تجمع امهات العالمية الامريكية

[ملكة بيتها]

مروو...مايشوفون شر أبو العيال وولدج
فوز سلامتها البنوته ما تشوف شر
صج صج الجو جو أمراض

 

[mr000]

فوز بعد عندج قصر النخيل هم يوصل ومع المشاوي سلطات وورق عنب وحمص وهالشغلات! بس والله ماعندي رقمهم

 

[bella bambina]

هلا والله بيلا
الشر ماييج ان شاءالله، و مشكورة على الاقتراح ماقصرتي أطلب منهم و اييني جاهز لان ما فيني شدة كلش
و تصدقين مترددة اروح المستشفى اخاف اجني على بنتي و على روحي و على اللي في بطني اذا زحمة، بشوف اذا دكتورها موجود انطر بالسيارة و ادخل سيدة على الموعد مو أحسن؟

اي أحسن تنطرين بالسيارة آنا دايما أسوي جذي

 

[ReeMaN]

مرو وفوز الف سلامات مايشوفون شر عيالكم ...اى من هالجو الله يعينا عليه صج مو وقته بروحنا نحاتى انفلونزا الخنازير حتى العطسه العاديه قلنا وراها خنازير

 

[mr000]

هلا والله ريمان اشلونج أي والله آنا تعقدت كلما قال ولدي بطنه يعوره وشفته يكح قلت أكيد تعادى من المدرسه مع أنه طول عمره يكح لأنه فيه حساسيه بصدره بس هالفتره قمت أوسوس! آنا قمت أشتري أدويه أشكال وألوان وأحط بالبيت لأنه روحة المستوصف كلش ماتسوى زحمه وتخافين أحد فيه شي يعدي وبس يضيع وقته وهو بيدرس وعنده واجبات!

 

[umhomood]

السلام عليكم امهات اشلونكم ان شاء الله الامور طيبة0000 سلامات مروو مايشوفون شر زوجك وولدك 0 فوز سلامة بنتك ماتشوف شر 00 حبيت اسال مو جنه عطلة راس السنة قللوا الايام اتصور العام كانت شهر تقريبا ؟

 

[umhomood]

ممكن امهات تكتبون عن المدرسات اللى درسوا عيالكم ورايكم فيهم ؟بالنسبة لى راح اقولكم بالبداية عن اللى درسوا ولدى حمود من اول سنة للحين وهو الحين فى صف سابع 00 اولا بالنيرسرى درسته مس انجلكا ومساعدة مصرية كندية سافرت مو موجودة وكانت مس انجلكا ام ثانية لولدى وممتازة كمدرسة 0 فى كى جى ون مس ليان ومس ريتا وهذيل بعد حنونين وممتازين 0 فى كى جى تو مس سارة بورسلى ومس ساندرا وكانوا ممتازين بعد والعربى اكيد ابلة عصام الله يعطيها الصحة؟؟؟ يعنى راى فيهم فى المرحلة التمهيدية مثل ما يقولون انهم ممتازين وراضية عنهم واذكرهم بالخير000

 

[umhomood]

اقولكم عن تجربتى كام بعد ما راح ولدى حمود غريد ون يالله ضعت وتعبت وايد كان الوضع يفرق بوايد عن مرحلة الروضة اللعب والسهالة خلاص دش ولدى مرحلة الجد وللاسف كانت مرسته وقتها مس ترك عانيت منها وايد وما كانت بمستوى مدرساته قبل وصعبة والحمد لله المدرسة ما جددوا عقدها 00 على فكرة امهات هذا راى الخاص والشخصى فيها يمكن غيرى لا 00 المهم مثل ما قلت ضعت وقمت اخبط دخلت حمود اكسفورد اللى بالشعب البحرى وكان توه فاتح وما استفاد وحطينا مدرسين وخسرنا فوق اللى دفعناه للمدرسة وانا عارفة انى طولت عليكم بس هذا كان سبب فى ضعف مستوى ولدى بالمدرسة فى البداية 00 الحمد لله الله عوضه وعوضنا بمدرسة غريد تو مس فرجينيا وكانت متعاونة وايد وساعدت ولدى والحمد لله صار احسن وانا اقدر هالمدرسة واحبها 00 فى غريد 3 كانت مس جودى واهى الحين فى بلدها سافرت من احسن المدرسات اللى فى المدرسة وقوية فى التدريس وحنونة 00 فى غريد 4 مس ليونى ممتازة ويوم الخميس تكافىء طلبتها وتحط لهم فلم وبوبكورن واهى فى التدريس وايد وايد زينة فى غريد 5 مس تامى وهذى كانت تدرس كى جى تو واهى اللى طلبت تروح فوق وراى فيها يابخت اللى تدرس اولاده00فى غريد 6 مستر غبريال واهنى لازم اوضح شىء انه اذا الولد ما يتعاون مع المدرس ما راح يكونفى نتيجة او فايدة 00الحين اهو فى غريد 7 نفس طريقة غريد 6 صفوف متنقلة وكل مادة مدرس ويارب يوفق ولدى ويوفق عيالكم وبناتكم اللهم امين0

