تجمع امهات العالمية الامريكية

[bella bambina]

هلا والله فوز الحمدلله كلنا بخير عظم الله أجركم والله يجعله آخر الأحزان انتي اشلونج مع الحمل واشلون بنيتج ما ولهت على المدرسة ؟

 

[mr000]

سلام أمهات أشلونكم!أجرنا وأجركم ماقصرتوا! فوز عظم الله أجرج! اليوم الطريج موزحمه وصلنا قبل لايفتحون الباب بس الأيام اليايه أذا وصلنا مبكر راح أخليه ينطر بالسياره لي 7 وثلث عالأقل لأن ولدي فيه ربو موزين له يوقف بالبرد مده طويله! سيدة الكويت آنا ولدي حسافه راح عليه الفرنسي لأنه لما نقلته العام من التكامل هناك مو ماخذ فرنسي وهني قالوا ماراح يلحق معاهم هم دارسين الفرنسي قبله ب4 سنين مع أنه استغربت بالأجتماع شفت أم ولدها هم منتقل من التكامل بس علشان هو ياي حق غريد 6 خلوه ياخذ فرنسي بالعالميه!!اليوم ولدي عنده أمتحانين ساينس وامتحان ماث الله يستر!!

 

[ملكة بيتها]

فوز عظم الله أجرج وعساها خاتمه الأحزان

 

[mr000]

لما يقولون ليش تودون عيالكم مدارس خاصه يلا روحوا شوفوا عيال الحكومه بالسكيك والجمعيات طبعا هذيله اللي تعنوا وداوموا ولقوا كل صف يالله فيه 4و5 طلبه والأداره بنفسها خلتهم يدقون على أهلهم يعني باجر وعقب باجر يكبرون المخده ويحطون روسهم وينامون مايسوى بس قطعوا أجازتهم وردوا من الشاليهات وآنا ولدي عنده 3 أمتحانات اليوم وحتى لو في طلبه غايبين علشان السفر لازم أييبون عذر أو يكونون مكلمين الناظر من قبل علشان يوافق يجدم أو يعيد الأمتحانات!

 

[Fouz]

هلا والله بيلا، أجرنا و أجرج ان شاءالله مشكورة، والله حدي تعبانة مع الثقل عسى الله يقدرني أوديها و أييبها لأن أبوها دوامه عسرين يطلع من الساعة 6 و ربع و يرجع 3 و نص فمستحيل يقدر، انا قلت له يالله السلامة اذا الله قومني بالسلامة ياخذ له اجازة يوديها و اييبها،، و بنتي ما فقدت المدرسة لان اليمعة في لبت أهلي مع اليهال نستها كل شي

مرو شخبارج، أجرنا و أجرج ان شاءالله، و انا دايما أقعد بالسيارة ما أنزل الا اذا صارت 7 و نص و على ما أنزلها و أمشي يبي لي 5 دقايق ولا قعدتها برة بهالبرد، انا حتى بالحر ما كنت حابة القعدة برة لان الساحة متروووووسة ماشاءالله مادري ليش حسيت بنتي استاحشت لما شافتهم فقلت ماني مجبورة انزلها مبجر ننطر و نسولف بالسيارة أبرك
و صاجة على الفرق بين الحكومة و الخاص بس للأسف وايد ناس على بالهم تفلسف و حب مظاهر، بس أهم شي كل واحد علرف نفسه و قناعاته الحمدلله، و الله يوفق ولدج يارب و يفرح قلبج بدرجات حلوة

ملكة مشكورة حبيبتي تسلمين، أجرنا و أجرج ان شاءالله

 

[ReeMaN]

هلا فوز حياج الله اى وقت حبيبتى ... وعظم الله اجرج يالغاليه ........

امهات الكي جي لاتنسون ترا باجر في تصوير باذن الله لازم لبس اليونيفورم وكشخوهم صف ولدي نفس بنتج فوز اخر صف بيصورنه الظهر والله يستر يوصخ هدومه الى الساعه 1 ....

مع ان كل يوم اخذه لبسه مبهذل جنى طالع من هوشه الشعر منفوش والقميص برا البنطرون والجاكيت نصه مبطل وبالغلط بعد ...

ان شفتو هالمواصفات ترا هذا ولدي هههههههههههههه

 

[ReeMaN]

الله يعين وليدج مروو بشرينا اشلون امتحاناته عسى قدم زين؟؟

 

[bella bambina]

ريمان مواصفات بنتي نفس مواصفات ولدج بس على بنيه
فوز الله يهون عليج تبين أوصلها مع عيالي اذا بيتكم قريب علينا احنا ببيان عادي الجيب واسع حالها حال الكوكش اللي معاي بس راح يعلمونها الشطانه

 

[lyale]

عظم الله اجرج فوز

 

[Fouz]

أهلين ريمان، احنا اليوم صوروهم حسب الورقة اللي موزعينها قبل العيد ،، و ما يندرى شلون شكل بنتي عسى مو عافسة الدنيا

بيلا تسلمين حبيبتي كلج ذوق و جان زين تتعلم الشطانة ولا جذي مأكول حقها، بس حسافة بيتنا مو حواليكم


ليالي مشكورة أجرنا و أجرج ان شاءالله، ما قصرتي

 

[bella bambina]

تصدقين فوز آنا ناسية ان اليوم تصويرهم :0bee2e8d89:

 

[mr000]

