الأسبوع وآنا أتحلطم ..أقول ياريت رايحه مع ولدي لندن ..شوفي ألحين صارت سالفة هالبركان وتسكر المطار..صج الحمدلله ماكو شي هناك ..بس تخيلي آنا أنحكر أسبوعين و ثلاثه وأحاتي ولدي بالمدرسه وامتحاناته وبنت ولدي عند الخدامه..واااي جان استخفيت..صج خيره إني ماسافرت معاه..بس عسى نقدر نسافر بالصيف يقولون متوقعين بركان ثاني أكبر منه بيثور..

 

[mr000]

أنتوا حاسين بالغبار اللي بره..آنا قاعده أشم ريحة غبار وأحس فيه ابلاعيمي..ألحين وخرت الستاره شويه إلا غباااااااااار بره الدنيا صفره

 

[mr000]

تصبحون على خير

 

[ReeMaN]

هااااو ماعجببكم النيو لوك اليديد @@ ارد على برونزي احسن

عاد اتصدقين كاراميلا ماشالله وتبارك الرحمن انتى بيضه لو تاخذين تان لونج بيصير روعه لان راح اتصيرين برونز على حمااااااار ومااقصد

الكلمه اللي ببالج محشومه بس ماعرف شلون تنقال هههههههههههه ......

دام ماتبونى البس نظارتى عيل فضحو نفسكم كل وحده تمسك لافته بايدها كاتبه نيك نيمها احسن لكم وقد اعذر من انذر <--- صح هالكلمه

والا انا اخوره بالحجي ههههههه

 

[ReeMaN]

مروو انا كنت مندمجه بالفلم الهندي<--- :O_SHH_: لحد يضحك علي حسيت بالغبار بحلجي وقمت اعاطس عاد

طليت برا والا الدنيا غباااااااااار عسى مااينا نفس اللي صار الاسبوع اللي فات عسى الله يرحمنا برحمته :yaaaaaarb: ....... واي

تخيلي مسافره ويثور البركان مو بعيد اتردين الكويت بسيكل عاد تخيلي عباة وخوذه وسيكل ياسلااااام مروو بسيكل الهارلي

الحمدلله خيره انج ماسافرتى .....

تصبحون على خير احبابي :ch12:

 

[mr000]

ريمان ..هذي اللي تقول ماعندنا حريم يطلعون بالليل..وأنتي شمطلعج البارحه الساعه 3..والله ريمان صج قاعده اتخيل شكلي عالسيكل الهارلي..بس أشوه ماألبس عباية راس جان صرت جني باتمان..يعني العبايه الثانيه أهون شوي(مادري شيسمونها)..على طاري السيكل أشوف صار عادي بالكويت تشوفين واحد على سيكل ووراه وحده..كذا مره أشوف هالمنظر..وذاك اليوم عند ستاربكس السالميه اللي كله يتيمعون عنده اللي يسوقون السياكل واحد معاه بنت كويتيه وواقف يلبسها الخوذه وربعه واقفين معاه..مادري ..وين أهلها..وإلا عادي..بعد يمكن آنا تفكيري قديم عندي هالتصرفات عيب وهي صارت عادي..

 

[mr000]

وعليه مدرستنا كل ما بقوا يسوون الكرنفال..ينعفس الجو ..عسى يتعدل باجر..عاد ذاك اليوم أقول حق ولدي ليش يسوونه بشهر 4 يدرون الجو يكون موشي خل يسوونه بأي شهر قبل ..قالي لا علشان يصادف عيد ميلاد المدرسه..قلت له شنو؟..قال مادري ماأعرفها بالعربي بس نفس الوقت اللي سووا فيه المدرسه.!!!.ليش المدرسه مفتتحينها بشهر 4؟؟؟

 

[mr000]

خل أرد أنام شويه ..نايمه 3 وقاعده 6 ونص ..مضيعه علبالي دوام ..قعدت مخترعه أقول اشفي ريلي الله يهداه ماقعدني..ألحين متى يمديني أوديه المدرسه..وبس طارت النومه..

 

[ReeMaN]

صباح الورد احبابي شلونكم مع العفسه برا

مروو والله البارحه اثرت فينى القهوه التركيه ماقدرت اقاوم ريحتها عند خالتى بالعصر بعد مو بالليل جان اطلب لى وحده مع انى شاربه

التركيه الصبح بدوامى... وبس الله وكيلج العيون مو راضيه اتصكر الا بالاربع ونص ....

