تجمع امهات العالمية الامريكية

[bella bambina]

مرو ميخالف يمكن لأن هالمرة ما درس ان شاء الله يعوض في الامتحانات الياية والله بشيبون راسنا على ما يكبرون

 

[bella bambina]

فوز اشلون بنيتج مع مس ميرنا ؟ بنتي متعوده ما تطلع الا معاها تيدي بير وكل فترة شي غير هاليومين مجلبة بدولفين قالت لي مس ميرنا لا تييبه معاها لأنها تتهاوش مع كل أحد يلمسه اليوم ما وديناه وزعلت مني والله لا يوريكم دلول واهي زعلانه

 

[Fouz]

أهلين بيلا
يحليلها بنتج الله يحفظها، عاد كل شي ولا يطنقرون شيفكنا من الزعل
والله بيلا ما أقدر أحكم عليها بس انا توقعت المدرسات احسن من جذي اتا اشوف اللي وياها المتحجبة وايد احسن، و بصراحة ما هقيت ان المدرسات عربيات توقعت كله امريكان، و لاحظت انها تهتم بالياهل العسر اكثر، يعني اول يومين كانت وايد تهتم في بنتي بالدشة و الطلعة بس من تأقلمت ما اشوفها تهتم و بقولها هالكلام بالاجتماع بس بتم لالحظها هالاسبوع بعد، لان بحضانتها الاولية لا يمكن تطلع من الصف بدون ما يسلمون عليها المدرسات، بس بنتي تحبها تقولي اهيا وايت هههه تموت على البياض، يعني اتوقع انها تهتم بالياهل اللي محتاج معاملة خاصة اكثر و الياهل العادي مو من الاولويات، بس اليوم و احنا طالعين قالت حق بنتي باي هني و بنتي ما ردت مادري يمكن تكون ملاحظتي غلط بس راح اثبت الاسبوع الياي اذا ما شفتها تسلم على بنتي بالاسم راح اقولها

بس مو حاسة ان الاجتماع واااااااايد تو الناس عليه، يعني ما مداهم يقيمون اليهال،، هالموعد كان على أساس انهم بدوا برمضان بس الحين يدوب اسبوعين ما اعتقد هالمدة كافية تعطيهم اي انطباع،، شرايج؟

 

[bella bambina]

صح كلامج فوز وايد تو الناس على الاجتماع ومستحيل يكونون خذو فكرة عن الطلبة والله سنين أول كانو المدرسات كلهم أجانب العام كانو حاطين مدرسة هندية صغيرة حق الحضانة اشتكيت عند الناظر ومن أول السنه بدلوها ويابو لبنانية مس أمل بس اطلعت زينة وحنونه يقول بصعوبة نلقى مدرسات أمريكيات بالكويت عشان جذي ناخذ أمريكيات زوجات كويتيين

 

[mr000]

السلام أمهات اشلونكم! الحمدلله باجر آخر يوم ونرتاح بالويك اند تعبنا من التوصيل والأمتحانات! زين سويتي فوز دفعتي الفلوس آنا والله ماقدرت اليوم معاي بنت ولدي وكنت مستعيله بردها البيت وبروح أطبع حق ولدي البروشور عند مركز الطالب وعندنا عزا! ان شاءالله الأسبوع الياي أدفع!!

 

[Fouz]

بيلا انتي شرايج في مس ميرنا؟ و هذي المشكلة اذا ماكو مدرسات امريكان!! بس بالنسبة للاكسنت مالها ممتاز انا لمل كلمتني بالتلفون ما حطيت في بالي ابد انها عربية، بس مثل ما قلت لج بشوفها هالاسبوع و بالاجتماع ان شاءالله اقولها ملاحظتي

مرو عظم الله أجركم، و ان شاءالله يمديج الاسبوع الياي، اليوم هلكت من الصعدة و النزلة على الدري و السبة الستور و صوب الاصنصيرات قاعدين يغسلون و خفت أزلق ، بس الحمدلله ملابسها كبرها يعني ما احتاج ارجع و ابدلهم

 

[caramella]

