تجمع امهات العالمية الامريكية

[mr000]

كراميلا أعتقد السفره حق اللي يبي طبعا لما تكون سياحه وترفيهيه مو اللي حق مسابقات أو رياضه لأنه هذي يختارون لها بس الترفيهيه اللي يبي بس يمكن أذا فيه واحد يعرفونه وايد شيطان ويسوي مشاكل ومتعاقب وايد يمكن مايسمحونله يروح معاهم بس هي غالبا حق اللي يبي ومن زمان آنا أسمع عن هالسفرات حتى بالخليج عندهم مره بنت صديقتي بقت تروح بس تالي هونت!

 

[ملكة بيتها]

شلونكم مامات عساكم بخير ..
فوز ...ما تشوف شر الصغيره يحفظها ربي من كل شر
مروو ...شلونج حبيبتي تصدقين بالكلندر مالت الخليج حاطين إنه في رحله للبرايمري في شهر 3 تصادف الإند سمستر 2 وكنت حاسه إنها سفره للخارج بس توقعت إنها لفريق أو شي شذي طلع لأ يعني تكون لكل الطلبه واللي يحب يروح ...

 

[ReeMaN]

سلام امهات شخباركم ؟؟؟

بغيت اسال في دوام الكي جي باجر والا لا عشان الاجتماع ؟؟؟

 

[Fouz]

صباح الخير على الجميع

توني رادة من الاجتماع و كلمت المدرسات، و الحمدلله تقبلوا الكلام، و بالنسبة حق بنتي قالوا ييبيها الأحد و أول شي تمرين الممرضة و تفحصها اذا تداوم والا لأ


ملكة مشكورة على السؤال و الشر ما ييج ان شاءالله

كاراميلا عدل كلام مرو الرحلة حق اللي يحب، انا عيال اخوي كانوا يروحون اسكتلندا و مرات سويسرا، و يودونهم يوم ينزلون لندن اذا الرحلة اسكتلندا، بس اكيد يستثنون اللي يسببون المشاكل مو ناقصين

 

[mr000]

سلام أمهات اشلونكم!ملكه اشلونج اشلون بنتج!اليوم الريبورت الله يستر وهم ولدي عنده تيرم تيست ساينس وماث مادري ليش يعطونهم أكثر من امتحان باليوم ويالله قبلها بيومين قايل لهم غير البروجكت اللي طالبينه عليهم!

 

[Fouz]

شلونج مرو

ان شاءالله الريبورت يبرد قلبج و عسى الله يوفق ولدج و يسهل عليه الاجابات

 

[mr000]

حبيبتي فوز الله يسمع منج ان شاءالله ويوفق بنيتج والله هالسنه كلش مومترقع بالماث مادري شسوي عمره ماكان جذي ولما بقى يغير صف الماث يروح حق مدرس ثاني مارضى الناظر قلت حق ولدي أي أكيد مايبون يفتحون المجال تالي باقي الطلبه يشوفونك ويقولون بنغير الصف موحلوه بحق المدرس أنه مايعرف يدرس والطلبه يطلعون من صفه بس تالي تفاجأت أمس يقولي ولدي في 2 بصفنا كلموا الأخصائي بيغيرون صف الماث ووافق لهم! صج انبطت جبدي بس بصبر لما أتأكد أنهم راحوا صف ثاني وأكلم الناظر هو المدرس طيب واسلوب تعامله زين معاي وحتى مع ولدي بس شالفايده ولدي كلش مو فاهم طريقته بالشرح ومو بس ولدي بدليل أنه أغلب الصبيان مايبون صفه!!

 

[بسكوتة]

رفع

 

[بسكوتة]

فوق

 

[mr000]

بسكوته شخبارج اشفيج بس رفع رفع طمنينا على ولدج بالمدرسه واشصار باجتماعكم!!

 

[ReeMaN]

سلام امهات شخباركم عساكم بخير؟؟

فوز بشرينا عن بنتج شلونها اليوم؟؟؟ انشالله احسن؟

اليوم الصبح يمكن الساعه ست اعتذرت مس غاده عن الاجتماع لانها مريضه واللي يبي الريبورت يمر المدرسه ياخذها وانشالله يوم الاحد راح تقول لنا متى اجتماعها ....

