تجمع امهات العالمية الامريكية

[بسكوتة]

لخبه مع الدوم = لخبطه مع الدوامات
بسياره=بالسياره
لووووووووووووووووول

 

[bella bambina]

صاجة مروو ما يصير الصف كله عاجل :dddds:

 

[bella bambina]

بسكوتة صح كلامج ما يغسلون اليهال عدل بنتي الكبيرة لما كانت عندهم بالحضانة حاشها التهاب بالبول قال الطبيب وايد يهال تحوشهم بالحضانات لأنهم ما يغسلونهم عدل واشتكينا يومها عند الأبلة وكلمنا الشغالة وعطيناها جم فلس عشان تهتم
وبصراحة اشلون نبيهم يغسلون عيالنا عدل واهمه أساسا ما يغسلون بس يمشون بكلينكس !!!!!!!!!!

 

[caramella]

صاجه بيلا يا حبيبتي بنتج عاد إلتهاب البول و إنتي بكرامه يحوش البنات أسرع من الأولاد ويذبح من الألم
آنا ولدي يوم كان باالحضانه كله إييني سرواله في وصخ تكرمون سواء الكبيره ولا الصغيره
عاد كلمت صاحبة الحضانه قلتلها جم مره و ماكو فايده وولدي ما يحب يروح الحمام تكرمون بسبة هالخدامه
عاد أحاتيه لما داوم بال uas أقوله ماما ما رحت الحمام كله إيقولي لأ معني أحاول أريقه الصبح كلش كلش إذا ما رضى أشربه حليب فراوله ولا موز بس ما يروح الحمام ما أدري ليش
بس أول ما نوصل البيت أوديه الحمام وتكرمون
أمهات متى خذيتوا مواعيد الإجتماع؟
اليوم دزولي ريمايندر موعدي 1.15 لي 1.30

 

[bella bambina]

كراميلا آنا بعد موعدي الساعة 1:15

 

[بسكوتة]

انا سجلت موعدي 11 ونص بس تهقون شنو نسوي على سالفه الحمام

 

[روحي تحب]

السلام عليكم امهات العالميه ....الله يوفق عيالكم وعيالنا كلهم يارب ويبلغكم فيهم وتشوفونهم باعلى المناصب

مروو وكرميلا عظم الله اجركم ولو انها متاخره بس لكم حق وواجب يالغاليين

 

[caramella]

فوز عاد أمس بدلته عند الإشاره بعد عسى ما لقطتيني
لالالا ما أقبل بهالعنوان ماكو وقت أبي عنوان شوفوا إغراءات ولدي و عصاقيله لووول
مرووو بدع ولدج يحليله لما بدل بالسياره
آنا وايد مسويتها أبدل بالسياره لوووول
لما أروح العروس ألبس كورسيه و آنا والكورسيه إييب لي صداع ما أتحمله شكو الراس بالبطن ما أدري :dddds:
المهم يا محفوظين السلامه أول ما أركب السياره أفصخ الكورسيه عاد إشلون ما أدري عفسه تصير و حده لووويه ومن يمر يمنا جيب أطخ لما يروح الجيب
هيييا بيلا عاد آنا ما أعرف أبلة بنتج بس إنتي بتجكيني لأنج تعرفين مس ويندي
بسكوته لازم إتكلمين السوبرفايزر مالت الكيجي إذا كلمتي المدرسه و ما شفتي نتيجه
روحي تحب أجرنا و أجرك يالغاليه الله لا يدخل عليكم إنشالله

 

[bella bambina]

صباح الخير أمهات
كراميلا بنتي بكي جي 1 - 6 عند مس ميرنا

 

[Fouz]

شلونكم أمهات

اليوم ما وديت بنتي المدرسة، و انا ابدلها حسيت امها خدرانة و عيونها مغورقة عاد قست حرارتها و شوي مرتفعة قلت ليش اجازف و اوديها و اشوف الحين خشمها يصبصب عطيتها تايلنول و ايريس ان شاءالله تتحسن الى العصر، و اذا لأ بوديها دكتورها على الخمس

 

[bella bambina]

سلامتها بنتج فوز ما تشوف شر الجو صاير يمرض والتكييف بارد ان شاء الله ما فيها الا العافية

 

[Fouz]

تسلمين بيلا، الشر ما ييج ان شاءالله، الجو فعلا جو مرض
عاد بدق على الدكتور و بنطر بالسيارة لما ايي دوري أكيد العيادة كلها يهال مرضى مالنا خلق بعد

و المدرسة يلوعون الجبد محد يرد على التلفون، البدالة حولوني على الكي جي بس ماكو احد يرد هناك

 

[caramella]