سلام أمهات أشلونكم! هلا والله ريمان اليوم قدم أمتحان واحد ساينس وامتحانين أجلوهم لي الخميس بس حسافه ماكو فايده حصة التيوترينج الخميس يعني بعد الأمتحان وألحين بالأجازه راحت عليه حصتين تيوترينج واستحيت أدز مسج حق مدرس التقويه أقوله أذا يقدر يدرسه باجر بدال الخميس خفت يكون مرتبط مع طلبه ثانيين!! الله كريم!!بس عطاني المدرس خوش سايت حق الماث يستفيد منه بالدراسه حق المتوسط والثانوي www.classzone.com فيه أربع مواد موبس الماث بس حق الماث قالي خل يختار ولاية كاليفورنيا بعدين يطلع له صور كتب يختار منهم كتابه مال هالسنه وسوينا الخطوات كلها بس ولدي ماعرف الكتاب لأنه المدرس قاعد يصور لهم فصول من كتاب ثاني غير اللي عطوهم أول السنه فدزيت أيميل حق المدرس وناطره الجواب ان شاءالله يجاوبني بسرعه علشان باجر يدرس منه!!

 

[ReeMaN]

يحليل بنيتج بيلا طلعت من فصيلة ولدي ... خلاص بنخطبها له

الله يسهل امور وليدج انشالله يارب بس وايد امتحانات يعطونهم وجنى مايتسلطون بالامتحاانات الا حزه الاجازات ؟؟؟

 

[mr000]

سلام أمهات أشلونكم!والله ريمان هم في حالة امتحانات مستمره قبل الأجازه وبعد الأجازه وعلى طول هذي حالتنا! بس هذا الفرق عن الحكومه أنه يخلونهم يدرسون على طول مو بس نهاية الشهر حق الأمتحانات بس هالسنه لما غيروا طريقة الجدول وخلوا يوم فيه ساينس وماث ويوم فيه انجلش وسوشيال شويه توزعت الأمتحانات والواجبات وألا العام لما كان نفس الجدول يوميا كان عنده يوميا quiz ماث بس وايد نفعه العام تقوى وايد!

 

[bella bambina]

مساء الخير أمهات اشلونكم واشلون عيالكم ؟
ريمان انتي أول وحدة تخطب دلول وآنا حالفة أعطيها حق أول واحد يطق الباب يللا متى الاستلام؟ _03ba:
مروو صاجه طول السنه امتحانات قصيرة اليوم بنتي كان عندها ماث وباجر ساينس امتحان طويل الله يعينهم ويعيننا بس والله أحسن لهم آنا أدرس بالحكومه ومن كثر ما يغيبون مخهم فاضي وبس يفكرون متى العطلة الياية ونظام الابتدائي اليديد الملف النجازي الكل ناجح والأهل حتى مل يهتمون يبطلون معاهم كتاب أو يتابعون واجباتهم

 

[بسكوتة]

هلا امهات اشلونكم على طاري الكشيش وقت التصوير سألت ولدي قال اكو ريال مشط شعرنا سالته صوروكم كل واحد بروحه قال اي بس مايندرى شلون الصور قال في 2 غايبين اب صفهم ماصوروا

 

[bella bambina]

هلا بسكوته اهمه يصورونهم أكثر من لقطة وبعد فترة يقولون لنا نروح قسم الأنشطة نختار الصور والباكيج كامل 9 دنانير اذا ما زادو الأسعار أيام قبل 7 دنانير ويكونون عبارة عن صورة الطالب مع باجي الصف وصورة للطالب كبيرة وصورة وسط و8 صور صغار واذا تبين لقطات اضافية تدفعين زيادة أيام قبل كانو يخلونهم يلبسون ملابس طلعة بس السنين الأخيرة صار لازم يلبسون ملابس المدرسة عموما الصور حلوين ولا مو حلوين بنشتريهم صور عيالنا

 

[mr000]

سلام أمهات اشلونكم!بيلا آنا أذكر العام دفعنا 9 دنانير للصور مثل ماقلتي بس أحس ماله داعي ال8 صور الصغار تيمعوا عندنا أشكثرهم من كان بالتكامل أقوله نفس شكلك بس خدودك قاعده تنتفخ كل سنه هههههه بس هالسنه راح تبين الشوارب شويه.!! بيلا بدام ريمان بتخطب بنتج طلبي مهرها من ألحين خل يدفعون نص الرسوم عالأقل لي تتخرج بيطلع عليه فوق ال15 ألف!!

 

[ملكة بيتها]

شلونكم مامات
مروو ..عجبتني سالفه الخطبه والمهر هههههه ما تبين تخطبين لولدج بنوته حلوه مدلعه وحيده أمها وأبوها ( بنتي يا زينها ) ؟؟؟ ها شرايج وإحنا رسوم الخليج أقل منكم بعد شتبين بتكلف 10 ألاف بس

 

[mr000]

سلام أمهات اشلونكم!فوز وينج اليوم العاده انتي اللي تفتتحين التجمع الصبح طمنينا عليج من غير شر!ملكه والله الساعه المباركه اللي نخطب بنتج بس ترى ناخذها من يصير عمرها 9 سنين مثل أهل قبل يعني تدرس بس لي غريد 4( نوفر رسوم)! كراميلا ترى كثر غيابج عسى ماشر جهزيلج طبيه وعذر مقبول وطمنينا عليج!بيلا شخبارج ها اشرايج بالفكره قبل لاتهون ريمان عن الخطبه!