بشرو امهات كي جي 1 شقالو عن عيالكم ؟؟؟
بشري مروو شلون تقرير ولدج هالشهر انشالله احسن

 

[mr000]

أهلين ريمان والله بعده مارجع البيت عنده تيوترينج اليوم ناطرته أبوه راح ياخذه بس ناسي النقال! الله كريم

 

[caramella]

السلام عليكم
إشلونكم
مروو إنشالله يبرد قلبج الربورت ولا يضيع تعبك
اليوم مريت المدرسه حق الإجتماع
والله كلمت الأبلات عن ولدي مس ويندي و أبلة العربي هاله
الحمدلله كان كل شي أوكي
ومريت المحاسبه دفعت الرسوم إفتكيت و سألته متى تبون الدفعه الثانيه قال من أول لي آخر يناير
ورسوم حجزكرسي للسنه اليايه في فبراير قيمته 350 ينحسب من قيمة رسوم الدراسه

 

[bella bambina]

هاي أمهات اشلونكم ؟
اشلون بنتج الحين فوز ؟ لا تحاتين عادي تغيير جو
فيه طلبة مسافرين قطر عندهم مباراة كرة قدم بنتي مشتركة بفريق الصغار وآنا موقعه ان عادي تسافر اذا فيه مباريات بس يحلمون يسافرون لأنهم على طول خسرانين :dddds:
رحت الاجتماع آنا كنت متوقعه ان يقولون لي بنتج شيطانه بس قالو أشياء أكثر ذكية بس عنيدة وما تسمع الكلام وكل يوم يقعدونها بالنوتي جير ومو قادرين عليها واللي يدوس لها على طرف تطقه حتى لو أكبر منها ومتمردة ودلوعة وعصبية وووووووووووووووو حبطوني:krkrkr: والمساعدة مو مصدقه ان ولدي اللي بقريد 1 أخوها لأن عكسها شاطر ومؤدب وحنون

 

[bella bambina]

استلمت الريبورت كاردز بنتي شاطرة بكل المواد ماعدا العربي وولدي ماشاء الله عليه ممتاز بكل المواد بس تقول لي الأبلة بس أبيه يبتسم وايد ماخذ الأمور بجدية ويستحي حسافة دلول ما طلعت جذي

 

[Fouz]

السلام عليكم جميعا

شخباركم ريمان و بيلا مشكورين على السؤال ، ينتي احسن شوي بس مسكينة خشمها مو راضي يوقف وايد تختنق و اهي نايمة، بس الحمدلله اهم شي ان الحرارة نزلت و عسى الله يكافينا الشر احنا و عيالنا

كاراميلا الحمدلله ان كل شي اوكي و افتكيتي من الرسوم تصدقين شكلي بمرهم اكمل باجي فلوسهم لاني ما اضمن روحي على شهر يناير اخاف اثقل و ريلي دوامه عسر ما يطلع على كل وقت.

بيلا ماشاءالله ،، الله يوفق عيالج و ان شاءالله دلول تكبر و تصير مثلهم، انا بالعكس قالولي هادية و متعاونة الحمدلله و اهم شي انها تتفاعل معاهم لانها وااااايد حياوية بس اشوة انها تتكلم بالصف و تشتكي اذا احد ضايقها

بسكوتة شخبارج ويا الاجتماع، على طاري الحمام تكرمون سألت بنتي قالت اروح مع الفراشة و سألت المدرسات اليوم هم أكدولي نفس الكلام، انتي شقالولج؟؟

 

[caramella]

بيلا يا حلوها دلول ترى آنا على فكره أحب الياهل الشقي أحس دمه خفيف
الله يوفق عيالج إنشالله ياحلوه ولدج حده تكانه
والله آنا اليوم وايد إرتحت من كلام المس و حسيت إن ولدي حاب المدرسه و هذي خطوه إيجابيه الحمدلله وإمدحت ولدي إن هادي إسم الله عليه وقالت على الكاربت في واحد مأذيه وراح تغير مكانه
وتقول لما نروح حق البلاي قراون على ال12.30 لي 12.45 يساسر المس i want my mom
يا حبيبي تقوله الحين وقت الأمهات إيوون
أشوه يتحجى مو يقمت بقلبه