سلامتها بنيتج فوز ما تشوف شر صاير الجو متسبب هالأيام
دفيها و شربيها سوائل دافيه
آنا ألبس ولدي جم طويل و فست أشوف يهال ويا أهاليهم شورت و جم قصير أقول حرام برد إشلون إيبونهم جذي
برد الصبح ولا آنا يتراوالي؟؟؟؟
بيلا الله يوفق دلوله إنشالله

 

[Fouz]

الله يسلمج كاراميلا
انا البس بنتي بلوزة فوق هدومها تفصخها بالكلاس، و الجو الصبح فيه برودة بس بنتي من النوع اللي بسرعة تموت حر بس ما البسها نص جم لازم فوقه بلوزة طويلة

تدرين وين المشكلة، ان في ناس عيالهم مرضى و اييبونهم خاصة بالكي جي يعني والله حرام شذنبه ياهل تعبان تودينه و هم شذنب اليهال اللي معاه يتعادون، الاسبوع اللي فات و انا داشة والا ياهل ويا امها والله من باب المدرسة لي باب الكي جي و كحتها ما وقفت بالله ليش يايبتها

 

[caramella]

صاجه فوز والله تخيلي نفسج مريضه جسمك مكسر و تداومين
حرام عليهم هالأمهات اليي إيبون عيالهم مراضى مو زين عليهم الإنفلونزا تذبح تكسر الجسم تحتاج راحه
ومو زين على باجي اليهال بروحه مناعتهم ضعيفه

 

[mr000]

سلام أمهات اشلونكم ! روحي تحب أجرنا واجرج مشكوره حبيبتي ماقصرتي! فوز سلامتها بنيتج ماتشوف شر ماعليكم لبسوهم الصبح جاكيت حتى لو يفصخونه داخل وأتصور المدرسه ماطفوا التكييف بس زين سويتي خليتيها بالبيت خل ترتاح وهذوله اللي اييبون الياهل وهو مريض ترى وايد فيهم الأم ماتدري عنهم اعتمادهم عالخدم والخدامه تبي الفكه ماتبيه يقعد بالبيت علشان طول النهار تسرح وتمرح آنا لما كنت بالدوام وكنا ندق عالأهل نقولهم الياهل مريض ليش يايبينه وايد كانوا يقولون ماندري طلعنا حق الدوام والخدامه تلبسه وتوديه مع السايق مادري شنو هالأم اللي حتى ماتطل عالولد تشوفه زين موزين عالأقل أقعده وألبسه وأريقه وميخالف تالي الخدامه توصله مع السايق ولو أني عمري ماسويتها ماقط حطيت سايق بس يعني نفترض أن الأم والده أو دوامها بعيد أو تدرس بالجامعه وتطلع مبكر كلش يعني عندها ظرف يمنعها هذا غير اللي يسافرون بأيام الدوام ويهدون الياهل والله أنه بعز البرد كانوا اييون حتى فنيله داخليه موملبسته ياي بقميص خالي وآخذه ألفه بالشال مالي أسويه جنه درابيل وأقعده يم الدفايه بمكتبي!شفنا العجب بالدوام!

 

[mr000]

آنا من أمس منبطه جبدي من المدرسه من قالي ولدي أنه غيروا مدرسة العلوم الهنديه وحطولهم مدرس فلسطيني ولد مدرس عربي ويقولي نص الشرح بالعربي ولغته الأنجليزيه مو ذاك الزود يعني لو ظالين عالهنديه وايد أحسن وودي أدق عالمدرسه بس حاسه جنه ماكو أم غيري بس آنا اللي أتكلم عن كل شي وهم منبطه جبدي مو قادره أسكت! أم حمود مادري وينها من زمان مالها حس!

 

[lyale]

اي والله صاجه مرووو مهما يكون الخدامه حتي لو زينه مو نفس الام
وانا معاااج ما احب اعتمد علي الخدامه والسايق بتودي ويبت اليهال اليهال برووحه بعد طلعته من المدرسه يتشفق علي شوفة امه مو شوفة الخدامه

 

[سيدة الكويت]

رفع

 

[حضاره]

والله أنه بعز البرد كانوا اييون حتى فنيله داخليه موملبسته ياي بقميص خالي وآخذه ألفه بالشال مالي أسويه جنه درابيل وأقعده يم الدفايه بمكتبي!شفنا العجب بالدوام!

حبيبة قلبي يامرووو00اشكثر انتي حنونه00ضحكتني (الدرابيل)00

اليوم رايحه البدع من صوب الدائري السادس ولاهذا ثري سكستي على يساري (قلت شرط مرووو داخل ماخذتلها كيكه)00هههه

شخبارج؟!