تجمع امهات العالمية الامريكية

[lyale]

مرووو شلونج يا عمري وعظم الله اجرج

 

[ملكة بيتها]

شلونكم مامات ....مروو ....كارميلا عظم الله أجركم وعساها خاتمه الأحزان

 

[caramella]

أجرنا و أجركم يا عمري ما تقصرون
عسى الله لا يدخل عليكم مكروه

 

[ReeMaN]

صباح الخير امهات العالميه شخباركم حبايبي ؟؟؟؟ هلا بليالينا وملكه مامات عاش من شافكم حبايبي لاتقاطعونااا

عظم الله اجرج كراميلااا .....

 

[mr000]

سلام أمهات اشلونكم ليالي وملكه أجرنا وأجركم ماقصرتوا!ريمان وفوز وأم حمود وبيلا وبسكوته شخباركم أشلون عيالكم!كراميلا الله يعينج تعب قعدة العزا 3أيام كله طالعه عن البيت بس واجب إحنا تصير حماة أختي وبنفس الوقت بنت عم أبوي فلازم نقعد

 

[caramella]

أجرنا و أجرج ريمان حبيبتي
لا بعد 4 أيام مو بس 3 لأن أول يوم ما إحسبوه قبل لا يدفنونها الله يرحمها برحمته
الله يبعد عنكم الأحزان
مرووو والله صاجه ما أشوف ولدي كلش و باجر إنشالله بقطه المدرسه و أروح أساعد أمي بتطبخ غدا العزا تالي أييب ولدي أقطه الشقه بروحه مع الخدامه ولازم أروح أتغدى هناك مو معطيني قلبي أخليه مع الخدامه ما أدري آخذه معاي حق الغدا تالي أرده البيت قبل عزا العصر؟؟؟؟

 

[mr000]

سلام أمهات اشلونكم!الله يعينكم كراميلا بس أقولج لاتهدين ولدج طول اليوم أخذيه الظهر مثل ماقلتي ورديه العصر أو خليه مع عيال أختج لما ياخذه أبوه بردته من الدوام! يالله الحمدلله على كل حال وآخر الأحزان ان شاءالله!

 

[Fouz]

صباح الخير على أحلى أمهات ان شاءالله تكونون بخير

حبيت أصبح قبل لا ألهى بالدوام

 

[mr000]

سلام أمهات اشلونكم!صج الزحمه تفرق لما تبجرين بس 10 دقايق اليوم وصلنا يمكن 7 ألا 5 بس علشان طالعين أبجر شوي!الجو حلو الصبح حق المشي براد بس حسافه كنت مويايبه تكرمون جوتي الرياضه ورجعت البيت على قولة ولدي كل يوم لج عذر يعني لازم تسافرين لندن يالله تمشين!!! لا ورجعت وأكلت كيكة كاكاو لذذذذذذيذه مع سكيم لاتيه بعد اشحقه سكيم مادري يعني ريجيم الكيكه شاريتها أمس من فوشون اللي بمول360 عسى ماتخف ريلي عليه تالي أقول أبليس قص علي والله أبليس ماله شغل آنا اللي نفسي دنيه عالحلو!!

 

[mr000]

سلام أمهات وينكم اليوم؟ فوز شخبارج الله يعينج عالثقل وتعب الدوام!ريمان اشلون ولدج مع المدرسه؟

 

[mr000]

وينكم أمهات العالميه!اليوم مالكم حس!

 

[bella bambina]

هاي أمهات اشلونكم واشلون عيالكم ؟
غصب فتح معاي المنتدى مادري شالسالفة
عليج بألف عافية مروو

 

[caramella]

السلام عليكم أمهات
مروو أمس وديته وياي عالغدا أشوه و لما صارت بال 3 رديته الشقه و أبوه رد بال 4 أشوه ما خليته مده طويله
أمس لا يطوفج بدلته بالسياره عند الإشاره مالت الجسر لووول
ما أدري إشفيه المنتدى هالأيام ما يبطل معاي بسرعه

 

[Fouz]

