تجمع امهات العالمية الامريكية

[ReeMaN]

هلا فوز حبيبتى تحصلينه بالمارينا وبالافينيوز .... صفطتي بالافينيوز عند نكست من ورا اتكونين بوسط المجمع ماتحتاجين فراره وايد انشالله

 

[ReeMaN]

قصدي صفطي

 

[caramella]

salam omahat eshloonkom #
3eedkom embarak
enshalah estanastaw eb ejazat el 3eed
fouz 9ajja reeman ma7al nataly wayed 3endah ehdooom 7awamel
o 3endech ba3ad dorothy perkins bel avenues bas collectionah mu ekbeer
9ajja ma tenlamain el avenues ekbeeer 7addah

 

[ReeMaN]

الحمدلله على السلامه كاراميلا كل سنه وانتى طيبه وعيدج مبارك بشرينا عنج شلونج مع العيد انشالله استانستى فيها وونستى وليدج ...

 

[بسكوتة]

لحظه قبل لا ادخل خل انفظ الغبار اللي علي لا اتلف المكان
ادري حدي مغبره
غطيت عليكم انشغلت شوي وبعدين سافرنا اب عطلة العيد سافرنا الى ديار مهند ونور
وتونا رادين
اول شي عيدكم مبارك وكل عام وانتوا بخير
انا غيبت ولدي يوم الاربعاء اللي قبل العيد لان طرنا الثلاثاء
بس ماادري اش سالفه القرقيعان
سووه ولا لا
وصج دوامهم يخلص 2 وثلث
والساعه جم يبدي دوامهم الصبح
قرقت عليكم وايد
بس صج صج ولهااااااااااااااااااااااااااااااااااااااااااااااااااااانه عليكم

 

[bella bambina]

مساء الخير أمهات
هلا بسكوته الحمدلله على السلامه زين سويتي سافرتي غيرتي جو عليج بالعافيه الديره ما تنبغى بالعيد وايد زحمه
آنا بعد غيبت بنتي يوم الأربعا مادري اشحقه قرقيعان عطوهم جيس حلاو ومكسرات محزره الظاهر زايد عندهم من أيام القرقيعان صف ولدي اللي بأولى خذو دينا وسوو لهم thanks giving feast نفس كل سنه بس غريبة ماسوو حق الكي جي دوامهم عادي الكي جي من 7:30 الى 1:00 والابتدائي 2:30

 

[ReeMaN]

الحمدلله على السلامه بسكوته والله احسن شي سويتيه انج سافرتي بس جنى خابره تركيا بنفس هالحزه برد موووت عندهم ويمكن سنوو

والدوام صح نفس ماقالت بيلا انا سالت الاداره اخر يوم قالت الدوام نفس كل مره من السبع ونص الى الوحده ماتغير شي ...

وكل عام وانتو بخير وبدا الجد باجر انشالله

نومتو عيالكم

 

[mr000]

سلام أمهات اشلونكم! الحمدلله عالسلامه بسكوته فقدناج بس زين سويتي سافرتي!بيلا أشلونج شخبارج! كراميلا اشلونج شالسالفه راده عاللابتوب اللندني؟ ريمان شخبارج رديتوا من الشاليه عسى بس استانس ولدج! أحنا بقينا اليوم نختم العطله بآخر طلعة غدا بس بدا عندنا عزا اليوم وقلت لهم خلاص استريحوا بالبيت!

 

[ReeMaN]

عظم الله اجرج مروو انشالله اخر الاحزان يارب .....