السلام عليكم أمهات
الله يسلمج من الشر بيلا حبيبتي
يا حلوها بنيتج ويا دولفينها طقت ولدي يودي وياه العاب بالزواره ويطفر إعيال خواتي يا ويل اللي يجيس شي يحرجني عاد آنا نجره وياه

u have to share
فوز آنا إستغربت إن في ابلات عربيات على بالي قبل إنهم كلهم أمريكيات طولي بالج فوز إنتي حسسيها بطريق غير مباشر إنها تسلم على نتج بالإسم مثلا قبل لا تطلعين قولي حق بنتج روحي سلمي عالمس خل تحس إن السلام شي مهم عند بنتج أخاف تكلمينها وإهي من النوع اللي ما تحب أحد ينتقدها و بالها مو وسيع وتحطج في بالها وتسوي هالشي بس جدامج
والله آنا تقييمي المبدئي لمس ويندي إنها حليوه وروحها حلوه و بنفس الوقت نبرة صوتها حاده تحسس اليهال إنها حازمه وشديده و هذا اللي آنا أبيه لأن ولدي كلش مو مال دلع و مساحل يتعنفق و يسوي أفلام
أما مساعدتها عربيه إسمها مس لينا يا ولي عالبروووود شكلها فاجه و ناقعه حدها عكس مس ويندي بس والله أشوفها تحوس مع اليهال و بالها طويل إنشالله بس يكون شكلها جذي
فوز على طاري الدفع خل أروح أدفع جم يبون ؟؟؟ و غير جذي ما يابو لج طاري أي خصم عن الفتره اللي غابوها ؟؟
زين سويتي شريتي الشتوي آنا إنشالله بمر أشتري تريننق حق ولدي لأن عموما ولدي يحب الترنقات
مرووو عظم الله أجرج
وعورتي قلبي أحس طعم الويك إند عندج إنتي و بيلا غير مع إن آنا كله أتحلطم تعب و لويه مع ادوام بس آنا بالنسبه لكم ولا شي الصراحه
الله يعطيكم العافيه ولا يضيع لكم تعب وإتشوفون نتيجة تعبكم بتقارير عيالكم اللي تبرد جبدكم إنشالله

 

[بسكوتة]

اشلونكم امهات واخيرا فتح معاي المنتدى - - عاد انا اليوم يايه مشحونه وقلبي متروس لووووووووووول
احس مدرسه ولدي ماتدري وين الله قاطها
امهات الكي جي 1 سمعت ان المدرسات بالصفوف الثانيه موزعين ورقه بدايه الاسبوع انهم قاعدين ياخذون حرف الالف والباء و الاي والبي وسوره الفاتحه رحت حق المدرسه وسألتها قلت لها انا ودي اعرف شنو قاعدين تعطون اليهال عشان اعلمه بالبيت تقول لا مابدينا بالحروف الانجليزي احنا قاعدين انعلمهم اجزاء الجسم قلت لها انا سمعت ان الاسبوع الياي اب ياخذون عن الفاميلي قالت اي احنا الحين قاعدين نعطيهم الام والاب وااخوان تخيوا اسال ولدي شنو ماذر مايعرف شنو فاذر مايعرف اشلون مدرسينه ماادري اسالها قب جم يوم الكي جي عندهم هدوم حق ال البي اي تقول ماادري سالي الستور اقولها وين يلعبون بالساحه الخارجيه والسرداب بعرف في تكييف عشان ياخذ جاكيته تقول لي الحين ماادري بس الصج ينقال وايد حبوبه وطيبع وتحب اليهال انا مرتاحه لها بس ليش ماتوزع عليهم باجي الاوراق يعني حتى سالفه البيتزا سمعتها منكم تهقون شسوي

 

[بسكوتة]

ابيه كلامي كله بدليات

 

[Fouz]

