تجمع امهات العالمية الامريكية

[ReeMaN]

قصدي بيوم الكريسماس

 

[mr000]

سلام أمهات اشلونكم!

 

[bella bambina]

مساء الخير أمهات اشلونكم ؟
اليوم كان فريق بنتي عندهم مباراة وخسرو خسارة فادحة 10 \ 0 مادري اشحقه مشاركين بمباريات وما يدربونهم خواره ما تسوى علي قاعدة أنطر ليما الساعه 5 يم المدرسة ومن الملل شريت ككاو وقعنا ناكل آنا والحراس مو تدرون بابو
مرو آنا بنتي اسمها دلال بالكي جي بس عيالي الباجين بالابتدائي واليوم مغيبة دلول لأنها منشولة لأنها تعاند وتفصخ الجاكيت الصبح الظاهر حاشها برد

 

[ReeMaN]

هلا والله امهات شخباركم ماتشوف شر بنيتج بيلا وانشالله تطيب قبل العيد وكل سنه وانتو طيبين و عيدكم مبارك مقدما

 

[ReeMaN]

مايخالف بيلا انشالله يعوضون خسارتهم مره ثانيه اهم شي وناسه بنتج واهى حابه هالرياضه ماشالله عليها مع انها رياضه الصبيان والمفضله عندهم اكثر من البنات

 

[mr000]

هلا والله بيلا اشلونج!وي حسافه خسروا مساكين يالله ميخالف ان شاءالله يفوزون المره اليايه بس عاد صج خساره هذا القولجي مالهم كلش دايخ!!

 

[bella bambina]

هاي ريمان اشلونج واشلون ولدج الله يخليه ؟
الله يسلمج من الشر الحمدلله انها بس نشلة بس ان شاء الله ما تصخن
الله يسلمج بنتي اللي يشوفها ما يدري انها بقريد 5 عصلة وما فيها حيل تشوت الكرة بس رفيجتها بنت مدرسة مكسيكية مشتركة وحابة تكون معاها وأبوها سايرها لأن مو اهوه السايق فما تفرق معاه مادام بابو موجود

 

[bella bambina]

مروو القولجي مالهم بنيه مايعه ودلوعه ألعن من بنتي الشرهه على المدربة اللي مشركتهم

 

[mr000]

انزين اشفي فريقهم كله بنات؟ وبس هذا فريق المدرسه وألا أكو غيره فريق صبيان؟ جان أعتمادهم على هالفريق ... كلش مايبشر بالخير!! وعلى قولتج بدام بابو موجود ميخالف خل تشترك! آنا اليوم ماكنت بطلع ولدي من المدرسه على أساس أبوه بياخذه وهو يقولي ماكو دراسه مهمه وآنا مصره لا مايطلع أخاف يفوته شي بس يوم رجع ريلي مبكر من الدوام وقالي أنتي أخذيه الظهر آنا بنام جان أغير رايي و أروح أطلعه قلت والله ماأنطر لي 2ونص!

 

[bella bambina]

مرو فرق البنات غير فرق الصبيان وحتى البنات فيه فريق البنات الصغار اللي مشتركة فيه بنتي وفيه فريق للبنات الكبار اللي ذاك اليوم سافرو قطر وفازو والظاهر فريق بنتي كله فاشلين بسبة المدربة أول سنه لها بالكويت مشركة بنات قصار وعصلان وفرق المدارس الثانيه ما شاء الله طوال وأجسامهم يثلة رحت معاهم مباراتين وشفت اشلون المدربة منصدمه وبنات مدرسة الابداع كانو يقولون ما نبي نلعب معاهم هذيلي يهال اهوه الفريق لازم يكونون تحت ال14 سنة فباجي المدارس مشركين البنات الكبار أتوقع 13 سنه و11 شهر :dddds: واحنا فريقنا 9 و10 سنين فقارة يخافون يشوتون الكرة

 

[mr000]

انزين بيلا بنتج ماتحب السباحه ؟ جنه أحسن من الكره تطيح وتتعور أحسها رياضه خشنه عالبنات آنا أشوف بنات يطلعون العصر لما أنطر ولدي بالتيوترينج شكلهم بنشاط السباحه لأنه شعرهم رطب عاد الجو بارد وآنا ودي آخذها وألف راسها بالفوطه هههه! طفارتي الياهل يظل شعره رطب بعد الحمام تعقدت من عيالي بسرعه يمرضون بصغرهم فعلى طول أنشفه بالسشوار حتى بنت ولدي ألحين تعودت عليه!!

 

[bella bambina]

أفا عليج مرو بنتي ما أظن فيه نشاط ما اشتركت فيه قبل سنتين اشتركت بالسباحه وكنت أحاتيها فأظل قاعدة ليما يخلصون وأنشف شعرها بسشوار بس كان خوارة المدرب مصري ما يفهمون شيقول وعيزنا واحنا نقول له كلمهم انجليزي ما يفهمون لك بس طلع ما يعرف والمساعدة معاه لبنانية قاعدة وتزف البنات ونفس الشي ما تعرف انجليزي غلط يحطون مدربين مو من نفس المدرسة فما استفدنا شي وخلص الكورس وليلحين بنتي ما تعرف تسبح وكرة القدم مو من زينها بس عشان تبي مع رفيجتها وبس باقي لهم مباراة وحدة وبعدها بقول لها خلاص وأكيد بيكونون خسرانين فراح تطلع من جبدها كرة القدم

 

[bella bambina]

مساء الخير أمهات
جعل الله يوم عرفة لكم نور وظهره سرور وعصره استبشار ومغربه غفران وجعل لكم دعوة لا ترد ووهبكم رزق لايعد وفتح لكم باب في الحج لا يسد وأعاد الله العيد عليكم أعواما عديده وكل عام وأنتم بخير :nbvppw:

 

[ReeMaN]

كل سنه وانتو بخير يالحلوات

هلا والله بيلا اجمعين ياقلبي مشكوره تسلمين يالغاليه ..... وانتى بخير وصحه وسلامه وهالله هالله باجازه العيد ونسى العيال كثر ماتقدرين وراهم كرف الواجبات والامتحانات عقب العيد

 

[mr000]

سلام أمهات اشلونكم! عيدكم مبارك

 

[lyale]

عيدكم مبارك امهات العالميه عامة وخصوصي مرووو الغاليه

 

[ملكة بيتها]

عيدكم مبارك مامات حبايبي

 

[ReeMaN]

هلا والله صديقاتي ايامكم سعيده وكل سنه وانتو بخير تسلمون يالغاليات

 

[Fouz]

السلام عليكم خواتي

كل عام و انتو بألف خير و عيدكم مبارك، عسى الله يجعل أيامنا كلها أعياد

 

[mr000]

سلام أمهات عيدكم مبارك! ليالي حبيبتي عساج من عواده!وين العيد الكل بالشاليهات تقولي بنت أختي تعالوا شوفوا الكويت كلها بالشاليهات! مادري ليش مالي خلق أروح!