والله وليدي استانس الحمدلله بالعطله من شاليه الى شاليه وامس رحنا الياخور عند اخوي استاااانس بس ماشالله الجو برد بسرعه يانا البرد بهالاسبوع فاجأنا

 

[سيدة الكويت]

السلام عليكم بنات

مرو شخبارج عيدج مبارك متأخر ..هههههههه..رحت مركز سلطان ما لقيت ولا نوع مترجم تعرفون شركتهم وين..؟؟

شايفه من زمان بجمعيه الروضه

 

[mr000]

سيدة الكويت عساج من عايده! مادري شنو اللي تقصدينه آنا قلت لج ديكشنري عادي مو الجهاز أذا تبين الأجهزه اللي تترجم بنتي شرته حق الجامعه من جرير ب47 دينار والدكشنريات هم تلاقينهم بجرير آنا شاريه من مكتبة الجمعيه وعندي من فيرجن بالمارينا ومن جرير ومن المكتبه اللي يم الرياضي بالسالميه وبعضهم مالوت ولدي لما كان بالجامعه!

 

[mr000]

أجرنا وأجرج ريمان...ماقصرتي حبيبتي!

 

[سيدة الكويت]

هلا مرو .....انا ابيه حق انجلش+ فرنسى + ابيه حق الجمل....مثلا اى كلمه يحطه بجمله...

بشوف باجر قالو لى فى محلات متخصصه حق هالسوالف بشرق

الله يسهل

ولدج يعطونه فرنسى؟؟؟

 

[ملكة بيتها]

سلام أمهات شلونكم إحنا بعدها إجازتنا يوم الأربعاء يداومون الخليج
مروو ...عظم الله أجرج عساها خاتمه الأحزان

 

[caramella]

salam omahat
allah esalmech reeman o entay eb khair o 3asach men el 3aideeen el3aydeeen ya3omry
mrooo shasaweee laptobby el 3araby fangash mu rathy yeshteghel el USB 3alaih mu rathy yashbek o raddait 3al londony enshallah ewadeeeh raily e7e6 lah 3araby 3ayazt a7en enshallah khelal hal yomain asaweeh esta7meleeny eshway ma agder ma ared 3laikom sorry
baskoootah el7emdellah 3ala el salmah o zain sawaitay ghayartay jaw fegadnach yalghalya
maleka 7ayallah men yanahh o 3laikom bel 3afyah el ejazah

 

[caramella]

3atham allah ajrech mrooo

 

[lyale]

عظم الله اجرج مروو

 

[ReeMaN]

صباح الخير امهات العالميه .....

اليوم ماشالله مافي زحمه نفس كل يوم واعليه عليه ولدي بالقصب قام من الفراش كل شوي موشبعان نوم ابي اناااااااااااام انا بردااااااااااااان

انشالله هاليومين تتعدل نومته واتيناالعطله وتغربلنا مره ثانيه هههههه

 

[bella bambina]

صباح الخير أمهات اشلونكم ؟
عظم الله أجركم مروو ان شاء الله آخر الأحزان
ريمان صح اليوم الزحمة أقل مع اني طالعه متأخرة بس وصلنا مبجر بس آنا عيالي فازين من الفير لأن الناني بطلت باب الغرفة ودشت القطوة على اليهال وقعدتهم لو آنا اللي مقعدتهم جان ما قعدو شكلي بستغل القطوه وأخليها تقعدهم كل يوم

 

[Fouz]

صباح الخير

ريمان شخبارج و مشكورة على الوصف، بنتي اليوم نفس الشي تقولي بردانة بعد عمري عاد قلت حق الخدامة من باجر تفتح الدفاية قبل لا أبدل ملابسها، مساكين اليهال حتى الماي بالحمام تكرمون يبيله وقت على ما يصير دافي

كاراميلا شخبارج عسى استانستوا بالعيد؟ الاجازة حلوة بس على راي ريمان تخرب نومة الياهل و مساكين ما يشبعون نوم خصوصا اول يوم من ورا الاجازة

بسكوتة الحمدلله على السلامة و عاش من شافج، و الحمدلله انكم استانستوا و غيرتوا جو

مرو عظم الله أجركم و ان شاءالله خاتمة أحزانكم، احنا بعد عندنا عزا و ان شاءالله اروح اليوم العصر

بيلا شخبارج؟ صاجة القرقيعان اللي موزعينه ريحته حزرة على قولتج الظاهر طاح بجبدهم ووزعوه

ليالي و ملكة حياكم الله و ان شاءالله استانستوا بالاجازة