 

[umhomood]

اعذرونى على الغلطات من كثر ما كتبت 00 مروو لاتكثرون ادوية انتى والامهات ترى انا كنت مسوية نفسى دكتورة وياما عطيت عيالى اشترى ادوية من الصيدلية واعطيهم بس علشان ما اروح المستشفى يكرهون شىء اسمه طبيب 0

 

[QUMAR]

ReeMaN :
ايه حبوبه اتوقع فيه لهم كراتيه وسباحه
مو ذاكره لأن عيالي ماكانو يبون يشتركون
راح يوزعون عليكم ورقه بالأنشطه بس أتوقع ماكو بهالفتره عشان المرض الله يكفينا الشر

 

[QUMAR]

وااااي ماشاء الله عليكم
مو قادره الحق عليكم بالساعه اللي اشبك فيها
ماشاء الله وااايد صفحات طايفتني

mr000: لا باس علي بو العيال اجر وعافيه طهور ان شاء الله

umhomood: ابله عصام الله يعطيها الصحه
معاصرينها من لمن كانت المدرسه بمنطقة سلوي
بس جنه هالأيام ما اشوفها مادري وين راحت
ومس ساره بورسلي تينن تينن تينن
كانت عند بنتي بغريد ون اول السنه والحين حسافه نزلوها كي جي

 

[bella bambina]

هاي أمهات آنا بنتي اللي بخامسة درستها مس كولين بالحضانة وبكي جي 1وكانت ممتازة بس سافرت وبكي جي 2 مس سارة ومس ساندرا فوق الممتازين ودرستها بغريد 1 مس ماريسا وكانت زينة وبغريد 2 مس هامبتون وكانت تينن وبغريد3 مس كوردس مو ذاك الزود كانت على طول ترد مو فاهمة الرياضيات مع ان بنتي شاطرة وبغريد 4 كان مستر سكوت فوق الممتاز بس سافر والحين تدرسها مس تامي بغريد 5 وولدي درسته مس أنجيليكا بالحضانة كانت معظم السنة غايبة لأنها كانت حامل وبكي جي 1 مس ليان كانت زينة وبكي جي 2 مس سيسي بالها مو طويل مع اليهال ومسوية الصف عسكرية وولدي وايد حساس فكان يخاف منها والحين يغريد 1 مس نيكي شايفته حابها ومستانس عليها وبنتي الصغيرة كانت العام بالحضانة عند مس أمل وايد حليوة ومناسبة حق طلبة الحضانة

 

[QUMAR]

bella bambina : ضحكتيني علي مس سيسي
مسويه الصف عسكريه
كااااااااااااااااااك
والله يبتيها عدل
أنا سبحان الله ربي حط حب ولدي بقلبها تموت عليه بس بنتي وايد تكش منها
مثل ما قلتي بالها مو وسيع مع اليهال

 

[روحي تحب]

السلام اشلونكم أمهات!! حسافه ماشفت أمس يقولون بقناة الوطن كانوا مقابلين دكتوره عيالها كان حايشهم انفلونزا الخنازير عاد يقولون عيالها اللي كانوا بالعالميه 2 بنت وولد وتالي انتقل حق أخوهم الصغير سنه وشوي! ألحين اعتقد بمدرسة الخليج بعد طالع عندهم 2 آنا سمعت بالأخبار أن 4 حالات يديده بمدارس خاصه قلت الله يستر عسى مو العالميه بس طلع 2 منهم بالخليج هذا اللي قريته بتجمع مدرسة الخليج! المشكله أنه ينتشر بسرعه يعني اشدعوه وصل عدد الحالات بالكويت 2886!

السلام عليكم شلونكم امهات ....آنا من تجمع امهات الخليج ..وحابه استفسر منكم شلون تعاملتوا مع ظهور حلات الانفلونزا

بمدرستكم لانه الحين طلعت حالات بمدرسة عيالي وبكلاس ولدي بعد يعني انتوا غيبتوا عيالكم ولا خليتوهم يستمرون بالدراسه

ويريت تعطوني رايكم ؟؟ لانه آنا بصراحه ام محتاره ومااشوف ذاك الحرص بالمدرسه يتعاملون كانه الوضع عادي يعني اللي

سمعته انه يعقمون الكلاس وجذيه وولدي يقول ماصار شئ من هذا وعلى فكره ولدي بyear5 يعني واهي عدل للي صير

ومشكورين وماقصرتوا مقدما :blueSmCLR:

 

[سيدة الكويت]

شلونكم بنات تجمع العالميه

تعرفون مدرسين زينن لماده الرياضيات طبعا بالأنجلش

موفقين

 

[umhomood]