 

[mr000]

سلام أمهات اشلونكم !فوز الله يبشرج بالخيرالحمدلله أنه بنتج نزلت حرارتها وبدت تتحسن هالأيام ماكو بيت ما فيه أحد مريض!!المهم ريبورت ولدي نص ونص يعني مايفرح مافيه Aكلش والماث D بس ان شاءالله يتحسن!ترى الAوB بالأبتدائي سهله وعادي آنا ولدي لي غريد 6 ماكان ياخذ c ألا مره نص السنه بالماث هذي اللي ناشبوني عليها العالميه لما بقيت أنقله بس بغريد7 و8 بدت الامتحانات تصعب أكثر!!كراميلا حبيبي والله وليدج عور قلبي آنا ماأتخيل نفسي سنه اليايه أودي بنت ولدي الحضانه وأهدها هناك مع أني وديت عيالي قبل وياما هديتهم يبجون!!بيلا مومشكله ترى فيه بعض اليهال اللي مثل بنتج يطلعون نبيهين بالدراسه وحريصين لأنهم يبون يكونون الأحسن دايما وفي بعضهم حركتهم الزايده ونشاطهم يأثر سلبيا على انتباههم للدرس لأن همهم يطالعون اليهال الثانين شنو سووا وشنو قالوا ونفس الشي اليهال الهاديين والعجال بعضهم هدوءهم يساعدهم أنهم يركزون بالدراسه وبعضهم لأ يكون هدوءهم على خمول وقلة تركيز بس انتي حاولي بالتشجيع والهدايا أنج تغيرين فيها بعض الصفات اللي ماودج تستمر معاها مثل العناد والعصبيه بس لاتقارنينها بأخوها علشان لاتكرهه وياريتج تنبهين المدرسه أنها ماتقعد تقولها كل مره أخوج أحسن منج أو ليش ماتصيرين مثله والمفروض هي كمدرسه تعرف أن عمرهم الأخوان مايطلعون كلهم نفس بعض!!

 

[ReeMaN]

صباح الخير امهات العالميه شخباركم عساكم بخير ؟؟ فوز شلون بينتج اليوم انشالله احسن؟؟

ماشالله خوش اخبار على اجتماع عيالكم الله يوفقكم انشالله يارب .... ياحليلها بنيتج بيلا اتونس انا مثل فوز احب الشطانه بالطفوله احسها ونيسه

كاراميا يكسر الخاطر وليدج بعد عمري دوامهم حيل طويل من السبع ونص الى الوحده وايد ومو مثل الحضانه تقطينه اى حزه وتاخذينه اي وقت حتى لو الساعه 11 الضحى.... انشالله مع الوقت يتعود توهم مداومين ونطري عليه يكون له اصدقاء ماوده يرد البيت

ولدي ماشالله صار يحب المدرسه مرات يكون عنده موعد طبيب اسنان او جلديه ومالنا خلق نمر ناخذه من المدرسه اقوله اشرايك تغيب باجر يقول لا ابي اروح بس شويه بعدين اخذيني

مروو الله يسهل على وليدج انشالله ويشد حيله مسكين مو بايده المنهج حيل صعب وكل مرحلهه اصعب الله يسهل على الجميع يارب

الاسبوع الياي الكي جي 2 عندهم رحله حق البحر وطبعا هذي اول رحله يروحون لها من داوم ولدي وحده مستاااانس يبي يروح يقول بلبس مايوه و ابي العاب البحر ههههه

 

[mr000]

سلام أمهات اشلونكم!شخباركم مع الويك اند ماشاءالله الناس تارسه المجمعات ويقولون حالات انفلونزا الخنازير وصلوا فوق ال8 آلاف بس الناس شتسوي طقت جبودهم من المدارس والبيوت!!أمس أخوي قالي شي عن مدرسة بنته احتريت من مدرستنا اشمعنى هم عطلتهم الكريسمس شهر واحنا قصروها لي 17يوم آنا أول علبالي كل المدارس مثلنا! بنته بمدرسة الكويت الأنجليزيه ودي أسأل المدرسه بعرف ليش مع أن عيالنا مداومين أول ناس!