شلونكم كاراميلا و بسكوتة ، شكلنا يبيلنا اجتماع امهات الكي جي
كاراميلا انا امس قلت لها say bye for miss mirna بس انا حتى اذا بقولها راح اقولها بطريقة ما تضايقها، راح اقولها ان بنتي حساسة و تحب الاهتمام و هذا من حقها، و الله يوفق وليدج مع مدرساته، للأمانة بنتي تحب المدرسة بس انا اللي مادري شفيني عليها، و مثل ما قلت انا بشوفها هالاسبوع و احكم عليها، كاراميلا احنا حطينا عيالنا هناك علشان يهتمون فيهم اذا ما عطت بنتي الاهتمام بالله شفرقهم عن الحكومة
بالنسبة حق الرسوم ماكو خصم ولا فلس، انا كنت دافعة 450 و الباجي 1180 علشان تكملين 1630 فيبون الدفعة الاولى 590 و الثانية هم 590 دينار


بسكوتة والله بنتي كل ما أسألها تقول رسمنا و لونا و لعبنا بالطين ما يابت لي طاري دراسة و لا عطونا أوراق الاحرف اللي قلتي عنهم، و سألتها عن لبس الرياضة قالت براحتج يعني مو مفروض تشترين بس اذا حابة ماغي مانع تشترين و انا شريت تريننغ سوت لان الشتا ياينا فتلبسه منها تتدفا و منها تلعب فيه و بصراحة نوعيته زينة مو خوارة، ماني شارية شورت صيفي يمكن يصغر عليها لين ايينا الصيف، بس لا تحاتين ما يمديهم بدوا يدرسونهم توهم بادين، بس سالفة الاوراق مهمة لازم يبلغونج و سئلي عن ورقة البيتزا قوليلها الصفوف الثانية عطوهم

 

[caramella]

إممم بسكوته حبيبتي توهم بادين و صاير لخبطه
ولدج أي كي جي 1؟؟؟
آنا ولدي كب جي 1-2 عن مس ويندي وولدي كان غايب يوم الأحد والأثنين لأني كنت مسافره
الله يسلمج سمعت من فوز عن البيتزا دي
رحت اليوم سألتها إستغربت قالت إشدراج قلت لها قصة المنتدى وإعجبتها فكرة المنتدى حيل
قلت لها أخاف وزعتي وقت اللي ولدي غايب قالت حتى لو ولدج غايب أول ما إيي أعطيه كل الأوراق اللي شايلتها له بفترة غيابه لا تحاتين
المهم قالت صح في بيتزا دي و هذي الورقه بس آنا ما وزعتها لأن تو الناس على 18/11 بوزعها قربا إنشالله
وعلى طاري المنهج ما وصلتني إلا ورقه عن الفاميلي يبون فيها أسماء صور أم و أبو و إخوان التلميذ و إنهم راح ياخذون الأسبوع الياي عن الفاميلي و أول ما يخلصون هالجزء يردون لنا الصور و بس عاد آنا جهزت الصورة حق ولدي و إنشالله بوديها مع الورقه باجر
آنا إنشالله بسألها بالإجتماع عن سالفة البي إي واللبس اللي يحتاجونه لأن ما يمدي أسألها عند الباب و ألهيها عن اليهال
وآنا أشوف الإجتماع الإسبوع الياي وقته مناسب مو عشان تعطينه الإنطباع عن عيالنا كثر ما نعرف اللي بياخذونه و شلي يحتاجونه و نشوف أبلة العربي و الدين لأني ما شفتها بس قالي ولدي إسمها بس نسيته و يقول يغنون يا أطفال يا حلوين إشربوا الحليب إسم الله على قلبه إشحلوها بحلجه ---------->تمدح بولدها لووووووول
بس ما ياب لي طاري سورة الفاتحه

 

[بسكوتة]

بلا خذوا الفاتحه انا قالي ولدي الابله تقول اشتروا الشريط عشان تحفظها مع ان ولدي حافظها بس يخربط شوي وعلى لبس البي ايه شريت له وراح فيه يوم البي اي

 

[caramella]

