تجمع امهات العالمية الامريكية

[bella bambina]

السلام أمهات اشلونكم ؟
حبيبتي والله فوز وايد حلوة الفكرة ريلي وايد راح يستانس خصوصا ان اليوم دازين لنا ان لازم ندفع الدفعه الثانية (3 أطفال)
فيت بوقتها هالخطبه بس ريمان اختفت الظاهر حسبتها وشافت السالفة ما تسوى !!!!!!!!
خلاص ريمان ردي كنا نتغشمر

 

[mr000]

بيلا الفكره فكرتي مو فكرة فوز... لو سمحتوا حقوق النشر محفوظه لي! وأذا مشت السالفه ترى لي نسبه يالله 5% راضيه!ملكه وينج ... ها اشقلتي؟؟

 

[bella bambina]

سوري مرو والله مخي رايح فيها لأنج كنتي تسألين عن فوز فكتبت اسمها بالغلط بس انتي اللي ببالي أوكي أفا عليج مستعدة حتى لو 50 % بس وينها ريمان قالت خل أنحاش من هالتجمع بيزوجون ولدي من كي جي 2
ريمان اذا ولدج يحب دورا ترى فيها منها :eh_s(6):

 

[ملكة بيتها]

مروو ... ههههه لا هونت تاخذونها من 9 واي ما أقدر أنا كله أقول حق بنتي إنتي تزوجين وتقعدين عندي ..

 

[USA-Girl]

السلام عليكم

شنوو افضل العالميه ولا الابداع و ليش؟؟؟

مشكورين

 

[تعويذه الحب]

السلام عليكم

شنوو افضل العالميه ولا الابداع و ليش؟؟؟

مشكورين

نفس السؤال

 

[Fouz]

صباحكم ورد يا أحلى أمهات

مرو حبيبتي ما تفقدين غالي ان شاءالله، سلامتج والله بس أمس كان عندي تحليل دم غثييييييييييييييث اسمه gtt ، قعدت بالمختبر من 8 الصبح ما طلعت منه الا 12، يا كره هالتحليل عسى ما يطلبه مني مرة ثانية بعد

الموضوع عجيب و جنه صار مخامط على ولدج ريمان يالله تدللي انا بحول على ولد كاراميلا بعد ماصار عليه طلب،، بيلا و ملكة خلكم على رايكم بولد ريمان

يالله يا جماعة انا أستأذن الحين اليوم زوارتنا و ان شاءالله نشوفكم بالليل ،، اجازة سعيدة

 

[Fouz]

usa girl ، العاشقة

حياكم الله عندنا ، ما أقدر أحكم على المدرسة الا اذا جربتها و احنا اغلبنا عيالنا بالروضة، و المدرسة زينة بس ما اقدر اقارنها بالابداع لامي ما جربت الابداع، ان شاءالله خواتي اللي بالتجمع يفيدونكم اكثر

 

[mr000]

سلام أمهات اشلونكم!

 

[ملكة بيتها]

سلام مامات عساكم بخير
فوز ... ولد ريمان شنه أصغر من بنتي وأنا حاطه عيني على ولد مروو خوش حماة حبوبه وواعيه الحين الوحده تدور على أم الريال مو الريال ولا شرايكم ومرووو ما يحتاج ..ولا بعد باجر أحفادي ما أحاتيهم مروو بتهتم بكل شي أقول مروو شرايج أنا أخطب ولدج وإحنا ندفعله الرسوم للدراسه ها شقلتي ...

 

[mr000]

ملكه بعد قلبي كلج نظر.. انزين بعد اشرايج العرس عليكم؟؟ صج ماانعطى ويه! لا والله ملكه راح أعجبج مو بس أربي عيالهم آنا أذكر ولدي بالمناسبات من قبل شهر يعني يوم خطبته ويوم ملجته وعيد زواجه وعيد ميلاد زوجته وأطلع له أفكار حق الهديه وتغليفها ولازم هديه غاليه مو أي شي ...تقولي بنت أختي ياريت يسوون عليج استنساخ!آنا قاعده ألهي نفسي لأني ناطره نتيجة تست الماث من المدرس طرشت له أيميل وليلحين ماجاوبني الله يستر!!

 

[ملكة بيتها]

أفا عليج مروو أنا قايله حق ريلي أنا اللي بسوي عرس حق بنتي إذا الله أحيانا بسويلها عرس سبع ليال نفس أول أنا أول عيد ميلاد لها سويته لها بفندق 5 ستار والكل يقولي هذي لي عرست بشسوين لها الله يبلغج بولدج وتفرحين لي ويبلغني ببنيتي
وإن شاء الله نتيجته تبرد قلبج

 

[mr000]

الله يخلي لج بنيتج ملكه وتشوفينها عروس ان شاءالله! يالله تصبحون على خير والله مافيني نوم بس مشكلة الدوار وعدم التوازن اللي مأذيتني وملوعه جبدي! أكو أحد عنده مثل مشكلتي!!