صبحكم الله بالخير
شلونكم أمهات عساكم بخير

مرو شلونج حبيبتي هذي يسمونها عادة كويتية، بيتزا و بطاط و دايت كولا هههه، كيكة جوكليت فدج ولاتيه سكيم ملك، يسمونها نقص على روحنا يعني محافظين، عليج بستين عافية حبيبتي و محد يعاف الكاكاو أصلا اييب السعادة عسى الله يديمها علينا
على طاري المشي عادي هالاعذار ما توقف و المشي بلنن غير ، على طاري لندن قبل لا اتزوج كنت اروح كافيه عنده كيكة اسمها chocolate to death و صج تستاهل الاسم مترووووووووووووووووووووسة كاكاو مو طبيعية عاد عقب ما ولدت رحت لندن ويا زوجي و ركككككككضة الكافيه والا مغيرين المنيو و طنقرت


هلا بيلا شخبارج، كلنا على هالحال المنتدى وايد يعلق، انتي شخبارج و شخبار عيالج

كاراميلا شلونج، و زين سويتي خذيتي ولدج معاج علشان لا يجابل الخدامة وايد، حسافة ما شفتج تبدلين ولدج جان صورته و حطيته باليوتيوب باسم " ماكو وقت "

 

[Fouz]

ريمان شلونج شلون ولدج مع المدرسة ان شاءالله مرتاح

ملكة و ليالي شخباركم، من زمان عن سوالفكم ان شاءالله نشوفكم قريب

 

[mr000]

سلام أمهات اشلونكم! فوز اليوم مشيييييييت نص ساعه ....والله ذابحه روحي ...لا الله يسلمج هم كنت ناسيه الجوتي تكرمون بس قلت بلا أعذار بدام جوتيي واطي ومريح خل أمشي تالي شربت سكيم لاتيه بس ماأكلت حلو!!عاد آنا صج بالمطاعم كله دايت سفن أب والوجبه فيها ألف سعره! كاراميلا أنتي عالأقل ولدج ياهل آنا ولدي ريال وذاك اليوم اضطر أنه يبدل بالسياره لأنه كان لابس ملابس عاديه حق المدرسه علبو دريس داون داي لما كان نص دوام ودزله رفيجه مسج واحنا تونا محركين أنه مافي دريس داون فدقينا عالخدامه ونزلت ملابسه المدرسه ورجعنا أخذناهم وماكو وقت ينزل البيت متأخرين فبدل بالسياره لاتسأليني اشلون تالي لما راح المدرسه ألا كلهم لابسين ملابس عاديه طلع الصبي قاص عليه وولدي كان موسامع المدرس فصدق الولد!!

 

[bella bambina]

هاي أمهات اشلونكم ؟
مو تنسون أمهات الكي جي ماكو دوام يوم الخميس اجتماع أولياء الأمور بس توهم مو ماخذين فكرة كاملة عن اليهال فتقريبا بيكلمونا عن يومهم الدراسي وبيقولون لي ان دلول شيطانة أمس ماشية بالممر ولا مدرسة ما تدرسها تقول لها hi trouble maker

 

[بسكوتة]

هلا بيلا اسم الله على بنيتج الله يحفظها انا بصراحه مستغربه من شغله لما يودونهم الحمام وانتوا بكرامه ليش مايخلون الفراشات يغسلونهم ولدي يقول يسونهم طابور وكل واحد يدخل الحمام ابروحه انا مره مالقيت ولدي مغسل عدل شوي مدمر نفسه تهقون عادي ولا لا خاصه اول الايام

 

[mr000]

سلام أمهات اشلونكم! بسكوته أحسن لو تكلمينهم بالأجتماع ترى موزين حق الياهل تالي يصير معاه حكه والتهابات بعد هم يدرون ياهل بهالعمر يحتاج أحد يغسله! بس لو مع الوقت تعودينه أنه الصبح قبل المدرسه وانتي بكرامه(يسوي الكبيره) وايد أحسن تتطمنين أنه بالدوام مايتوهق والمعده تتعود مع الوقت مثلا الصبح والظهر أو الصبح والمغرب! مادري آنا كنت دايما أعود عيالي جذي ونادر تصير معاهم بالدوام بس يبيلج تقعدينه مبكر لأن الياهل يطول بالحمام و خل يكون ماكل وأحسن شي الكورن فليكس مع الحليب ويشرب عقبه ماي تطلع بطنه على طول!!(خوش وصفه)!بيلا يحليلها دلوله الله يخليها بعد اليهال غير عن بعض يعني هم يبون كل الصف عاجل وساكت!!

 

[بسكوتة]

هلا مرو تصدقين اهو كان اييله بطنه وانت بكرامه الصبح بس لخبة مع الدوم ولانه يطلع على ريجه مايرضى ياكل بس يشرب بسياره عصير اذا رضى ذابحني