ويوفق بنيتج
صاجه فوز والله صراحه أهم شي الإهتمام آنا كنت قبل يوم ولدي بالحضانه ألاحظ كل شي و أنقهر و أشوف ولدي عادي مستانس بس آنا اللي ذابحه عمري تالي يوم شفته جذي مستانس قمت إشوي أطنش الأشياء العاديه بس الشي الجايد لا ما أسكت عنه لو شنو
والله لو وين ما بنحطهم لازم إحنا الكبار يكون لنا ملاحظات بس إهما اليهالو مستانسين وهذا أهم شي
الحمدلله بنتج حابه المدرسه ومدرستها والله هذا يسوى الدنيا و ما فيها لأن والله لو شنو الياهل ما يقدر إمثل لو مو مرتاح مستحيل إخش هالشي و اليهال فطينين سبحان الله إعرفون منو اللي يحبهم منو اللي يجاملهم و آنا لامسه هالشي مع ولدي بكذا موقف
وهم ولدي لما آخذه الظهر مستانس وحاب المدرسه بس يضيق خلقي الصبح مع حنته ما أبي أروح ما أحب المدرسه إنشالله تخف مع الأيام

 

[Fouz]

كاراميلا الظاهر كل صف بروحه، انا بنتي ما يابت لي طاري شي و بالنسبة حق ورقة الفاميلي ما وصلني شي، بس اهم شي باجر ييبوا عيالكم 10:45 انا بنطر برة كالعادة قبل الطلعة بنص ساعة مادري ليش كله احاتي تحوشني الزحمة، عاد اييب معاي اوراق الدوام و اشتغل فيهم على ما يبطلون الباب

و بالنسبة حق الهدوم اخذت لها تريننغ سوت مع بلوزة رياضة جمها طويل اخاف يكون حر فاذا فصخت الجاكيت الا بلوزتها طيلة و خذيت بلوفر و قميص جمه طويل

 

[Fouz]

بسكوته حتى انا ما يابت لي طاري الفاتحة، باجر ان شاءالله بالطريج الصبح أحقق وياها و اشوف شعطوها

كاراميلا كلامج عدل، تصدقين بنتي لما كانت بالحضانة اول سنة عادي البجي كونها صغيرة و عمرها سنتين تالي تأقلمت ماشاءالله و ثاني سنة الله لا يوريج قامت تتشنج من كثر البجي ما تبي تروح هني حسيت ان اكو شي مع لنها داومت بس 3 ايام، مريت المديرة و قلت لها ما ابيها بهالصف، بنتي واااااااااااايد هادية و حساسة و تخاف من الصوت العالي و مدرستها دلالة الله وكيلج على بو تبي تنشط اليهال تصرخ و انا بنتي تبجي طول اليوم، يوم غيرت الصف صارت وحدة ثانية اسم الله عليها، فعلا الياهل ما يمثل اذا مو مرتاح يبين عليه على طول و عسى الله يتمم على عيالنا و يتمون يحبون المدرسة

 

[caramella]

عليها بالعافيه بالهدوم بمر إنشالله آخذ حق ولدي
آنا قالت لي الساعه 11 عيل بروح 10.45 وأنطر ما يضر ولا إنه ينطر مشكورة عالتنبيه

 

[Fouz]

الله يعافيج كاراميلا، انا عطوني ورقة ان الروضة يطلعون 10:45 هذا الكلام الأكيد و على رايج ننطر و لا اهما ينطرون

 

[caramella]

يا حبيبتي بنيتج زين تلاحقتيها و عرفتي شسبة صياحها إي عاد كلش ولا الصراخ آنا جذي ولدي متعود عالهدوء لأن ا عندي الا إهو ولا أكو أحد إداقله وإناشبه فيتعب لما نروح الزواره لأن إعيال إختي إسمالله عليهم لويه وولدي حده حساس لما إعر عليهم إهدهم إقول بس ما أبي العب معاهم عورو راسي

 

[Fouz]

الله يحفظه لج ياربي نفس حالة بنتي وحيدة و ريلي بعد وحيد فما عندها احد، بس بزوارة بيت أهلي مرات تتضايق و تقول سوولي مشاكل هههه، عسى الله يحفظهم و يسخر لهم مدرساتهم يارب

يالله انا أستأذن يالله يمجيني أشبع نوم، تصبحون على خير

 

[Fouz]

أشكره فيني نوم يمجيني = يمديني