تجمع امهات العالمية الامريكية

[ReeMaN]

مساء الخير حبيباتي ... شخباركم

صاجه مروو الناس الحين عرفو على المرض او بمعنى تعودو عليه خاصه ان نص الكويتين حاشهم المرض وبعدين من زمان واحنا نحاتى المرض والى متى نحكر عيالنا بالبيت .....

 

[caramella]

السلام عليكم
إي والله آنا عور قلبي لما قالت لي عنه جذي
مع إني حريصه إني ما أتأخر عليه وأول أمس زحمه حولي فا فجوا باب الهده و آنا قاعده أصفط
مو قاعده أنطر عند الباب نفس كل مره المهم لما رحت الصف ولا 3 من أولياء الأمور ماخذين عيالهم و ولدي إيقولي ماما ليش تأخرتي يا حياتي اليهال تفرق معاهم الدقيقه ليش إهو تعود إني آخذه أول واحد
ف قلت له ماما آنا ما تأخرت بس على ماأصفط قالي إمبلا تأخرتي جاسم و ضي و ضاري و ماأدري منو راحوا !!!!!!
ضي و ضاري توأم يا حلوهم إهبلون
بس آنا أحب التوأم نفس االجنس إتحسينهم توأم من قلب
مرووو الله يوفقه يلا إنشالله يعوض بالماث بالمرات اليايه إنشالله
والساينس إشسوه فيه مع هالمدرسه الهنديه ؟؟؟ إنشالله أوكي
ريمان ضيعتي بيني و بين فوز آنا اللي أحب الياهل الشقي
يلا يلا شدي الهمه أهم شي إكون مايوه على مستوى لووول
بس ما أعتقد بيسبحونهم بس يلعبون عالرمل لأن صفري هالوقت مو زينه السباحه بالبحر
خوش وقت حق رحلة البحر :ggdw:
إلعام ولدي بالحضانه بيودونهم البحر بشهر 5 بعز الحر عشان تحوشهم ضربة شمس
عاد آنا ما خليت ولدي يروح لأن كان وايد حر بس أهم مصممين إن الجو زين

 

[mr000]

هلا واله كراميلا بالساينس الحمدلله زين بس مو قلت لكم غيروا المدرسه الهنديه ويابولهم مدرس فلسطيني مادري أردني ولد مدرس عربي ونص الشرح كله بالعربي باطه جبدي هالسالفه بس مالي خلق أكلمهم!

 

[caramella]

هلا واله كراميلا بالساينس الحمدلله زين بس مو قلت لكم غيروا المدرسه الهنديه ويابولهم مدرس فلسطيني مادري أردني ولد مدرس عربي ونص الشرح كله بالعربي باطه جبدي هالسالفه بس مالي خلق أكلمهم!

إي أدري بس أعتقد الربورت كان نتيجته مال الأيام اللي درسته الهنديه
لا لا هذي ما ينسكت عنها أهما المفروض ما يوظفون واحد إلا متمكن من اللغه لأن صعب يفهمون بالعربي والكتاب كله بالإنجليزي لازمت كلمينهم خل يحسون إن المدرس أبدا مو مناسب وقولي حق الناظر إن يحضر حق المدرس حصه عشان يتأكد من مستوى المدرس

 

[mr000]

كراميلا آنا بشوف وقت مناسب وبتكلم ماراح أسكت بس المشكله أن المدرسين العرب ماايوزون عن طبعهم حتى بالمدارس الأجنبيه آنا جربتهم بالتكامل مو نفس الأجانب يعني من تتكلمين عنه أو تطلعين شي غلط فيه يبتدي يتليعن عالولد ويحاول يطلعه هو الغلطان اللي ماينتبه وما يجاوب بالصف آنا ماأحب أتعامل مع المدرسين العرب وايد أفضل أني ماأحتك فيهم مو مثل الأجانب عادي مايشيلون بقلبهم!

 

[caramella]

صاجه مروو عموما إحنا العرب ما نحب أحد ينقدنا

 

[caramella]

وين الربع هالأيام مختفين ؟؟؟؟

 

[umhomood]

السلام عليكم امهات يارب الكل بخير انتوا وعيالكم 00 مشتاقة لكم ولتجمعكم 0

 

[mr000]

هلا والله أم حمود أنتي وينج عسى ماشر من زمان مابينتي؟؟ أمبيه بنات ولدي من الصبح يقول جسمي كله يعورني وحاس بلوعة جبد وعوار بالبطن وقبل لاينام شفت جنه فيه حراره عطيته بندول الله يستر عسى ماتخنزر... عاد آنا قاطعته عن السينما من بدت سالفة انفلونزا الخنازير كله أخاف ينعدي منها المرض لأن المكان مسكر وفيه ناس وايد بس أمس حن علي ألا بيشوف فيلم مادري شسمه عن نهاية العالم في 2012 وخليته عسى ماتعادى من الناس... الله يستر

 

[mr000]

أم حمود جنه ماكو أجتماع بعد هالريبورت؟؟ مادري ليش عاد ضروري نبي نكلم المدرسين ومغيرين مدرسة العلوم مانعرف اليديد معقوله بننطر لي شهر 2!!