قمر ابلة عصام بركة المدرسة مدرسة طيبة وحبوبة وحنونة لما درست ولدى حمود استفاد منها لان صحتها كانت احسن بس كليتها فى ولدى الصغير ما استفاد منها شىء لانها كبيرة وبصراحة الدراسة ما فيها مجاملة ولدى سليمان ما يعرف الاحرف عدل 00 على فكرة اهى تصرف على عيال اخوها المتوفى ومسؤولة عنهم ويمكن هذا السبب انه ما استغنوا عنها للحين 00ريلى شافها يقول طفت يمها وما درت عنى وعيالى يقولون شافوها هالسنة يعنى موجودة ان شاء الله 000 بيلا مس سارة بورسلى تهبل اسمعيها لما تتكلم عربى تونس والله يحلوهم هالمدرسات 00

 

[mr000]

السلام أمهات اشلونكم!مشكورين أختي قمر وأم حمود الشر مااييكم !اشلون عيالكم مع المدرسه! أم حمود ما يابلج ولدج ورقة مواعيد اختبارات العربي والدين آنا ولدي عنده ب 21/10 و25/10 بس ولدي كلش مو مرتاح من مدرسة العربي وفاء يقول نفسيتها موشي وأسلوبها كلش مو حلو كان يحب مستر عمر اللي درسه ب7 عربي ودين! بس والله فاتتكم مس أسينبيرج مالت الرياضيات كانت العام تدرس 7 ممتازه ممتازه خلت ولدي يحب الماث واييب درجات عاليه بس حسافه هالسنه دزت لنا أيميل أنها ماتدرس اعتقد صارت رئيسة قسم الرياضيات حق الميدل سكول على فكره هي زوجة الناظر مستر أسينبيرج أقول حق ولدي يمكن مو زوجها يقولي بلى هو كل يوم الصبح اييبلها كوفي وموفن من ستاربكس بالصف:ggdw: بالنسبه حق السوشيال العام وهالسنه نفس المدرس مستر شيكري علبالي مصري بس طلع من ساوث أميركا والساينس اللي درسوه العام ب7 أثنينهم طلعوا من المدرسه وهالسنه مدرسه هنديه أسمها مسز ماثيو والانجلش مستر ألمان ولدي يقول أنه زين طبعا العام تلعوزوا بالانجلش كانت تدرسهم مس ساره الغربللي الله يسامحها خسبقتهم كله غايبه ومسافره ولي الكورس الثاني وهم مابقى أحد بالمدرسه مايي درسهم بدالها مره الأخصائي ومره وحده من غريد 6 وخسبقه لي خلصت السنه لأن مس ساره استقالت بشهر 4 طبعا قبل غريد 7 ولدي ماكان بالعالميه!!

 

[mr000]

أختي روحي تحب والله بالنسبه حق انفلونزا الخنازير آنا شخصيا ماسويت شي يعني ماقدرت أغيبه خفت تفوته دروس وامتحانات بس كنت أوصيه يغسل أيده ويستخدم المعقم بس ماكان يرضى يلبس الكمام مع أن عندهم طلبه يلبسون! وبس والله سلامتج هذا آنا ليلحين أحاتي وأوسوس كلما شفته يكح أو بطنه يعوره وكل يوم أشوفه فيه حراره وألا لأ بس والله ماغيبته ولايوم!!

 

[umhomood]

مروو اعذرينى باكر ارد عليك بالنسبة لامتحانات العربى 00 تدرين ان ابلة وفاء مدرسة العربى تجنن وحبوبة بس دايما اول السنة الامور ما تكون واضحة وملخبطة ان شاء الله يوم الاجتماع مع المدرسين يكون يوم 11 اكتوبر ويارب ما يلغونه راح نشوفهم ونتعرف عليهم اكثر 00 تدرين مروو العام حمود كان يشكى من مدرسة الماث ويبكى علشان حاطة عليه وتحرجه جان اتصل بالمدرسة الصبح مبكر وكلم مدرسة الفرنسى العربية اذا مو غلطانة كانوا يخلونها ترد على الاهالى وشكاويهم الحصة الاولى وطلعت اللى بقلبى ووصيتها تكلم مدرسة الماث وتقول لها اللى قلته او تكلمنى وان نتيجة تصرفها ان ولدى راح يكره المدرسة والماث واذا ما فى فايدة راح اكلم البرنسبل انا او زوجى تدرين شنو صار ؟؟؟ تغيرت 180 درجة بس ما اقصد خافت لكن اللى كلمتها كانت شاطرة وعاقلة 00

 

[روحي تحب]

أختي روحي تحب والله بالنسبه حق انفلونزا الخنازير آنا شخصيا ماسويت شي يعني ماقدرت أغيبه خفت تفوته دروس وامتحانات بس كنت أوصيه يغسل أيده ويستخدم المعقم بس ماكان يرضى يلبس الكمام مع أن عندهم طلبه يلبسون! وبس والله سلامتج هذا آنا ليلحين أحاتي وأوسوس كلما شفته يكح أو بطنه يعوره وكل يوم أشوفه فيه حراره وألا لأ بس والله ماغيبته ولايوم!!

اختي مروو......مشكوره و عساج على القوه والله يطمنا كلنا احنا وباجي الامهات يارب ويحفظ عيالنا من كل شر