تجمع امهات العالمية الامريكية

[ReeMaN]

سلام امهات العالميه شخباركم ؟

مايشوفون شر عيالكم مرو وفوز وملكه مامات .... الله يعينكم على الجو البايخ ... مروو انشالله مافيه الا العافيه وليدج صج قمنا نخاف من عوار البطن وحراره على طول تفكيرنا سوان فلو .......

مدرسه الخليج وايد قويه بالتاسيس مروو بنت رفيجتى في المدرسه من صغرها تالي نقلتها الامريكيه الخاصه

 

[umhomood]

السلام عليكم امهات 00 مشكورة مروو وفوز وكرميلا على ترحيبكم وسؤالكم انتو وباقى الخوات يارب تكونون بخير انتوا وعيالكم ولهت عليكم وعلى التجمع ان شاء الله انتوا واولادكم بكل خير سلامة ولدك مروو ما يشوف شر0 صاجة مروو ولدى علاماته دايما a اوb يوم الخميس انصدمت من الريبورت كارد علاماته نازلة واكل منى زف لين قال بس مسكين 00 بغيت اسال اذا ولدى ما يبى حصة الدراما يقدر يغير الى شىء ثانى ؟؟؟؟؟؟ كلش مو مرتاح بصف الدراما 0 حبيت اسالكم امهات شنو ناويين بخصوص التطعيم منو بيطعم وفى داعى نطعم تطعيم الانفلونزا الموسمية ولا لا0؟؟؟

 

[caramella]

هلا والله أمهات
العفو أم حمود ما سوينا شي
وحرام زفيتي الولد سألي عن السبب أخاف نفس ولد مرووو المدرس مو شي
وبخصوص التطعيم االله بسلمج آنا توني يوم الأربعاء اللي فات طعمت ولدي تطعيم الفلونزا الموسميه
بس السواين فلو ما طعمته لأن شكو في ولدي إن فيه سواين فلو من كثر ما كانت حرارته مرتفعه وخذوا مسحه من خشمه و بلاعيمه وعطوه التامي فلو قبل لا تطلع النتيجه و يوم طلعت النتيجه الحمدلله ما في سواين فلو بس قالولي كملي الخمس أيام عالمضاد التامي فلو عشان يعطيه مناعه وقالولي الدكاتره اللي خذا المضاد خلاص ما يحتاج ياخذ التطعيم

 

[mr000]

سلام أمهات شفتي ياأم حمود يعني شنو سالفة هالدرجات والله شي يضيق الخلق بس مادري عن الدراما إذا يقدر يغير الماده دقي عالمدرسه سأليهم!

 

[mr000]

أم حمود إنتي إذا سألتي ولدج شيقولج عن الدرجات مايقولج أغلب الصف نفس درجاتي بس 2 أو 3 ماخذين aأوb‏ آنا أول ماكنت أصدقه بس مثلا الماث لما سألت المدرس قالي إي تقريبا أغلبهم جذي لأن الأهل مايتابعونهم والطلبه مايدرسون! يعني اشهالعذر آنا أقول ياأما المدرس مايدرس عدل فالطلبه موفاهمين الماده أو في خلل بتأسيس الطلبه اللي أغلبهم درجاتهم متوسطه وتحت المتوسطه بعدين هالشي ترى يخلي الطالب مايتشجع يدرس أكثر لأن شايف أغلب الطلبه درجاتهم نازله فيقولي كل الصف جذي مو بس آنا مو شايف نفسه حاله شاذه بالصف لاعادي كلهم جذي ! والله آنا محتاره مادري العيب في ولدي وإلا من المدرس بعد لاطلعه ولاتلفزيون عسى مايقعد 5 دقايق إلا زفيته قوم أدرس مايسمع غير كلمة أدرس طول الوقت يعني هم مانقدر نضغط عليهم أكثر من جذي والله هالولد ماعاش طفولته من غريد 1 كل وقته تدريس معقوله جذي المدارس الخاصه قام يكره شي أسمه مدرسه!

 

[mr000]

بالنسبه حق التطعيم آنا هم محتاره بنت عمي دكتوره تقولنا طعموا وإنها طعمت عيال خواتها ودكتوره تقول لاصبروا لاتستعيلون وولدي راح حق دكتوره بالصحه الوقائيه قالها اشرايج نطعم وإلا لأ قالتله مادري شقول لك عن آثاره الجانبيه هو صج خطر عالأطفال واللي فيهم ربو بس هم ماأدري عقب سنه أو 5 سنين شنو تطلع آثاره الجانبيه فهون مايبي يطعم بنته وإلا آنا أحاتي ولدي فيه ربو وكنت مفكره أخليه يطعم بس ألحين ترددت!