 

[mr000]

اليوم كان فيه معرض بصالة سلوى الصباح عالبحر دخلت وألا أشوف صبيان وبنات الهاي سكول مالوت مدرستنا العالميه هم اللي ينظمون ويعطونج تذكرة الدخول لما تدفعين .... أول مره أعرف أن دخول المعارض بفلوس! بس والله شي حلو يعلمونهم المسؤوليه وانهم يشاركون بهالشغلات..عاد خوش معرض حلو يونس أغلب اللي مشاركين أجنبيات وفيه كويتيات بس مو وايد!!

 

[Fouz]

السلام عليكم

شلونكم أمهات

حياج الله ام حمود احنا بعد ولهنا عليج

مرو سلامته ولدج، ديري بالج صج الجو ما يرحم، انا الظاهر تعاديت من بنتي اسم الله عليكم بلاعيمي ناااار و النشلة ذابحتني، باجر ماني موديتها المدرسة انا ما فيني شدة و خليني اتطمن انها صارت أحسن

 

[ملكة بيتها]

شلونكم مامات
مروو ...ما يشوف شر ولدج أمبيه الجو جو مرض أمس أنا بنتي طول الليل تكرمون ترجع وديتها المواساه بس الحمد الله طمنتني عليها وعطتها إبره توقف الترجيع والحمد الله اليوم أحسن عاد هالويك إند ماطلعنا مكان ...

 

[lyale]

السلاااام مامات ومرووو
مروووو ما يشوف شر ولدج

 

[caramella]

هلا بام حمود وين هالغيبه إحنا والله اللي ولهنا عليج
مروو ما يشوف شر وليدج ومري المدرسه طلبي إتقابلين المدرس اللي تبينه بموعد لا تنطرين لي شهر 2
فوز ما تشوفين شر حبيبتي إرتاحي الفلونزا يبيلها راحه
ملكه م تشوف شر بنتج إنشالله
أمبيه تغيير الجو لاعب فينا لعب

 

[ملكة بيتها]

الشر ماييج كراميلا حبيبتي إنتي شلونج وشلون عيالج ؟؟؟

 

[mr000]

سلام أمهات اشلونكم! الشر ماييكم مشكورين لا الحمدلله قعد الصبح أحسن من أمس وراح المدرسه عاد ولدي ربعد 2 بالصف بس وهم اللي كان فيهم انفلونزا الخنازير ومن داوموا كله قاعد معاهم علشان جذي خفت لايكون انعدى! ماتشوفين شر فوز ارتاحي بعد كافي عليج الثقل والتعب الله يهون عليج!ملكه ماتشوف شر بنيتج! ليالي اشلونج شخبارج! كراميلا اليوم خليج واقفه على باب الصف بالهده لايحس أنج تأخرتي عليه!! الحين مع تغيير الجو والياهل يمرض وايد وتالي بالشتا بعد أكثر اسم الله عليهم مشكله الأم تضطر كل شوي مغيبه الياهل يعني الواحد دافع كل هالمبلغ ماوده الياهل يغيب بس شنسوي صحتهم أهم بس تصدقون في ناس مايدخلون الياهل مدرسه خاصه بالروضه من هالسالفه آنا عندي مرت حماي جذي تقولي الياهل يمرض ويغيب وايد خل يروح الحكومه فتوديهم سنه حضانه تالي توديهم روضه حكومه وهي تعلمهم بالبيت تقريبا كلشي المفروض يدرسونه بكي جي 1 ويالله على الكورس الثاني من 2 روضه توديهم خاص واستغربت أنه يقبلونهم بس الظاهر تالي اقتنعت أو المدرسه أقنعوها أنه لازم اتييبهم من كي جي 1 أحسن لهم لأنه الأخير ودته من البدايه بخاص!بس مو بمدرستنا عيالها بانجليزيه!

 

[mr000]

البدليات من الصبح .. ربعد = ربعه

 

[روحي تحب]

شلونكم امهات العالميه

مروو مايشوف شر وليج الله يشافيه انشاءالله والحمد الله الله يطمنج عليه

 

[mr000]

سلام أمهات اشلونكم! حبيبتي روحي تحب الشر ماييج ماتقصرين! أمهات اليوم بالمركز العلمي كانوا يايين مدرسة الخليج الأنجليزيه أعتقد أنهم الريسيبشن اللي يعادل الكي جي 2 عندنا اشحلاتهم يهبلون مخلينهم بره يلعبون وكان الجو حلو واللي لاحظته أنه مدرساتهم كلهم بريتيش ماشفت فيهم عرب واليهال ماشاءالله طول الوقت يكلمون بعض بالأنجليزي وهم يلعبون! أعتقد المدرسه لما تكون أجنبيه راح تساعد الياهل أنه يتعلم اللغه أكثر لأنه راح تظل تكلمه بالأنجليزي حتى لو مافهم بس من تجربتي مع ولدي بالغانم لما كان بالكي جي أن المدرسات العرب أحيانا تكلمهم بالعربي علشان تبيهم يفهمون عليها وتريح نفسها علشان جذي ماتطلع لغة الياهل قويه!! فآنا بسأل اشكثر نسبة المدرسات العرب بالكي جي عندنا شكلي بغير رايي وبودي حفيدتي مدرسه الخليج أو الكويت الانجليزيه بالبدايه تالي ننقلها أمريكيه!!