 

[ملكة بيتها]

ما تشوفين شر مروو روحي نامي حبوبه وإنتي من أهل الخير ..وشكرا على الدعوه ولج مثلها ربي يبلغج بعيالج وعيال عيالج

 

[mr000]

سلام أمهات أشلونكم! الله يعينا هالأسبوعين كله امتحانات علشان الريبورت!بالنسبه للخوات اللي يسألون عن الابداع آنا ماجربتها بس أسمع إنها زينه ومستواها قوي

 

[Fouz]

شلونكم أمهات

ملكة والله عين العقل، و الله يحفظ لج بنتج يارب،،، مرو خوش خالة، ما اجذبت بنت اخوج مرو لما قالت يبيلج استنساخ الله يعطيج العافية و تفرحين بعيالج و يكثر من الخالات اللي مثلج


مرو سلامتج ما تشوفين شر، خالتي مسكينة عندها نفس حالتج و اييها فأة مسكينة بس من تاخذ العلاج و تنام عدل ثاني يوم تصير أحسن

 

[ReeMaN]

السلالالالالالالالالالالالالالام امهات العالميه شخباركم اسفه من زمان مو مشاركه معاكم كنت حيل تعبانه <--- انفلونزا

الله وناااااااااااسه صار مخامط على وليدي وبيلا ولدي توه هاب في دورا قام يطالعها ههههههه بس مو الحين بنزوجه خل يقطع عن عادة مص الاصبع بالاول هههههههه

وترا الشرع حلل اربع بياخذ دلال ودلال بنت فوز هههههههه و هل من مزيد

شلونكم امهات العالميه مع الاجازه اللي ماتهنيت فيها والحمدلله على كل حال ؟؟؟ مروو انشالله مقدم زين ولدج لاتحاتينه

وانا اقول عقب هالشهاده اذا ماقدم زين تروحين حق المديره اتكلمينها عن وضعه نفس ماقالت كاراميلا سابقا
الا صج وين رفيقة دربنا كاراميلا اخاف منحرجه تتكلم باللاب توب اللندني ماتبي تضايقنا بعد عمر عمرهاا ماتبي تأذي مشاعرنا المرهفه
كاراميلااااااااااا ماعليج من الامهات اللي يتضايقون من الترجمه اللندنيه عشان يتدربون على هاللغه المستقبليه اللى الى الحين مو قادره اتاقلم معاها
انا اشوف بنات خواتى بالجامعه يتكلمون مسجات بين بعض انجليزي معرب يفتر راسي معاااهم المسج يقدعون عليه اقل من دقيقه انا اترجمه بخمس دقايق

 

[bella bambina]

هاي أمهات العالميه اشلونكم واشلون عيالكم ؟
هلا بخالة بنتي قصدي ريييييمان والله خفت تتركين المنتدى بسبة المخامط على ولدج
مروو والله آنا نفسج قاعده طول الويك اند أحاتي نتيجة امتحان الساينس مال الخميس واهيه تناقز وتلعب ولا بالبال وأسألها شنو سويتي تقول وايد صعب مادري بس حليت يمكن صح ما يندرى عنها الله كريم الله يوفقهم

 

[caramella]

salam omahat
ya 7abeebat galby wallah reeman 7assah feeeny
eee walllah adesh kel yoom agra el redoooood o ma agder ared aste7y la`annah ly al7eeen ma 3arrabnah el computer tadreeen eshway mashghoola hal ayyam eb khe6a6y el londeneyyah enshallah a36eeekom el khabar el akeeed next week
fouz 7abeebty afa 3laich resmay 3aala weldy bas nan6er enshallah yeg6a3 3adat ma9 el e9be3 3ashan azawjah bentech
thump sucking
7adda efashel
reeeman lazem nelga 7al 7ag hal moshkela el 3aweee9aa
la`annah 3ammah jarra7 asnan o men eshooofah eme9 9eb3ah e3a9eb 3alay 7ail egoollly entay mesteheenah bel mawthoooo3 ta7amellay 3awaqbah taly
fouz bas shoofay bent 7amaty gailaah taby ta36eeenah sayarah porche 7ag weldy o dakhelha dazzah 7ag weldy o bega3doonah eb shaqa 3endehom bedoooon ajar bas yakheth bent`ha
o ekhty galat khal yakhth benty o eb ya36ooonah el mahar o besawooon 3ers ekbeer o bedef3ooon kel takaleef el zawaj o esafroonhom shahar 3asal 3ala e7sabhom
!!!!!!!!!!
o astaqbel el 3erooth o enshooooof el monaqa9a tarsy 3ala menow looooooooool>>>>>>> em9adga 3omerha ehy o walad`ha
mrooo ya 7abeebat galby ana ma agheeeb mawjoooda bas ma ared ye7taj 6ebeyyah o chan zain kel el khalat nafsech el9ara7a khalah 7 stars mashallah
????maleka shakhbarech
mroooo , maleka ma36eeetech khoosh 3arth la et6awfeeenah
bella eshloonech shel denya feeech
esh3alaih 3 days bedooon tadreees
bel nesba lelly yese`eloon 3an el medares el3alameyyah wella el ebda3 ana el3am dakhalt weldy yooom wa7ed bel ebda3 o ma erte7t lelmadresa 7asait ennah el 3alameyyah ehtemam akthar o 3adad el 6alaba bel 9af aqal o ghair chethy el ebda3 lehom meyoool deeneyyah 7ail ly daraja ennah ma yakheth el 6aleb moseeeqa eb mara7lah el deraseyyah kellah
bella o mrooo allah ewaffeg e3yalkom wala ethayye3 lekom ta3ab enshallah embaytheeenha
:eh_s(1):e6le3at rooo7kom 3ala ma garaitaw adrry sorry 7abeebaty
enshallah enshallah eb 7ail allah hal esbooo3 arakkeb el 3araby

 

[mr000]

سلام أمهات اشلونكم شخباركم زين الحمدلله الكل موجود وريمان ماتشوفين شر ودي أكتب أكثر وأسلم عليكم كلكم بس مستعيله بروح عزا استغفرالله هذا ثالث عزا هالشهر الله يرحمنا برحمته