مروو عاده السياكل الدخيله علينا شي مو غريب بس الى الحين مو متقبلين هالمنظر و جم مره اصادفهم بالشارع وعند الاشاره والله يا مروو

اشكالهم ولبسهم يفشل واهمه بالسيكل يعنى لابسه خوذه وراكبه ورا الريال بالسيكل وسليبها بو خيط مبين جنها اتقول ترا انا بنت مو ولد

وهالظاهره قاعده تنتشر بالديره عسى الله يحفظ الديره من هالاشكال

مروو فرصه تقنعين ابوكم بالسفر ام ولدج بيروح الهاي سكول قولى له هديه حق ولدج سفره الى لندن حبيبة قلبج بالصيف

 

[ReeMaN]

اشتغلت البدليات ام = دام

 

[bella bambina]

السلام أمهات
جمعه مباركه يا جماعه صج كانت مغبرة بس هم كانت مباركه اليوم ودينا اليهال الأفنيوز يلعبون كرة قدم داخل بروي على قولتهم سوكر
اليوم كنت مجرمه زوجي أول يوم ريجيم له وتغديت وحليت بجوكلت بار واهوه فقير طايح له قهوه وماي يسد اليوع وآنا اليوم قريحتي منفتحه للأكل كلش مو نحاسه وأقول دلول مادري على منو نحيسه :eh_s(10):
أمس ما نمت من الغبار ان شاء الله اليوم يكون الجو صافي ونقدر ننام :ch12:
مروو آنا أسهل وحده أنصاد الكوكش اللي معاي يفضحوني
اي طبعا ريمان قهوه بالدوام وما أدري أي مدرسه هذي اللي تزرقين منها مبجر تروحين الجم وآنا ساعات توستتي اللي ماخذتها معاي أنسى آكلها من اللويه ( حريني بعد )

 

[ReeMaN]

وه وه وه وه حسدوووووووووووووني على دوامى وه وه وه الله اكبر خمسه وخميسه قل اعوووووذ برب الفلق بيلووووووووو يوووزى

عنى يالنحيسه ....باجر بييب لج تنكي ماي تشربين منه عشان اتسبح فيه من الحسد @@

 

[ReeMaN]

صباح الخير امهات كيفكم ؟؟؟ امبييييه اليوم نمت واااايد مو عادتى انام هالكثر :ch12:

حياكم على الكوفي :nbptr:

اشلون الجو اليوم ؟؟؟ ماعتفس الجو ؟؟ يعنى اكو كرنفال ؟؟ وين كاراميلا وفوز ومروووو مالكم حس ولهانه علي

سواليفكم :eh_s(22):

 

[ReeMaN]

مرووو وبيلا ابي اسالكم بحكم عيالكم شوي كبار ماتحسون عيالكم شوي تغيرت شخصيتهم بهالمدرسه ؟؟ مانى عارفه شلون اشرح بس اقصد يعنى كل شي عندهم عادي ماكو شي اسمه عيب

اسال مروو احسن ويمكن بيلا تفهم قصدي وتجاوبنى مروو ولدج كان بالتكامل ومعروفه هالمدرسه اشوي التزام بالدين وماعندهم اختلاط وصج البيت له دور بالتربيه بس هم المدرسه والربع لهم تاثير اكثر من البيت .. ماتحسين ولدج اشوي تغير عن قبل مثال لاطلعتو صادف وحده معاه بالصف يكلمها جدامكم او يقولج بطلع مع صفي نتغدا او سينما ومن هالسوالف هالسؤال من وحده اعرفها عيالها كانو بالعالميه من الابتدائي تقول وايد فرقو عليها كل شي عادي عندهم الفري والطلعه مع ربعه وايد تعبت معاهم وطلعتهم من المدرسه العام ودتهم الابداع بس مو مستقرين بالمدرسه يبون مدرستهم العالميه

 

[TaAaNoOoSh]

السلام عليكم يا بنات

حبايبي ابي اسئلكم عن عن رياض الاطفال انا ولدي بسجله الحين ف ابيكم تساعدوني وين احسن روضه وتعليمهم قوي بلانجليزي بلييييييييييييييييييييييييييييييييز ماعندي وقت التسجيل رياض الاطفال اخر موعد شهر 5 بليز لا طولون على بررررد