 

[bella bambina]

هاي أمهات اشلونكم واشلون عيالكم ؟
والله آنا رايي ما نستعجل على التطعيم خصوصا ان المرض مو بهالخطورة رفيجتي وبنت عمتي بأمريكا ما طعمو ويقولون أغلب اللي هناك ما طعمو ومتخوفين من التطعيم الله الحافظ

 

[mr000]

سلام أمهات شخبارج بيلا وينج من زمان!!أمهات اللي تبي السي دي مال جدول الضرب على شكل أغاني والياهل يردد وراه ترى اليوم شفته بمذركير السالميه عند قسم الألعاب ايرلي ليرننغ آنا عن تجربه وايد نفع مع ولدي لما كان صغير لأنه طول الطريج أشغله له الصبح والظهر وبطلعاتنا وايد ساعده على حفظ جدول الضرب

 

[سيدة الكويت]

السلام عليكم بنات العالميه شخباركم

شلونج مرو هههههههههههههههههههه الله يعينا ما يندرى عن المستقبل وحده اعرفها ولدها متخرج من مدرسه خاصه واخرتها يدخل معهد تجارى صج قهر والله على قولتهم الذكى ذكى

المهم تعرفون مدرسه ماث ابيها تراجع حق عيالى يوم الأمتحان؟؟؟؟؟؟؟؟؟؟؟؟؟؟؟؟

 

[ملكة بيتها]

ريمان ...مروو ... الحمد الله بنتي بخير وشكرا على سؤالكم
مروو ...إن شاء الله إذا يات إجازه العيد لا تخلين ولدج يمسك كتاب خليه شوي يريح من الدراسه يمكن يرجع للدراسه ويتشجع عقب الإجازه هذا إحنا الأمهات نحاول بكل شي عشان عيالنا ومستقبلهم وربي يعينهم ويوفقهم بدراستهم ...

 

[bella bambina]

صباح الخير أمهات
والله مروو وايد مشغولة طول اليوم مشاوير توصيل اليهال كل واحد وقته غير وتدريسهم وواجباتهم ومن ينامون أتسدح ليما أنام مالي خلق حتى أفتح التلفزيون

 

[bella bambina]

قريتو مقالة فؤاد الهاشم اليوم يقول 2 توفو بعد ما خذو تطعيم انفلونزا الخنازير بالصين
الله يستر

 

[mr000]

سلام أمهات اشلونكم!بيلا الله يعطيج العافيه صج مشكله لما يكون كل ياهل وقته غير عن الثاني!

 

[bella bambina]

الله يعافيج مروو

 

[mr000]

سلام أمهات اشلونكم! أوف اليوم تيوترينج توني داشه البيت قبل شوي يبت ولدي وتذكرتج بيلا صج الله يعينج آنا بعد ماآخذه كل يوم أبوه اييبه وتعبت والله عيل اشلون انتي

 

[bella bambina]

هلا مروو آنا بعد قبل شوي دشيت البيت بنتي كان عندها نشاط اليوم صج السواقة ترفع الضغط وخاصة ان أكثر اللي يسوقون بشوارعنا آسيويين شنو ودي يسفرون 3 أرباع الوافدين صج الديرة ما تتحمل هالعدد الكبير من البشر مادري ليش محد من المسؤولين حط بباله هالشي زحمة حتى العصر !!!!

 

[Fouz]

السلام عليكم
شلونكم أمهات، انا لما الحين تعبانة و الدكاترة مو راضين يعطوني أدوية لاني حامل، والله حتى بلعة الريج بالحسرة، اليوم رحت مرتين الطبيب من التعب، عسى الله يفكني من المرض لان صج هلاك

حبيت اسلم عليكم و عذروني اذا ما دخلت التجمع هاليومين

 

[ملكة بيتها]

سلام مامات شلونكم
مروو...بيلا ... الله يعينكم عالتوصيل بصراحه أنا بس أييب بنتي بالرجعه من المدرسه واي أحس راسي بينفجر من الزحمه اللي بالشارع
فوز ما تشوفين شر يالغاليه الله يهون عليج وكثر ما تقدرين تشربين أشياء دافيه .

 

[mr000]

سلام امهات اشلونكم ! ملكه اشلونج شخبارج! سلامات فوز ماتشوفين شر شنو تحسين فيه بالضبط بس عوار بلاعيم والا صخونه؟ مثل ماقالت ملكه شربي سوائل دافيه وشوربه! ماتقدرين تاخذين حبوب المص مالت البلاعيم اللي جنها حلاو مدور جنه اسمها ستربسلز والا حتى هذي موزينه حق الحامل؟

 

[Fouz]

صباح الخير

ملكة مشكورة حبيبتي الشر ما ييج ان شاءالله و على طول اشرب سوائل دافية بس الالتهاب وايد قوي

مرو الشر ماييج يالغالية، الله يبعد عنج الشر ان شاءالله اللي احس فيه حرقة بالبلاعيم و ما اقدر ابلع ريجي و ماكو نومة اكثر من نص ساعة من الالم اللي فيهم، و نشلة، الحمدلله السخونة مو وايد عالية، اخذت ستربسلز و غرغرة بس سلامتج ما سووا لي شي جني اتغرغر بماي، ان شاءالله يومين و ارتاح لان فيني فقر نووم

ريمان كاراميلا بيلا ام حمود ليالي روحي تحب،،، ان شاءالله تكونون بخير